--------------------------------------------------------
Hiqet kryqi nga Kryqi i Kuq. Ne vend të tij një "kristal". Vendimi u bë zyrtar gjatë natës midis të mërkurës dhe të enjtes në konferencën ndërkombëtare të vendeve që kanë firmosur Marrëveshjen e Gjenevës.
Në mbledhje u caktua kristali i kuq si emblema e re e organizatës. Në këtë mënyrë i hapet rruga hyrjes së Izraelit në lëvizjen humanitare ndërkombëtare. Izraelianët, prej 60 vjetësh, kërkonin që të përdorej ylli i Davidit si simbol i fesë izraeliane, ashtu sikurse kryqi dhe gjysëmhëna janë simbolet e krishtërimit dhe islamizmit.
Për të shmangur mosmarrëveshjet me karakter fetar u vendos të zgjidhej një simbol që, në rast konfliktesh ose krizash ndërkombëtare, të jetë i njohur dhe i respektuar nga të gjithë.
Vlen të theksohet se ky vendim nuk ishte unanim. Kundër këtij vendimi votuan Vendet arabe dhe myslimane.
Ratifikimi i vendimit do të bëhet në një konferencë të Kryqit të Kuq dhe Gjysëmhënës së kuqe për amendimin e statuteve.
--------------------------------------------------------
Krijoni Kontakt