Kam lidhur dy kompjutera, vetëm njeri futet në Internet

[Imperator]

Pershendetje eksperte dhe gjithe te tjeret!

Kam disa probleme me internetin ketu. Kam 2 pc te cilet jane te lidhur te dy me internetin me ane te modemit ku secili ka vendin e tij ne modem. Problemi qe kam une eshte se kur bej ping -t www.google.com njeri pc me nxjerr qe ka linje interneti ndersa tjetri me thote request time out.

Gjithashtu kam te instaluar dhe dy programe p2p per shkarkimin e muzikes, njeri eshte Ares e tjetri LimeWire por asnjeri nuk gjen asgje kur fus ndonje kengetar apo kenge apo çdo gje tjeter ne kerkim.

Nese do me ndihmonit ne lidhje me kete do ua dija shume per nder.

Imperator

[Ardi_Pg_ID]

Ca lloj modemi ke ... ki i ke lidhur kompjuterat me modemin, a ka modemi DHCP server apo perdor ip static, e ka bere kete problem qe ne fillim apo punonin me perpara. cfare lloj operating sistem perdor ... Jep keto te dhena te maresh nje pergjigje

Ardi

[Imperator]

Ne modem jane te shkruara kaq:

TE100-S5P+
10/100 Mbps Ethernet Switch

Perdor IP static, me perpara punonin ne rregull, tani e ka bere kete problem. Perdor Windows XP Profesional ServicePack 2.

E bukura eshte se edhe ai qe nuk tregon ping ka internet, vetem se thote request time out, por faqet e internetit hapen normalisht. Ato qe nuk punojne jane programet p2p, nuk japin asnje rezultat ne kerkim. Nese do me ndihmoni dot shume flm.

Imperator

[edspace]

Pajisja TE100-S5P është çelës/suiç (switch), jo modem. Çelësi kryen punën e një postieri; lexon adresën MAC (physical address) të zarfeve dhe i drejton zarfet në portën e kompjuterit me atë adresë. Pra, çelësi nuk është fare në dijeni të adresave IP.

Adresat IP njihen nga rauteri, i cili lidhet me Internetin dhe me çelësin. Rauteri është pajisje ndërlidhëse që lidh rrjetin e jashtëm (Internetin) me rrjetin e brëndshëm (atë të kompanisë që të jep Internetin).

Edhe njëherë, lidhja është e tillë:

	---------------
	   Interneti
	---------------
		|
		|
		|
	---------------
	     Rauteri
	---------------
		|
		|
		|
	---------------
	      Çelësi
	---------------
		|
		|
		|
	-----------------
	|		|
	|		|
	|		|
    --------	    --------
     Komp 1	     Komp 2
    --------	    --------

Kompanitë e Internetit (ISP) i konfigurojnë rauterat me një listë adresash MAC që lejohen të futen në Internet. Me sa duket, një prej kompjuterave të tu është në atë listë, ndërsa tjetri nuk është. Për t'i lidhur të dy kompjuterat në Internet ke dy mundësi: e para është të kontaktosh kompaninë dhe t'u thuash që do të lidhësh dy kompjutera, dhe e dyta është të ndash atë lidhje që ke duke e zëvendësuar çelësin me një rauter.

Për mundësinë e parë ISP mund të të kërkojë të paguash më shumë, ndërsa për të dytën duhet të blesh rauterin. Lexo temën Ndarja e Internetit me DSL/CABLE në disa kompjutera për të mësuar më shumë rreth rauterave dhe konfigurimit të tyre. Nëse rauteri të duket tepër i shtrenjtë, rolin e tij mund ta luaj një prej kompjuterave, por kompjuteri që do luaj rolin e rauterit duhet të ketë dy karta rrjeti. Për këtë të fundit, lexo temën Lidhja e dy kompjuterave me kabëll të kryqëzuar.

Për të vërtetuar që ISP ka lejuar vetëm një prej kompjuterave, mund të ndryshosh adresën MAC të kompjuterit që nuk lidhjet me Internetin me adresën e kompjuterit që lidhet. Lexo temën Si të ndryshoj adresën MAC për të marrë programin që lejon ndryshimin e adresës MAC. Pasi ndryshon adresën, shkëpute kompjuterin që lidhej me Internetin, dhe lër vetëm atë që nuk lidhej. Pas ndryshimit, kompjuteri që nuk lidhej, do lidhet. Nëse kompjuteri vazhdon të mos lidhet edhe pas ndryshimit të adresës MAC, ka mundësi që të ketë ndonjë problem me konfigurimin statik. Përdo komandën ipconfig /all në të dy kompjuterat dhe vër re ndryshimet në konfigurim. Kontakto ISP dhe pyete se si duhet konfiguruar kompjuteri. Idealisht, konfigurimi duhet të jetë dinamik.

Programet p2p duhet të hapin porta të caktuara në rauter. Portat duhet të hapen nga vetë ISP, ose nëpërmjet teknologjisë UPnP që i lejon programet p2p t'i hapin vetë portat. ISP-të e bllokojnë hapjen e portave për programet p2p sepse e ngarkojnë shumë rrjetin dhe ngadalësojnë shërbimin për klientët e tjerë. Ekzistojnë disa programe që mundësojnë lidhjen nëpërmjet portave të tjera (që lejohen nga ISP), por nuk besoj se do gjesh një zgjidhje të pëlqyeshme. Megjithatë, lexo temën Portat e rrjetit të bllokuara nga ISP.

[Imperator]

Shume faleminderit edspace, tani do me duhet te ble nje modem dhe nese me punon ok, nuk ka asnje problem per çmimin, vetem me çudiste fakti se interneti eshte ne rregull, vetem se nuk pingon dhe eshte shume i ngadalte nderkohe qe paguaj per linje pak a shume te mire per ne Shqiperi.
Te uroj gjithe te mirat dhe faleminderit per ndihmen.

Imperator

[edspace]

Mos ngatërro modemin me rauterin. Disa pajisje mund të përfshijnë të dyja funksionet, por ty të duhet ta zëvendësosh çelësin me rauter, jo me modem.

[P@R4nOi@C_LorD]

Me qe ra flaja tek router , ca cmimesh kane?

[Olsir]

Ej a ka router te cilin mund ta konfigurosh dhe te vendosesh limitet per pc qe jan ne rrjet.Kuptohet me cmim simbolik jo nga ata qe bejn me mijra $.

[dardani8]

Ej a ka router te cilin mund ta konfigurosh dhe te vendosesh limitet per pc qe jan ne rrjet.Kuptohet me cmim simbolik jo nga ata qe bejn me mijra $.

Ka po si nuk ka.

Cisco-Router, lucent-Router e tjera.
Se sa kushtojne shiko ne google.

shnet