Shperbehet "Kthimi",per Serbet vendos Beogradi

[StormAngel]

Përfaqësuesit serbë të Kosovës po punojnë për një koalicion të ri nën urdhrat e Beogradit

Shpërbëhet “Kthimi”, për serbët vendos Beogradi


Faton Osmani

PRISHTINË – Përfaqësuesit politikë të serbëve të Kosovës janë duke punuar për formimin e një koalicioni të ri, ndërkohë që “Povratak” pritet të shpërbëhet. Kështu njoftoi shefi i grupit parlamentar të “Povratakut”, Dragisha Kërstoviq. Në anën tjetër, ai e vlerësoi pozitive thirrjen e djeshme të kryeministrit Rexhepi drejtuar serbëve, por shtoi se për këtë vendos Beogradi. Kërstoviq paralajmëroi se në koalicionin “Povratak” mund të priten ndryshime në strukturën e saj udhëheqëse, dhe saktësoi se edhe vetë është duke shqyrtuar mundësinë të largohet nga ky koalicion. “Nuk e di se ku do të qëndroj në të ardhmen, në “Povratak” apo diku tjetër, sepse ende nuk e di se si do të jetë ajo struktura e re politike. Është duke u diskutuar për një koalicion tërësisht të ri, por nuk dua të jap më shumë detaje…Edhe për këtë do të vendoset në Beograd”, -tha ai. Shefi i grupit parlamentar të koalicionit serb “Povratak” (Kthimi), duke komentuar thirrjen e kryeministrit Bajram Rexhepi drejtuar serbëve të Kosovës për pjesëmarrje në zgjedhjet e vjeshtës, tha se ky hap është pozitiv, “por sikur herëve të tjera për serbët e Kosovës do të vendosë Beogradi”. “Personalisht, unë e çmoj thirrjen e kryeministrit Rexhepi, dhe mendoj se është një veprim shumë i mirë politik nga ana e tij. Megjithatë, nuk mendoj se serbët në bazë të kësaj thirrjeje do të ndryshojnë vendimin e tyre, mendoj se për këtë rast sikur edhe më herët, do të dëgjojnë politikën e Beogradit zyrtar”, -u shpreh ai. Ai tha se vendimi për pjesëmarrjen ose jo të serbëve në zgjedhjet e Kosovës definitivisht do të qartësohet dhe vendoset deri më 12 gusht. Kërstoviq u shpreh shumë skeptik se vendimi i Beogradit do të ndryshojë deri atëherë. Qeveria e Serbisë javë më parë u ka dërguar “porosi” serbëve të Kosovës që të mos marrin pjesë në zgjedhjet parlamentare të vjeshtës, përderisa “Plani i Serbisë” për zgjidhjen politike të situatës në Kosovë nuk pranohet.
Rexhepi, thirrje serbëve
Kryeministri i Kosovës, Bajram Rexhepi, përmes një thirrjeje publike ftoi dje të gjithë qytetarët e Kosovës, e në veçanti ata të komunitetit serb, të marrin pjesë në zgjedhjet parlamentare të 23 tetorit. “Si kryeministër i Kosovës, në përpjekje për të dhënë ndihmesën maksimale në mbajtjen e zgjedhjeve sa më gjithëpërfshirëse, i ftoj të gjithë qytetarët e Kosovës që të marrin pjesë në zgjedhjet e përgjithshme parlamentare”, -thuhet në thirrjen e Bajram Rexhepit. Numri një i qeverisë i bëri thirrje në veçanti komunitetit serb, që ta përdorin këtë mundësi demokratike e të shfrytëzojnë të drejtën e tyre të ligjshme për të votuar, si mundësi kryesore institucionale për të bërë ndryshime thelbësore në jetën e tyre ekonomike, politike dhe sociale. “Merrni pjesë në zgjedhjet e përgjithshme parlamentare të 23 tetorit! Vota juaj është votë për të ardhmen tuaj dhe për vendin tuaj në institucionet e Kosovës”, -thotë në fund kryeministri Rexhepi, në letrën drejtuar qytetarëve të Kosovës. Kjo thirrje e kryeministrit kosovar vjen vetëm disa ditë pasi shefi i të ashtuquajturës Qendër Koordinuese e Serbisë për Kosovë, Nebojsha Çoviq, u bëri thirrje pakicës serbe në Kosovë që të mos marrin pjesë në zgjedhjet e sivjetme. Çoviq ka thënë se dalja në zgjedhje legjitimon multietnicitetin, që sipas tij “në të vërtetë nuk ekzsiton”. Komisioni Qendror Zgjedhor (KQZ), për zgjedhjet e sivjetme parlamentare ka çertifikuar 33 subjekte politike, në mesin e tyre edhe dy parti politike serbe, Gradjanska Iniciativa Srbija, e udhëhequr nga Slavisha Petkoviq dhe Koalicija Snaga Srbije - SPOT (PSS-SPOT). Ndërsa koalicioni “Kthimi” nuk ka aplikuar fare

[StormAngel]

Mbi 70 % e shtëpive të dëmtuara gjatë marsit janë duke u riparuar, dhe procesi pritet të përmbyllet në tetor.

Brayshaw porosit serbët të kthehen dhe të marrin pjesë në zgjedhje


Faton Osmani

FUSHË-KOSOVË – Ushtruesi i detyrës së shefit të UNMIK-ut, Charles Brayshaw, ka porositur serbët e zhvendosur gjatë trazirave të marsit që të kthehen në shtëpitë e tyre dhe të marrin pjesë në zgjedhjet parlamentare të tetorit. Ai po ashtu kërkoi nga serbët që të pranojnë përpjekjet që po bëjnë udhëheqësit politikë shqiptarë për krijimin e besimit dhe punën në rindërtimin e objekteve të shkatërruara. Ai i bëri këto komente gjatë një vizite në Fushë Kosovë, së bashku me ministrin e Kulturës, Behxhet Brajshori, i cili udhëheq komisionin qeveritar për rindërtimin e shtëpive të shkatërruara gjatë marsit. “Porosia ime për të zhvendosurit nga trazirat e marsit është që të pranojnë se këto përpjekje janë duke u bërë në emër të tyre... dhe të pranojnë se udhëheqësit e përgjegjshëm politikë shqiptarë janë duke punuar që ata ta kenë një ambient të sigurt për kthim”, -u shpreh Brayshaw. Sipas tij, rezultatet konkrete për krijimin e ambientit të sigurt për kthim, tregojnë edhe statistikat e numrit në rënie të krimeve ndëretnike pas trazirave të marsit. Ai tha se kjo reflekton dy elemente të rëndësishme, përpjekjen e ndërkombëtarëve dhe posaçërisht të liderëve politikë shqiptarë, të cilët janë angazhuar kundër këtyre krimeve. “Kam kuptuar se 71 % e shtëpive të cilat janë dëmtuar gjatë marsit, janë riparuar ose janë në proces të rindërtimit, dhe kemi mundësi që këtë projekt ta kompletojmë gjatë kësaj vere. Ende përballemi me vështirësi të rivendosjes së besimit, por dua t’i bind të gjithë komunitetet, se UNMIK-u dhe KFOR-i punojnë për një ambient të qetë dhe të sigurtë për të gjithë”, -pohoi Brayshaw. Behxhet Brajshori, udhëheqës i komisionit për rindërtimin e shtëpive të shkatërruara gjatë marsit, njoftoi se puna në terren është e kënaqshme, e po ashtu edhe dinamika me të cilën po punohet. “Besoj se programi i rindërtimit të shtëpive do të mbarojë gjatë muajit tetor. Ky është një program i cili ndërton edhe më shumë besimin në mes të komuniteteve në Kosovë dhe serbët patjetër duhet të marrin pjesë në zgjedhjet e tetorit”, -tha ministri. Për dallim nga statistikat e UNMIK-ut, ministri Brajshori tha se rreth 82 % e objekteve që janë dëmtuar gjatë marsit, ose janë kryer ose janë në fazën e rindërtimit, dhe një numër i vogël është në fazën e kontraktimit dhe përgatitjes teknike.

[Llapi]

Postimin e barta tek nji tem e ngjashme:

http://www.forumishqiptar.com/showth...274#post648274