Si ftillohet ekzistenca e së keqes?

[Skerdi Sika]

Unë jam agnosticist, që dtth se mendoj se pyetja se a ekziston një kuptim a jo - dakord pra, a ekziston Zoti a jo - është jashtë kontekstit njerëzor.

Megjithatë, mund të shprehem lirisht që s'besoj në Zotin monoteist, atë të hebraizmit, të krishterimit e të islamit, që pandehet se është i gjithëdijshëm, i gjithëpushtetshëm, e krejtësisht i mirë. Sikur të ishte ashtu, ahere si spjegohet fenomeni i të keqes? Zoti, pra, si i gjithëdijshëm, e dika që e keqja ekziston; si i gjithëpushtetshëm, ai paska mundësi ta kurdisë botën ashtu e mira të ekzistojë pa pasur nevojë për të keqen; madje, si krejtësisht i mirë, ai do të duhej ta kish kurdisur botën ashtu qysh prej zanafillës. Diçka mua s'po më del hesapi...

Si ia ftilloni vetes ju besimtarët ekzistencën e të keqes?

[Albo]

Lexo kete teme nese do te njihesh me kendveshtrimin e Krishtere ne lidhje me pyetjen qe ke bere ketu

Aty do te gjesh te renditur edhe pergjigjen time per pyetjen qe ti ke ngritur, ose mund te klikosh ketu e ta lexosh direkt.

Albo

[Julius]

Mos harro Skerdi se e keqja nuk buron nga zoti por nga njerezit, e keqja ndoshta eshte ''cmimi'' qe ne duhet te paguajme per te qene te lire.
Po te vesh re te te gjitha fete bashkeekzistojne dhe e mira dhe e keqja, nga ana tjeter e keqja eshte mos ekzistenca e te mires pra e zotit. Kur njeriu nuk gjen dot Zotin perballet me mungesen e tij pra me te keqen. Ne lidhje me besimin pyetja ime do te ishte: Pse Zoti na krijoi ne menyre te tille qe te mos besojme tek ai? C'do krijues pergjigjet per te metat dhe mangesite qe mbart krijesa e tij.
Kesaj pyetje nuk kam mundur t'i pergjigjem, megjithese besoj te Zoti. Ndoshta truri yne nuk arrin te kuptoje ashtu si nuk mund te imagjinoje p.sh nje hapesire 5 dimensionale.
"Gjeja me e madhe qe mund te arrije njeriu eshte te dije kufijte e mendjes se tij" ka thene Aristoteli-mendoj se ka te drejte.

[Skerdi Sika]

Fillimisht dua t'u lutem besimtarëve që këtu të mos përdorin argumente rrethore të tipit "Zoti është i mirë se ashtu shkruan te Libri"; a "Zoti s'bën keq, pse kjo do ta mohonte që Zoti është i mirë"; etj etj qyfyre të këtij lloji. Nëse s'kanë argumente tjera, atëhere u lutem të mos shkruajnë fare. Ky soj i argumentimit, përpos që tregon prirje për gjykime të mangëta dhe fanatizëm, është njëherit edhe fyerje e inteligjencës njerëzore. Unë e kam zakon të mos u përgjigjem argumenteve të tilla; por për hir të respektit që kam për këtë kuvend, do ta bëj një -por vetëm një!- përjashtim, kësaj radhe.

I kam lexuar me kujdes përgjegjet që më janë ofruar, u flm atyre që kanë marrë mundin t'i shkruajnë. Atyre u bën nder që kanë përdorur argumentet klasike; d.t.th. ndër argumentet absolutisht më të forta të monoteizmit. Mjerisht, këto argumente, sikur është dëshmuar sa e sa herë me këto e me argumente tjera të hipotezës monoteiste, s'i bëjnë dot ballë ekzaminimit me logjikë kritike.

Në përgjithësi, mua më duket që përgjegjet janë kundërthënëse, që d.t.th. se bijnë në kundërshtim me një a më tepër nga tri (3) pandehmat bazë të monoteizmit, që supozon se ekziston një qenie e përsosur (Zoti) që është a) i gjithëdijshëm, b) i gjithëfuqishëm, dhe c) krejtësisht i mirë.

Nga tërësia e përgjegjeve të dhëna, unë kam mundur t'i shtrydh 6 pista të ftillimit të së keqes. T'u vemi me rend, përgjegje e kundërpërgjegje:

1) E keqja është pa bazë; vete kundër b) gjithëpushtetit të Zotit. Religjioni supozon se ka një Zot që i ka krijuar të gjitha; rrjedhimisht duhet të supozojmë që e ka krijuar edhe Djallin dhe të keqen; ndryshe del që paska forca tjera që krijojnë jashta Zotit.

2) E keqja është mungesa e të mirës, si terri që është mungesa e dritës; vete kundër b) gjithëpushtetshmërisë së Zotit, ai ka pushtet gjithandej, a) gjithëdijes së Zotit, ai e di nëse mungon diku, dhe c) ai është krejtësisht i mirë, nëse e di që mungon diku ai vete atje përnjëherë.

3) E keqja vjen nga respekti për vullnetin e lirë të njeriut; vete kundër që të 3 parimeve; a) një Zot i gjithëdijshëm i di kufizimet e njeriut; b) ai ka pushtet ta sajojë një botë pa tundimet që i kapërcejnë ato kufizime; dhe c) si krejtësisht i mirë, ai do të duhej ta kish vepruar kështu që prej fillimit.

4) E keqja bën pjesë në një plan më të lartë të Zotit; vete kundër b) një Zot njëmend i gjithëfuqishëm do të mund të sajonte plane edhe pa ingredientin e të keqes.

5) Zoti përdor të keqen si instrument për të sjellur të mirën; vete kundër b) një Zot njëmend i gjithëfuqishëm s'do të kishte nevojë ta përdor të keqen. (Eventualisht edhe kundër 3) nëse s'ka nevojë, por megjithatë e përdor, ahere Zoti qenka i keq).

6) Argumenti ca bizar, se ai e përdor se kështu qenka shkruar/thënë, te p.sh. Mateu 26:52-54 apo te suret gjegjëse në Kuran, e te pasazhet e Besës së Vjetër; vete kundër që të 3 pandehmave: a) një Zot i gjithëdijshëm do ta ketë ditur se ç'thotë, b) ai, si i gjithëpushtetshëm, ai mund të kish thënë ndryshe; dhe c) si i mirë, ai *duhej* të kish thënë ndryshe.

Përpos faktit se këto argumente, sikur që pamë më lartë, bijnë ndesh me pandehmat kyçe të monoteizmit, ato kanë edhe kundërthënie interne. Argumenti 1.) bjen ndesh me tërë tjerët; argumenti 2.) e mohon vullnetin e lirë të njeriut, andaj bjen ndesh me argumentin 3.); argumenti 4.) bjen poashtu ndesh me atë 3.); sidomos argumenti 5.) për të keqen si vegël të së mirës është krejtësisht ndesh me atë 3.) që e hymnizon vullnetin e lirë të njeriut (argumenti 5.) është edhe më i pamoralshmi); kurse për atë 5.) mund të thuhet që është bizarr, madje edhe po ta matësh me kutin e religjionin.

Nëse këto janë të gjitha argumentet vetmbrojtëse që mund t'i pjell monoteizmi, ahere, Ladies and gentlemen of the jury, I rest my case.

[useid]

Per shume pyetje mund te lexosh edhe kete temen Islami dhe ateizmi
http://www.forumishqiptar.com/showth...threadid=23108

http://www.forumishqiptar.com/showthread.php?
s=&threadid=23017

[useid]

[O skerd nese ke dicka qe nuk te bind me co nje mesazh privat por desha te them se ne jemi krijesa dhe nuk i njohim mire urtesine e fenomeneve dhe krijimit qe Zoti ka krijuar sidomos ato qe nuk i njohin cilesite e tij.NE muslimanet nuk themi qe te keqen se krijoi Zoti dhe se ai ka krijuar vetem te miren.Por ne deshmojme se edhe te keqen dhe te miren i ka krijuar Zoti dhe me urtesi absolute nese ti do te meditosh bashke me mua ateher do te bindesh per kete.Eshte nje liber qe sme kujothet tittulli tani i cili flet per nje imazhicion nese njeriu nuk do te vdiste cfare do te ndodhte me te dhe a do ishte i kenaqur ai me kete gje.Pra nese e shikon vdekjen me syrin e krijese do te duket e keqe apo jo por nese njeriu nuk do te vdiste ai do lodhej nga vuajtjet e jetes nga perseritja e hostorive \njerzore monotonia do ta gllaberonte qenien e tij eshume analiza te tjera qe tani skam kohe ti permend. Atehere pse njeriu eshte krijuar qe te mekatoje .Kjo per vete faktin se nje nga cilesite e Zotit eshte qe ai eshte Fales Meshiruae Pendimpranues pra nese njeriu sdo te benete mekate Zoti do ti zhdukte dhe te binte nje popull qe bejne mekate dhe pendohen per mekatet e tyre.kjo eshte hadith nga muhamedi as Ku tregohet se shembulli i atij qe ben mekate dhe pendohet eshte si shembulli i atij qe smekaton fare.Pra egzsditon e keqja sepse do ti dihet vlera te mires dhe duhet te dish se nuk eshte kjo bote ajo te cilen pretendon te jete por kjo eshte mjet qe te kalosh ne ate bote te cilen ti thua sdua qe te kete te keqija pra drejt xhenetit .Kjo teme eshte shume e gjere dhe duhet qe te bisedojme me shume dhe fizkisht ne lidhje me kete teme sepse ndoshta nuk mund te me kuptosh ne te shkruar sepse iu humb vlera shume gjerave ne shkrim.Tani doja te thoja se shejtani e ka krijuar Zoti e vendosi ate ne xhenet \dhe kur i dha urdher engjeve qe ti binin sexhde ademit te gjithe engjet i rane pervec shejtanit i cili u hoq e te madh dhe tha mua me krijove nga Zjarri kurse ate nga balta dhe u tregua mendjemadh ndaj urdherit te Zotit dhe pati cmire ndaj njeriut.Dhe per kete u mallkua nga Zoti dhe ai tha o Zot me jep afat deri ne diten e kijametit.Zoti i tha i do te jesh prej te afatizurave duke ditur se cfare ai do te bente.Shejatni tha une do ti vij njerzvenga para dhe mbrapa nga e majta dhe e djathta dhe pak prej tyre do ti gjesh qe te besojne ty.Zoti i tha ti bashke me ata qe do te ndjekin ty do ti denoj ne Zjarr pergjithmone.Pra Zoti nuk eshte i padrejte POr vete shejtani i beri padrejtesi vetes se tij e dyta pervec padrejtesise se pare ai preferoi qe te beje nje padrejtesi tjeter e treta padrejtesia e tij nje dite do mbaroje dhe sado te kee me te keqe.Pra Zoti ty dhe shume te tjereve ne forum iu ka dhene vullnet ne zgjedhje dhe secili prej nesh ka nje shejtan dhe nje engjelle qe e theret ne te mire engjelli me urdherin e Zotit dhe shejtani qe e therret ne te keqe TI je ndjekes i ketyre thirjjeve tuaja per dite me vullnetin tend te lire nese ndjek thirrjen e negjellit besoje Zotin psh besoj se e eke vene re ndonjeher dilemen ne zgjedhje ta bej apo jo.KJo eshte per shkak te thirjes qe te behet ne zemer nga engjelli dhe shejtani e cila kalon ne tru ku perceptohet si e keqe ose e mire pastaj kalon prape ne zemer ku pranohet njera prej tyre dhe se fundi kalon prape ne tru ku i jepet urdher gjymtyreve per veprim tani ti nese ndejk engjellin qe te keshillon per mire ateher te ka ndihmuar Zoti te besh ate te mire nese ndjek shejtanin per ate te keqe vete e ke fajin per kete humbje te vetes tende ne zgjedhjen tende po prape Zoti nuk te ka lene ne kete gjendje ai edhe mbas humbjes tende te ka vendos pendimin per falje te humbjes se pare.PRa o skerd ka shume gjera qe do doja TI TREGOJA DHE TI SHPJEGOJA JO VETEM TY POR EDHE SHUME PJESTAREVE TE FORIMIT POR DO TE ISHTE ME MIRE NE NJE BISEDE PRIVATE SE KOHA SHKRONJAT DHE MYNYRAE PERCEPTIMIT NE FORUM TE LENE SHUME PER TE DESHIRUar/

[useid]

A dhe dicka qe duhet ta fiksosh nuk eshte kjo bota reale te cilen ti do ti japesh pergjigje pyetjes tende pse ka te keqe sepse ne xhenet nuk ka me te keqe por kjo bote nuk eshte qellim ne vetvete ose e ideale ajo eshte mjet ne te cilen ti e shfrytezon per te arritur idelaen xheenetin ose parajsen e cila eshte ideale kjo eshte bota e sproves dhe provimit me te cilen ti fiton ideale qe deshiron apo jo .
Per me shume mund te besh edhe replika Islami i jep pergjigje te gjithe pyetjeve te njeriut pervec kur ai do te kaloje ne ato gjera qe llogjika e tij nuk hyn dot psh pse Zoti na krijoi e dy kemeb dhe jo me tre ose Pse kjo keshtu ose ashtu duke shtytur veten me teper ne pyetje te kota imgjino sikur lopata nje dite ti thote kovacit pse me krijove eshte absurde apo jo edhe Zoti thone ne kuran
"Ato do te pyeten dhe Zoti nuk pyetet"
lexoje dhe kete temen nese ke mundesi dhe deshire.

http://www.forumishqiptar.com/showth...threadid=24587

[Skerdi Sika]

S'di ç'të them për këtë tiradën e Useidit. Doemos që ka zell të admirueshëm; por kjo mënyrë që e ka zgjedhur për ta shprehur vete direkt kundër asaj për të cilën jam lutur troç, pra që të mos ma ngarkoni këtë log kuvendi me citate. Duhet të jesh i verbër - ose fanatik i verbër! - që ta shkelësh lutjen time kaq brutalisht.

Megjithatë, e kuptoj që Useidi nuk bën sherr për inat timin, po pse kështu i thotë mendja se është mirë; ky problem është i rëndomtë me zellotët fetarë. Sidoqoftë, unë i flm për mundin që ka marrë; por le të them sërish! që do t'i isha *jashtëzakonisht mirënjohës* nëse nuk e ndërmerr prapë në këto forma, e në këtë log kuvendi.

Për t'ia dëshmuar Useidit që i kam lexuar me kujdes shkrimet e tij, i lutem ta lexojë postimin # 4: trajtimet rreth të keqes, të cilat Useidi ka kopjuar këtu, i kanë të gjitha 6 problemet e argumentuara më lartë, plus një të ri: atje ku thotë që intelekti që hulumton ekzistencën e Zotit është intelekt që "ka pushuar së punuari".

Në fakt, ky s'është më argument; po më tepër një kërcënim brutal e kufizim fyes për inteligjencën e njeriut. Si pandehmë, ajo është paksa çuditëse e kundërthënëse kur vjen nga një drejtim, që na e nxjerr vazhdimisht mu arsyen e intelektin si produkte finale të mëshirës së Zotit... mjerisht, më ka rënë të takoj tepër myslimanë, kristianë e hebrenj që ia lënë lamtumirën qytetërimit sapo t'iu vësh në pikëpyetje "të vërtetat" e tyre të padiskutueshme. Kur dikush të thotë budalla pse mendohesh rreth këtyre pyetjeve, s'është vështirë të marrësh me mend se ç'mund të ndodhë më tej. Delegjitimimit i pyetjes shpien te deligjitimimi i pyetësit, e në vijim edhe te demonizimi i tij: flakët, gurët, shpatat e thikat e fanatikëve fetarë në histori e edhe sot tregojnë qartë se ç'i pret ata të cilëve intelekti "u ka pushuar".

Tani e tutje, ju lutem të shkruani këtu vetëm nëse keni për të thënë gjë vet, me fjalët tuaja. Pra, nëse keni për të thënë diçka vet, urdhëroni thoni, *pasi të keni lexuar ato që janë thënë më lart, se rrezikoni të përsëriteni*.

Nëse keni citate që absolutisht doni të m'i rekomandoni t'i lexoj, m'i ofroni linqet që t'i klikoj vet po desha; po mos m'i impononi ato sikur që ka bërë Useidi.

Tashti besoj që mund të zbrapsemi atje ku e lamë: te tema, si dhe te argumentimet & kundërargumentimet te postimi #4.

[Albo]

Skerdi Sika, me lejo te te pyes ne lidhje me ato qe ke shkruajtur me lart:

Ne cilin qyteterim jeton ti Zoteri?

Cfare ke fituar ti me "inteligjencen njerezore" qe nuk kane fituar ata qe besojne ne Zot?

Si mendon, je ti qe rrotullohesh rreth botes, apo bota rreth teje?

A mund te njohesh te miren dhe te keqen, pa njohur te Verteten?

Cila eshte e Verteta qe ti ke mesuar ne jeten tende?


Albo

[leci]

skerdi sika

pyetja qe bere mbi te keqen eshte shume e drejte.
por nuk besoj qe nonjeri mund ta shpjegoje pse eksiston.
e keqja sundon sepse eshte brenda nesh.
e keqja eshte e fuqishme ndoshta sa edhe vete zoti.
na ndjell sepse ne jemi bijte e zotit.
nuk ka nevoje te citosh librat,nje pyetje e tille ngel pa pergjigje jashte kontestit te fese.
nje gje tjeter desha te them....
nuk mund te marresh perhere pergjigjet qe deshiron te degjosh.
atehere me mire fillo me monologun.
gjithe te mirat