Arrestohet Ballist Morina: Pistoletën e mbaja për vetëmbrojtje

[Darius]

Arrestohet Ballist Morina: Pistoletën e mbaja për vetëmbrojtje


Tifozi i kombëtares kuqezi Ismail Morina, i njohur si Ballist Morina është arrestuar nga forcat e policisë.

Policia ka arrestuar shtetasit Erion Bahushi, Denis Balla, Marin Rexha dhe tifozin e njohur të kombëtares Ismail Morina, i cili ka qenë duke drejtuar një makinë tip “Range Rover” kur është ndjekur nga Policia dhe në rrugën "Petro Nini Luarasi", është arrestuar së bashku me miqtë e tij.
Sipas policisë, gjatë kontrollit u gjetën dy armëzjarri pa leje. Një e lllojit Pistoletë "Zastava", me 6 fishekë, të cilën e mbante Morina në brez dhe një tjetër e gjetur në makinë. Makina rezulton në pronësi të vëllait të Ismail Morinës. Ngjarja ka ndodhur mbrëmë pas mesnate dhe 4 personat janë shoqëruar në komisariatin numër 1 të Tiranës. Policia ka sekuestruar 38 bileta për ndeshjen Shqipëri-Serbi dhe disa broshura (pa përmbajtje rraciste) që u gjetën në automjet




Morina ka thënë në komisariat se nuk kishte asnjë qëllim për të bërë diçka destabilizuese në ndeshjen me Serbinë dhe se pistoletën e mbante për vetëmbrojtje që pas incidentit me dronin, pasi sipas tij i rrezikohej jeta. Ballist Morina është njeriu që ngriti dronin në Serbi.



http://www.newsbomb.al/index.php/akt...r-vetembrojtje

[Darius]

"Tirana në flakë, po ndërhytë do ketë gjakderdhje”, shpërthejnë grupet ekstremiste të tifozëve pas arrestimit të Morinës


Disa grupe tifozësh ekstremistë kanë dërguar e-maile dhe ultimatume me përmbajtje kërcënuese në redaksinë e News24. Ata janë indinjuar së tepërmi me arrestimin e tifozit kuqezi Ismail Morina dhe thonë në e-maile se sot “Tirana do ndizet flakë” duke paralajmëruar edhe për gjakderdhje.
“Do ndizet Tirana flakë sot dhe turpi do bjerë mbi ju. Nëse ndërhyni mbi ne do ketë gjakderdhje. Nuk na shkel njeri. Jemi shqiptarë, ja vdekje ja liri. Pavarësisht masave, do e tregojmë veten”, janë këto pasazhe të shkëputura nga e-mailet e grupeve ekstremiste të tifozëve. Grupimet e “Njësiteve Guerrile” fajësojnë kryeministrin Rama, kreun e FSHF Duka, dhe të tjerë se janë duke manipuluar gjithçka rreth kësaj ndeshjeje. Ata kërkojnë lirimin e Ismail Morinës dhe shprehin keqardhje për arrestimin e tij. Televizioni njofton se ka vënë në dijeni Ministrinë e Brendshme për e-mailet dhe kjo e fundit ka thënë se po heton.

http://www.newsbomb.al/index.php/com...mit-te-morines

[skender76]

Futbolli duhet te hiqet me ligj ne Shqiperi..
Edhe baleti po ashtu...

Popull trim/bujar/paqedashes dhe i ndershem deri n'palce...

[Evian]

Mire qe eshte arrestu, filloi ta ndjente veten te rendesishem.
Shpresoj te mos degjeneroj loja serish, e gjithe bota na percjell sonte.

[Sayan2003]

Shqiptaret jon si bageti, njoni bo dicka dhe o burra mas tij. E para punes ballisti qe duke na mor n'qaf po thuj shyqyr zotit qe ceshtja kaloi ne apel dhe i morem piket.

Perderisa osht kap me arm le t'denohet. Kush osht ballisti qe t'ket tolerim?

[Duke_Of_Arberia]

Shqiptaret jon si bageti, njoni bo dicka dhe o burra mas tij. E para punes ballisti qe duke na mor n'qaf po thuj shyqyr zotit qe ceshtja kaloi ne apel dhe i morem piket.

Perderisa osht kap me arm le t'denohet. Kush osht ballisti qe t'ket tolerim?

Lloj lloj teorish sajoni mbrenda ores, sipas oreksit te rezultatit!

I shat ne korr lojtaret, jane te dobet etj etj... Kur paskan qene kaq te dobet, na paska bere nder Ballisti ne serbi me ate dronin!!!

Ne kemi futbollista mesatar, por qe japin maksimumin ne fushe! Mosha e re, mungesa e eksperiences ne te tilla ndeshje sjellin keto lloj rezultatesh. Me loje ishim mire nga fillimi deri ne fund, pavaresisht se mungoi goli.
Dhe ajo qe eshte me kryesorja keta futbollista nuk kane akoma automatizmat e duhura me njeri-tjetrin. Jane shume pak 'specialista' futbolli ketu, qe njohin te dhenat e lojterave te kombetares. A e dini se me perjashtim te Canes, Berishes dhe Lilas, te gjithe lojtaret e tjere kane me pak se 10 ndeshje me kombetaren?!

Pa e zgjatur shume, dua te them, se po ne specialistet e perhershem kur fiton kombetarja, jemi patriot ne korr dhe po prape ne qe i shajme me liber shpie kur humbim...

Ruani ekuilibrin o patriot te medhenj!!!!

[Duke_Of_Arberia]

Edi Rama, ky mburravec provincial! BEN BLUSHI


Vetëm dy shqiptarë po bëjnë sikur fituan nga humbja e Shqipërisë ndaj Serbisë.

I pari është Ballist Morina.

Ai humbi mundësinë për të parë ndeshjen, por konsolidoi famën e dikujt që po na ndihmon të shkojmë në Francë.Nga ndeshja e mbrëmshme u kuptua se tre pikët që morëm në Beograd dhe që po na mbajnë ende në lojë,janë fryt i fluturimit të dronit të tij të çmendur.

Ai na i lehtësoi tre pikët që koha provoi se ishin shumë të vështira për ti fituar në fushë.

Megjithatë Ballist Morina nuk e ka zgjedhur pozicionin që ka.

Jam i bindur se nuk do donte ta kishte parë ndeshjen në qeli,por fati e desh që emri i tij të fluturonte mbi stadium megjithëse këtë herë nuk e pati dot fuqinë magjike të herës së parë. Dje ai ishte një dron i rrëzuar përdhe.Edhe serbët në Beograd nuk e rrëzuan në mënyrë aq profesionale siç bëmë ne.

Por Ballist Morina nuk po kërkon asgjë në shkëmbim dhe nëse kjo nuk e bën modest, të paktën e bën njërëzor.

I dyti shqiptar që po përpiqet të na bindë se edhe ai ka fituar është Edi Rama.

Këtë të dytin nuk e detyron askush të japë shpjegime për kenaqësinë që ka marrë nga humbja. Megjithatë ai po e bën.Me patos, me këmbëngulje, me protokoll, me stil, i qeshur, i ngjeshur dhe i veshur. Enkas.

Ky kërkon patjetër të na thotë se ai nuk është pjesë e humbjes,se humbja ishte faj i atyre që ishin në fushë, ndërsa sa i takon pjesës tjetër ,dekorit, korit, rendit, vendit, policimit, mobilizimit, organizimit, ushqimit, parkimit, largimit, qetesisë dhe kënaqësisë së selfisë,këto të gjitha pra, ishin meritë e tij.

Edi Rama ka disa ditë që na thotë se kundër serbëve kemi bërë dy ndeshje.Një në fushë dhe një jashtë fushe.Ne kemi humbur të parën,ai ka fituar të dytën.

Kjo ua bën humbjen edhe më të dukshme atyre që ishin në fushë.

Mburrja e padurueshme e Edi Ramës për të gjetur lavdi edhe në disfatë është edhe më e papranueshme. Është acaruese. Është tregues i një provincializmi të cilin nuk e kemi hak. Aspak. Edi Rama i tha shqiptarëve, se në Elbasan askush nuk u rrah,nuk u hodh asnjë gur,asnjë shqiptar nuk guxoi të ngrinte zërin për të sharë një serb.

Kjo është një madheshti e ngritur mbi një hidhërim që atij i shkon, por ne na lëndon.Pyetja është pse dyshonte Edi Rama se të gjitha këto do të ndodhnin?

Pse i dukej sikur të gjithë ne që ishim në stadium kishim një thikë në brez,një gur në xhep apo një sharje në gjuhë? A thua vallë na njeh kaq pak? Cilin komb mendon ky se po përfaqëson?

A ka ngatërruar kombin, apo ka ngatërruar punën? Unë besoj se ai ka ngatërruar punën, që i ka caktuar kombi.

Me fjalimin e papërshtatshëm që mbajti, tregoi se beson se shqiptarët e kanë zgjedhur si një njëri të cilin historia i ka caktuar një misionë përmbajë instiktet e kombit të vet të marrë. Dhe meqë dje e bëri,doli ta shpallë botërisht.

Natyrisht ky sukses që politika e quan policin etik dhe shkenca mund ta konsiderojë një mutacion estetik,nuk mund të lihej në heshtje. Dhe Edi Rama nuk heshti.

Ai mori përsipër suksesin mbi harbimin nacional dhe na la ne të tjerëve tentacionin nacional të gabimit. Ai tha se, nëse nuk do ishte për meritën e tij ne do kishim dalë nga kafazi dhe do i kishim shqyer serbët duke ua hedhur kockat në Shkumbin.

Ja pra që e ka bërë detyrën.Dhe ja pse duhet të jetë në dëtyrëër të na qetësuar,për të na ndryshuar,për të na mbrojtur nga tërbimi që kemi në gjak.

I ka rënë fatkeqësia të drejtojë një vend të marrësh të cilët po mbahen në zap me vështirësi të mëdha që bota duhët tia njohë si meritë.Ndërsa ne si punë.

Edi Rama dje foli si gjykatës i etikës sonë kombëtare.Ai nuk u mburr për ne.Ai u mburr për vete. Ai u soll si një zbutës kombësh.Nëse bota nuk ka njohur një të tillë ja ku është.I veshur,i qeshur dhe i ngjeshur siç mund të ishte çdo zbutës pasi del nga cirku ku i duhet të punojë. Por mëgjithatë unë nuk bësoj se e ka bërë me qëllim.Nëse kjo që po them mund të duket ngushëlluese në fakt nuk është.

Edi Rama nuk na ka ulur ne. Ai ka dashur të ngrejë veten.Nuk është pra një mision, është një zakon.

Por gjeti ditën më të keqe për të na kujtuar diçka që e dimë.Dhe meqë gjeti ditën më të keqe, ditën e humbjes,bëri punën më të rëndomtë që dikush mund të bëjë në një stadium.

U mburr me humbjen.

[Duke_Of_Arberia]

Ja vlen te lexohet shkrimi i Blushit! Konçiz dhe i goditur...

[Duke_Of_Arberia]

Kush i fshin dot lotët e Çunave?

Nga Artur Zheji


Krejt makina e policisë dhe sigurisë kombëtare u përqendrua më 8 Tetor, në Elbasan, në, poshtë, përreth, nën dhe mbi stadiumin ku do të vraponin 22 topshkelmues (ose futbollistë), mbas një topi (ball) të vetëm e të rrumbullakët plastmasi.

artur zhejiNga Artur Zheji

Krejt makina e policisë dhe sigurisë kombëtare u përqendrua më 8 Tetor, në Elbasan, në, poshtë, përreth, nën dhe mbi stadiumin ku do të vraponin 22 topshkelmues (ose futbollistë), mbas një topi (ball) të vetëm e të rrumbullakët plastmasi.

Shqipëria u rrëfye kombëtarisht e frikësuar nga ndonjë incident nacionalist, “spontan apo agjenturor”, që do të mund të godiste më pas “imazhin” shtetbërës, që na ka mbetur. Dhe në fund të fundit, mirë u bë, nuk mund të jetë kush kundra, ndonëse ngjante shumë me një makth naiv, që kanë shtetet si i yni, që mbeten përjetësisht në moshën e adoleshencës për kah shtetbërja.

Kapëm “ballistin e keq” me shokët e tij, kapëm ballkonet e Elbasanit, hoqëm flamujt e Kosovës nga stadiumi, vërvitëm mbi qiellin tonë “kuq e zi” helikopterët e rinj dhe të vjetër dhe shpallëm de facto një shtetrrethim të pazakontë.

Bllokuam dhe blinduam rëndë, si të na kish begenisur Presidenti i Amerikës, “Sheraton”-in, sepse atje flinin djemtë beogradas; komplimentuam çupat serbe, i rekomanduam indirekt Vuçiçit mosardhjen, por e qetësuam në telefon sa e sa herë që do të garantojmë siguri të plotë për djemtë serbë dhe çupat gazmore beogradase.

Dikush foli madje, edhe përmes lotëve të humbjes, që u rrodhi faqeve çunave dhe vajzave tona, se, në të vërtetë, Shqipëria Fitoi. Madje fare thellë, pasiqë nuk pipëtiu asnjë dhe askush, jashtë pentagramit të urdhrave dhe rregullave të paravendosura “per forza maggiore”( për arsye madhore).

Duke reduktuar edhe në stadium, nuk dihet pse, simbolet e ëndrrave tona kombëtare, që mund të mos jenë simbolet e Qeverisë, apo të qeverive shqiptare, por me Kushtetutë janë dhe do të jenë ëndrrat e shqiptarëve, për një Drejtësi Historike, për Tokën dhe Bashkimin. Për t’u dukur në vitrinën e Dynjasë, fare Ndryshe, ndryshe nga ç’jemi pra, e për t’u dukur si duhet të jemi, në sytë e cave, që kanë paracaktuar ose duhet të paracaktojnë edhe se si, ne të Katundit shqipfolës, duhet të ëndërrojmë, në këtë pëllëmbë tokë që na ka mbetur.

Ky Zell Naiv të bën edhe për të qeshur, edhe për të qarë. A thua se ajo që ndodhi në Serbi, më saktë në Beograd një vit më parë, ishte një aksident.

Aspak nuk ishte dhe këtë e dinë edhe shumë qerratallarë në Bruks, por ndoshta jo, qerratallarët e Tiranës. Çdo njohës mesatar, e di se si funksionon Serbia kur ia do puna, dhe do të mund ta dëshmonte dhe ta vërtetonte, mjafton t’i kërkohej një ekspertizë minimale.

Po kush ka kohë për të tilla stërhollime në këtë vendin tonë trashaman?

Për këtë, mjafton të kujtosh akuzat e nxehta të kryeministrit serb për Olsi Ramën si dronist, “diversant i infiltruar në Beograd” nga i vëllai, kryeministër në Tiranë. Një absurd i parrëfyer dhe krejt jashtë realitetit. Që një burrë inteligjent si Vuçiç, e integroi në realitetin imagjinar, që në Bruks, kanë ca qerratallarë të tjerë, për ballkanasit. Duke vënë në siklet dhe duke kompleksuar kryeministrin po aq të gjatë shqiptar, që ai të shpenzonte, donte s’donte, sa më shumë energji shfajësuese, për një faj që nuk e kish bërë, e të rrëfente, e të na rrëfente, se sa dialogues i mirë internacional qenkësh edhe Vuçiç.

Sepse, “Ajo” që ndodhi në Beograd me ndeshjen dhe rrahjen e Çunave tanë në stadium, ishte pra një strategji, që Vuçiç të trokasë në mënyrë sa më të suksesshme në dyert e Evropit dhe në Bruks, me torbën hapur për kapitale dhe investime, që të qetësojë pra, ortekun nacionalist serb, që plus të tjerave, ka rënë edhe në depresionin ekonomik dhe në psikozën e braktisjes oksidentale.

Duke na pëlqyer së tepërmi vetja, harrojmë ose nuk dimë, se Serbia dhe serbët janë të zotë të ngrenë dhe të mbajnë një makineri ushtarake dhe policore perfekte, dhe këtë e kanë rrëfyer edhe në dëmin tonë, në së paku këto 100 vitet e fundit.

Më 1914, vunë në lojë Perandorinë 300-vjeçare Austro-Hungareze dhe ndezën shkrepësen e një Lufte Botërore, që prodhoi më pas Mbretërinë më të madhe Serbe të shekullit XX.

Dhe na shfarosën për 80 vitet e mëpastajme si ustallarë. “Betejë” që e fituam, aq sa e fituam, me lindshmërinë tonë të lartë, më shumë sesa me luftë. Dhe po këta serbë i rezistuan NATO-s, përçanë disa nga vendet anëtare të saj, vunë Moskën dhe Rusinë moderne në punë për ta, depërtuan në Kukës, urdhëruan dhe ekzekutuan vrasje të rëndësishme në Tiranë, me një makineri ushtarake mjeshtërore dhe me shërbime sekrete të dorës së parë.

Sigurisht, ngecën në Washington. Sepse USA e kish marrë me kohë vendimin e saj dhe sepse ndoshta në Kremlin, nuk kish hipur ende Vladimir Putin. E pra, të zotë për të lëvizur dhe për të manovruar, në sfera shumë të larta gjeopolitike.

Ç’të mburremi pra, se ndaluam edhe harabelat të fluturojnë në stadiumin tonë mediokër të Elbasanit? Ndërsa “Shqiponjat” e pakta të Çunave entuziastë i futëm si kanarinat në kafaz?

Dy golat e njëpasnjëshëm që hëngrëm edhe në topshkelmin (Football), ishin si ajo që në Bruks tallen e thonë: si qershia mbi tortë.

De Biasi ia vuri fajin mungesës së trurit dhe të mosbindjes taktike të skuadrës sonë kombëtare. Jam i bindur se ka plotësisht të drejtë. Në këtë garë kombëtare të protagonizmit të politikës dhe jo vetëm, edhe topshkelmuesit e kombëtares njihen topçinj dhe kështjella-pushtues. Më shumë se sa sportistë dhe thjesht mjeshtra, nëse janë vërtet, të topshkelmimit. Dhe kaq.

As heronj dhe as Çlirimtarë!

Dhe serbët fitojnë përsëri. Kësaj radhe falë modestisë dhe “frikës” së mençur, falë studimit inteligjent të kundërshtarit, falë delirit të skuadrës sonë për të bërë gol në minutën e 90’.

Të pafajshëm edhe ata, si pjesë e delirit tonë kombëtar.

Sidoqoftë, mosaksidentimet e Elbasanit ishin një fitore e vockël, por deliri i përbashkët që na përshkon nga lart poshtë dhe nga poshtë lart, është një Humbje e Madhe.

Sepse lotët e çunave tifozë, që vërshonin dje depresivë nëpër qytete, sepse edhe të papunë janë, shumica e çunave dhe çupave të mallëngjyera, të zhgënjyer dhe të tronditur për këtë humbje të turpshme, a ka fjalim gjëmëmadh që mund t’i fshijë?

Bah!…