Itali: Kapet tjetër avion me drogë nga Shqipëria

[Albo]

Policia italiane: Avioni ngrihej nga Shqipëria. Skema e trafikut (Foto)



UPDATE/ Policia italiane ka përgënjeshtruar zyrtarisht ministrin e Brendshëm, Saimir Tahiri, i cili tha sot nga foltorja e Kuvendit se avioni me drogë ishte nisur nga Torino për në Leçe.




Në faqen zyrtare në internet të Policisë Italiane thuhet se avioni me kanabis ishte nisur nga Shqipëria dhe më pas bëri nje ndalesë ne Leçe që të nisej drejt Piemontes. Sakaq, mediat kane publikuar edhe fotot e te arrestuarve.


*** Detajet, si kryhej trafiku i drogës Shqipëri-Itali dhe vlera e fitimit

Detaje të tjera nga goditja e një grupi kriminal italo-shqiptar qe transportonte droge nga vendi yne drejt Italise. Prokurori italian Antonio Rinaudo ka zbardhur gjithë skemën e trafikut të drogës, pas kapjes së avionit të dytë me drogë që ishte nisur nga Shqipëria drejt Italisë. Sipas tij, trafikantet perdornin nje avion te vogel me te cilin transportonin marijuanen, i cili kishte kushtuar rreth 70 mijë euro.

Sipas mediave italiane, gjatë fluturimit të saj në krahinën e Leçes, ku piloti ndalonte për furnizimin me karburant, ai shmangte kalimin mbi zonat e banuara, qe konsiderohet diçka krejt e pazakontë për te apasionuarit e avionëve. Çdo udhëtim i kushtonte Shqipërisë rreth 500 euro, por, sipas vlerësimeve të hetuesve, mundet qe të jete transportuar marihuanë që mund të kete vlere e shitur edhe 250,000 €.

Pas një përpjekje të parë, grupi kriminal kishte importuar rreth 80 kilogramë marihuanë në ditët e para të qershorit. Më 1 shtator, ishte planifikuar një tjetër importim i marihuanës (rreth 120 kg), po qe nuk kishte shkuar mire.

Grupi kriminal kishte një bashkëpunëtor te vetëm në Shqipëri, puna e të cilit ishte për të siguruar transportin në një “fushë fluturuese” te aftë për të ulur një avion te vogel.

Tjetër avion me drogë nga Shqipëria, emrat e 4 të arrestuarve, 2 shqiptarë

Policia italiane sekuestroi sot një tjetër sasi droge që vinte nga Shqipëria e transportuar me anë të një avioni të vogël. Aty u bllokuan 80 kg drogë dhe në pranga janë vënë 4 persona që bënin transportin, dy prej tyre, shqiptare.

“Të arrestuarit janë Maksim Llanaj, 37-vjec rezident në Volpiano, Fitor Alliaj, rezident në Druento, Pasquale D’Ambrosio, 58-vjec dhe Rosario Campisi”- shkruajne mediat italiane.

Banda e trafikantëve kishte zgjedhur trafikun nga ajri për të shmangur kontrollet në tokë, duke përdorur avionë shumë të lehtë e të vegjël. Përmes tyre shmangeshin aeroportet e mëdha dhe gjithçka bëhej pa rënë në sy, nga Shqipëria drejt Italisë.

“Avionëve u hiqeshin sediljet si në rastin e fundit dhe mbusheshin me drogë”- shkruajne mediat italiane.



Trafikimi i lëndës narkotike të importuar nga Shqipëria drejt Italisë e kishte bazën në aeroportin turistik të Gattinara në provincën e Vercellit në rajonin e Piemontes. Pas hetimeve rezultoi se avioni sapo ishte ulur nga fluturimi nga Lecce ne provincën e Pulijas. Avioni ishte ne pronesi te italianit te ndaluar.


Panorama

[Albo]

Dileme e madhe: Ke te besojme, ministrin Tahiri apo policine e prokurorine italiane?!

Ne fakt, shoku Tahiri nuk tha qe avioni nuk ka transportuar droge Shqiperie. Ai vetem tha qe avioni i kapur nuk u nis nga Shqiperia kur u kap.

O shoku Rama!

Nuk me duket mire me shendet ky ministri Tahiri, si shume i jane nxirre syte. Mbaje afer lumadhin se e kemi nga Vlora, e na ben ndonje te pabere, e na i mbush hundet me shume se c'duhet me pluhur, e na harron te marri fryme.

He te keqen, he tu befsha!

Ore, po sikur na ka zene Zoti me gurre kete qeverine tone o shoku Rama! Perdite e me keq po na shkojne punet...

Albo

[Albo]

E vërteta e avionit që transportonte drogë nga Shqipëria në Itali

Ministri i Brendshëm Saimir Tahiri e priti me entuziazëm një intervistë të shefit të misionit Interfoce në Tiranë, Michele Grillo për Top Channel, i cili e qetësoi atë se avioni me drogë i kapur në Torino atë ditë nuk ishte nisur nga Shqipëria.

“Mund të konfirmojmë, që avioni i lehtë i nisur nga një fushë aviacioni në Piemonte ka fluturuar drejt Pulias dhe është kthyer sërish në Piemonte, duke fluturuar ekskluzivisht në territorin italian. Në fakt, avioni është lokalizuar, ka fluturuar dhe është sekuestruar në Piemonte. I janë dorëzuar drejtësisë dy qytetarë, një italian dhe një shqiptar, që të dy me precedentë. Mund të konfirmoj se avioni nuk ka fluturuar nga territori shqiptar dhe në këtë moment janë duke u kryer hetime, që janë të mbuluara nga sekreti hetimor. Konfirmoj bashkëpunimin mes Italisë dhe Shqipërisë, që ka ekzistuar gjithmonë, e që tashmë është konfirmuar me një aksion antidroge, ku u pa bashkëpunimi mes autoriteteve shqiptare dhe atyre italiane”, u shpreh Grillo.

Ministri Tahiri nxitoi ta postonte intervistën në Facebook me këtë shënim:

“Rasti i radhes kur partneret pergenjeshtrojne rrenat banale te KryeShqupistit. Dje u shqye duke shpifur, sot do te kerkoje falje KryeShqupisti? Me standardin e akuzave ndaj meje, tani mund edhe te thote qe Ministri i Brendshem Italian eshte supertrafikanti i droges, sic zakonisht zbulon Shqupi dhe Shqupistat. Dhe meqe KryeShqupisti nxorri sot disa foto nga Gusmari, me kutin e tij te idiotsise, une i bie te them se ato qe shfaqi jane parcelat e krushqise ku eshte dhender, meqe jane nga ajo zone.”

Por si qëndron e vërteta e avionit të kapur dy ditë më parë në Torino? Policia e Torinos publikoi një deklaratë të detajuar mbi aktivitetin e grupit kriminal prej 4 personash, dy shqiptarë nga Vlora dhe dy italianë, të gjithë me precedentë penalë, të arrestuar në operacionin e koduar me emrin “Braccio di ferro”. Ja çfarë thuhet në të:

“Pas nje tentativi te pare, grupi kriminal kishte finalizuar importimin e rreth 80 kg marijuane ne ditet e para te qershorit te kaluar. Nderkohe me date 1 shtator 2015 ishte programuar edhe transportimi i nje sasie te madhe marijuane (rreth 120 kg ) por qe nuk u realizua per shkak te rrethanave te paparashikuara qe ndodhen ne fushen e fluturimit ne provincen e Lecce-s.”

Shefi i Interforce nuk e përgënjeshtroi dot faktin se avioni i kapur në Torino kishte transportuar më parë drogë nga Shqipëria, sic thuhet në deklaratën e Policisë së Torinos. Ndërsa Ministri i Brendshëm nuk ka dhënë deri tani ndonjë sqarim nëse ka patur dijeni që ky avion i tipit “Dynamic” me ngjyrë të bardhë, i kapur në Torino, është ulur në territorin shqiptar për të marrë drogë në ditët e para të qershorit, ekzaktësisht më 4 qershor? Nëse nuk ka patur dijeni, dështimi i policisë shqiptare në luftën kundër trafikut të lëndëve narkotike me avionë drejt Italisë, është i qartë dhe nuk mund të justifikohet me faktin se me 7 shtator avioni nuk kishte flutuar nga Shqipëria, pasi të paktën, është vërtetuar nga policia italiane që ai ka udhëtuar në qershor, kohë kur Tahiri ka qenë sërish Ministër i Brendshëm.

Që ky grup kishte kryer transporte të tjera të marijuanës nga Shqipëria në Itali vërtetohet edhe nga kjo deklaratë e Policisë së Torinos.

“Grupi kriminal kishte nje prej anetareve kryesor ne Shqiperi , detyra e te cilit ishte gjetja e lendes narkotike dhe transportimi deri ne nje “fushe fluturimi” te mundeshme per te ulur avionin ultra te lehte. Pra nga Italia , nepermjet rakordimeve me ane te telefonit , dergohej “korrieri me avion” i cili nisej nga fusha e fluturimit ne Gattinara (VC) duke u ulur ne nje fushe te panjohur ne Shqiperi, por duke bere nje ulje teknike ne provincen e Lecce – s. Ne kete menyre , ne pak ore , sasi te medha te lendes narkotike arrinin ne Piemonte per tu shitur me pakice ne zonen e Torino – s , Vercelli, Biella.”

Avioni – thuhet në deklaratën e Policisë së Torinos – nisej nga Torino, ulej në Lece për t’u furnizuar me karburant dhemë pas fluturonte për në Shqipëri. Edhe në kthim ishte e njëjta rrugë.

Për rastin e 7 shtatorit ka pak të dhëna. Gjithësesi Policia e Torinos sqaron se ishte bërë edhe një tentativë tjetër për të marrë drogë në Shqipëri më 1 shtator, por avioni nuk ishte nisur dot nga pista e Puljas, ku bënte furnizimin, për shkak të një problemi. Fluturimi i 7 shtatorit ishte një prej atyre nga Torino drejt Leces, por nuk dihet arsyeja përse ai nuk ka fluturuar drejt Shqipërisë dhe përse trafikantët janë kthyer mbrapsht.

Lapsi

[Albo]

Avioni me drogë, si e kontrollonin trafikun dy shqiptarët nga Italia

Fitor Alliaj dhe Maksim Llanaj dy shqiptarët e arrestuar për avionin e kapur në Torino për transport droge, rezultojnë të mos kenë hyrë në Shqipëri gjatë vitit 2015, raporton “News 24”.

Burime pranë grupit hetimor në Tiranë bëjnë me dije të tjera detaje rreth hetimit të përbashkët që po zhvillohet mes Italisë dhe Shqipërisë për grupin kriminal që u kap me datën 7 shtator në Torino.

Nga këto të dhëna mësohet se Maksim Llanaj dhe Fitor Alliaj nëpërmjet lidhjeve të tyre farefisnore dhe shoqërore në Shqipëri kishin garantuar sigurimin e lëndës narkotike, pa qenë nevoja e udhëtimit drejt Vlorës.

Nga të dhënat mësohet se Maksim Llanaj rezident në Itali ka ardhur për herë të fundit në Shqipëri në 31 maj të vitit 2014 ku ka qëndruar tre ditë dhe është larguar.

Ndërsa shtetasi Fitor Alliaj ka ardhur në gusht të vitit 2014 ku ka qëndruar 3 javë dhe është larguar.

Sipas të njëjtave burime, në bazë dhe të përgjimeve të siguruara nga autoritet italianë, krahas 4 shtetasve të arrestuar me datën 7 shtator janë identifikuar paraprakisht si të përfshirë në rrjetin e trafikimit të lëndëve narkotike edhe 6 shtetas shqiptar dhe dy italianë.

Një pjesë e tyre po mbahen nën vëzhgim nëpërmjet metodave special të hetimit në mënyrë që të arrihet tek “bosi” i marijuanës në Vlorë.

Bashkëpunimi mes policisë italiane dhe asaj shqiptare është intensifikuar së fundmi në kuadër të luftës kundër trafikimit të lëndëve narkotike.

Bashkëpunim ky që u vlerësua dhe gjatë vizitës së fundit të Drejtorit të bashkëpunimit ndërkombëtar të policisë italiane Dr. Gennaro Capaluongo në Tiranë në takimet që pati me drejtorin e policisë shqiptare Haki Çako.

Panorama

[Albo]

Avioni i drogës, italiani erdhi 4 herë në Shqipëri

Pas operacionit italian “ Krahu i Hekurt” ku u sekuestrua një avion i vogël që dyshohet se transportonte drogë nga Shqipëria në Itali të tjera detaje bëhen me dije për grupin e goditur me 7 shtator në Torino.

Pasquale D’Ambrosio i cili rezulton të jetë një prej personazheve kryesore te grupit rezulton të ketë udhëtuar rejt Shqipërisë plot katër herë gjatë vitit 2015.

Prokuroria e Torinos dhe Inter­forca Italiane po bashkëpunojnë me autoritet shqiptare për të zbuluar me shumë rreth aktivitetit të D”Ambrosios në Shqipëri.

Ndërsa mësohet se një përfaqësues i prokurorisë së Torinos dhe policisë italiane të kenë mbërritur në Tiranë. Një grup oficerësh të drejtorisë së Krimeve të Rënda në Policinë e Shtetit dhe një Prokuror i Krimeve të Rënda janë vënë tashmë në punë për të identifikuar të gjitha lëvizjet që ka kryer në Shqipëri dhe personat ka takuar gjatë udhëtimeve të tij kryesisht 24 orëshe që 58 vjeçari.

Më konkretisht sipas informacioneve nga burime të grupit hetimor bëhet me dije se Pasquale D`Ambrosio të ketë hyrë dhe dalë nga Rinasi në këto data:

HYRJET DALJET

3 GUSHT 2015 04 GUSHT 2015 2

8 PRILL 2015 29 PRILL 2015

26 MARS 2015 27 MARS 2015

17 SHKURT 2015 20 SHKURT 2015

Sipas të njëtave burime, paraprakisht nga hetimet e kryera deri në këto momente rezulton se gjate dy udhëtimeve të fundit D`Ambrosia të ketë takuar tre shtetas nga Vlora në Tiranë.

Identiteti i këtyre personave nuk mund të bëhët publik për arsye hetimi, njëri prej shqiptarëve që ka takuar rezulton të jetë dhe boss­i që siguronte marijuanën në Shqipëri, ky person rezulton të jetë lidhje e afërt shoqërore e shtetasve Maksim Llanaj dhe Fitor Alliaj.

Deri në këtë fazë të parë të hetimeve janë arrestuar 2 shtetas shqiptar Maksim Llanaj 37 vjecc dhe Fitor Alliaj 43 vjeç i njohur me pseudonimin Vito si dhe dy italianët Pasquale Dambrossio 58 vjecc piloti avionit dhe Rosario Camprisi 60 vjecc

Të arrestuarit

1. Maksim LLANAJ ­37 vjeç Dusharak Vlorë i gjykuar disa herë për vepra të ndryshme penale.

2. Fitor ALLIAJ, 43 vjeç Dusharak Vlore me preçedent penal.

3. Pasquale D’AMBROSIO 58 vjeç , Angera (VA), me preçedent penal.

4. Rosario CAMPISI 60 vjeç Borgosesia (VC), me preçedent të shumtë penal.

Sipas hetimeve rezulton se në daten 31 gusht, shtetasi italian Pasquale D’Ambrosio në pilotim të avionit të tij ultra të lehtë model “Dynamic”, i modifikuar posaçërisht për të lehtësuar transportimin e lëndës narkotike, u ul në Leçe.

Nga përgjimet rezultoi se në datën 1 shtator ai do të nisej për në Shqipëri nga ku, duke ndjekur të gjitha mënyrat operative të realizuara edhe në rastin e importimit të parë të kryer nga grupi me të 4 Qershor 2015 (80 kg marijuanë), duhet të mbërrinte në një zonë të papërcaktuar në territorin shqiptar dhe të transportonte 120 kg marijuanë.

Për shkak të disa rrethanave të paparashikuara, grupi kriminal nuk e realizonte deri në fund udhëtimin dhe D’Ambrosio është kthyer me avionin e tij.

Balkan Web

[Darius]

Avioni me drogë në Torino, dy shqiptarët e kontrollonin trafikun nga Italia

[Albo]

U kap në shtator 2015 - Avioni me drogë në Torino, zbulohet shqiptari tjetër i përfshirë në trafik

Zbulohen të tjera detaje nga policia italiane lidhur me avionin e drogës që u kap në Torino në shtator të një viti më parë.Nga hetimet e kryera deri më tani, policia ka identifikuar dhe dy persona të tjerë të përfshirë në rrjetin ndërkombëtar të trafikut të lëndëve narkotike. Bëhet fjalë për shqiptarin Vladimir Kolaj dhe bashkëshorten e tij rumune, Gina Manole.

Itali-Policia italiane e qytetit të Torinos ka ekzekutuar sot fazën përmbyllëse të operacionit të koduar “Braccio di ferro” i cili ka çuar në arrestimin e shqiptarit Vladimir Kolaj e bashkëshortes së tij me kombësi rumune Gina Manole.

Operacioni “Braccio di ferro” i policsë italiane ka nisur më shtator të 2015 pas sekuestrimit të avionit të tipit Dynamic i cili transportonte drogë nga Shqipëria drejt Italisë.

Avioni ishte në pronësi të italianit 57 vjeçar, Pasquale D’Ambrosio, me origjinë nga provinca e Salentos e pronar i disa restoranteve luksoze në këtë territor.

Shqiptari Vladimir Kolaj sëbashku me bashkëshorten e tij rumune, janë pronarë të lokalit “Ladi” në qytetin e Torinos. Ky lokal shërbente si bazë llogjistike e trafikut të lëndës narkotike.

Në magazinën e këtij lokali janë sekuestruar 10 kg marijuanë, 350 gramë kokainë, armë, instrumenta të përdorura për përgatitjen e konfeksionimin e lëndës narkotike, si dhe materiale të ndryshme për përgatitjen e dokumentave falco.

Operacioni “Braccio di ferro” i policisë italiane çoi në arrestimin e 15 personave, 12 prej të cilëve shqiptarë.


Kapja e avionit me drogë

Tetë muaj më parë, në avionin e vogël të modifikuar u sekuestruan rreth 80 kg kanabis të ardhur nga Shqipëria, dhe u arrestuan Maksim Llanaj 37 vjeç,
Pasquale D’Ambrosio 58 vjeç, Fitor Alliaj 43 vjeç dhe Rosario Campisi.

Avioni me drogë që u kap në shtator 2015 ishte në pronësi të Pasquale D’Ambrosio, pronar i një restoranti dhe që kishte pasion avionët e vegjël sportivë. Tashmë, hetuesit italianë mundën të zbulojnë edhe shqiptarin tjetër Vladimir Kolaj të përfshirë në këtë trafik, ndërkohë që hetimet janë ende duke vazhduar.


Vladimir Kolaj i arrestuar

Vladimir Kolaj u arrestua vetëm pak javë më parë nga policia italiane, si pjesë e një grupi të gjerë kriminal.

Fillimisht, grupi ishte marrë me grabitje dhe më pas për të shtuar paratë, kishin nisur aktivitetin e tregtimit të kokainës.

Bërthama e grupit ishte në Venecia dhe nga 15 të arrestuar, 12 ishin shqiptarë.

Përveç kokainës, ata kanë furnizuar edhe me marijuanë zonën e Venencias dhe Venetos, duke përdorur dy kanale trafiku nga Holanda dhe Gjermania.



ORA NEWS

[Albo]

Avioni i drogës, jeta luksoze e bosit shqiptar të kokainës në Itali



Policia italiane e qytetit të Torinos, ka sekuestruar një lokal në pronësi të shqiptarit Vladimir Kolaj, i arrestuar dje në kuadër të hetimeve mbi trafikun e drogës, ku ai ishte pjesë e bandës që transportonte kokainë dhe marijuanë me avion.

Lokali i sekuestruar quhet bar “Ladi”, që mes të tjerash shërbente si pikë takimi e trafikantëve. Ai ndodhet në rrugën “Brandizzo” të Torinos dhe administrohej nga bashkëshortja rumune e shqiptarit, Gina Manole, 33 vjeçe.

Shtypi italian shkruan se 30-vjeçarit shqiptar pak i interesonte nëse bashkëpunëtorët e tij që kishin trafikuar qindra kilogramë drogë ndodhej në burg, psi ai vijonte të bënte një jetë luksoze dhe pa u shqetësuar nga asnjë.

Çifti shqiptaro-rumun bënte një jetë të bukur, lëvizte me një limuzinë, organizonte festa luksoze, ngrinte dolli me shampanjë “Dom Peringon” dhe konsumonte ushqim të zgjedhur.

Ndërkohë, policia torineze sekuestroi në magazinën e lokalit mbi 10 kilogramë marijuanë, mbi 3 kilogramë kokainë dhe armë.

Sipas fqinjëve, Vladimir Kolaj, së bashku me bashkëshorten e tij rumune gëzonin një respekt të madh te banorët e zonës dhe konsideroheshin si prindër shembullorë.

Shqip