“Nuk ka azil për shtetasit që vijnë nga Ballkani Perëndimor’. Kështu ka deklaruar sot Kancelarja Gjermane Angela Merkel në mbyllje të Samitit të Vjenës.
Ajo e ka bërë të qartë se azili në Gjermani do të jepet vetëm për ata shtetas që vijnë nga vendet e luftës.
“Fatmirësisht në Europë nuk kemi luftë prej Luftës së Dytë Botërore, por e kemi detyrim historik për të mbështetur njerëzit që kanë nevojë për ndihmë dhe strehë, sidomos ata nga zonat e luftës dhe krizës. Të gjithë e dinë si është situata në Siri dhe është në dorën e Europës të ndërhyjë. Pra ta zgjidhimim cështjen e migrimit me frymën e solidaritetit. Vendet anëtare të BE janë të gatshme ta bëjnë këtë dhe do e diskutojë me urgjencë. Kemi folur për vende të Ballkanit Perëndimor duke pasur parasysh dhe sfidat që kanë. Ne si BE duhet t’ua lehtësojmë këtë barrë, dhe njerëzit që kërkojnë azil, dhe vendet që janë kandidate apo do të nisin negociatat, mund të shikojnë të drejtat e tyre të njeriut, duhet t’u japim një stimul ekonomik këtyre vendeve. Fatkeqësisht duhet t’u themi këtyre këtyre njerëzve që vijnë nga këto vende nuk kanë shans të marrin azil se azilin do e fitojnë vetëm ata që vijnë nga vendet e luftës”,- tha Merkel.
“Ne nuk e shohim BE-në si një bankomat por si një organizatë me institucione që punojnë shumë…prandaj ne s’kërkojmë vetëm mbështetje financiare por edhe politike”,- u shpreh kryeministri serb Aleksandër Vuçiç.
Panorama
Përgjigju Duke Cituar
Krijoni Kontakt