Edi Rama i shpall luftë edhe Zotit: Shemb Kishën e Shen Thanasit në Dhërmi

[IllyrianPatriot]

Ajo qe thua ti, qe bejne provokacione te tilla sa here qe duan te largojne vemendjen e publikut nga deshtimet e politikave te qeverise, eshte e vertete. Por kjo nuk nenvlefteson aspak demin e jashtezakonshem qe nje provokacion i tille i shkakton gjithe shoqerise shqiptare. Dhe ky nuk eshte nje rast i izoluar nga kjo qeveri e nga ky kryeminister. Kemi te bejme me nje njeri qe Fatos Nano e akuzonte si "hajdut e trafikant ikonash orthodhokse" ne fillimet e viteve 90. Ke te besh me nje njeri qe vonoi me nje dekade ndertimin e Katedrales ne Tirane pasi nuk i jepte nje leje ndertimi. Kemi te bejme me nje njeri qe orkestroi e shkatoi incidentin me "eshtrat e ushtareve greke ne Kosine" kur ishte ne opozite duke akuzuar e sulmuar Kishen e priftin e zones, vetem e vetem se ky po bente detyren duke bere sherbesa pershpirtjesh mbi eshtrat e te zhvarrosurve. Ke te besh me njeriun qe inskenoi dhunimin e hapur te Kishes se Shen Marise se Permetit, ne mes te qytetit, vetem pak muaj se sa te behej kryeminister i vendit. Ke te besh me njeriun qe dhunoi Katedralen orthodhokse ne Tirane duke i hequr asaj kangjellat e saja rrethuese, qe ishin vene per sigurine e qytetareve e besimtareve qe vizitojne katedralen. Ke te besh me nje njeri qe nuk e fsheh urrejtjen e tij ndaj Kishes dhe Zotit kur brenda dy muash shqiptaret degjuan nga goja e tij ne televizor se ishte "i pafe" dhe pak muaj me vone u be "katolik" meqenese Papa zgjodhi te vizitoje Tiranen.

Kur une e quajta lugat me fytyre njeriu, shume ne kete forum u hodhen perpjete. Koha vertetoi fjalet e mia e do ti vertetoje akoma me shume ne ditet ne vazhdim. Por sic na meson vete Krishti, te gjithe lugeterit vetem sa do te thyejne koken mbi shkembin ku Krishti ndertoi Kishen e Tij. Ky nuk eshte nje premtim per drejtesi njerezore, ky eshte nje premtim i dale nga goja e Vete Zotit per te gjithe brezat e njerezimit. Sic e kane thyer koken shume para tij qe kane guxuar te sulmojne Kishen, keshtu do ta thyeje edhe ky.

Turp per administraten e KOASH qe lejon lugatin te perdori ambientet moderne te Katedrales se Kishes per prononcimet e qeverise se tij!

Albo

Une kam qene nje nga ata qe u hodhen perpjete ato kohe kundra Berishes edhe kujdo qe e mbronte ( deshmine e keni te historiku im ) . Ne kete ekuacion nuk e dija qe Rama ishte misherimi i se keqes se qellimshme , madje Berisha SOT me duket lule para Ramas . Me te vertet aj pesim ishte mesim per mua per konceptin e ' mos u genjeh nga aparencat ' ... por edhe Berisha e menderosi 2 vitet e fundit .

Gjithsesi pas 6mujorit te pare e kuptova lojen e peshtire te Rames , i cili eshte 100 % me perpikmeri ekzakte ne sherbim te axhendes iluministe ( varferimi i shtresave te mesme si edhe te varfra , falimentimi i financave publike , diktatorizimi i konceptit te shtetit , globalizimi i shteteve - kujtoj perpjekjet e tij per te vene ne krye te bankes shqiptare nje argjentinas !!! Ne krye te lekeve te te shqiptareve nje te huaj - , luften djallezore manipulative kundra krishterimit si edhe tentativat per ta kontrolluar ate etc.etc.) .

Rama duhet te iki sa me shpejt , per te miren e shqiperise edhe te cdo shqiptari . Eshte me te vertet misherimi i djallezise absolute . Aparencat genjejne edhe zakonisht qenjet me te liga jan ato qe jan 'masters' ne kamuflimin e ligesise se tyre .

P.S Kam frike se po afrojme ne kohen ' e luftrave edhe fjaleve per luftra ' , 'ne kohen qe nje kq buke do kushtoje sa nje rroge mujore ' si edhe 'ne kohen e martireve te krishterimit' ndaj te cileve sulmet jan amplifikuar ne cdo shtet por kryesisht ne vendet arabe , vetem ta shikoj dikush boten e sotme edhe trajaktoren qe ka marre te cone te libri i revelation i bibles . Call me crazy , por lufta tani eshte me shume shpirterore edhe per te verteten e testamentit te Zotit .
P.P.S Edhe ky sulm kundra kesaj kishe eshte si pasoje e frymes se anti-krishtit e cila eshte e amplifikuar ne cdo cep te globit keto kohet e fundit . Por krishteret nuk duhet te frikesohen sepse keto kohe jan te profetizuara ne bibel , edhe e dine qe tani perfundimin e kesaj lufte e cila nisi ne qjell edhe sot vazhdon ne toke edhe do perfundoje me triumfimin e Krishterimit si edhe jetes se perjetshme per ata qe qendrojne besnik te e verteta e Zotit .

[IllyrianPatriot]

edit x 3 x 9 x 27

[Ingenuous]

Zotin besojeni n'shpia tuja tha Jezusi. Nuk keni nevoje per mjekrra ne fytyre a ne mendje tju tregojne se si te besoni ne zot.

[IllyrianPatriot]

C fare kemi nevoje nuk i ngelet gjykimit tend te coroditur . Shiko shtepine tende

[Darius]

Shembja e kishës, MPJ greke: Vetëm xhihadistët i shkatërrojnë vendet e shenjta

Ministria e Jashtme greke ka reaguar pas shembjes së Kishës së Shën Athanasit gjatë natës së djeshme nga INUV.
Përmes një komunikate në faqen zyrtare të internetit zëdhënësi i kësaj ministrie, Konstandin Koutra e ka krahasuar prishjen e kishës në Shqipëri, me shkatërrimin e vendeve të kultit në Lindjen e Mesme dhe në Afrikën e Veriut nga xhihadistët.

“Një rast të ngjashëm të prishjes së vendeve të kultit e pamë sot edhe në Shqipërinë fqinje me ne, – thotë Koutra. – Do të informojmë komunitetin ndërkombëtar për qëndrimin që do të mbajë Greqia kundrejt Shqipërisë në këtë rast, asnjë deklaratë më shumë”, thuhet në deklaratën e zëdhënësit të Ministrisë së Jashtme greke.

26 gusht 2015

Shqip

[Darius]

Po postoj dhe deklaraten e Ministrise sone te Jashtme te bere para disa ditesh si reagim nda nderhyrjes se shtetit grek ne punet e brendeshme te shtetit tone.


Kisha e Shën Thanasit, MPJ-Greqisë: Po ndërhyni në punët e brendshme

Ministria e Jashtme e Shqipërisë ka reaguar ndaj deklaratave të ardhura nga Ministria e Jashtme e Greqisë lidhur me incidentin e krijuar në kishën e Shën Thanasit në Dhërmi. Palash shqiptare tha se qëndrimi i djeshëm i zëdhënësit të Ministrisë së Jashtme greke, përbën një ndërhyrje në mbarëvajtjen e rendit të brendshëm civil, administrativ dhe gjyqësor të Republikës së Shqipërisë. Po ashtu, ai paragjykon në mënyrë të njëanshme dhe eksesive angazhimin e kahershëm të Greqisë për të shoqëruar integrimin evropian të Shqipërisë.


Deklarata e plotë e ministrisë së Punëve të Jashtme

Në vijim të interesimit të medias mbi deklaratën e zëdhënësit të MPJ greke mbi të ashtuquajturin incident të ndodhur në terrenin e kishës së Shën Thanasit në Dhërmi, zëdhënësi i MPJ të Shqipërisë Glevin Dervishi shprehu habinë dhe shqetësimin ndaj këtij reagimi të nxituar.

Shqipëria përkujdeset të sigurojë zbatimin e ligjit në tërësinë dhe pacenueshmërinë e tij. Në raport me bashkësitë fetare, po ashtu edhe në raport me parandalimin e çfarëdolloj informaliteti dhe dallimin e tij nga shfrytëzimi korrekt i pronës private , në përputhje me të drejtat dhe detyrimet që burojnë nga Kushtetuta e Republikës së Shqipërisë, Konventa Evropiane e të Drejtave të Njeriut dhe aktet e tjera ndërkombëtare në të cilët Shqipëria aderon.

Në Republikën e Shqipërisë marrëdhënia midis institucioneve të shtetit shqiptar dhe institucioneve fetare janë tepër të shëndosha dhe mishërojnë frymën e bashkëjetesës unikale mes besimeve të këtij vendi. Komiteti Shtetëror i Kulteve siguron në këtë kuadër dialogun e privilegjuar që, si çdo bashkësi tjetër, edhe Kisha Ortodokse Autoqefale e Shqipërisë, e cila ka përfaqësuesit dhe zëdhënësit e saj përkatës në territorin shqiptar, gëzon me pushtetet publike. Shqipëria është e gatshme të ndajë eksperiencën e saj të vyer me Greqinë në ketë drejtim.

Konstatojmë se qëndrimi i djeshëm i zëdhënësit të Ministrisë së Jashtme greke, përbën, në këtë kontekst, një ndërhyrje në mbarëvajtjen e rendit të brendshëm civil, administrativ dhe gjyqësor të Republikës së Shqipërisë. Po ashtu, ai paragjykon në mënyrë të njëanshme dhe eksesive angazhimin e kahershëm të Greqisë për të shoqëruar integrimin evropian të Shqipërisë, të mbështetur nga partnerët e tjerë evropianë, gjë e cila bie ndesh edhe me praktikën e konsultimit dhe qasjes së përbashkët të problemeve mes vendeve qe ndajnë të njëjtën aspiratë evropiane.

Ky qëndrim, është larg frymës së bashkëpunimit dhe mirëkuptimit të ndërsjellë midis Shqipërisë dhe Greqisë, të cilën kishte për qellim të promovonte takimi i fundit i Ministrave Bushati – Kotzias. Ai është larg çdo parimi dhe praktike ndërkombëtare që orientojnë marrëdhëniet dypalëshe midis dy vendeve sovrane si dhe normave dhe frymës së bashkëpunimit evropian dhe fqinjësisë së mirë.

Ministria e Punëve të Jashtme e Republikës së Shqipërisë shpreson se deklarata e djeshme, e cila në asnjë mënyrë nuk mund të shihet si qëndrim i një autoriteti që ushtron garanci morale apo kanonike mbi Kishën ortodokse autoqefale shqiptare dhe besimtarët e saj, do të mbetet vetëm një insinuatë e izoluar në zhvillimin e mëtejshëm të marrëdhënieve shqiptaro-greke.​

Shqip

[Darius]

Prishja e ‘Shën Athanasit’, Kisha Ortodokse: Veprim i papërgjegjshëm, shkelje flagrante e ligjit





Kisha Ortodokse e Shqipërisë ka reaguar zyrtarisht pas prishjes së kishës së ‘Shën Athanasit’, duke e cilësuar atë një veprim të papërgjegjshëm dhe në shkelje flagrante me ligjin. Përmes një njoftimi të postuar në faqen zyrtare, thuhet se ‘veprime të tilla të papërgjegjshme dhe aventureske vënë në rrezik harmoninë fetare në vend, duke krijuar konflikte midis besimeve dhe komuniteteve fetare’.



Reagimi i plotë i Kishës Ortodokse Shqiptare


Sot, 26 gusht 2015, në orën 4 të mëngjesit, pa zbardhur dita, në mënyrë të fshehtë e tinëzare, për t’iu shmangur ballafaqimit me banorët e Dhërmiut, në Himarë, u shkatërrua nga forca të inspektoratit ndërtimor të ardhura nga zona të tjera të vendit, kisha ortodhokse e Shën Athanasit.
Ishin dëshpëruese dhe fyese që në ditët tona të shihje se shkatërrimi varrosi nën gërmadha Ungjillin e shenjtë, ikonat dhe objekte të shenjta, pamje që të kujtonin përdhosjen në Kishën e Shën Marisë në Përmet, ku ato u hodhën në kamionin e plehrave. Ky veprim është në shkelje flagrante të Ligjit nr. 10057, 22.01.2009, “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe Kishës Ortodhokse Autoqefale të Shqipërisë”, Neni 21/1,2: “Ndërtesat dhe objektet që shërbejnë për kryerjen e ceremonive fetare konsiderohen të shenjta nga Kisha Ortodokse Autoqefale e Shqipërisë.

Ndërhyrja e autoriteteve shtetërore në to është e ndaluar, me përjashtim të rasteve të flagrancës, kur një gjë e tillë kërkohet në zbatim të një urdhri të prokurorisë, të një vendimi gjyqësor ose titulli ekzekutiv, ose në rast të kanosjes së një rreziku të afërm. 2. Paprekshmëria e hapësirës publike garantohet nga Shteti. Shteti mbron objektet dhe vendet e caktuara fetare, në përputhje me Ligjin.” Ndërhyrja u bë pa as një njoftim zyrtar ose informal, si dhe u shpërfillën klerikët tanë, përfaqësuesit arkieratik Protopresviter Atë Pandeli Mitru, Atë Efthim Bixhili, Atë Athanas Qerimi, të cilët kërkuan shpjegime për një ndërhyrje të tillë nga organet vendore.

Që në fillim, ata që kishin planifikuar shkatërrimin e këtij vendi të shenjtë ishin kontradiktorë, megalomanë dhe konfuzë në deklarimet, pretendimet dhe veprimet e tyre: Deklaruan se ishte një ndërtim pa leje i bërë së fundmi dhe doli se ishte ngritur nga vetë besimtarët në fillimet e Demokracisë, në të njëjtin vend ku ngrihej kisha e rrafshuar nga komunizmi. Deklaruan që kisha ishte monument kulture dhe doli që nuk ishte e vërtetë. Deklaruan se Kisha nuk ishte pronare dhe u dëshmua me dokumente e kundërta. U deklarua se soleta ishte hedhur mbi muret e vjetra historike dhe pastaj i rrafshuan ato etj.
Kjo ngjarje është një shkelje e së drejtës universale të besimit dhe laicitetit të shpallur në Kushtetutë të shtetit, i cili merr përsipër në mënyrë të njëanshme prishjen e një objekti kulti ortodoks dhe në vend të tij të ngrejë një tjetër, duke marrë iniciativa dhe angazhime që nuk i takojnë dhe përbëjnë ndërhyrje në çështjet e brendshme fetare.

Veprime të tilla të papërgjegjshme dhe aventureske vënë në rrezik harmoninë fetare në vend, duke krijuar konflikte midis besimeve dhe komuniteteve fetare. Gjithashtu, në një kohë kur Kisha Ortodhokse Autoqefale e Shqipërisë, së bashku me Komunitetin e Sant Egidios dhe Kishën Katolike në Shqipëri, në fillim të muajit shtator, përgatiten për të pritur veprimtarinë e madhe ndërfetare “Paqja është gjithmonë e mundshme”, ku do të marrin pjesë 500 delegatë, nga 30 besime të ndryshme nga e gjithë bota, një ngjarje historike për Shqipërinë, veprime të tilla bien ndesh me frymën që ajo promovon dhe zbeh imazhin e vendit dhe popullit tonë.

Shqip

[Darius]

Kisha e Dhërmiut, Rama: Ndërhyrja e Greqisë, e papranueshme. Reagimi i PD, i mëshirueshëm


Shembja e kishë së Shën Athanasit gjatë natës së djeshme ka sjellë reagime të shumta nga forcat politike e kleri në vendin tonë, përfshi edhe reagimin e MPJ greke. E në valën e këtyre reagimeve, nuk kishte si të mungonte edhe fjala e kryeministrit Edi Rama, që përmes një shkrimi të gjatë të publikuar në faqen e vet zyrtare në Facebook e cilëson të papranueshme ndërhyrjen e shtetit grek në punët e brendshme të shtetit shqiptar, ndërsa të pabesueshme dhe të mëshirueshme e ka cilësuar qëndrimin e mbajtur nga PD, që sipas tij i fryn zjarrit të përçarjes fetare në Shqipëri.


Shkrimi i plotë i kryeministrit


Eshtë e pabesueshme edhe për mua që ka kohë që nuk çuditem nga ushqimi i pacertifikuar që Partia Demokratike u jep përditë shqiptarëve, njësoj si ato thertoret e kthesës së Kamzës të cilat shisnin mish të therur në kohë reale mes baltës e gjakut. Eshtë e pabesueshme që Partia Demokratike, në injorancë të plotë të historisë, aktualitetit dhe të nesërmes së projektuar të kishës së vjetër të Dhërmiut, t’i bashkohet një kujeje të pabesueshme të kujt u vu në mbrojtje të ngrehinës skandaloze të së ashtuquajtur kishë; një ngrehinë e ndërtuar jo nga kisha, po nga brutaliteti individual i viteve ’90 mbi një monument kulture, të cilën në asnjë lloj konkursi për ta gjetur se çfarë është, nuk do të dilte dot njeri në botë që të thoshte është kishë.

Po jo vetëm kaq, është e pabesueshme që Partia Demokratike, për të sharë medoemos qeverinë, t’i bashkohet një përçapjeje dhe një përçartjeje që nuk ka asnjë lidhje me raportet e shtetit me fenë; nuk ka asnjë lidhje me marrëdhëniet e qeverisë me kishën e me klerin ortodoks; nuk ka asnjë lidhje me fqinjin jugor jo e jo. I cili nga ana e tij, duhet të vetëdijësohet se asnjë çështje apo problem i Kishës Autoqefale Shqiptare apo i ortodoksëve shqiptarëve nuk ka asnjë lidhje me shtetin fqinj. Ortodoksët shqiptarë janë qytetarë shqiptarë që kanë shtetin e tyre dhe hapësira e ushtrimit të besimit të tyre nuk është protektorat i asnjë shteti tjetër. Ashtu sikundër Kisha Autoqefale Shqiptare, çdo problem që ka pasur, ka apo do të ketë me shtetin, e ka trajtuar, e trajton apo do ta trajtojë me shtetin shqiptar e me institucionet e tij. Prandaj, çdo ndërhyrje në këtë mes, është ndërhyrje e papranueshme në punët e brendshme të Shqipërisë.

Shqipëria është një vend ku kisha ortodokse është në shtëpinë e saj dhe jo në shtëpinë e komshiut, e po njësoj në shtëpinë e tyre janë edhe besimtarët ortodoksë të minoritetit grek. Të cilët e marrin meshën mes ortodoksëve shqiptarë dhe gëzojnë po njësoj si ata, të njëjtën liri fetare të garantuar nga Kushtetuta e Republikës së Shqipërisë. Këto të vërteta janë të qarta si drita e diellit dhe shosha e politikës së kujtdo apo e politizimit nga kushdo, të çfarëdo problemi në këtë mes, nuk mund të lejohet të dëmtojë cilësinë e lartë të marrëdhënieve ndërfetare në Shqipëri apo të marrëdhënieve të shtetit e të qeverisë shqiptare me të gjitha institucionet klerikale të Shqipërisë.

Eshtë ky vendi për të nënvizuar se marrëdhëniet e qeverisë sonë me klerin ortodoks dhe me përfaqësuesit e tij më të lartë, si edhe marrëdhëniet e mia personale me kryepeshkopin Anastas, kanë qenë gjithnjë të shkëlqyera. Mosdakordësitë krejt të natyrshme për ndonjë problem krejt periferik jashtë çdo natyre fetare, nuk e zbehin dot shkëlqimin e kësaj marrëdhënieje dhe të respektit të merituar që kleri ortodoks, ashtu si edhe çdo kler tjetër në Shqipëri ka marrë prej nesh.

Gabojnë ata që në emër të Kishës Ortodokse e trajtojnë me fjalorin e ngarkuar të deklaratave të ditëve të fundit, prishjen e asaj ngrehine pa lidhje me trajtën e me funksionet e një kishe. Po vetëm zoti është i pagabueshëm, të gabosh është njerëzore. Jam i bindur se shumë shpejt do të kemi mundësinë ta tresim bashkërisht, me mirëkuptimin e përhershëm, renë e përkohshme të këtij keqkuptimi të përfaqësuesve të Kishës Ortodoke ndaj nesh. Sepse s’ka mendje të arsyeshme që ta ketë të pamundur ta kuptojë se çka po bëhet në atë truall në Dhërmi është një punë fisnike, që ngre lart vlerat e fesë, të historisë e të trashëgimisë kulturore të atij vendi dhe të kësaj toke. Bashkia e Himarës do të rindërtojë aty shembëlltyrën e kishës së vjetër të Dhërmiut dhe meriton vetëm përgëzime në synimin e vet, për ta bërë atë truall përçues të jehonës së një kohe e historie të shkuar që brezat po edhe vizitorët meritojnë ta përjetojnë.

Ndërsa me Partinë Demokratike ndryshon shumë puna, sepse është e pabesueshme që një forcë e madhe politike shqiptare t’i fryjë një zjarri të patolerueshëm për historinë e për të ardhmen e Shqipërisë. Unë e di, siç e dinë shumica dërrmuese e shqiptarëve, se Partia Demokratike është në vazhdën e një rrënimi dëshpërues dhe po ashtu, të gjithë e dimë se njerëzit e dëshpëruar bëjnë gjëra të dëshpëruara. Po që dëshpërimi në PD të arrinte deri në orvajtjen e dëshpëruar për të sulmuar qeverinë e Shqipërisë në emër të lirisë fetare, kjo është e pabesueshme. Dhe prandaj është thjesht e vetëm e mëshirueshme.

Shqip

[Darius]

Shembet plotësisht gjatë natës kisha e Dhërmiut. PBDNJ: Vandalizëm qeveritar





Kisha e Shën Thanasit, apo siç është përfolur shumë kohët e fundit, kisha e Dhërmiut është shembur plotësisht gjatë natës së djeshme. Kanë qenë forca të INUV të bashkisë ato që kanë prishur plotësisht kishën e vogël, në rrënoja e të cilës sipas kryeministrit të vendit Edi Rama do të ndërtohet kisha e vjetër siç ishte përpara se të shembej nga diktatura. Lajmi për prishjen e kishës është bërë publik nga zëdhënësi i kishës ortodokse Thoma Dhima i cili ka postuar në faqen e vet në Facebook disa imazhe të mbetjeve nga shembja e kishës, ndërsa e ka cilësuar këtë një akt vandal të shtetit kundër komunitetit ortodoks.

“Akti vandal i shtetit kunder Komunitetit Ortodoks. Duket qarte GENJESHTRA se kishte mure te vjetra te kishes se pare. SHEMBEN GJITHCKA! Tani e kane radhen eshtrat e familjeve ortodokse te fshatit qe te perdhosen, se gjoja do gjejne eshtrat e nje katoliku italian qe kishte ardhur t’u kthente besen. TURP!”, shkruan Dhima. Pas prishjes së Kishës së Dhërmiut ka reaguar edhe Partia Bashkimi për të Drejtat e Njeriut, PBDNJ që e ka cilësuar këtë akt një vandalizëm të pastër të një qeverie e cila, pasi dështoi të ndërtojë shkolla e spitale per popullin e vet, po i shkatërron atij objektet e kultit dhe i dhunon jetën shpirtërore. PBDNJ ka kërkuar ndërhyrjen e komunitetit ndërkombëtar për zgjidhjen e kësaj çështjeje.



Deklarata e plotë e PBDNJ


Vandalizmi qeveritar ne Shen Athanas, Dhermi, është dëshmia e radhës dhe më domethënëse se në vendin tone Kushtetueshmeria, shteti i së drejtës, dimensioni human dhe liria e besimit po i lënë vendin përditë edhe më tepër arbitraritetit, arrogancës, dhunës dhe hipokrizisë.

E kapur nga interesa klienteliste, qeveria që dështoi të ndërtojë për qytetarët shkolla dhe spitale, po i shkatërron atij objektet e kultit dhe i dhunon jetën shpirtërore.

Asnjë “patriotizëm” nuk mund të bëhet strehë për qëllimet grabitëse, tashmë të njohura botërisht, të Z. Kokëdhima me mbështetjen e Kryeministrit Rama ndaj pronave të Bregut.

Në këto kushte bëhet imediate nevoja e ndërhyrjes se komunitetit ndërkombëtar për të vënë në mbrojtje vlerat tona shpirtërore nën kërcënim dhe garantuar respektimin e lirisë së besimit në veçanti dhe të drejtat e njeriut dhe minoriteteve në përgjithësi.

Nën hijen e këtyre zhvillimeve, ku do ta gjejë vallë hipokrizinë proverbiale që do t’i duhet sot Kryeministrit Rama për të parë në sy Kancelarët Merkel dhe Freyman si edhe kolegët ballkanoperëndimorë në samitin e Vjenës?!

Po popullit shqiptar si do t’i shpjegohet që po ia bën përditë edhe më të largët arritjen e ëndrrës europiane?

Shqip

[Darius]

Prishja e Kishës, Janullatos ankohet në Athinë





Kryepeshkopi pritet nga zyrtarët më të lartë, Presidenti dhe Kryeministri


Prishja e Kishës së Shën Thanasit në Dhërmi ka detyruar Kryepeshkopin Kishës Ortodokse, Anastas Janullatos, të udhëtojë drejt Athinës dhe të takohet me krerët më të lartë të shtetit dhe të politikës greke. Sipas njoftimeve zyrtare dhe mediave greke, Kryepeshkopi i Kishës Autoqefale Ortodokse u takua dje me dy udhëheqësit më të lartë të shtetit grek, Presidentin Prokopis Pavlopoulos, Kryeministrin e dorëhequr, Aleksis Cipras, dhe zëvendësministrin e Jashtëm, Jannis Amanatidis. Sipas agjencisë shtetërore greke, AMNA, Kryeministri Cipras që thuhet se ka një marrëdhënie tepër të veçantë me kreun e Kishës Autoqefale të Shqipërisë, ka theksuar gjatë fjalëve të para të mikpritjes, se Athina zyrtare ndjek nga afër dhe me shumë interes veprën e kësaj Kishe për besimtarët e saj dhe për popullin shqiptar. “Është një vepër”, ka thënë Cipras, që përveç përpjekjeve për rindërtimin e kishave në Shqipëri prej vitit 1991, përfshin edhe iniciativa shumë të rëndësishme sociale në fushën e arsimit, shëndetësisë, zhvillimit rural, mbrojtjen e trashëgimisë kulturore dhe mbrojtjes ekologjike.

Nga ana e tij, Kryepeshkopi Anastas thuhet se në fillim ka uruar Kryeministrin grek që Perëndia t’i japë urtësi për të vazhduar të vlerësojë saktësisht realitetin ku ndodhet Greqia dhe për të marrë vendimet e duhura. “Shqipëria është një vend shumë i rëndësishëm, vend fqinj. Me gjithë zemër besoj se atë që do populli është respekti, dashuria, e vërteta, mendimi krijues dhe vepra krijuese dhe këtë po përpiqemi të bëjmë. Do të gëzohemi se pavarësisht rezultateve të zgjedhjeve, do të vizitoni Shqipërinë”, ka thënë Anastasi.

Ndërsa nuk publikohen hollësi të mëtejshme të takimit, burime pranë Kryeministrit grek thonë se është diskutuar edhe për incidentin e Kishës së Shën Thanasit në Dhërmi, të cilën Kisha Ortodokse Autoqefale e Shqipërisë e ka dënuar, duke theksuar se është një incident që ndikon në respektimin e pronës private, por edhe në lirinë e besimit fetar. Gjithashtu mësohet se kryepeshkopi ka pasur një takim disa minutësh edhe me zv.ministrin e Jashtëm, Jannis Amanatidis, ndërsa më herët është takuar edhe me Presidentin grek, Prokopis Pavlopoulos, ku përveç problemeve të minoritetit grek në Shqipëri, apo zhvillimeve politike në Greqi, ka biseduar edhe për krizën e refugjatëve dhe emigrantëve dhe përpjekjet e Greqisë dhe shteteve të tjera europiane për përballimin e saj. Prishja e Kishës së Shën Thanasit nga INUV shkaktoi përplasje ndërmjet Kishës Autoqefale Ortodokse dhe shtetit shqiptar. Për këtë ngjarje reagoi dhe Athina Zyrtare, ku zëdhënësi i MPJ-së, Costandinos Kutras, shprehu indinjatën e Athinës lidhur me ngjarjen. Në komunikatë thuhet se “largimi i dhunshëm i besimtarëve nga Kisha e Shën Thanasit, prej punonjësve të Bashkisë së Himarës, heqja e simboleve fetare dhe e sendeve të shenjta prej kishës, si dhe dëmtimi i rëndë i kësaj godine, përbëjnë një akt të dënueshëm, pavarësisht argumenteve juridike të kësaj bashkie dhe natyrisht nuk tregojnë imazh pozitiv të një vendi që aspiron të bëhet anëtar i familjes europiane”.

Por kjo solli reagimin e fortë të Tiranës zyrtare, duke e cilësuar qëndrimin e Athinës si një ndërhyrje në punët e brendshme. “Konstatojmë se qëndrimi i zëdhënësit të Ministrisë së Jashtme greke, përbën, në këtë kontekst, një ndërhyrje në mbarëvajtjen e rendit të brendshëm civil, administrativ dhe gjyqësor të Republikës së Shqipërisë. Po ashtu, ai paragjykon në mënyrë të njëanshme dhe eksesive angazhimin e kahershëm të Greqisë për të shoqëruar integrimin europian të Shqipërisë. Ky qëndrim, në këndvështrimin e Ministrisë së Jashtme shqiptare është larg frymës së bashkëpunimit dhe mirëkuptimit të ndërsjellë midis Shqipërisë dhe Greqisë, që kishte për qëllim të promovonte takimi i fundit i ministrave Bushati-Kotzias”, tha zëdhënësi Dervishi.


Rama: Do ta kthejmë në identitet

Kryeministri boton foto të Kishës së Dhërmiut


Kryeministri Edi Rama ka postuar në rrjetet sociale dy foto të kishës së vjetër të Dhërmiut, atë të renë, të cilën Inspektorati Vendor ka vendosur ta prishë si ndërtim pa leje. “Kishë e vjetër e Dhërmiut që do të rilindë në emër të trashëgimisë kombëtare dhe ‘garazhi’ pa leje që e quajnë kishë”, shkruan Rama. Për qeverinë shqiptare, objekti i kultit duhet të kthehet në identitet, ndërsa vetë Kisha Autoqefale argumenton se kjo godinë nuk është monument kulture dhe se shteti nuk duhet të ndërhyjë. Për çështjet e debatit mes Tiranës dhe Athinës, Rama dy ditë më parë u shpreh se “e bënin shpesh në të shkuarën, e bëjnë më rrallë. Duan ende kohë si duket që ta kuptojnë se Shqipëria s’pranon më tutelë”. Ndërsa për objektin fetar theksoi se “është të qeshësh e qash që një ngrehinë si garazh e quajnë kishë dhe vënë kujën pse po rikthejmë në jetë trashëgiminë tonë!”.

Shqip