Arbitrazhi: Kombëtarja shqiptare merr 3 pikë në tavolinë për ndeshjen në Beograd

[Darius]

Mbaroi dhe kjo maratone. Me ne fund drejtesia u vendos. Morem 3 piket qe meritonim


Shqiperia merr 3 piket ne tavoline

Zyrtare , CAS na jep 3 pikët

Shqipëria ka fituar betejën ligjore me UEFA-n në Gjykatën e Arbitrazhit Sportiv në Lozanë, duke marrë 3 pikët e ndeshjes së ndërprerë 14 tetorin e shkuar me Serbinë.

9 muaj më vonë, ngjarja e rëndë e Beogradit më në fund ka marrë zgjidhjen e duhur, të mohuar në dy shkallët e drejtësisë sportive të organit më të lartë të futbollit europian, UEFA. Faktet e paraqitura në Gjykatën e Arbitrazhit Sportiv kanë qenë të pakundërshtueshme edhe pse ishin të njëjta me ato që i ishin paraqitur UEFA-s, por këta të fundit nuk i morën parasysh.

E gjithë kjo pritje e gjatë për drejtësinë e munguar, u shpërblye me 3 pikë kaq të rëndësishme për ecurinë e përfaqësueses sonë në këto eliminatore.

Shqipëria me një ndeshje më pak në grupin I ndodhet tashmë në vendin e dytë me 10 pikë aq sa edhe Danimarka, 2 më pak se Portugalia kryesuese.

Sport Press

[{A_N_G_E_L_69}]

Te fala mamit tani serbi.

[Qyfyre]

Play off e siguruam. Tani te sigurojm kualifikimin direkt.

[Darius]

Edhe ne vend te dyte jemi te siguruar ne kualifikim

[Darius]

Kjo eshte tabela e renditjes mbas vendimit te CAS

[Darius]

De Biasi, i lumtur me vendimin e CAS-it




Selektori i Shqipërisë, Gianni de Biasi ka mirëpritur vendimin e CAS-it për ndeshjen e ndërprerë kundër Serbisë.

Vendimi i Gjykatës së Arbitrazhit Sportiv (CAS), e cila ndeshjen mes Serbisë dhe Shqipërisë e regjistroi me rezultat 0:3, është mirëpritur edhe nga selektori Gianni de Biasi.

“Drejtësia u vu në vend, dhe shpresojmë që ndeshjet që na kanë mbetur t’i luajmë me optimizëm të madh. Por duhet të luajmë ndeshjen me Danimarkën, me shpirtin e duhur dhe me këmbët në tokë”, ka deklaruar ai, shkruan “Top Channel”.

‘Nëse duam të shkojmë direkt në Francë, duhet të bëjmë mirë në ndeshjet e mbetura. Kishim kohë që e prisnim këtë vendim, Nuk mund të them se do të festojmë sot, jam shumë i lumtur sigurisht, sepse kur drejtësia triumfon, të gjithë jemi të lumtur”.

[Darius]

Kjo fotoja ketu me poshte eshte fantastike

[Darius]

Ja përgjigja që Vuçiq merr nga Rama




Rama: Vuçiq, ndeshja zhvillohet në Shkodër e jo në Tiranë – do të jesh i ftuari im i nderit

Kryeministri i Shqipërisë, Edi Rama, e ka zënë ngushtë homologun e tij serb, Aleksandër Vuçiq, kur ky i fundit tha se “Serbia do të fitojë në zemër të Tiranës edhe pa ndihmën e dronit”.

“Në Shqipëri, miku im i dashur Vuçiq, atë ditë do të fitojë ai që luan më së miri futboll. Prandaj, mos thuaj “Ne do të fitojmë” sepse asgjë nuk varet nga ty”, i ka thënë Rama Vuçiqit në “luftën e fjalëve” që ka nisur pas vendimit të CAS-it që i dha 3 pikë të plotë Shqipërisë, raporton Koha.net.

Tutje, ai ka thënë se e mirëpret Vuçiqin në Shkodër, meqenëse ndeshja zhvillohet atje, e jo në Tiranë siç ka menduar kryeministri serb.

“Dhe që ta dish, ndeshja do bëhet në Shkodër, ku je i mirëpritur të jesh i ftuari im i nderit, që t’i duartrokasim së bashku ata që do fitojnë”, ka theksuar Rama.

Menjëherë pas lajmit për vendimin e CAS-it, Rama shkroi në Facebook dhe Twitter:

“Supeeeer! Ja ç’dmth drejtësi europiane! 3 pikë për Kombëtaren Kuqezi në Beograd!!! #ForcaShqiperia”.

E kryeministri serb, Aleksandër Vuçiq, iu përgjigj gëzimit të kryeministrit shqiptar Edi Rama lidhur me vendimin e CAS për ndeshjen Serbi – Shqipëri.

Vuçiq, i hidhëruar për vendimin, në llogarinë e vet në Twitter ka thënë se “drejtësia evropiane është shndërruar në padrejtësi botërore”, raporton Koha.net.

Ai ka theksuar se shkaktuesit e incidentit janë shpërblyer e viktimat janë dënuar dhe ka shtuar se “Serbia do të fitojë pa dron dhe pa ndihmën e askujt në zemër të Tiranës”.

[Darius]

Edhe kjo ishte e forte

[RaPSouL]

Ndërsa mediat serbe nuk u besojnë dot syve.

http://www.kurir.rs/sport/fudbal/ska...clanak-1852879