Arjan Cani ne Zone e lire: Çamet jane te pabese ti vrasesh pak e kane

[shitesi]

Gjat emisionit zone e lire arjan cani gjat promovimit te klipit te nje kengtari me origjin Shqiptare dhe qe kendon ne greqi per 20 vjet ku klipi nje kenge per camerine sipas kengtarit ish porositur nga nje cam dhe nuk ish paguar u hodhen shume parrulla antishqiptare per Shqiptaret e Camerise.Kengetari tha qe kam frike ta kendoj nje kenge per Camerine ne Sarande se (nenkupto aty esht vorioepir) aty nuk i duan Camet.Kurse Cani tha qe Camet jane te pabese ti vrasesh pak e kane.

[{A_N_G_E_L_69}]

Me siguri qe eshte thashathem.Cani vertet e ka stil te bej "karagjozin" por nuk tregohet karagjoz ne deklarata te tilla publike.

[Wrangler]

Arjan Çani eshte bere i bajateshem

[Darius]

Arjan Cani historikisht ka qene bajat.

[Wrangler]

Darius, mos ka qen ky qe bente nje emision te radio koha pas ores 01:00 te nates, rreth vitit 1998 ? Nuk me kujtohet se si quhej emisioni por me duket se "Shfryhu" dhe telefonin njerez e çfare nuk e shanin Arjanin e çfare nuk i shante edhe ky. ( Gjithnje nese ka qene ky ) se nuk jam i sigurte.

[Darius]

Ky ka qene ky. Komplet injorant e bajat. Te hapte barkun.

[Uriel]

Darius, mos ka qen ky qe bente nje emision te radio koha pas ores 01:00 te nates, rreth vitit 1998 ? Nuk me kujtohet se si quhej emisioni por me duket se "Shfryhu" dhe telefonin njerez e çfare nuk e shanin Arjanin e çfare nuk i shante edhe ky. ( Gjithnje nese ka qene ky ) se nuk jam i sigurte.

Klani i natës, dy katër, otto gjashtë, gjashtë dy.

[shitesi]

Autoriteti i Mediave Audiovizive (AMA,) në zbatim të ligjit nr. 97/2013 “Për mediat audiovizive në Republikën e Shqipërisë”, ka monitoruar programin “Zonë e lirë” transmetuar në televizionin privat kombëtar “Tv Klan” në datat 8 dhe 9 maj 2015. Nga monitorimi rezultoi se gjatë programit janë cenuar disa nga parimet themelore të ligjit nr. 97/2013, që përcaktojnë se operatorët e shërbimit audioviziv, gjatë zhvillimit të veprimtarisë së tyre, s’duhet të lejojnë transmetimet që nxisin intolerancën midis shtetasve, që nxisin apo justifikojnë dhunën.

Në pjesën e fundit të emisionit (nga ora 00.45 e datës 9 maj 2015) gjatë bisedës me një këngëtar të ftuar, nga drejtuesi i emisionit, përdoren drejtpërsëdrejti fraza dhe shprehje që nuk respektojnë kërkesat ligjore dhe etike për përmbajtjen e programeve audiovizive. Konkretisht drejtuesi thotë se: “Pse kot thonë për çamët që janë të pabesë?” dhe, më pas, shton: “(Çamët) …janë të mirë, janë aq të mirë sa t’i vrasësh pak e kanë! Bëj shaka, sigurisht, ishte batutë, unë jam çam vetë!”.

Në vazhdim të bisedës, drejtuesi i emisionit replikon me këngëtarin e ftuar duke thënë: “E ke gabim, sarandiotët nuk janë kështu, janë… ok, janë shumë të poshtër, t’i vrasësh pak e kanë dhe ata, por nuk të thonë gjë për çamët.”

Bazuar në këto qëndrime të drejtuesit të emisionit “Zonë e lirë”, të datave 8 dhe 9 maj 2015, AMA vëren se janë shkelur kërkesat e parashikuara në nenin 32, pika 4 dhe nenin 33 pika 1, gërma “ç” dhe “d” të ligjit nr. 97/2013, sipas të cilave ofruesit e shërbimit mediatik audioviziv nuk duhet të transmetojnë programe me përmbajtje që nxisin urrejtjen mbi baza racore, gjinie, fetare, etnike, kombëtare dhe çdo lloj tjetër diskriminimi, të mos cenojnë dinjitetin dhe të drejtat themelore të njeriut si dhe të mos transmetojnë programe që mund të nxisin vepra penale.

AMA vlerëson se jemi në rrethana specifike, pasi subjekti “Tv Klan” është televizion me shtrirje kombëtare me audiencë të konsiderueshme, ku ndjeshmëria në publik e përmbajtjeve të transmetuara është më e madhe.

Mosrespektimi i detyrimeve të përcaktuara në nenin 33 të ligjit nr. 97/2013 “Për mediat audiovizive në Republikën e Shqipërisë”, mbështetur në nenin 133, pika 1, gërma “a” të po këtij ligji, përbën kundërvajtje administrative dhe ndërshkohet me gjobë.

Për sa më sipër, në mbështetje të nenit 133, pika 10 të ligjit nr. 97/2013 “Për mediat audiovizive në Republikën e Shqipërisë”, Drejtoria e Programeve dhe Drejtoria Juridike dhe Licencave të AMA-s,

V E N D O S I:

Të ndëshkojë me gjobë në masën prej 400 000 (katërqindmijë) lekë, shoqërinë “Tv Klan” sh.a., për subjektin audioviziv privat kombëtar “Tv Klan”.
Gjoba paguhet nga kundërvajtësi brenda 10 ditëve në adresënanka Credins, AMA , Tiranë; Nr. Llog. 445385.
Pas kalimit të këtij afati, për çdo ditë vonesë, paguhet kamatë 2% deri në një muaj.

Kundër kësaj gjobe mund të bëhet ankim në AMA brenda 30 ditëve nga data e marrjes dijeni.

Tiranë, 12.05.2015

Drejtoria Juridike dhe Licencave
Drejtoria e Programeve
AUTORITETI I MEDIAVE AUDIOVIZIVE -shqiptarja.com

[shitesi]

Arjan Çani tërbon rrjetet sociale (deklaratat e tij dënohen nga 2-10 vjet burg)
May 11, 2015
TEMA

By TemA Online
cani

Një dekalratë e Arjan Çanit më emisionin e tij “Zonë e Lirë”, ka tërbuer komentuesit në rrjetet sociale.

Çani ka thënë të premten, se çamët dhe sarandjotët, edhe t’i vrasësh, e kanë pak.

Nuk dihet se në çfarë konteksti e ka thënë Çani këtë gjë dhe nëse e ka pasur seriozisht.

Por, kjo deklaratë ka shkaktuar reagime të shumta dhe zemërim.

Gazeta Dita, duke iu referuar kodit Penal, thotë se Çani, do të dënohej nga 2 deri në 10 vjet burg, nëse do të kishte hetime për deklaratat e tij.

E njëjta gjë mund të ndodhte edhe me Maks Velon, që shkaktoi shumë debate me deklaratën e tij se i urren myslimanët dhe veriorët.

Dy nenet e Kodit Penal që i ndalojnë deklarime të tilla publike:

Neni 265
Nxitja e urrejtjes ose grindjeve (Ndryshuar neni me ligjin 144/2013, datë 2.5.2013, neni 41)

Nxitja e urrejtjes dhe e grindjeve, për shkak të racës, etnisë, fesë ose orientimit seksual, si dhe përgatitja, përhapja ose ruajtja, me qëllim përhapjen e shkrimeve me përmbajtje të tilla, e kryer me çdo mjet ose formë, dënohet me burgim nga dy deri në dhjetë vjet.

Neni 266
Thirrja për urrejtje nacionale (Ndryshuar me ligjin 144/2013, datë 2.5.2013, neni 42)

Vënia në rrezik e paqes publike duke bërë thirrje për urrejtje kundër pjesëve të popullsisë, duke i fyer ose shpifur për to, duke kërkuar përdorimin e dhunës ose të veprimeve arbitrare kundër tyre, dënohet dënohet me burgim nga dy deri në tetë vjet.

[Helikranon]

Debil i lindur.