Berisha: "Ja dy policët e Tahirit që drejtonin trafikun e drogës së Lazaratit"

[Albo]

Berisha: Ja dy drejtorët më kryesorë të Policisë së Shtetit që drejtonin trafikun e droges nga Lazarati në Greqi e Itali

Ish-kryeministri Sali Berisha ka deklaruar në rrjetin social Facebook se kanë qenë dy drejtoret me kryesore te Policise se Shtetit, Albert Pata dhe Alban Ahmeti, që sipas tij, drejtonin trafikun e droges nga Lazarati në drejtim të Italisë dhe Greqisë.

“…rreth 16 muaj me me pare Albert Pata u emërua Drejtor i Forcës së Posaçme Operacionale në Departamentin e Luftës Kundër Krimit të Organizuar dhe Krimeve të Rënda. Atij menjehere iu dhurua grada Drejtues i Parë fal kontributit të tij financiar dhe politik Tnumërues i Partisë Socialiste në zgjedhjet e vitit 2013). Në muajin mars të vitit 2014 mbi bazën e informacioneve të ardhura nga Prokuroria e Krimeve të Rënda, Sherbimet inteligjente dhe nga Autoritet ligjzbatuese Italiane, provohet se drejtuesi i kesaj njesie speciale, e cila mbulon vëzhgimin, përgjimin dhe agjent nën mbulim, ishte direkt i perfshire në trafikun e lëndëve narkotike nga Lazarati në drejtim të Italisë dhe Greqisë”,- shkruan Berisha.

Teksa vijon shpjegon lidhjet, sipas ish-kryeministrit:

“Ndermjetes i tij me grupet e trafikut te droges ne jug ishte Seresi, oficeri dhe shoferi superpotent, miku i ngushte i Sajmir Tahirit qe u arrestua tek transportonte rreth 1 ton droge“.

Por çfare ndodhi pas arrestimit te Seresit?

Sipas Berishes, “Ne momentin e arrestimit te tij nga policia e Gjirokastres, Didi telefonoi ne drejtorine e policise te ketij qarku. Ai nuk kerkoi direkt lirimin e tij por iu tha atyre se ministri do merzitet shume nga arrestimi i Serezit. Pata, qe duhet te procedohej, mori vetem largimin nga drejtor per te vazhduar punen ne nje detyre tjeter”.

Pas largimit nga detyra te Albert Pates, nga Drejtor i Forcës së Posaçme Operacionale në Departamentin e Luftës Kundër Krimit të Organizuar dhe Krimeve të Rënda, Berisha shkruan se ne vend te tij u emerua Alban Ahmetaj:

“Ne vend te tij u emerua drejtor i njesise, Alban Ahmetaj, edhe ky i përjashtuar nga forcat e Policisë në vitin 2006, rikthehet në kundërshtim me ligjin në tetor të vitit 2013 për të vetmen arsye se ishte kontribues financiar dhe pjesmarrës direkt në strukturat e Partisë Socialiste, emërohet në detyrën e Shefit të Komisariatit nr. 4 duke iu dhuruar grada, në kundërshtim me ligjin për Policinë e Shtetit dhe VKM për gradat. Në mars të 2014 si lidhje direkte e Tahirit dhe Didit, emërohet Drejtor i Forcës së Posaçme Operacionale në Departamentin e Luftës Kundër Krimit të Organizuar dhe Krimeve të Rënda dhe i jepet grada Drejtues i Parë në kundërshtim me ligjin. Në muajin mars të vitit 2015 Drejtori i Përgjithshëm e largon nga kjo detyrë pasi ishte i implikuar drejtpërdrejt në trafikun e lëndëve narkotike me punonjësin e policisë Hamza Demushaj. Para infiltrimit te Hamzes shefi i tij kundershton vendimin e infiltrimit dhe kerkon verifikimin e tij. Te nesermen shefi degdiset ne periferi te Shqiperise, kurse Hamza, tashme oficer i infiltruar, fillon punen per vete dhe drejtorin e tij, Alban Ahmetaj dy muaj para ketij skandali ishte nën hetim nga Njësia Taks-Forcë pranë Prokurorisë Rethit Gjyqësor Tiranë për veprën penale të korrupsionit (për marrje rrushfeti për punonjësit e policisë për emërime)”,- thekson Berisha.

“Por Pata dhe Ahmeti jane vetem oficere. ne sherbim te shefave te tyre, baroneve te droges ne krye te mazhorances te qelbesirave! sb”,- perfundon deklaraten e tij Sali Berisha ne Facebook.

Panorama

[Albo]

Per ngjarjet dhe personazhet per te cilat Berisha flet me lart, i gjeni te dokumentuara ne Forumin Shqiptar ne temat me poshte:

http://www.forumishqiptar.com/thread...ut-të-heroinës

http://www.forumishqiptar.com/thread...-rendit-Tahiri

Albo

[Albo]

Përgjimet! Tre mijë euro dhe një orë për një vend pune në polici

Një hetim i nisur në fund të vitit të shkuar zbardh një skemë korrupsioni në Policinë e Shtetit ku dyshohet se përfshihen disa zyrtarë të lartë dhe ish-shefi i Operacioneve Speciale në Drejtorinë e Përgjithshme, i cili tashmë është pezulluar nga detyra me vendim gjykate. “Urdhri është bërë gati, e ka firmosur nëndrejtori, ta firmosi dhe drejtori i përgjithshëm dhe mbaron kjo punë. Marrim urdhrin dorazi mbasi ta mbarojë drejtori i përgjithshëm e ja çojmë një kopje”.

Nga Leonard Bakillari

Në fund të vitit të shkuar Prokuroria e Krimeve të Rënda nisi hetimet ndaj një punonjësi policie, i dyshuar për trafik droge. Efektivi i Komisariatit Nr.3 në Tiranë, Hamëz Demushi, tashmë i arrestuar, rezultoi të ishte përfshirë në një aferë korruptive, e cila më pas u hetua nga Prokuroria e Tiranës pasi nuk u provuan dyshimet për trafik narkotikësh.

Në momentin e ndalimit në banesën e të dyshuarit u sekuestrua edhe kokainë, por hetimet kishin nxjerrë në dritë një skandal në radhët e policisë, i cila dyshohet se ka prekur drejtuesit më të lartë të Policisë së Shtetit. Përgjimet e kryera për llogari të hetimit tregojnë se të paktën tre persona, dy prej të cilëve të arrestuar dhe një tjetër i pezulluar me vendim gjykate në bashkëpunim me njëri-tjetrin kanë ofruar dhe marrë para për transferimin e Hamëz Demushit në Drejtorinë e Përgjithshme të Policisë.

Nga bisedat mes të dyshuarve, ata thonë se urdhri është firmosur nga zv.drejtori i përgjithshëm dhe tani pritet firma e drejtorit të përgjithshëm të Policisë. “Urdhri është bërë gati, e ka firmosur nëndrejtori, ta firmosi dhe drejtori i përgjithshëm dhe mbaron kjo punë”, thuhet në dosjen e prokurorisë. Por informacioni i parë për aferën korruptive merret nga një bisedë e punonjësit të policisë me një të afërmin e tij, i cili e pyet nëse ia kishte çuar “ato xhixhat atij” dhe Demushi i përgjigjet: “ja çova një katërshe atij dhe një njëshe ja jap mbrapa”.

Nga hetimi provohet se përgjatë periudhës shtator 2014-janar 2015, punonjësi i policisë Hamëz Demushi ka punuar në Drejtorinë e Përgjithshme të Policisë si efektiv i Sektorit të Operacioneve Speciale që drejtohej nga Alban Ahmeti, tashmë i pezulluar si i dyshuar për korrupsion. Gjatë kësaj kohe, Hamëz Demushi me ndihmën e një personi të identifikuar si Avni Shaba, aktualisht i arrestuar, kanë ushtruar ndikim të paligjshëm te drejtori i Operacioneve Speciale në Drejtorinë e Përgjithshme të Policisë, që Demushi të emërohej pranë këtij institucioni.

Në një nga bisedat mes Demushit dhe Shabës, ky i fundit thotë se urdhri është gati dhe pritet ta firmosë drejtori i përgjithshëm. Pas një takimi mes tyre dhe disa personave të tjerë, ndërmjetësi Avni Shaba rezulton të ketë kontaktuar në telefon me shtetasin Alban Ahmeti, drejtori i Operacioneve Speciale në Drejtorinë e Përgjithshme të Policisë. Gjatë kësaj bisede ata lënë një takim në shtëpinë e Ahmetit, i cili teksa priste të takohej me Shabën e pyet nëse i kishte marrë shegët me vete. “Po të pres pra. A i more shegët?”, i ka dhënë Ahmeti, Avni Shabës që ishte nisur për te shtëpia e tij.

Vetëm pak minuta më pas një tjetër person kontakton me Hamëz Demushin dhe e pyet nëse i ka çuar ndonjë kështu. Demushi i përgjigjet duke qeshur: “Shegë, mandarina”. Pas takimit në shtëpinë e oficerit të policisë, i dyshuari si ndërmjetës Avni Shaba i telefonon një tjetër personi të cilit i thotë se ishte te shtëpia e atij mikut për punën e Hamzës dhe se e ka rregulluar direkt. Nga hetimi i prokurorisë rezulton se i dyshuari për korrupsion është investuar për këtë çështje, pasi në mungesë të emërimit të Hamëz Demushit në Drejtorinë e Përgjithshme të Policisë, eprorët e tij në Komisariatin Nr.3 i kërkonin të paraqitej në punë, përndryshe do merrnin masë disiplinore.

Ai i kërkon ndihmë të dyshuarit si ndërmjetës, i cili i kërkon Albanit të flas me shefin e Komisariatit Nr.3 për punën e Hamzës dhe sipas hetimit rezulton se i dyshuari është takuar dhe pas takimit i ka dërguar këtë mesazh shtetasit Avni Shaba: “Sapo u ndava me shef Gëzimin, të përqafon”. Por disa ditë pas këtyre bisedave, plani i të dyshuarve duket se nuk po ecën mirë, pasi Avni Shaba i thotë Hamëz Demushit se e ka kthyer drejtori i përgjithshëm i Policisë emërimin e tij.

“Letrat i kanë çuar te nëndrejtori dhe sa e ka firmosur nëndrejtori, por drejtorin e kanë marrë në telefon dhe më thirri dhe më tha: Nuk e firmos, ça janë këto. Unë do bëj dhe një përpjekje nesër, por nuk bëhet se më thirri vetë përpara. Se kush ka shkuar dhe i ka thënë dhe më tha: Ça e keni marrë filanin”, thuhet ndër të tjera në bisedë. Ndërkohë që në një tjetër bisedë, Demushi sqaron pagesën e dhënë për emërimin e tij në Drejtorinë e Përgjithshme: “Ja pata dhënë unë. Mi pat kthy ai mu mbrapa. Dy mi pat kthy mbrapa. Pati mbajt dy dhe orën… tre (ora kushton 1 mijë euro) dhe një mijë në dakrë. Katër mijë ja kam dhënë”.

Këto biseda kanë qenë të mjaftueshme për prokurorinë që të urdhërojë ndalimin e të dyshuarve, Avni dhe Hamëz Demushi, të dyshuar për ushtrim ndikimi të paligjshëm, ndërsa për drejtorin e Operacioneve Speciale është kërkuar pezullimi nga detyra. Gjykata ka miratuar kërkesën e prokurorisë dhe kreu i Policisë së Shtetit ka vendosur pezullimin e Ahmetit deri në përfundim të hetimeve që vazhdojnë nga prokuroria për veprat penale të korrupsionit dhe dyshimeve për trafik droge, pasi nga kontrolli i ushtruar në banesën e Demushit u sekuestruan rreth 3 kg kokainë.

MAPO