PD: Protesta masive qytetare për dorëheqjen e Ilir Metës

[Albo]

Protesta e PD, një nga skenaret edhe bllokimi i Metës në Kuvend



Partia Demorkatike, po përgatitet për protestën që ka thirrur me 12 mars, për të këkruar dorëheqjen e Kryetarit të Kuvendit Ilir Meta, pas akzuave ndaj tij se ka gisht në porositjen e vrasjes së deputetit Tom Doshi dhe Mhill Fufi.
Ende nuk ka një vendim përfundimatrë, shpërndarë bazës se si do të organizohet kjo proteste, por tashmë qarkullojnë idetë e para për skenarin e marshimit. Duke qënë se protesta përkon me ditën kur mblidhet dhe parlamenti, demokratët nga i gjithë vendi drejtuar nga deputetët do të mblidhen në “Sheshin Skendërbej”, për të marshuar më pas drejt Kuvendit të Shqipërisë. Në këtë mënyrë, synohet që protestuesit të vendosen në pjesën hyrëse të kuvendit, nga ku do të kërkohet doreheqja e Ilir Metës.
Gjithashtu flitet për një skenar që mund ta bllokojë Ilir Metën, brenda në kuvend, pasi protestuesit mund të mos lirojnë rrugët dalëse dhe hyrëse, deri në momentin që Kreyparlemntari Ilir Meta, të jap dorëheqjen.
Gjatë kohës që protestuesit do të jenë jashtë kuvendit, një pjesë e deputetëve demokrat do të futen në sallë, për t’i përcjellë kryeparlmntarit thirrjet dhe mesazhet e qytetarëve.
Partia Demokratike, prej ditës kur ish/deputeti socialist Tom Doshi, akuzoi kreun e Parlamentit se kishte porositur një atetntat ndaj tij, kërkon dorëheqjen e Ilir Metës. Për këtë qëllim përvec deklaratave publike, por dhe nismës ligjore për mocion mosbesimi, opozita shqiptare pa të udhes dhe protetsat popullore.

ORA NEWS

[skender76]

Qe duhet nje proteste e madhe, duhet!!!

Por kunder te gjitha politikaneve majte/djathte qofshin!!!

[Qyfyre]

Sa qesharake, s'di nga t'ja fillosh ta komentosh.

[Albo]

Basha: Kriminelët janë në qeveri, protesta e nesërme, paqësore


Lulzim Basha me të rinjtë

“Ejani nesër të mblidhemi si asnjëherë më parë, dhe me forcën e bashkimit, pa dhunë, nuk ka nevojë për dhunë, por me forcën e pjesëmarrjes, ta cojmë këtë qeveri në shtëpi”. Ky ishte apeli që i ka bërë kreu i opozitës Lulzim Basha qytetarëve shqiptarë, demokratë dhe socialistë, që të bashkohen në protestën e ditës së nesërme, për të rrëzuar një qeveri e cila siç tha Basha, ka në gjirin e saj kriminelë.

Në fjalën e tij, kreu i demokratëve i është përgjigjur veprimeve të qeverisë orët e fundit, me marrjen e masave për mbarëvajtjen e protestës të së enjtes. Kriminelët tha Basha nuk janë në gjirin e popullit, ndaj qeveria të rrijë e qetë se ajo e nesërmja do të jetë një protestë paqësore dhe madhështore.

“A e keni parë si i ka zënë paniku? Si dridhen nga frika? Pse kanë kaq frikë? Kanë frikë sepse po vjen ora e përballjes me bosin e bosëve, me popullin sovran….Shqiptarët janë tronditur, shqiptarët po rënkojnë, rinia është e tronditur gjithashu, por rinia është e vendosur që tronditjen mos ta kthejë në dëshpërim, as në vetëflijim, por në forcë, ta kthejë në forcë për të tronditur në themelet e shkaktarëve të kësaj gjendje…”,- theksoi kreu i demokratëve.

Basha ka përmendur gjithashtu edhe mbështetjen e partnerëve ndërkombëtarë në dekriminalizimin e Kuvendit.

“Ndaj jam sot plot shprese se e di se bashkë me ne, me rininë shqiptare, me qindra e mijëra shqiptarë që do dalin nëser në sheshin Skënderbej në orën 11, është pasaporta e një populli të tërë për ti thënë jo krimit në sistem, jo krimit në krye të qeverisjes, për t’i thënë jo mafias në pushtet, dhe bashkë me ne, janë aspiratat e cdo shqiptari, sjemi vetëm, bashkë kemi mbështetjen, urimet dhe bekimet e aleatëve dhe miqve tanë, BE dhe SHBA…Le ta nisim pra marshimin tonë nesër për të mos e ndalur deri sa të përfundojë dekriminalizimi i plotë, kriminelët jashë parlamentit dhe jashtë politikës…demokratë dhe socialiste, ta pastrojmë shqiptarinë njëherë e mirë, ta pastrojmë politikën një herë e mirë, një protestë madhështore, paqësore dhe demokratike. Paniku që i ka zënë i bën të thonë edhe marrëzira, kërkojnë kriminelët në gjirin e popullit, unë i them sot… nuk do këtë vend mes nesh për krimin dhe kriminelët, krimin dhe kriminelët i keni në gjirin tiuaj, i keni në qeverisje dhe ne do i largojmë”.

Sipas Bashës, rinia shqiptare është ajo që do gjejë rrugën e drejtë për vendin.
“Si kemi ardhur në këtë orë të zezë për vendin? … me vrasës serial, të njohur të skeduar që kanë marrë pjesë në skenarët më të bujshëm, herë për hesap të njërës palë, herë të tjetrës, por gjithnjë për hesap të krimit….A jemi për sundimin e ligjit apo për sundimin e mafias? Për demokraci apo për oligarkinë Rama-Meta? Këto janë dilemat që do ju japim përgjigje duke nisur nga dita e nesërme…të dy, Rama-Meta ik…harruan rininë shqiptare, harruan se një vend mund të bie përkohësisht nën thundrën e krimit, por rinia shqiptare nuk bie dot asnjë ditë..”,- tha Basha.

Panorama

[Albo]

Basha me FRPD: S'do ti ndalim protestat deri në dekriminalizim



TIRANE - Kreu i Partisë Demokratike ka mbledhur sot të rinjtë për të folur rreth protestës së nesërme të opozitës. Bashkë me të rinjtë Basha tha se do të bëjë të mundur që të rrëzohet kjo qeveri e cila sipas tij nuk meriton të drejtojë sot vendin.

“Protestat nuk do të ndalen deri në dekriminalizimin e plotë të kuvendit dhe të politikës,”- tha Basha. Në fjalën e tij Basha përveç thirrjes që i bëri të rinjve për tu bashkuar me PD në protestë po ashtu siguroi se gjatë protestës së organizuar nuk do të ketë asnjë incident pasi në rashat e PD nuk ka kriminelë dhe këta të fundit gjenden në radhët e qeverisë dhe të qeverisësve.

Më poshtë fjala e plotë e Bashës në takimin me të rinjtë

Përshëndetje dhe përqafime të përzemërta për gjithsecilin për ju në këtë sallë e për mijëra e mijëra të rinj jashtë kësaj salle.
Flamurtarët e betejës për demokracinë, për shtetin ligjor, për dekriminalizimin.

Të dashur të rinj dhe të reja. Jam i prekur dhe i emocionuar nga ky entuziazëm sepse në këtë orë të vështirë për Shqipërinë dhe shqiptarët, çdokush ka nevojë të lexojë besimin tek e nesërmja që e pret Shqipërinë siç është sot në fytyrat tuaja, në fytyrat e rinisë shqiptare.

Ju jeni të parët, të parët që u rreshtuat në këtë betejë. Një betejë që nuk na ndan në të majtë e të djathtë por na bashkon të gjithë shqiptarët. Shqiptarët që kanë vendosur ti thonë jo, boll më krimit në krye të qeverisë. Kanë vendosur ti thonë jo terrorit, pasigurisë, tritolit dhe tritolpolitikës. Kanë vendosur ti thonë jo padrejtësisë që merr jetë njerëzish, largimeve të padrejta nga puna, faturave të papërballushme dhe shpesh abuzive të energjisë. Laku që shtrëngohet çdo ditë në fytin e më të pamundurve, në fytin e prindërve tuaj, vëllezërve dhe motrave tuaj më të mëdhenj. Kanë vendosur ti thonë jo një qeverie që rrit taksat por pakëson shërbimet, që vjel më shumë të ardhura nga shqiptarët por që në vend ti destinojë ato për shqiptarët i kthen ato në skema korrupsioni galopant për të mbushur trastat dhe xhepat e qeveritarëve të korruptuar.

Ju jeni bërë këto ditë zëri dhe shpresa e një Shqipërie e cila po rënkon nën thundrën e tiranisë së varfërisë, tiranisë së pamundësisë, e cila jo vetëm shtrydh çdo kacidhe nga xhepat e kryefamiljarëve e prindërve tuaj por mundohen të shtrydhin shpresën. Ti shtyjnë shqiptarët drejt dëshpërimit më të madh e deri drejt largimit nga vendi i tyre, largimit nga shtëpitë e tyre. E pra ju jeni bashkuar këto ditë siç do të bashkohen shqiptarët nesër në manifestimin më madhështor, në një marshim proteste për ti dhënë shkaktarëve të kësaj gjendje një mesazh të fortë, për ti treguar me zërin e lartë të bashkimit të shqiptarëve, mesazhin se punëdhënësit e qeverisë janë qytetarët, se janë qytetarët që kontrollojnë qeverinë dhe jo qeveria që kontrollon qytetarët, se janë njerëzit e këtij vendi që kontrollojnë politikën dhe jo politika që kontrollon njerëzit.

Si kemi ardhur në këtë orë të zezë për ekonominë e vendit, për sigurinë e vendit, për mirëqënien, për shanset për punësim ?! Si kemi ardhur në këtë orë të zezë ?! Kemi ardhur për shkak të një politike dhe qeverie të papërgjegjshme. Këtë e dimë të gjithë. Por ajo që kemi dëgjuar 10 ditët e fundit sfidon edhe fantazinë më të shfrenuar, të shqiptarëve dhe europianëve. Kemi parë, kemi dëgjuar nga gjiri i mazhorancës për përpjekje për likujdime, jo me aktorë siç i pëlqen të thotë kryeministri klloun por me vrasës serialë, me vrasës të njohur, të skeduar. Me vrasës që kanë marrë pjesë në vrasjet më të bujshme. Herë për hesap të njërës anë, e herë për hesap të anës tjetër, por gjithmonë për hesap të krimit.

Dhe tani, pasi i vunë lakun në fyt më të pamundurve, pasi hoqën masivisht njerëzit nga puna dhe mbyllën mijëra vende të tjera pune përmes taksave të larta, informalitetit, kontrabandës, që rrënoi biznese të vogla, të mesme, të mëdha. Pasi shtuan e shtuan taksat sa i morën dhe kacidhen e fundit shqiptarëve. Pasi i falën 600 milionë euro CEZ-it dhe rritën çmimin e energjisë duke goditur në palcë ekonomitë familjare duke shtyrë shumë njerëz drejt vetflijimit, pasi shkatërruan pronat e shqiptarëve me djersë dhe me gjak, ata që kanë për detyrë ti mbrojnë këto prona dhe pasi u zunë dhe u grinë me njëri tjetrin, sa për naftë e Albpetrol, sa për kanabis e kokainë, tani filluan të lajnë hesapet me njëri tjetrin. Një skenar i denjë vetëm për filmat e mafies por fatkeqësisht ky nuk është një film. Shqiptarët po e përjetojnë këtë realitet. Ky nuk është film. Ky është një realitet i dhimbshëm që na prek drejtpërdrejtë ne, na trondit ne siç po trondit gjithë botën.

Por të parët që e vuajnë është rinia shqiptare. A është ky shembulli që qeveria duhet ti japë rinisë ?! Përmes promovimit të krimit, infiltrimit në nivelet e larta të qeverisjes, dhurimit të pozicioneve e posteve kriminelëve, nejrëzve që në CV-në e tyre kanë vite burg dhe jo vite universitetesh. A janë këta drejtuesit që duhet të drejtojnë Shqipërinë?! A janë këta njerëzit që duhet të ketë në krye vendi ynë, qytetarët e këtij vendi, rinia shqiptare?!

Ja tek erdhëm, ashtu siç e paralajmëruar tek një finale e zezë e filmit të tyre mafioz. Akuzohet kryetarit i Kuvendit se ka porositur vrasjen e dy deputetëve. Kryeministri e ka ditur për 6 muaj por ka heshtur. Ministri i Brendshëm është ulur, jo me aktorin por me një vrasës të dyshuar që është përdorur njëherë nga njëra anë dhe herë nga ana tjetër për hesape të krimit. Por kanë pirë kafe në rezidencat qeveritare të Durrësit dhe zyrën e tij në vend që të aplikonin ligjin. Sepse janë dy Shqipëri. Është Shqipëria e ligjit që vepron si kërbaç mbi të pamundurit dhe Shqipëria e ligjit të mikut ku vrasësi ulet me Ministrin e Brendshëm, në vend që të arrestohet e të proçedohet sipas ligjit, del i lirë, shëtit i lirë, madje mund edhe t’ia mbathë nga vendi, e nëqoftëse i duhet e kthejnë prap, e përdorin siç i përdor. Ky nuk është shtet ligjor, ky nuk është sundimi i ligjit por është sundimi i mafias. Çfarë duan shqiptarët, të djathtë dhe të majtë? Për çfarë qendrojmë ne sot? A jemi për sundimin e ligjit apo për sundimin e mafias? A jemi për demokracinë apo për oligarkinë Rama-Meta? A jemi për lirinë apo jemi për shtypjen nga krimi? Këto janë dilemat të cilave ne do t’ia japim përgjigjen duke nisur nga dita e nesërme.

Mendonin se do ta linin pa përgjigje. Harruan rininë shqiptare. Harruan se një vend edhe mund të vihet përkohësisht nën thundrën e krimit, por rinia shqiptare nuk vihet dot asnjë ditë. Ndaj rinia shqiptare e ka treguar. Pse?

T’ju bëj një pyetje? A e keni parë se si i ka zënë paniku? E keni parë si dridhen nga frika ?! A e keni parë sa të stresuar janë? Pse kanë kaq frikë? Kanë frikë sepse po vjen ora e përballjes me bosin e bosëve, me popullin sovran.

Shqiptarët janë tronditur, shqiptarët po rënkojnë. Shumë prej tyre po kërkojnë rrugë të daljes. Rinia do t’jua jap këtë rrugë të daljes. Rinia është e tronditur gjithashtu. Por rinia është e vendosur që tronditjen mos ta kthejë në habi, tronditjen mos ta kthejë në dëshpërim, tronditjen mos ta kthejë në vetflijim, por ta kthejë në forcë. Ta kthejë në forcë, ta kthejë në forcë për të tronditur në themele shkaktarët e kësaj gjendje.

Ndaj jam sot plot shpresë, sepse e di që bashkë me ne, bashkë me rininë shqiptare, bashkë me qindra e mijëra shqiptarët që do të dalin nesër në Sheshin Skëndërbej, në orën 11:00, është aspirata e një populli të tërë për ti thënë jo krimit në sistem, për ti thënë jo krimit në krye të qeverisjes, për ti thënë jo mafias në pushtet dhe bashkë me ne janë aspiratat e çdo shqiptari.

Nuk jemi vetëm, në krah kemi vullnetin, dëshirën, mbështetjen, urimet dhe bekimet e aleatëve dhe miqve tanë, demokracive të mëdha perëndimore, Bashkimit Europian dhe Shteteve të Bashkuara. Le ta nisim pra marshimin tonë nesër për të mos e ndalur deri sa të përfundoj dekriminalizimi i plotë.

Kriminelët jashtë Kuvendit dhe jashtë politikës. Dhe le ti themi shqiptarëve; Shqipëria e vuajtur dhe e tronditur nuk meriton këtë drejtim. Le ti themi Shqipërisë tonë të dashur, na jep më të mirët e tu, të rinjtë dhe të rejat, demokratë dhe socialist, ta pastrojmë Shqipërinë njëherë e mirë. Ta pastrojmë politikën njëherë e mirë.

Nesër do të ushtrojmë të drejtën tonë, për një protestë madhështore, paqësore. Paqësore dhe demokratike. Paniku që i ka zënë i bën të thonë edhe marrëzira, kërkojnë kriminelët në gjirin e popullit.

Unë ju them sot, me autorizimin e shpirtrave tuaj të çiltër, me autorizimin e zemrave të pastra të rinisë shqiptare dhe të gjithë protestuesve shqiptarë nesër, se nuk do të ketë vend mes nesh për krimin dhe kriminelët. Krimin dhe kriminelët i keni në gjirin tuaj. Krimin dhe kriminelët i keni në qeverisje dhe ne do t’i largojmë me çdo çmim.

Nesër është ora e përballjes, me një qeveri që erdhi me premtime të mëdha dhe jo vetëm që nuk i mbajti ato premtime, por e zhyti vendin në mjerim. Nesër është ora që me fuqinë e bashkimit, shqiptarët, bosët e bosave të qeverisë, njerëzit që emëruan dhe emërojnë qeveritë, të nisin procesin e pakthyshëm të pushimit nga puna.

Shqiptarët kanë nevojë për një ofertë të re, rinia shqiptare ka nevojë për një ofertë të re dhe unë ju jap fjalën se rinia shqiptare jo vetëm do ta ketë këtë ofertë të re por do të jetë pjesë e pandashme e kësaj oferte.

Ejani pra nesër, të mblidhemi si asnjëherë më parë. Bashkohuni dhe me forcën e bashkimit, pa dhunë, nuk ka nevojë për dhunë, por me forcën e pjesëmarrjes ta çojmë këtë qeveri në shtëpi.

Rroftë rinia shqiptare.

Nesër në orën 11:00 tek Sheshi Skënderbej.


Shqiptarja

[SERAFIM DILO]

Po ta kapim me llogjiken o pervojen e kaluar,socialistet protestuan kunder Metes qe ta benin Kryetar Kuvendi. Tani,meqe demokratet e kane bere njeher Meten Zevendeskryeminister,protesta duhet te ket si qellim qe Meta te behet o Kryeminister ose Presidenti i Shqiperis.

Se per Mbret duhet te protestoj Legaliteti.

[Darius]

7 policë të Reneas japin dorëheqjen, nuk qëllojmë mbi popullin





Që prej ditës së martë, Policia e Shtetit ka kaluar në gatishmëri. Shkak për këtë gjendje është bërë protesta e paralajmëruar e opozitës. Ndërkohë Policia e Shtetit ka kërkuar informacion nga Drejtoritë e Qarqeve për tubimin e nesër të PD-së. News24 ka siguruar telegramin urgjent që Policia e Shtetit u ka nisur komisariateve në rrethe me detyrat për parandalimin e ndonjë akti kriminal dhe për sigurinë.

Sipas të dhënave bëhet me dije se policia ka kërkuar informacion për identifikimin e personave të dhunshëm dhe personave me precedentë kriminalë, duke kërkuar që këta të fundit të mbahen nën kontroll.

Burime nga drejtoria e përgjithshme e Policisë së Shtetit bëjnë me dije se është marrë informacion dhe rezulton se nga Qarku i Shkodrës rreth 80 persona me precedent kriminal, apo me tendencë kryerjen e veprimeve të dhunshme ndaj institucioneve shtetërore mund të marrin pjesë në tubimin e së enjtes.

Në shkresë citohet se “me qëllim parandalimin e ndonjë akti të mundshëm kriminal dhe sigurimin e rendit publik gjatë zhvillimit të kësaj proteste, nga ana e Policive në qarqe kërkohet:

-Të merren masa të shpejta dhe të sakta për identifikimin e personave pjesëmarrës që mund të kryejnë veprime të dhunshme ndaj institucioneve të shtetit dhe objekteve të tjera.

-Të orientohet puna për të siguruar informacion ndaj personave me precedent kriminal, me tendencë kryerjen e veprimeve të dhunshme ndaj institucioneve shtetërore.
-Të merren masa për mbajtjen nën kontroll të personave me tendenca të tilla me qëllim parandalimin e ngjarjeve të rënda kriminale dhe sigurimin e rendit dhe qetësisë publike.
-Për çdo të dhënë për veprimtari kriminale krahas masave të kontrollit të dërgohet informacion brenda datës 11.03.2015.

Informacion i bollshëm me dyshimet e arsyeshme të mbledhura në terren është grumbulluar dhe për qytete apo zona të tjera të konsideruara të nxehta, nga të cilat mund të vijnë drejt Tiranës persona me precedent kriminal, apo me tendencë kryerjen e veprimeve të dhunshme ndaj institucioneve shtetërore.

Angazhim konkret lidhur me tubimin e ditës së enjte ka ndërmarrë dhe Shërbimi Informativ Shtetëror, i cili gjatë mesditës pritet ti paraqesë Policisë së Shtetit të gjitha materialet e mbledhura për dyshime se gjatë protestës mund të ketë akte të dhunshme ndaj institucioneve shtetërore apo përfaqësuesve të tyre.



Opozita ka thirrur të gjithë qytetarët në një protestë ditën e enjte për të kërkuar dorëheqjen e kreut të Parlamentit, Ilir Meta, që nga deklaratat e deritanishme të bëra nga PD-ja parashikohet të jetë paqësore. Nga burime brenda PD-së, mësohet se protestuesit me pankarta në duar do nisin marshimin nga sheshi “Skënderbej”, për të vijuar drejt institucioneve kryesore Kryeministri, Kuvend. Nisur nga protestat e kaluara të opozitës, mendohet se protesta do të jetë paqësore, por nga ana tjetër, deklarata të tipit “protesta do e tejkalojë opozitën”, lënë vend për aludime.

Nisur nga zhvillimet, institucionet dhe organet e rendit po përgatiten për çdo skenar të protestës që pritet të jetë më e madhja.

Një e përditshme pranë qeverisë thotë se ka një skenar të dhunshëm, që ka shqetësuar diplomatët e huaj. Disa media të tjera thonë se ka një skenar për të bllokuar deputetët e mazhorancës brenda në Kuvend.

Nga burime brenda PD-së, pohohet se për ditën e enjte është bërë një skenar i hapur: marshim, pankarta, brohoritje, fjalime, thirrje dhe ndoshta përplasje të vogla me policinë, që do të shkojnë drejt ashpërsimit. Ndërsa pjesa tjetër e manifestimit do të jetë më pas: bllokimi i kryeministrisë, selisë së Kuvendit dhe më pas edhe të parlamentit. Synimi është që të ketë bllokim disa ditor, në mënyrë që Meta as të futet dhe as të mos dalë nga zyra dhe po ashtu edhe strukturat e qeverisë, jo vetëm të kryeministrisë, të jenë të bllokuara.

Por nga ana tjetër edhe qeveria është e përgatitur për çdo zhvillim, duke rritur gatishmërinë. Gjithashtu mësohet se do të ketë përballë protestuesve edhe mbështetës dhe popull krah mazhorancës që do marrë përsipër mbrojtjen e institucioneve.

[Qyfyre]

titulli shpjegohet gjikundi ne artikull?

[derjansi]

Patjeter duhet te lexosh me kujdes midis rreshtave.

[PINK]

Protesta eshte vec ne mendjen e dhemokrateve.