Akt terrorist ne Paris: Sulmohet "Charlie Hebdo", 12 te vdekur

[Ingenuous]

Sulmohen me armë zyrat e gazetës “Charlie Hebdo”, 12 të vdekur. Atentatorët: ‘Do t’ia marrim hakun Profetit’

PARIS –Dy persona të maskuar dhe të armatosur me kallashnikov dhe raketahedhës janë futur në zyrat e gazetës satirike “Charlie Hebdo” në Paris, duke shkaktuar një masakër të vërtetë. Autoritetet franceze flasin për të paktën 12 viktima, mes të cilëve gazetarë dhe 2 punonjës policie, si dhe 20 persona të plagosur. Mësohet se viktimë e sulmit ka mbetur edhe drejtori Stephan Charbonnier, i njohur me emrin Charb dhe tre prej karikaturistëve më të rëndësishëm të gazetës: Cabu, Tignous dhe Georges Wolinski. Dhjetëra punonjës të gazetës i shpëtuan sulmit duke u ngjitur në tarracën e godinës për tu shpëtuar plumbave.



Sipas dëshmitarëve në vendin e ngjarjes, atentatorët flisnin shumë mirë frengjisht dhe kanë hapur zjarr duke thirrur “Do t’ia marrim hakun Profetit” dhe “Allahu Akbar”. Pas kryerjes së krimit, autorët janë larguar menjëherë nga vendi i ngjarjes, ndërsa policia ka blinduar Parisin, për të bërë të mundur kapjen e tyre.
Gazeta franceze “Charlie Hebdo” njihet për shkrimet e saj satirike dhe provokuese, që mund të jenë bërë shkak për sulmin me kallashnikov mesditën e sotme. Rreth 15 minuta përpara sulmit, gazeta kishte publikuar në profilin e saj në “Twitter” një karikaturë të liderit të ISIS, Abu Bakr al-Baghdadi.hkarikatura e liderit te isis



Por sulmi kundër selisë së “Charlie Hebdo” mund të ketë lidhje edhe me faqen e parë të numrit të saj të fundit, ku janë publikuar predikimet e shkrimtarit Houellebecq, i kritikuar për librin e tij “Nënshtrimi”, “Në 2015 do të humbas dhëmbët…në 2022 do të bëj Ramazanin!”- shkruhet në kopertinë. Libri “Nënshtrimi”, i shkrimtarit francez shumë të kundërshtuar, u publikua sot, dhe parashikon ardhjen në pushtet të një partie myslimane në vitin 2022.

Presidenti Francez, Francois Hollande mbërriti menjëherë në vendin e ngjarjes, ndërsa ka thirrur një mbledhje urgjente të qeverisë. Presidenti tha se bëhet fjalë për një sulm terrorist kundër lirisë së Francës, ndërsa siguroi se autorët do të vendosën shumë shpejt përpara drejtësisë.
Kjo nuk është hera e parë që gazeta “Charlie Hebdo” vendoset në shënjestër të ekstremistëve islamikë. Tre vite më parë, në zyrat e gazetës shpërtheu një bombë molotov, për shkak të publikimit të karikaturave të profetit Muhamed.
fotokarikature

TERRORISTET NDERROJNE AUTOMJET, POLICIA NE KERKIM

Pasi kanë vrarë 12 persona, në zyrat e revistës Charlie Hebdo, terroristët janë larguar me një veturë të tipit “Citroen”, e cila është braktisur nga ta në Parisin verilindor. Më pas ata kanë rrëmbyer një veturë tjetër. Policia franceze ka bërë të ditur se vrasësit e kanë braktisur veturën në Parisin verilindor, ndërkohë që me forcë kanë marrë një veturë tjetër. Ndërkohë, Ministri i Brendshëm i Francës ka pohuar se policia është duke i kërkuar 3 persona.

SHTËPIA E BARDHË DËNON SULMIN KUNDËR ”CHARLIE HEBDO”
Shtëpia e Bardhë dënon sulmin kundër selisë së të përjavshmes satirike franceze “Charlie Hebdo” që shkaktoi sot 12 të vdekur.“Shtëpia e Bardhë solidarizohet me familjet e atyre që humbën jetën dhe u plagosën në këtë sulm”, deklaroi Josh Earnest, zëdhënësi i presidentit amerikan, Barack Obama, në stacionin televiziv MSNBC.

CAMERON: JEMI ME POPULLIN FRANCEZ
Kryeministri britanik, David Cameron dënoi sulmin terrorist ndaj gazetës “Charlie Hebdo”, duke shprehur mbështetje për popullin francez, në luftën kundër terrorizmit.

“Vrasjet në Paris janë të tmerrshme. Jemi me popullin francez në luftën kundër terrorit dhe mbrojtjen e lirisë së shtypit.”- shkruan Cameron në faqen e tij zyrtare në rrjetin social “Twitter”.
RENZI: DHUNA DO HUMBASË GJITHMONË KUNDËR DEMOKRACISË
Kryeministri Italian, Matteo Renzi shprehu mbështetjen për popullin francez, duke theksuar se dhuna do të humbasë gjithmonë kundër lirisë dhe demokracisë.

NATO: SOLIDARITET ME FRANCEN
Pas sulmit terrorist në Paris, sekretari i Përgjithshëm i NATO-s, Jens Stoltenberg ka shprehur solidaritetin e Aleancës për Francën.“Mendimet e mija shkojnë për viktimat dhe familjet e tyre”- theksoi kreu i NATO-s.

VATIKANI DENON MASAKREN, PAPA – AUDIENCE ME HOXHALLARET E FRANCES
Selia e Shenjtë ka dënuar masakrën e Parisit, në të cilën janë goditur së bashku njerëzit e pafajshëm dhe liria e shtypit. Kështu ka deklaruar sot Vatikani, duke njoftuar se paradite, në audiencën e përgjithshme të Papës Françesku, ishin të pranishëm hoxhallarët e Bashkimit të Xhamive të Francës, të cilët e dënuan menjëherë, me vendosmëri e pa rezerva, këtë “atentat të shëmtuar, kriminal e të pafalshëm kundër gazetës ‘Charlie Hebdo’. Asgjë, absolutisht asgjë, nuk mund ta justifikojë ose ta arsyetojë këtë krim”, thanë ata.

AMBASADORI FRANCEZ: TË SIGURT SE MUND TË MBËSHTETEMI TEK POPULLI SHQIPTAR

Ambasada franceze në Shqipëri ka reaguar ndaj sulmit terrorist të ndodhur në revistën “Charlie Hebdo” në Paris, ku humbën jetën 12 persona. Në njoftimin për mediat të ambasadës franceze thuhet se “Franca është thellësisht e tronditur, por nuk do ti nënshtrohet asnjëherë dhunës së terroristëve”

“Franca është thellësisht e tronditur nga atentati i ulët që është kryer kundër selisë së gazetës “Charlie Hebdo” në Paris, por ajo nuk t’i nënshtrohet asnjëherë dhunës barbare të terroristëve. Ky atentat është gjithashtu një krim kundër lirisë së shprehjes: shtypi dhe gazetarët në Francë dhe në të gjithë botën nuk do të mund të frikësohen”, thuhet në reagimin e ambsadës së Francës në vendin tonë.

“Ambasadori i Francës, Berbard Fitoussi, është prekur jashtë mase nga mesazhet e solidaritetit që i kanë ardhur nga autoritetet shqiptare dhe nga të gjithë aktorët politikë të vendit. Këto mesazhe u drejtohen viktimave dhe familjeve të tyre, si dhe të gjithë popullit francez. Në këto momente të dhimbshme, Franca është e sigurt se mund të mbështetet në miqësinë besnike të autoriteteve dhe të popullit shqiptar”.

KERRY: SECILI AMERIKAN ESHTE ME POPULLIN FRANCEZ, LIRIA NA BASHKON

Sekretari amerikan i shtetit, John Kerry, ka reaguar ndaj atentatit në Paris, duke u shprehur se gjendet pranë francezëve për tu solidarizuar në betejën kundër ekstremizmit.

“Dëshiroj t’i drejtohem direkt popullit në gjithë Francën se secili amerikan qëndron sot me ju, jo vetëm në tmerr, ose në zemërim për këtë akt të egër të dhunës, por ne qëndrojmë me ju në solidaritet dhe në përkushtim, si për ta konfrontuar ekstremizmin ashtu edhe për çështjen e lirisë, e cila çdo herë i ka bashkuar dy vendet tona dhe nga e cila ekstremistët frikësohej aq shumë”, tha John Kerry, duke folur në gjuhën angleze dhe franceze një konferencë për shtyp në Uashington. Zyrtari i lartë amerikan, John Kerry, ka lidhje të thella familjare me Francën.

Ai e ka vizituar Parisin më shumë se çdo qytet tjetër të jashtëm gjatë kohës që ndodhet në postin e sekretarit të shtetit.

(er.nu/ar.sh/m.k/BalkanWeb)

[semiku]

U hodhën në sulm "mbrojtësit e kulturës së Europës" o Njerëz patetikë që ngriheni në mëngjes e bini në gjumë në darkë duke shfryrë vetëm kundra Islamit. Akoma nuk është vërtetuar nëse ishin Islamistë, Kryqzata apo Alien ata që e bënë këtë masakar. Kini mirsinë të duroni deri sa të dali përfundimi i ngjarjes dhe suluni pastaj me sharje, ofendime e çjerrje kundra fesë Islame që po ju zë frymën pa e kuptuar.

Mendimi im :

Unë jam pro homogjenizimit të Europës. Gjithsecili në shtëpinë e vet..!

Jo ore,kete veper e kane bere Putini apo SHBA e sidomos jane te dyshimte hebrejet.Putin-Shba-Izrael i kane vrare gazetaret ne mes te Parisit per ti njellosur islamiket paqedashes
Don detaje : kane thene qe jane Al Kaida e Jemenit,ndersa plumbat ne vendgjarje jane prodhim i Serbeve te Bosnjes ... ja lexo ne twiter "Zavod Igman..." https://twitter.com/rConflictNews/status/552867417891024896.
Ndoshta edhe serbet e kane bere,pse jo.
Edhe ne si skemi turp ti paragjykojm islamiket radikal - cfare padrejtesie ndaj tyre ?!

[Cen Durimmadhi]

Skedarët e Bashkëngjitur 166419
Karikatura e fundit nga Charlie doli e vertete
........... se sa per gazetare te tille qe e kerkojne vet! Udha e mbare!

(Me falni ju te tjeret per fjalen por sot kjo me duket si teper)

Cfare kafshe barbare!!!

[Ingenuous]

Te gjithe jemi Franceze.

[Principat]

TMERR qe njerez te tille me arme levizin te lire! guxojne te luajne rolin e Zotit se kush duhet te vdes e kush te jetoj! kush ne xhenet e kush ne xhehnem!!

[semiku]

Charlie Hebdo cdo here me karikaturat e saja ishte ne anen e Kosoves,kunder dhunes serbe.
Faliminderit per kete.
RIP

.

[hot_prinz]

Si duket i kane identifikuar terroristet.







Said Kouachi, Sherif Kouachi dhe Hamid Mourad.

[Darius]

Ai qe e bene krimin quhet kriminel , dhe ndaj krimineleve duhet te kemi zero tolerance . Te gjykojme per kete krim te ndodhure ne France eshte ende heret , motivi dhe autoret e vrasjeve ende nuk dihen saktesisht , prandaj duhet te jemi me te permbajtur ne theniet dhe deklaratat tona . Keto akte kriminale te vrasjeve qe po ndodhin si ne Shiperi , e sot ne France duhet denuar . Dhe asgje nuk do ti denojne ligjet keta njerez ne kete bote , sa do ti denoj Zoti ne boten tjeret me xhehnem te pergjitheshem . Zoti na largofte prej te keqiave te djallit te mallkuar .

Po mer tope po. Shpreso tek jo motivi dhe jo autoresia...


Iluzioni jot i rradhes rrezohet


Identifikohen tre autoret e sulmit ne Paris




Paris terrorists identified

The three attackers of the attack on the satirical weekly Charlie Hebdo have been identified. The police files have been leaked. It would be Said Kouachi, Sheirf Kouachi and Hamid Mourad.

Two of the three perpetrators have the French-Algerian nationality. They were 32, 34 and 18 years old. This summer they returned from Syria, according to the French Le Point. One of the two was sentenced in 2008 because he wanted to leave for Damascus a few years earlier to fight in Iraq against the Americans. The two brothers were in 2005 to carry out an attack on Jewish targets.


Ja ku i ke islamiket e tu te dashur.

[Ceni-1]

Keta jane musliman aq sa je ti musliman !

[Qyfyre]

Si percaktohet a eshte mysliman dikush apo jo?