Rama viziton Beogradin, incident diplomatik ne konferencen per shtyp

[Xhuxhumaku]

Studimi, femrat vuajnë më shumë nga dhimbja e kokës

TIRANE- Dhimbja e kokës prek më shumë femrat. Ky fakt është pohuar nga studiuesit, të cilët kanë renditur disa arsye pse gjinia femërore e vuan më shumë këtë problem.

Një nga tezat kryesore që shpjegojnë pse femrat vuajnë nga dhimbja e kokës apo migrena është edhe faza e ovulimit apo para ciklit menstrual, pasi në këtë periudhë vërehet një rritje e estrogjenit dhe pakësim i progesteronit.

Por një një tjetër arsye është edhe jeta e përditshme shumë e tensionuar, e cila i shtyn femrat të kontrollojnë emocionet e tyre dhe zakonisht preken më shumë femrat në karrierë.

Ndërkohë, sipas statistikave dhimbja e kokës është edhe e trashëguar. Nëse të dy prindërit vuajnë nga dhimbja e kokës, ju keni 50% probabilitet të keni dhimbje koke. Nëse vuan vetëm një prej prindërve, probabiliteti që ju ta trashëgoni këtë problem është 30%.

Në nivelin psikologjik ky shqetësim lidhet me personalitetin e predispozuar për të vuajtur nga dhimbja e kokës, në të cilën përfshihen persona me nivel të lartë inteligjence, shumë të ndjeshëm, me aftësi të mëdha vetëkontrolli, temperament energjik, superkritikë, etj.

Zakonisht dhimbja e kokës prek të gjitha moshat, ndërsa nis të shfaqet rreth adoleshencë dhe në moshën 30-50 vjeçare. Ndërkohë që edhe fëmijët shpesh herë preken nga ky shqetësim. Gjatë një kërkimi shkencor mes fëmijëve të shkollës fillore është vërejtur se më shumë se një e katërta e tyre vuanin shpesh herë nga dhimbja e kokës.

(m.k/balkanWeb)

[Xinxerfilli]

Mia@ je ne terezi me ate koment? Me shume se 1/3 e shqiptareve jane me PD-ne. Sipas teje qenkan antishqiptare? Sju vjen turp me keto mbrockulla qe kepusni?

Meqe fole per brockulla...

Shkelje skandaloze protokollare. Cdo vizite zyrtare e nje kreu shteti ne vendin mikeprites shoqerohet me venie te simboleve kombetare te vizitorit. Ndaj mendim te njejte me Ingenuous, ky eshte TURP!!!

Shikoje dhe vete VIDEO KRONIKEN e ABC News.

[hot_prinz]

Edi Rama me kete rast duhet ta nderroje emrin, ta beje Edi Kastrioti.

[Darius]

Meqe fole per brockulla...



Shikoje dhe vete VIDEO KRONIKEN e ABC News.

Imbecil do mbetesh, nuk ndryshon dot lehte. Fjala turp eshte per serbet. Ca me citon kot me kot se je bere si Taku i Lemes me gjerat qe thua.

[mia@]

Si konsideron antishqiptar por ne na konsideron komunist, e lloj-lloj epitetesh te tjera qe na jane ngjitur me nje fjale? Se nuk mbaj mend te jesh hedhur ndonjehere ndaj akuzave te pabaza te pd-ve ndaj dikujt qe shprehet kundra Sales. Apo nuk te duket ofendim ty? Vetem antishqiptar qenka ofendim? Me vjen jeq por disa ketu vetem shqiptar eshte gjynah ti quash.

[Darius]

Se dija qe pake patur nevoje per mbrojtje Po ashtu nuk kam pare ndonje PD ketu pervec epiteteve qyqare qe hidhen majtas djathtas. Mire qe eshte virtualitet se do ja kishte kaluar dhe betejes se Stalingradit

[broken_smile]

Edi Rama me kete rast duhet ta nderroje emrin, ta beje Edi Kastrioti.

jo po ta therrasim engjell fare si eshte ajo fjala e urte? ujku qimen e nderron... ne baze te interesave... nuk i duhet besuar shume politikaneve jo

[Llapi]

Modeli i serbëve të Kosovës edhe për Luginën
11.11.2014 | 16:44
Kryeministri i Shqipërisë, Edi Rama, ka deklaruar sot në Preshevë, se shqiptarët anembanë duhet të ndihen krenarë që i respektojnë minoritetet dhe se pakicat duhet të jenë jo faktor ndarjeje, por burim bashkimi.
“Më lejoni, që këtu përpara jush, në vendin ku shqiptarët sot hasin vështirësi që nuk i hasin në vende të tjera ku jetojnë, për hir të vërtetës, nënvizoj me krenari se ne shqiptarët, shqiptarët e Shqipërisë, shqiptarët e Kosovës, shqiptarët e dy shteteve që janë garantë të paqes, stabilitetit dhe të ecurisë demokratike të rajonit, mund të jemi me plot gojën, krenarë për mënyrën sesi respektojmë minoritetet. Mund të jemi me plotë gojën krenarë, sepse kemi të gjithë të drejtën, bazuar jo në Konventa, jo në letra, por në fakte, t’i tregojmë botës mbarë se: ‘Po! Në Shqipëri dhe në Kosovë ka modele të admirueshme të bashkëjetesës; ka modele të admirueshme të respektit për liritë dhe për të drejtat e minoriteteve!’ E, me këtë krenari, por duke u nisur nga vetja, ne kemi të drejtën të kërkojmë të njëjtën gjë edhe nga të tjerët”, ka thënë Rama.
Ai ka deklaruar në Luginën e Preshevës se liria dhe të drejtat e çdo shqiptari janë të paprekshme, pavarësisht vendit ku ai jeton.

[Xhuxhumaku]

Rama në Beograd, vazhdim i ndeshjes Serbi-Shqipëri

Nga Armand Shkullaku on 11/11/2014

ArmandShkullakuKryeministri Edi Rama nuk e anuloi vizitën e tij në Beograd pas skandalit të ndeshjes së futbollit Serbi-Shqipëri, në emër të marrëdhënieve të reja me një vend fqinj (me të cilin historia na ndan më shumë se na afron) si dhe të perspektivës europiane të rajonit. Vizita ndodhi dhe pas saj shtrohet pyetja: A janë më të mira marrëdhëniet tona me Serbinë tani? A ndikoi vizita e Ramës për të lënë pas të shkuarën dhe për të shikuar drejt së ardhmes europiane?

Sigurisht që jo. Dhe Edi Rama e ka ditur këtë edhe duke pohuar të kundërtën ndërsa këmbëngulte të shkonte në Beograd. Ai e ka ditur që vizita e tij do të prodhonte lajm ndërkombëtar. Jo atë të “epokës së re mes dy vendeve”, por atë të konfirmimit të hendekut që i ndan ato. Në sytë e mediave botërore me siguri që do të rishkruhet prapë klisheja e vjetër e Ballkanit të mpleksur në konfliktet e historisë. Vizita e Edi Ramës në Beograd, ashtu si droni mbi stadiumin e Beogradit, vërtetoi që miti i marrëdhënieve të reja në rajon është pikërisht një mit i shpifur. Mjafton një incident, mjafton një deklaratë, për të shpërfaqur hipokrizinë e për t’i hapur udhë tensionit.

Shtyrja apo anulimi i vizitës së Ramës në Beograd nuk ishte për t’i hedhur benzinë zjarrit, por për të treguar se Shqipëria do të hynte në derën e dikujt vetëm pasi ky i fundit ta respektonte atë si shtet. Ta respektonte me bindje dhe jo për fasadë. Shtrëngimi i duarve nuk mund të mbulonte realitetin që është aty dhe që të gjithë e panë në fytyrën e kryeministrit serb. Megjithatë, Edi Rama shkoi në Beograd dhe mjaftoi një fjali e tij për Kosovën për të rindezur emocionet e njëjta me ato të pasndeshjes së futbollit. Nga ky këndvështrim, ndryshimi i vetëm është se Rama ua shau motrat serbëve në Beograd (ashtu si ballist Morina) dhe jo rrugëve të qyteteve shqiptare. Kjo sigurisht që shkon kah ndjenjat patriotike, pse jo nacionaliste, të goditjes së “armikut” në folenë e tij. Nuk është çudi që për kryeministrin shqiptar të nisin të thuren këngë ashtu si për Lorik Canën.

Politikisht, për konsum të brendshëm, Edi Rama ka arritur kulmin e simpatisë së tij. Por kur e krahason këtë që ndodhi me fjalimet e tij që i referohen luftës së parë botërore, një shekulli urrejtje dhe gjaku dhe misionit të vetë Ramës për t’i tejkaluar ato, ka një ngërç. Një ngërç për vetë Edi Ramën, që e mbërtheu mes kostumit perëndimor dhe nevojës për një xhamadan kuqezi. Sigurisht që Rama nuk mund ta shmangte Kosovën gjatë vizitës së tij, ashtu si edhe vizitën në Preshevë, por mënyra se si zgjodhi ta bënte tregon për një cytje nga protagonizmi individual dhe jo nga një vetësakrificë në emër të asaj që vetë predikon sot e gjithë ditën. Nuk do mend të parashikohej se si do të reagonin serbët ndaj shprehjes ‘Kosova e pavarur është një realitet i patjetërsueshëm’ dhe po ashtu merret me mend se Rama i hapi vetes një vend në historinë shqiptare duke e thënë këtë në mes të Beogradit, live, përpara gjithë botës. Por ai nuk mund të pretendojë më se në Serbi shkoi në emër të së ardhmes europiane, si misionar i epokës së re. Ai shkoi në Beograd si përfaqësues i zemërimit kombëtar dhe ia doli ta shprazë atë duke i bërë të ndihen krenarë miliona shqiptarë. Këtë mund ta kishte bërë edhe duke mos shkuar në Beograd, por do ishte një akt diplomatik dhe jo një ngjarje historike. Rama zgjodhi historinë. Sepse pas kësaj vizite, epoka e re përfundon aty ku kanë përfunduar deri më sot edhe iniciativa të tjera.

Pas incidentit mes dy kryeministrave, gazeta e njohur amerikane “Uashington Post” do të shkruante se shkrirja e akujve mes dy vendeve zgjati sa një konferencë shtypi. E në të vërtetë, ajo që pasoi e po vazhdon ende është rikthimi i tensioneve mes dy vendeve. Në Preshevë situata është e nderë, ndërsa në Kosovë dhjetëra serbë dolën në Mitrovicë e paralajmëruan protesta edhe në Graçanicë si reagim ndaj deklaratave të Ramës. Nuk dihet nëse në këmbënguljen për realizimin e takimit, kancelarja Merkel e kishte parashikuar edhe këtë përshkallëzim. Edi Rama, me siguri po. Ai e kërkoi takimin jo për të takuar Vuçiçin, por historinë.

Anulimi i vizitës do të kishte qenë më i urtë se sa një vizitë për të treguar se sa shumë nuk e durojmë njëri-tjetrin. Anulimi i vizitës ishte në vetvete shenjë dinjiteti, pa qenë nevojë ta tregonim që kemi dinjitet në një moment kur pritej diçka tjetër. Pritej që takimi të prodhonte ulje të tensionit në emër të një politike të re dhe jo një autor që ta nënshkruante atë.

Edi Rama nuk mund ta shmangte Kosovën. Por nëse kishte shkuar me një mision më të lartë, do të duhej ta përmendte atë siç bëjnë shumë zyrtarë të lartë perëndimorë. Që me Beogradin ndajmë qëndrime të kundërta për Kosovën, por le të shohim se ku mund të ecim përpara mes dy vendeve. Nëse serbët nuk meritojnë të trajtohen si shtet normal, atëherë vizita shërben vetëm si një zgjatim i dronit, historike por jo misionare. Rama, nën avujt e historisë zgjodhi të jetë i ashpër dhe i prerë. Ai zgjodhi të flasë në mënyrë absolute dhe definitive për Kosovën pasi e kishte parashikuar reagimin serb. Rama nuk provoi që homologu i tij të kërkonte ndjesë për thirrjet “vriti shqiptarët”, as që Beogradi të distancohej nga thëniet se shqiptarët nuk bëhen dot shtet, por zgjodhi Kosovën duke e ditur se kjo do ta bënte të hidhej përpjetë Vuçiçin. Efekti ishte i arrirë.

Ia doli. Shumë shqiptarë janë entuziastë sot po aq sa ditën kur Ismail Qemali e Isa Boletini fluturuan mbi Beograd. Të zhgënjyer mund të ndihen ata, brenda apo jashtë Shqipërisë, që këmbënguljen e Ramës për të shkuar në Beograd e shikonin si shenjë të një politike të re, moderne dhe pa komplekse. Në fakt ishte një vazhdim i dronit, ku meqenëse nuk qe protagonist herën e parë, nuk mund ta humbte shansin për të vënë vulën e tij në histori. Sigurisht që për këtë i erdhi në ndihmë një vend fqinj i kompleksuar, gati primitiv dhe ende nën presionin e së shkuarës, që ai e shfrytëzoi jo në emër të marrëdhënieve të reja, por të protagonizmit të vjetër ballkanik.

Ka shumë raste në botë, kur për hir të një qëllimi më të madh sakrifikohen çështje të nxehta në tryezën e bisedimeve. Përndryshe, siç thotë “Uashington Post”, përpjekjet për afrim zgjasin sa një konferencë shtypi. Për të gjithë ata që u ngritën në këmbë pas ndeshjes në Beograd, Edi Rama bëri mirë që shkoi në Beograd.

http://mapo.al/2014/11/11/rama-ne-be...erbi-shqiperi/

[Xhuxhumaku]

Rama me dronin e Kosovës në Beograd

Nga Arben Vata on 11/11/2014

Sarben-vataerbët e krisur të paktën, sigurisht që do të kenë një “argument” më shumë tani pas vizitës së djeshme të Edi Ramës në Beograd, për ta akuzuar atë si organizator të shfaqjes së dronit me flamur mbi stadiumin “Partizani” në kryeqytetin serb gati një muaj më parë. Rama kryeministër përdori Kosovën si “dron” që e lëshoi papritur përgjatë atmosferës edhe ashtu të tensionuar në pallatin kryeministror, ndërsa vëllai i tij Olsi u etiketua nga qeveria serbe si ideatori i dronit mbi stadium më 14 tetor, ndërsa luante Kombëtarja e Serbisë me tonën. Homologu serb i Ramës me të vërtetë nuk e priste që Rama të fliste me gazetarët për Kosovën, dhe Rama me deklaratën e papritur i shërbeu në fakt politikisht kryeministrit Vuçiç dhe atyre që mbështesin teorinë që shqiptarët nuk iu përmbahen marrëveshjeve dhe praktikave diplomatike e atyre të mikpritjes. Por takimi i Ramës në Beograd nuk mund mbetet vetëm në këtë “incident”.

Ndryshe nga sa pritej, Rama nuk shpjegoi se përse e shtyu vizitën e planifikuar më 22 tetor. Rama nuk ishte ai i Nju Jorkut, ku i nxitur ndoshta nga reagimet në rrjetet sociale apo dhe qëndrimi atje për disa ditë në kohën e dhunës ndaj shqiptarëve, foli me tone të forta nacionaliste. Dje në Beograd, Kryeministri i qeverisë shqiptare nuk tha asnjë fjalë për Balën e futbollistë të tjerë shqiptarë që u dhunuan në stadium nga policë dhe persona në kërkim për dhunë e racizëm ndaj shqiptarëve. Ky duket të ketë qenë “pazari” i Ramës me kryeministrin Vuçiç për realizimin e vizitës.

Kosova duket se ishte pika e dytë e rëndësishme për të cilën serbët janë dakord që të mos përmendej, ndërsa palët bënin gati axhendën e takimeve. Shumëkujt në Tiranë e Prishtinë mund t’i jetë dukur ndonjë trimëri e Ramës, që tha se Kosova është e pavarur. Për të qeshur në fakt, sepse këtë e thonë politikanët e Prishtinës sa herë takohen nëpër Europë e SHBA me serbët. E këtyre ua thonë më shumë se gjysma e qeverive në botë. Ndryshe do të kishte qenë nëse Rama do të thoshte në mes të Beogradit se “Kosova është Shqipëri”. Në këtë rast të gjithë, pavarësisht pëlqimeve apo përkatësive politike, do ta kishim mbështetur pa asnjë mëdyshje Edi Ramën.

Rama shkoi në Beograd për interesa të veta politike, siç ia përmendi edhe Vuçiç në replikat e tij, por nuk shtoi asnjë kredit; as brenda dhe as jashtë vendit.

Ai u përpoq të paraqitej si europianist, por u akuzua si provokator. Shkoi për të dënuar dhunën e sharjet masive raciste ndaj shqiptarëve, por nuk foli asnjë fjalë e nuk kërkoi dënimin e autorëve nga drejtësia serbe. Nënshkroi dy-tri marrëveshje, që shumë mirë mund t’i firmosnin ministrat e tij, dhe asgjë më shumë. Ftoi Vuçiçin të luajë basketboll në Tiranë dhe mori një refuzim të pastër diplomatik. Tensionoi më tej atmosferën në një konferencë të trazuar shtypi dhe nuk mori as shtrëngimin e duarve të kryeministrit serb në fund të saj. Për ata që mbajnë mend vizitat e Ilir Metës në Serbi, kujtojnë se ato ishin ku e ku më të mira sesa kjo e Edi Ramës.

http://mapo.al/2014/11/11/rama-dronin-e-kosoves-n/