Serbi: Sulmohen dyqanet e shqiptarëve

[Albo]

Në Serbi sulmohen dyqanet e shqiptarëve, reagon Tirana: Nxisin urrejtjeje, ndalini



Shqiptarët që ushtrojnë biznes brenda territorit të republikës së Serbsië janë vënë në shënjestër të dhunës barabare të huliganëve.

Dy të rinj janë rrahur nga 15 serbë një ditë më parë ndërsa gjatë 48 orëve të fundit janë djegur dyqane, furra buke, fast food si hakmarje për një banderolë kuq e zi që u ngrit mbi stadiumin “Partizani” të Beogradit.

Ekstremistët serbë kanë kryer disa sulme ndaj bizneseve të shqiptarëve në Serbi, në qytetin Novi Sad, raporton agjencia serbe B92.


Sulmet kanë ndodhur pas ndeshjes e cila është zhvilluar të martën mbrëma në Beograd. Takimi nuk ka arritur të përfundojë për shkak të incidenteve në fushë.

Agjencia e lajmeve raproton se në qytetin e dytë më të madh në Serbi, katër restorante ‘fast-food’ janë sulmuar midis së enjtes dhe të premtes.

Po ashtu raportohet se një grup i personave të maskuar ka kërcënuar dhe abuzuar verbalisht një punëtore në këto restorane.

Pas këtyre ngjarjeve Policia ka arrestuar një person si të dyshuar për sulme ndaj bizneseve shqiptare në Serbi. Zyrtarë të të policisë serbe kanë theksuar se po punohet edhe për kapjen e të dyshuarve të tjerë të përfshirë në këto sulme.

Sekretari i Shtetit në Ministrinë e Punëve të Brendshme Aleksandër Nikoliç tha sot se Serbia nuk do të tolerojë përhapjen e urrejtjes fetare dhe etnike, dhe se të gjithë ata që bëjnë këto akte do të ndëshkohen rëndë.

Sulme ndaj bizneseve shqiptare ka pasur edhe në Beograd.

Për këtë ka reaguar dhe ministria jonë e Jashtme duke kërkuar që të ndalen aktet e dhunës.

Nën një reagim, diplomacia shqiptare thekson se aktet vandale kundër shqiptareve në Sombor, Stara Pazova, Novi Sad dhe rajone të tjera janë vazhdim dhe shprehje e një fushate të qëllimshme antishqiptare.

Gjithashtu ministrja e Jashtme i ka kërkuar autoriteteve zyrtare të Serbisë që të marrin masa të menjëhershme për ndalimin e akteve të tilla kriminale kundër shqiptarëve në Serbi dhe garantimin e qetësisë dhe sigurisë së jetës, sipërmarrjes dhe pronave të tyre. Vënia para përgjegjësisë e autorëve të akteve të tilla të dënueshme është kërkesë e gatishmërisë dhe vullnetit real për bashkëpunim mes dy shteteve- thuahet në reagim.

Novi Sad, 17. oktobra 2014 - Polomljeno staklo na izlogu pekare As Pek u Ulici Narodnog fronta br. 45 u Novom Sadu. Gradonacelnik Novog Sada Milos Vucevic je zajedno sa predstavnicima Policijske uprave Novi Sad obisao danas nekoliko novosadskih pekara koje su bile meta napada vandala u prethodnim danima. FOTO TANJUG / JAROSLAV PAP / tj

ORA NEWS

[arbereshi_niko]

Kjo tregon qe nuk ka pyll pa derra!
Por qe nuk jane 20 -30 huligan e gjithe Serbia..., si duan te na e servirin ketu! ( flas ne temat e tjera )
Pasi Anglia nuk eshte me pak per nga uligania, por qe nuk konsiderohen fare armiq te asnje populli..., te pakten ketu ne Evrope!
Pasi po te pyesim ata te Isisit ..., ndryshon puna.:-)

[Darius]

20-30? Kemi pare te njejtat video e kronika apo ke pare ndonje version te reduktuar zotrote?

[arbereshi_niko]

Ka mundesi te mos jem shume i informuar si ti, ne teme si kjo..., pasi nuk jam duke u mar me statistika,
por qe thenia "pyll pa derra, nuk ka"! - Qendron.
Por jam i bindur qe numri nuk ka fare rendesi, pasi edhe po te ishin 100.000 serb neper rruge
nuk do te benin fare pershtypje, pasi jane numerikisht 100 here aq, prandaj nuk duhet skandalizuar opinioni...
Une sinqerisht mendoj qe ne Serbi ka shume here me shume se 20 ose 30 mije kriminele dhe shovinist...
Pra jam me perpara me statistika, por qe statistikat sherbejne per ate qe nuk do te shohe pertej hundes se tij...
Keshtu ne kete rruge statistikash, jo vetem qe gjendja keqesohet, por nuk jemi realiste... pasi nuk mendoj dhe jam i sigurt qe
ketu ne forumin tone, nuk e mendon asnnje qe e gjithe Serbia na qenkan huligane dhe armiq te betuar te fares shqiptare...
Do te ishte teper dramatike per ardhmerine e kombit tone!
Kjo ngjarje ( ndeshja ) dhe ç'fare e pasoi..., nuk perben miqesine qe po thuret me aq veshtiresi, ndaj dy kombeve qe i kane ushqyer me helm dhe vrere ...
Kaq per sa i perket ngjarjes, por qe numrat sjellin ç'orjentim dhe element jopaqedashes i pervetesojne qellimisht dhe spekullojne.................
Dikush nga te dyja palet ( shqiptaro-serbe ), ka pikesynim qe ky Rajon ti ngjaje Palestines imagjinare......., por qe neve nuk jemi as harap dhe as çifut, ne Ballkan!!!
Kaq, shpesh shihen perplasje tifozllike pak a shume me nuanca politike, neper bote dhe tek neve..., por qe kujt nuk i bie nder mend te nesermen te bej thirrje per luft!
Pershendetje

[Albo]

Serbi, dy huliganë në pranga për sulmet ndaj bizneseve shqiptare

Dje u sulmua xhamia, asnjë i arrestuar

SERBI - Dy persona janë arrestuar nga policia serbe për sulmet ndaj bizneseve shqiptare, të cilat ndodhën disa ditë pas incidenteve në ndeshjen mes kombëtareve të dy vende.

Një serb është arrestuar, sipas mediave, në Beograd për sulmin që bëri në një furrë buke në Novi Sad më 15 Tetor ndërsa një 18-vjeçar është arrestuar pasi dyshohet se sulmoi një ëmbëltore gjatë të dielës po në të njëjtin qytet në Serbi.

Drejtori i policisë serbe të Novi Sad ka paralajmëruar se po kryehen hetime për sulmet ndaj bizneseve shqiptare, ndërsa ka parlajmëruar se nuk do të tolerohet asnjë akt i tillë.

Bizneset e shqiptarëve në Serbi, pas incidentit të ndodhur në stadiumin “Partizani” të Beogradit, janë bërë pre e sulmeve të hulihanëve serb.

Madje sulmeve nuk i ka shpëtuar as xhamia e Suboticës e cila është sulmuar me bombë molotovi në orët e para të mëngjesit të së dielës.

Policia serbe për këtë rast thotë se ka në dorë videon nga kamerat e sigurisë, ku duken qartë dy personat që kanë kryer sulmin. Megjithatë policia serbe nuk ka një pamje të qartë për të identifikuar autorët.


(Ne foto: Xhamia e sulmuar)

Imami i Xhamisë së Suboticës, Selmo Drekoviç ka thënë se pavarësisht këtij sulmi ai nuk ndihet i kërcënuar dhe do të vazhdojë punën e tij normalisht.

Shqiptarja

[Albo]

Aleksandër Vuçiç: Arrestohen personat që sulmuan bizneset e shqiptarëve

Kryeministri i Serbisë, Aleksandër Vuçiç ka deklaruar sot se janë arrestuar të gjithë personat që sulmuan dyqanet e shqiptarëve në Serbi. Sipas shefit të qeverisë, pa u zbardhur ka ngelur vetëm djegia e një furre buke, por edhe ky rast do të marrë zgjidhje.

Ndër të tjera ai garantoi se sulmet nuk janë kryer nga organizata serioze, por nga disa të rinj që kanë qenë të alkoolizuar. Sipas Aleksandër Vuçiç, akte të tilla shkaktojnë urrejtje ndaj serbëve në Kosovë.

“ Bizneset e shqiptarëve dhe goranëve nuk janë kryer nga organizata serioze, por sulmuesit janë të mitur dhe alkoolizuar. Sulme të tilla shkaktojnë urrejtje ndaj serbëve në Kosovë, ku janë pakicë dhe për këtë arsye ishte i domosdoshëm një aksion i shpejtë dhe i ashpër i shtetit, i cili i ka gjetur dhe arrestuar sulmuesit”, – bëri me dije Kryeministri i Serbisë.

Vetëm për një furrë nuk janë zbuluar sulmuesit, por gjatë ditës së sotme do të zgjidhet edhe ky rast. Sipas tij, pronarët e furrave janë qytetarë të ndershëm dhe përgjegjës të Serbisë, që paguajnë tatime, por priten zhvillime.

“Të gjithë të arrestuarit janë në paraburgim dhe të gjithë do të përgjigjen. Kjo është përgjigjja më e mirë e shteti, ndaj atyre që dëshirojnë ta përhapin urrejtjen dhe dhunën”, – e mbylli deklaratën shefi i qeverisë.

Shqip