Papa do te vizitoje Shqiperine ne shtator

[Qyfyre]

Papa do te vizitoje Shqiperine ne 21 shtator. Kjo do te jete vizita e dyte e nje Pape ne Shqiperi pas asaj te vitit 1993. Ai do te takohet me kryeministrin dhe presidentin dhe do te drejtoje nje meshe ne sheshin "Nene Tereza".

Faqja vatican Radio thote se megjithese kjo eshte vetem vizita e dyte nga nje Pape ne Shqiperi, kater Papa te tjere kane lidhje me vendin tone, Shen Eleutherius, Shen Caius, dhe John IV kane lindur ne territroin qe tani eshte Shqiperia, ndersa Clement XI vjen nga nje familje shqiptare.

http://en.radiovaticana.va/news/2014/07/31/pope_francis_to_albania_full_schedule/1103759

[BOKE]

Zbardhet axhenda e Papa Françeskut, Ati i Shenjtë me makinë të hapur në Tiranë

TIRANE – Publikohet axhenda e vizitës njëditore të Papa Françeskut në Shqipëri, më 21 shtator.

Mësohet se Ati i Shenjtë do të niset nga Roma në orën 07:30 të datës 21.09.2014 dhe pritet të mbërrijë në aeroportin “Nënë Tereza”, në orën 09:00, ku do të pritet nga kryeministri Edi Rama.

Menjëherë pas mbërritjes në Tiranë është parashikuar një pritje zyrtare në orën 09:00 në Kryeministri dhe pas 30 minutash ceremonia e pritjes në Presidencë. Në orën 10:00 Ati i Shenjtë do të mbajë Meshën e Shenjtë në sheshin “Nënë Tereza”.

Në orën 13:30 Papa Françeskudo të ketë një drekë me Ipeshkvijtë shqiptarë dhe më pas do të takojë edhe krerët e besimeve të tjera në Shqipëri. Në orën 17:00 do të kremtohet lutja mbrëmësore në Katedrale. Në 18:30 Papa do të takojë fëmijët e qendrës “Betania” në Fushë-Krujë dhe në orën 19:45 do të zhvillohet ceremonia e përcjelljes së Papës në aeroport. Ati i Shenjtë niset drejt Romës nga aeroportin “Nënë Tereza”në orën 20:00.

Kisha Katolike shqiptare informon se Papa Francesku do të shoqërohet në avion nga mbi 70 gazetarë të huaj. Gjithashtu, Ati i Shenjtë nuk do të përdorë makinën e blinduar prej xhami në Tiranë, por një automjet të thjeshtë, te hapur që do t'i ofrohet nga pala shqiptare.

Në kuadër të vizitës së Papa Françeskut në Shqipëri, në 21 shtator 2014, sheshi "Nënë Tereza" do të ndryshojë tërësisht pamje. Këshilli Bashkiak i Tiranës vendosi akordimin e fondit prej 332 milionë lekësh për ndërhyrjen dhe rivitalizimin e sheshit "Nënë Tereza", si dhe dhënien e titullit "Qytetar Nderi" i Tiranës, Atit të Shenjtë.

(er.nu/BalkanWeb)

[Darius]

Papa me makine te hapur ne Shqiperi? Do zoti ska ndonje alla Lavderim Muaxheri verdalle se do na shohin syte qamet

[Albo]

Une them se Papa vjen se ia arritem dites qe te zgjedhim nje kryeminister katolik ne Shqiperi. Shokun Edi e kemi me gjysher orthodhokse, me prinder komuniste, rritur si ateist, me grua muslimane, i lidhur me masonet e Sorrosit, dhe i veteshpallur katolik. A e pate sa mire e priti Papa i Romes ne Vatikan besimtarin e vete katolik kur shkoi bashke me gruan muslimane shtatzane?

O shoku Rama,

Nje kerkese kisha une per ju shoket e Rilindjes. Ka mundesi, kur te vije Papa ne shtator, ta merrni dhe ti tregoni edhe Kishen e Shen Marise se Permetit. Ah do kenaqet kur te mesoje se si e rrezuat kryqin, si i thyet dhembet priftit, si e hodhet Ungjillin, Kryqin dhe ikonat ne kamionin e plehrave te bashkise se qytetit.

Tregojani se do t'i behet qejfi shume.

Albo

[Vinjol]

Fonde në kuadër të vizitës së Papa Françeskut në Shqipëri. Qeveria miratoi dje fonde për ministritë përgjegjëse që merren me organizimin e pritjes dhe qëndrimit të Atit të Shenjtë në vendin tonë. Në mbledhjen e djeshme u dha një shtesë fondi prej 220 milionë lekësh të vjetra në buxhetin e vitit 2014, për Ministrinë e Transportit, fond ky që do të përdoret për rikonstruksionin e rrugës në Bubq. “Ministrisë së Transportit dhe Infrastrukturës, në buxhetin e miratuar për vitin 2014, t’i shtohet fondi prej 22 709 962 lekësh, për Autoritetin Rrugor Shqiptar, për mbulimin e shpenzimeve që do të kryhen për rikonstruksionin e rrugës pranë shoqatës ‘Petania’, në Bubq, në kuadër të organizimit të punëve në vijim të ardhjes në Shqipëri të Papa Françeskut”, thuhet në VKM. Një shtim fondi do të ketë dhe Ministria e Kulturës për realizimin e dekorit të ceremonialit të kësaj vizite. “Ministrisë së Kulturës, në buxhetin e miratuar për vitin 2014, t’i shtohet fondi prej 39 530 820 lekësh, me qëllim mbulimin financiar të realizimit të dekorit, brandimit dhe aspekteve organizative për realizimin e ceremonialit të vizitës së Papa Françeskut në Tiranë, më 21 shtator 2014”, thuhet në VKM.

[Albo]

Papa: Shkoj në Shqipëri se ata krijuan unitetin kombëtar mes islamit, ortodoksëve, katolikëve

Për herë të parë Papa Françesku tregon arsyet se pse zgjodhi të vizitojë Shqipërinë.

I pyetur nga gazetarët gjatë fluturimit të kthimit nga Korea e Jugut, Papa ka vlerësuar harmoninë fetare në Shqipëri.Papa1

“Shkoj në Shqipëri për dy arsye të rëndësishme. E para sepse kanë arritur të krijojnë një shtet dhe të mendojnë për Ballkanin, unitetin kombëtar mes islamit, ortodoksëve, katolikëve me një këshill ndërfetar që ndihmon shumë në ekuilibrim. Kjo është gjë shumë e mire, sepse ka harmoni. Dhe prezenca e Papës është për t’i thënë të gjithë popujve se mund të punohet bashkë dhe unë e kam ndjerë si të ishte një ndihmë për atë popull fisnik”, ka thënë Papa Françesku.

Udhëtimi apostolik i Shenjtërisë së Tij, Papa Françesku, që do të zhvillohet në Tiranë në datën 21 Shtator, parashikon një axhendë të ngjeshur, që do të zgjasë plot 11 orë në vendin tonë. Në orën 07:30, Papa Françesku fluturon nga Aeroporti i Fiumicino-s drejt Aeroportit Ndërkombëtar “Nënë Tereza”, në Tiranë, ku do të zhvillohet një pritje zyrtare nga Kryeministri i vendit, Edi Rama. Më pas, Papa udhëton drejt Presidencës, ku do të zhvillojë një takim me Presidentin dhe autoritete të tjera të vendit.

Në orën 11:00, në sheshin “Nënë Tereza”, Papa Françesku do të mbajë meshën e shenjtë para mijëra besimtarëve, që priten të mblidhen atë ditë. Ndryshe nga vizita të tjera, ku Papa është parë të udhëtojë me makinën e tij të bardhë, këtë radhë bëhet me dije se, në vizitën e tij në kryeqytetin shqiptar, Papa do të lëvizë me një makinë të thjeshtë dhe të hapur, e vënë në dispozicion nga autoritetet vendase. Në orën 13 e 30 është planifikuar takim dhe drekë me Ipeshkvijtë shqiptarë në Nunciaturën Apostolike, e më pas takim me krerët e besimeve të tjera.

Ora 17:00 shënon kremtimin e lutjes së mbrëmësores me meshtarët, seminaristët dhe lëvizjet laike në Katedralen e Tiranës. Në orën 19:45, në Aeroportin “Nënë Tereza” do të zhvillohet një ceremoni për largimin e Papës, çka përmbyll vizitën e tij në shtetin shqiptar.

Top Channel

[Vinjol]

Në kuadër të rregullimeve në sheshin “Nënë Tereza”, që po i paraprijnë vizitës së Papa Françeskut në Tiranë, është larguar nga kjo zonë edhe restoranti i ushqimit të shpejtë “Kolonat”, që kishte disa vite në hapësirën mes Rektoratit dhe Qendrës së Studimeve Arkeologjike.

Në fakt largimi i kësaj ndërtese të mbuluar me çadër ishte parashikuar që të bëhej në datën 20 gusht, por për shkak se godina tjetër nuk ishte gati, është shtyrë.

Kështu mbrëmjen e djeshme, dhjetëra punëtorë ishin të impenjuar për të çmontuar ndërtimin e lehtë.

Pas heqjes, kjo zonë do të pastrohet dhe do të kthehet në identitet.

[Qyfyre]

Forbes / Why Albania Was The First Stop On The Pope's European Tour (nga Edi Rama)

http://www.forbes.com/sites/realspin/2014/09/29/why-albania-was-the-first-stop-on-the-popes-european-tour/