Kadare: Perandoria Osmane - SHBA-ja e mesjetes.

[angmokio]

Perandoria otomane - janë Shtetet e Bashkuara të Mesjetës

Bisedë nga Thierry Fabre

Ismail Kadare, a jeni ai që mund t’ju quajmë mjë shkrimtar ballkanik? A përfaqëson Ballkani ndonjëgjë të veçantë për ju?
Jam shkrimtar, por unë jam kundër etiketës përshkrimore ballkanike, skandinave ose jemenite.Unë mendoj se letërsia është diçka homogjene dhe unike në botë. Shkrimtarët formojnë nje familje shumë të bashkuar dhe shumë të ndryshme në të njëjtën kohë. Mendoj se unë i përkas kësaj familjeje.

A është ky rajon një hapësirë referimi për ju?
Sigurisht, vepra ime lindi në Ballkan dhe ndoshta nuk do të mund të ekzistonte pa të. Është një burim, po përtej tij, unë jam një shkrimtar. Shkrimtarët nuk kanë qenë pjesë të regjimeve dhe të partive.

Po Ballkani si një vend imagjinar, sa i rëndësishëm është për ju?
Ekziston një kontradiktë mes Ballkanit si realitet konkret dhe Ballkanit imagjinar, që është një tërësi shumë më e fuqishme.

Me këtë përfytyrim ushqeheni?
Mendoj se letërsia e madhe evropiane ka lindur në gadishullin ballkanik.

Për shembull, kë keni në mend?
Shkrimtarët e antikitetit. Është e vërtetë që ka pasur zbulime madhështore në botën para grekëve të lashtë, si krijimi i konceptit të skëterrës nga egjiptianët. Por mendoj se grekët, domethënë ballkanasit e lashtë, kanë zbuluar gjënë më të madhërishme në botë: brerjen e ndërgjegjes. Brerja e ndërgjegjes në botë është shfaqur goxha më vonë. Ka nja katër a pesë mijë vjet, jo më shumë... Pa këtë koncept, nuk do të kishte letërsi. Brerja e ndërgjegjes u zbulua nga dramaturgjia greke: besoj se ka ekzistuar edhe para Eskilit. Te Homeri nuk gjejmë mënyra konkrete, por të gjitha poemat homerike kanë lindur prej saj. Çfarë janë poemat homerike? Njëfarë faljeje karshi Trojës. Një poet grek i ka kënduar fajit të lashtë të grekëve për të larguar të keqen. Në këtë mënyrë, lindi letërsia klasike greke...

Në veprën tuaj, duket qartë një përngjasim i madh mes letërsisë suaj dhe asaj greke. Mos vallë përtej Ballkanit ka një dimension mesdhetar, që për ju është i vlefshëm?
Sigurisht, por të dyja janë tepër të ndërthurura. Është mëse e natyrshme.

A ka po kështu, dhe një dimension mysliman?
Jo mysliman, por një dimension perandorak: romak, bizantin dhe otoman njëkohësisht. Ky dimension perandorak ka filluar qysh tre mijë vjet me persët... Letërsia ka filloi në kohën e zhvendosjes së ushtrive të gadishullit ballkanik drejt Orientit; më pas ndodhi zhvendosja e ushtrive romake, bizantine, turke... Nga Perëndimi në Lindje dhe nga Lindja në Perëndim...

Shkrimtarët kanë pasqyruar kronikën... Ju flisni për perandori. Cili është vizioni juaj për perandorinë otomane? Çfarë është për ju? Një armik që deshi të shtypte Shqipërinë?
Shumë më e ndërlikuar se kaq. Nga pikëpamja letrare, mendoj se është perandoria më e bukur e njerëzimit. Është mjaft paradoksale, por mendoj se për letërsinë është një minierë ari. Nuk mund të gjejmë perandori tjetër aq të pasur në subjekte...

Po kështu, ju e keni vazhduar këtë linjë me Kasnecët e shiut dhe me personazhin e Skënderbeut...
Jo vetëm unë. Kështu ka bërë edhe Kazanzaqis, Ivo Andriç gjithashtu. Nuk mund të imagjinohet kurrë vepra e tij pa këtë perandori...

Si e ka ushqyer perandoria otomane veprën tuaj?
Është një perandori shumë e kompletuar. Ajo përfshinte gjithë racat njerëzore, gjithë fetë, gjithë konfliktet, gjithë fatet. Ajo zotëronte mekanizmin më të përsosur burokratik të të gjitha kohërave. Në këtë perandori, ju mund të gjeni të gjitha perandoritë, përfshi dhe Rajhun e Tretë apo perandorinë sovjetike... Modelet janë të gjitha në perandorinë otomane. Ishte si Shtetet e Bashkuara në Mesjetë. Në këtë perandori shumë të errët e të tmerrshme, hera-herës, gjejmë po kështu shenja të një tolerance të madhe...

Për shembull, pas vitit 1492, kur çifutët u dëbuan nga Spanja, ata gjetën strehim në perandorinë otomane...
Jo vetëm çifutët... Perandoria otomane ndoqi një politikë nacionale, ndonjëherë shumë më inteligjente se të vendeve të tjera dhe perandorive të tjera...

Por me Shqipërinë marrëdhëniet kanë qenë shumë konfliktuale. Shqipëria doli kundër kësaj perandorie otomane...
Shqiptarët kanë pasur një marrëdhënie tepër të veçante me këtë perandori. Në fillim, përgjatë një shekulli, ka pasur një konflikt të përgjakshëm me Shqipërinë... Por pas kësaj, ata gjetën një lloj modus vivendi, sepse perandoria otomane e kuptoi më në fund shpirtin e shqiptarëve dhe në përgjithësi, të ballkanasve. Ajo kuptoi se mënyra e paqtimit ishte dhënia e privilegjeve...

Shumë shqiptarë u përfshinë në elitën e perandorisë otomane...
Në përgjithësi, shqiptarët kanë qenë më të privilegjuarit... Çifutët dhe grekët po kështu, por jo si shqiptarët. Gjatë kësaj kohe, marrëdhëniet kanë qenë disi të dykuptimta.

Por kjo perandori ka lënë gjurmë, veçanërisht në islamizimin e një pjese jo të pakët të popullsisë...
Në fillim, gjithë shqiptarët kanë qenë të krishterë. Kanë qenë një nga popujt e krishterë më të lashtë, fill pas Italisë. Në fillim ka qenë katolik dhe më pas, nën ndikimin e Bizantit, një pjesë e Shqipërisë u bë ortodokse. Islami është më i vonë. Ka qenë një fenomen disi i përgjithshëm për gjithë Ballkanin... të krishterët që filluan të bëheshin myslimanë, përveç shqiptarëve, boshnjakëve, edhe grekët vetë... Kjo bëhej për arsye praktike, civile. Kjo nuk ishte pasojë e detyrimit apo e masakrave, siç e shohim shpeshherë në filma, por pasojë e arsyeve praktike, ekonomike, politike dhe shoqërore... Për shembull, po të doje një vend të rëndësishëm në kryeqytet, një nga kushtet ishte të ndërroje fenë. Nuk mund të bëheshe ministër po të ishe katolik a ortodoks... Shqiptarët e morën shumë lehtë këtë çështje në fillim. Në përgjithësi, princët dhe prijësit e tyre u konvertuan të parët. Ata ndërruan emrat e krishterë në emra myslimanë. Si të ishin duke luajtur komedi, duke menduar se kjo nuk ndryshonte asgjë.

Kjo marrëdhënie me qytetërimin islamik, a pati ndikim në Shqipëri në leximin e teksteve, në përfytyrime, në poezi?
Islami pati shumë pak ndikim në kulturën shqiptare. Ai ndikoi në jetën e përditshme në disa zakone, veshje, në disa zakone shtëpiake; në kuzhinë, në administratë. Por ama jo në letërsi.

Çfarë dini për kulturën arabe? A ka ndonjë të përbashkët mes jush?
Në Shqipëri, është shumë pak e njohur. Më tepër njoh letërsine perse. Për shembull, Omar Khajamin, i cili në Shqipëri ka qenë i përkthyer, fshehurazi, nga anglishtja. Në Shqipëri ka pasur një rrjedhë islamike, por që ka qenë shumë më e dobët krahasuar me letërsinë tradicionale të krishterë shqiptare. Kjo letërsi islamike, nga një anë, ishte dhe e prapambetur, thjesht me disa vjersha të vogla sentimentale, por jo më shumë...

A nuk keni dijeni për poezinë e madhe arabe, për vepra madhështore?
Te ne nuk janë përkthyer kurrë.

Me ç’kuptojmë, të krijohet përshtypja se përherë ka identitete të shumëfishtë. Së brendshmi jemi katolikë dhe nga jashtë myslimanë. Kemi përshtypjen se në universin ballkanik ka përherë lojëra personaliteti shumë të ndërlikuara, me shumë fytyra...
Kjo ndodh në të gjithë Ballkanin, sepse ne kemi ndryshuar dhe shumë herë realitet. Ja dhe një arsye për të cilën feja është e dobët në shumë zona ballkanike. Në Shqipëri ka tre fe. Kur një vend i vogël ka tre fe, ato dobësohen... Por gjëja e mirë është se nuk ka pasur armiqësira mes besimeve. Shqiptarët mbërritjen e islamit nuk e morën seriozisht. Dy fetë më të hershme u treguan shumë mikpritëse karshi fesë myslimane, pa bërë aspak bujë e skandal. Ato e pranuan.

A është pasojë e komunizmit fakti që filloi të shkatërrohej shpirti religjioz?
Jo, kjo ka ndodhur më parë. Nga ana e vet, feja myslimane u tregua shumë tolerante, që do të thotë se myslimanët shqiptarë nuk përfituan kurrë nga statusi i tyre.

A ju duket se ka përparuar ky realitet i shumëfishtë i Ballkanit, a shkon drejt përpjekjeve për t’u përgjithësuar?
Në shekullin XX, me daljen nga perandoria otomane, popujt ballkanikë u bënë shovinistë. Më parë, ata ishin më tolerantë, më shpirtgjerë, më të emancipuar. Por kjo nuk ndodhte ngase më parë ata kishin armik të përbashkët perandorinë otomane. Shqipëria ka qenë e qeverisur nga një pasha shqiptar. Kufijtë nuk kanë qenë shumë të saktë. Kishte shkëmbime ekonomike dhe kulturore më të natyrshme atëherë.

Po sot, a jemi vallë dëshmitarë të një regresi?
Mendoj se mbi të gjitha, ka interesa të klasave egoiste. Mes tyre ka një armiqësi të tmerrshme, mes popujve ballkanikë. Më parë, kjo nuk ekzistonte. Të gjithë e kanë nxitur urrejtjen në mënyrë artificiale.

A mendoni se do të dalë ndonjë gjë, duke pasur parasysh atë çka po ndodh sot, sidomos në Bosnje?
Mendoj se e keqja nuk është aq e rëndë sa u duk në fillim. Urrejtja nuk është e pamundur të mos zvogëlohet. Por mjafton vetëm që njëra nga palët të lëshojë pe e para... Ka shumë shembuj nga e kaluara. Në Shqipëri dhe në Ballkan në përgjithësi, të rinjtë e kanë harruar tashmë armiqësinë me Turqinë. Kjo armiqësi nuk ekziston më. Vështirë se mund të kthehet më. Turqit dominuan në Ballkan për gjashtë shekuj me radhë. Ishte një dominim shumë i ndërlikuar, nganjëherë tolerant, e herë të tjera i përgjakshëm, i tmerrshëm... Ata e kanë harruar. Kjo do të thotë se ata janë në gjendje të harrojnë, por për këtë duhet të drejtohen nga një forcë. Ky mund të jetë roli i intelektualëve ballkanas, me ndihmën e Evropës, natyrisht....

A prisni ndonjë gjë prej tyre, ndonjë mesazh?
Ka nevojë. Një shkrimtar shqiptar si unë mund të jetojë absolutisht edhe pa urrejtje. Në qoftë se shihni veprat e mia, do të vini re se urrejtja aty mohohet në mënyrë absolute. E keni lexuar, me sa më thoni, Kasnecët e shiut. Atë e kam shkruar njëzet e pesë vjet më parë. A keni gjetur aty gjurmë urrejtjeje? Personazhi kryesor është një pasha turk, armik i shqiptarëve. Këtë e kam përshkruar në mënyrë paqësore. Nuk ka qenë e përllogaritur kështu. Romanin tim të parë Kopshte të kujtimeve* e kam nisur në moshën njëzet e pesë vjeç. Ishte historia e një gjenerali që erdhi në Shqipëri, një armik zyrtar i Shqipërisë, një pushtues gjatë Luftës së Dytë Botërore. Edhe atë e kam përshkruar në të njëjtën mënyrë, pa urrejtje.

A mund të luajnë njerëzit e kulturuar të Ballkanit një rol drejtues? Keni qenë të pranishëm në ndonjë iniciativë?
Ajo që është më trishtuese është se intelektualët serbë janë mes përgjegjësve kryesorë për atë çka ndodhi në Ballkan.

Me të drejtë, është një luftë letrare, një epope e ngritur në madhështi që çon në fillimin e betejës, duke ndërsyer kryqin e ortodoksisë kundër islamit...
Mendoj se është një njollë e zezë në historinë e kulturës. Nuk dua të mbaj anën e kulturës së vendit tim, por në këtë pikë, kultura shqiptare është shumë superiore. Gjëra të tilla te ne nuk keni për të gjetur kurrë. Fatmirësisht... Nuk duhet harruar se ne kemi qenë në një situatë armiqësie me Jugosllavinë përgjatë 40 vjetëve. Gjurmë të tilla urrejtjeje nuk kam parë në letërsinë greke apo bullgare... Është mëse e mundur të ngremë një kulturë shumë të emancipuar, shumë njerëzore në këtë gadishull ballkanik. Më gëzoi shumë fakti që, kohët e fundit, shkrimtarë serbë e kanë kuptuar këtë më në fund.

A ka ndikuar në veprat tuaja ky shpërthim në Ballkan apo jeni përpjekur të izoloheni?
Shkrimtaria nuk ka të bëjë fare me këtë që thoni. Është një punë artistike.

Është një realitet që kapërcen kohën?
Është një realitet më vete.

Marrë nga revista “Qantara” - Cultures en mouvement, botim i Institutit të Botës Arabe
Përktheu nga frëngjishtja: Norel ZAIMI

[palushi]

Po ateher ça keni me Kadarene qe e sulmoni nate e dite ????

vetem komunistat e islamiket e sulmojne ate !!

[angmokio]

Po ateher ça keni me Kadarene qe e sulmoni nate e dite ????

vetem komunistat e islamiket e sulmojne ate !!

Sepse Kadareja eshte dredharak. Shkrimi me siper i eshte dhene nje insituti arab ndaj dhe Kadareja tregon nje faqe tjeter te pashfaqur me pare. Kur jep intervista per perendimin e shan perandorine osmane qe nuk i le gje pa thene.

Por shume nga keto qe ka thene me siper jane realitet qe nuk i mohon dot sepse historia dhe faktet flasin vete.

[Nuh Musa]

Kukuuu, i paskan shkrujt hajmali, ose i kane thane ta mbuloje shovinizmin nese don ta fitoje çmimin e emderruar.....

Ndryshe nuk shpjegohet ky "shvenk" 90 shkallesh....(apo jane 180 °)...

[palushi]

Kjo ka rreth 10 vjet si interviste tash e nigjove ti ???

Menjifjale kur levdon Perandorine Osmane asht i sakte po kur e shan jo .......

Te pakten mos ta citoshit se po ju ik kerthiza tuj ju kundervu

[angmokio]

Kjo ka rreth 10 vjet si interviste tash e nigjove ti ???

Menjifjale kur levdon Perandorine Osmane asht i sakte po kur e shan jo .......

Te pakten mos ta citoshit se po ju ik kerthiza tuj ju kundervu

Te thuash ate qe eshte e drejte dhe e vertete nuk quhet lavderim por konstatim.

Ti qe nuk je as islamik dhe as komunist e perkrah Kadarene ne rastin konkret? Nese po ''hajt me t'mira'' nuk ka nevoj per polemika kot pa lidhje.

[Ciarli]

Por Kadareja ben gabim, gaminin e s(k)llavit apo inferiorit ne bote sepse ai mund te kuptonte dy tre ligje xhungle ate te egersirave apo te pushteteshmeve dhe ate te kafsheve te buta qe zgjedhin bukurine estetike ne bote. Gjithnje kur kafshet e buta gezojne tentojne te largohen nga xhungla dhe 'zbulojne' horizonte te reja, kjo ndodhi edhe ne Ameriken e 'virgjer', vend qe u gllaberua menjehere nga te fuqishmit e botes. Ndersa ne jemi kerma(sepse na i kane vrare dhe ngrene baballaret) te hijenave te pushtetit boterore dhe nuk kemi pse te gezojme shume pas Amerikave dhe ndeshjeve me qener arenash.

[benseven11]

Kadareja thote ne interviste
::::Shkrimtarët nuk kanë qenë pjesë të regjimeve dhe të partive::::::::
Nje genjeshter,Kadareja duhet te tregohet i ndershem ne intervista
Edhe shkrimtare te tjere ne bote e njohin dhe respektojne regjimin partite ne pushtet ne sepse jane
pjese e tij dhe te varur nga pushteti

Vete Kadareja ishte pjese e sistemit te Enver Hoxhes,i sherbeu atij sistemi dhe ishte servil i Enverit.
Kadareja ishte servil i sistemit dhe konformist i politikes se diktatures,po te ishte dizident antikonformist
librat e tij nuk do i botonte Enveri por do i ndalonte me ligj dhe Kadareja do perfundonte ne burg ne Burrel ose Spac.
Fakti qe shume vepra ju botuan Kadarese ne kohen e Enverit vertetojne faktin qe librat e tij mbartnin mentalitetin
dhe ideologjine e partise ne fuqi,glorifikuan teorine marksiste, politiken e udheheqjes shqiptare dhe e shfaqen Enverin
si gjeni dhe hero kombetar,,,,,,,,,,,,,,,,cross T's dhe pikat mbi i Ismail,kur te japesh intervista.
Arsyeja qe Ismaili iku ne France ne kohen e pushtetit te Ramizit ishte qe ta ekspozonte veten ne median franceze
si i persekutuar i diktatures si martir,si intelektual i demokracise me synimin qe te fitonte popullaritet ne France si
dizident dhe kjo do i pelqente komisionit te cmimit nobel ne Suedi dhe Ismaili te fitonte edhe nje cmim nobel
per letersine,demokracine dhe paqen.........
Taktika jo te ndershme nga Ismaili.
Ismaili eshte hileqar,ky eshte konkluzioni qe kam nxjerre.
Kadareja eshte person pa integritet...
Shkrimtaret romanciere, poete apo dramaturge jane te gjithe genjeshtare,vete veprat qe ato shkruajne jane trillime genjeshtra
vete veprat e tyre jane prova te pakundershtushme qe ato jane genjeshtare ne punen e tyre artistike si dhe ne disa raste edhe ne jete
ne intervista.
Vete veprat qe ato shkruajne (perjashto materiale historike dhe biografi),jane trillime,nje tufe genjeshtrash.

[SERAFIM DILO]

Qe shkrimtaret nuk jane pjese e regjimeve dhe partive ja ka futur kot,çdo njeri eshte pjestar i partive o dhe sistemit edhe sot ne demokraci e jo me nen rregjimin komunist.
Pyetja e drejt-perdrejte ne rastin e Kadarese dhe shum te tjereve do ishte;sa i sherbeu Kadareja sistemit dhe regjimit komunist ? Kesaj pyetje pa u hapur dosjet,pa deshmitare,pa u dokumentuar nuk mund ti pergjigjet asnjeri me llogjiken e vertetimit. (Pa u hapur dosjet jemi gjithmon ne vend numuro ).Dhe ky rregull i vertetimit vlen per te gjithe si per Kadarene,si per "Enverin" e si edhe per fshatarin e thjeshte;nje rregull o vlen per te gjithe o nuk vlen per asnje.


Meqenese,ai regjim mbahej ne kembe nga frika e terrori,se sa e deshte populli nuk mund te vertetohet se nuk pati jo vetem zgjedhje te lira por nuk kishte as edhe nje minimum lirie.Dhe meqe kjo frike e ky terror mbahej ne kembe nga spiunimet qe ktheheshin ne denime,i kane sherbyer regjimit ata njerez qe benin keto veprime jashte profesionit te tyre.Jeta ishte e veshtire ne fshat,jo vetem nga regjimi por kryesisht se fshatari spiunonte njeri-tjetrin,kryesisht per ambicje.xhelozi e perfitime personale,dhe se spiunimi te garantonte njefare papreshmerie nga sistemi;"kush ishte spiun nuk ishte armik".

Dalim tani tek shkrimtaret o propaganda e tyre ne sherbim te regjimit.Nuk diskutohet qe artistet ishin te privilegjuarit e rregjimit,te gjithe,se dhe komunizmi ne barazine e tije qe shpallte kishte pabarazi gjiganteske.Nje inxhinier qe shpikte diçka produktive merte si shperblim 3 mije lek (te vjetra) ndersa nje shkrimtar qe shkruante liber poezie merte 10-15 mije lek,keto ishin zakonisht shperblime vjetore.(3 mije leke ishin afersisht gjysma e rroges te nje punetori te thjeshte te kualifikuar me ekspeienc disa vjeçare, i nje mekaniku,nje inxhinier dhe artistet ne pergjithesi mernin 7-8 mije lek. 3 mije lek ishin afersisht 30 dollare,po ta marim kursin e kembimit me 100 leke per 1 dollare si mesatare,qe nuk ishte ai real si vlefte ne tregun e "zi" ku kembimi shkonte nga 100 deri ne 300 leke per nje dollar.Ndersa ne Banken Kombetare 1 dollar kthehej me 75 leke,dhe 1 dollar per te persekutuarit qe ishte klasa e te denuarve ne Banken Kombetare kthehej vetem me 25 leke. "Ne ate regjim edhe dollari vlente simbas njeriut jo simbas vleres qe kishte")

Kush ishte Kadareja ? Ne librin e tije i titulluar "Poezi"(botim i vitit 1979 Shtepia botuese "Naim Frasheri".Kombinati poligrafik...tirazhi 10.000 kopje) shkruhet:

"ISMAIL KADARE ka lindur me 1936 ne qytetin e Gjirokastres.Pas mbarimit te shkolles fillore dhe te mesme ne qytetin e lindjes,kreu studimet universitare per letersi ne fillim ne Tirane,pastaj prane institutit te letersise "Gorki" ne Moske.
Ka botuar shume libra midis te cileve vellimet poetike "Enderrimet","Shekulli im","Perse mendohen keto male","Motive me diell","Koha", romanet "Gjenerali i ushtrise se vdekur","Dasma","Keshtjella","Kronike ne gur","Dimri i madh","Nentori i nje kryeqyteti",vellimet me tregime dhe novela "Emblema e dikurshme","Ura me tri harqe",librin me esé "Autobiografia e popullit ne vargje" Nje pjese e vjerrshave dhe poemave si dhe shumica e romaneve te tij jane perkthyer dhe botuar ne shume vende te botes.

Ismail Kadareja eshte Laurent i tri çmimeve te Republikes.
Ai eshte anetar i kryesise se Lidhjes se Shkrimtareve dhe Artisteve te Shqiperise dhe deputet ne Kuvendin Popullor te RPSSH ne tre legjislatura". (1979)


Ky ishte Kadareja,per regjimin dhe vetveten si profesionist..etj etj..

Persa i perket temes,qe nuk ka asnje pike rendesie,hiq moralin filozofik qe mundohet te shpegoje Kadareja karshi fese,eshte nje mendim i pergjithshem shqiptar,qe eshte nje tradite rilindase duke filluar nga Naimi qe e kane lidhur fene musulmane gjithmone bashke me civilizimin.Jashte civilizimit nuk mund te jete fe per shqiptaret.

[Darius]

Te vjen te ulerish kur lexon se kush gjykon Kadarene. Ka nga keta ketu qe marrin dhe guximin te thone: "Kadareja nuk kupton..."

Tamam, hapu Dhe te futem!!!