Policia pastron Lazaratin nga droga, kriminelet largohen ne drejtim te paditur

[mia@]

Paskan bere gabim qe e paskan falur. Nje njeri qe hap zjarr kundra shtetit, duhet asgjesuar.

[Xinxerfilli]

Kur them une qe je imbecil ti, eshte pak. Hap gojen ti kur ne parlamentin e Ram palles jane te pakten 4 deputete me precedente penal neper vendet e Europes. Gje qe e dine te gjithe e prape nuk hap gojen njeri. Dhe ke surrat te permendesh faljen presidenciale te nje qytetari te thjeshte qe per me teper ska asnje lidhje me pd-ne se ka qene Moisiu president.

Ju militopet nuk shikoni trarin ne syrin tuaj po merreni me qimen ne syrin e tjetrit.

Ti qenke me trap se Albo

Ti se ke idene fare se kush eshte ai qe i thua qytetar i thjeshte. A kujton ti se ka qytetar te thjeshte ne Shqiperi qe denohet me 23 vjet burg dhe ben nje vit e lirohet?

Eshte denuar me 23 vjet burg dhe megjithese operacioni per kapjen e tij ne Lazarat ka qene teper i rrezikshem per forcat e Reneas, sa erdhi Berisha ne pushtet e liruan.

-----------------------------

Kush është Razip Mahmutaj, i “forti” i Lazaratit,qëlloi në 2004 helikopterin

Shtetasi i shumë kërkuar Razip Mahmutaj, datëlindja 1968, lindur dhe banues në Lazarat të Gjirokastrës, është autor i plagosjes me armë zjarri të një punonjësi policie në datën 17. 05. 2000 në rrugën nacionale Gjirokastër-Kakavijë, në vendin e quajtur kthesa e Lazaratit. Ky shtetas ka qëlluar më armë zjarri tip kallashnikov në drejtim të automjetit të grupit të gatshëm të policisë të cilët patrullonin aksin e sipër përmendur. Për këtë prokuroria ka kërkuar 28 vite burg, gjykata ka vendosur 23 vite e ndërsa ka bërë vetëm 1 muaj burg. 20 gusht të vitit 2004 Razip Mahmutaj hap breshëri mitolozi ndaj helikopterit të Interforcës Italiane që monitoronte me pajisje të specializuara, filmime dhe fotografime apo skanime të territorit të Lazaratit për drogë. Breshëritë e një mitralozi për pak se nuk e rrëzuan helikopterin me ekuipazh italian dhe specialistë shqiptarë të Antidrogës. Mjeti fluturues u shpua në tre vende, po për fat të mirë pa të lënduar. Kurse nga të shtënat e vetë banorëve u plagos në këmbë edhe një grua e fshatit prej plumbi qorr. Në atë kohë, ministër i Rendit, Igli Toska, nuk do të kursente këtë incident. Duke ngritur shqetësimin se Lazarati ishte kthyer në një bastion droge e trafiku, informoi ambasadat e huaja për gjendjen dhe kërkoi hetime për zbulimin dhe arrestimin e autorëve me çdo kosto. Ndërkohë që opozita e asaj kohe nisi të kritikonte Toskën për ndërhyrjen në Lazarat dhe përgatiti një protestë kundër tij. Një muaj pas incidentit, më 27 shtator 2004, dy skuadra speciale të RENEA-s, në sekret të plotë dhe operacion spektakolar, depërtuan në fshat me sukses të plotë. Lokalizuan në një prej lokaleve të dyshuarin Razip Mahmutaj, një i dënuar në mungesë me 22 vite burg nga Apeli për vrasje, por edhe i identifikuar si njeriu që për pak sa nuk rrëzoi helikopterin italian me plumba. Ja si ndodhi operacion në vitin 2004 Razip Mahmutaj ndodhej në një nga lokalet në qendër të fshatit Lazarat. Në bazë të planit të hartuar është kryer ndërhyrja në katin e dytë të lokalit të shtetasit Drini Aliko. Në momentin që forcat e policisë hynë në lokal, duke bërë thirrje ”Kontroll, policia”, personat që ndodheshin aty kanë reaguar duke qëlluar me armë zjarri. Brenda pak çastesh edhe persona të tjerë nga jashtë lokalit filluan të qëllojnë në drejtim të policisë. Në këto kushte, duke vlerësuar situatën mjaft kritike të krijuar forcat “RENEA” janë detyruar t’u përgjigjen me armë sulmeve ndaj tyre, veçanërisht sulmeve të personave që ndodheshin në lokal. Në një situatë shumë të vështirë dhe me një rrezikshmëri të lartë, forcat speciale “Renea” me një profesionalizëm e shkallë të lartë efikasiteti, kanë arritur të neutralizojnë dhe të kapin shtetasin shumë të kërkuar Razip Mahmuti, i njohur me nofkën "Gate", i cili ishte njëri prej atyre që po qëllonin me armë ndaj policisë. Personat e tjerë të ndodhur në lokal, të cilët nuk kanë qenë objekt i ndërhyrjes së forcave “Renea”, kanë mundur të largohen nga lokali të ndihmuar dhe nga disa persona të tjerë të fshatit, të cilët kanë qëlluar në drejtim të forcave të policisë, menjëherë sapo ata kanë nisur ndërhyrjen. Personat, të cilët kanë qenë në lokal dhe që kanë qëlluar në drejtim të policisë, janë identifikuar si shtetasit: Razip Mahmuti, Drini Aliko, Ali Rabi, Abaz Rabi, Altin Bejko, Kastriot Basha, Lorenc Basha, Sabri Shurdhi si dhe disa persona të tjerë, të cilët nuk janë arritur të identifikohen. Nga shkëmbimi i zjarrit gjatë largimit të këtyre personave, ka mbetur i plagosur shtetasi Altin Bejko.

-----------------------------

Ky Alikoja qe ka sulmuar policine kur kane arrestuar Razipin eshte vellai i kryekomunarit PeDe-ist te Lazaratit. Edhe ky i arrestuar dhe akuzuar per vrasje dhe i liruar nga Gjykata e larte ne 2009 megjithese gjurmet e gishtave te tij ishin gjetur ne automjetin e krimit.

P.S. Megjithese pa lidhje me kete teme, na thuaj kush jane keta kater deputete me precedente penal neper Europe? Na i trego pak ti meqe i njeh.

[Qyfyre]

Bravo, me ne fund nderhyrje ne Lazarat qe ka vite qe eshte njolla e Shqiperise. Shpresoj te arrihet dicka dhe mos ngelet thjesht nje aksion sa per te thene qe nuk sjell asnje rezultat. Sigurisht qe qeveria shqiptare eshte me e forte se sa nje fshat droge, por varet se sa serioze eshte qeveria per te asgjesuar njehere e pergjithmone drogen e Lazarartit.

[Darius]

Ti qenke me trap se Albo

Me kete lloj gjuhe te marr me shkelma qe ketej. Provoje prape nese ste mbushet mendja.

Ti se ke idene fare se kush eshte ai qe i thua qytetar i thjeshte. A kujton ti se ka qytetar te thjeshte ne Shqiperi qe denohet me 23 vjet burg dhe ben nje vit e lirohet?

Eshte denuar me 23 vjet burg dhe megjithese operacioni per kapjen e tij ne Lazarat ka qene teper i rrezikshem per forcat e Reneas, sa erdhi Berisha ne pushtet e liruan.

E ke idene e termit qytetar i thjeshte ti? Ai mund te jete vllai i kujtdo (apo vazhdon me teorine e sigurimit ti qe i denonte deri ne brezin e 7-te), serisht mbetet nje qytetar i thjeshte dhe aspak nje person publik ose deputet.

P.S. Megjithese pa lidhje me kete teme, na thuaj kush jane keta kater deputete me precedente penal neper Europe? Na i trego pak ti meqe i njeh.

Emrat sme kujtohen por u tregova modest kur thashe te pakten 4 se fjalet aty ne Shqiperi jane per me shume.

[Albo]

O shoku Xinxo,

Po mustaqja i policise dhe Bizhga na thane qe Lazarati nuk eshte problematik dhe ne te nuk ka me hashash?

Na genjyen domethene?

Une them qe Qeveria e Rilindjes, ti vere minat e ushtrise Lazaratit nga te kater anet, e ta hedhi ne ere sic po hedh ne ere gjithe pronat e shqiptareve. Jo per gje, po ia keni marre doren hedhjes ne ere, u bene 1 vit ne qeverisje.

Albo

[Albo]

Policia në Lazarat, banorët sulm me mortaja. Tahiri: S'ka Zot që iu del për zot, dorëzohuni!

GJIROKASTËR-Policia e Shtetit po zhvillon që prej orëve të vona të natës së djeshme një aksion në Lazarat me qëllim asgjesimin e një sipërfaqe të identifikuar të kultivuar me kanabis sativa.

Gjatë veprimeve të ndërmarra nga strukturat e Policisë së Shtetit në kuadër të këtij operacioni nga një grup personash të identifikuar është qëlluar me armë zjarri në drejtim të forcave të policisë, ku si pasojë e të shtënave kundër këtyre forcave mbeti i plagosur dhe një 45- vjeҫar, banor i fshatit Lazarat.

Forca të shumta policie dhe postblloqe rreth mesditës kanë hyrë në pjesën e sipërme të fshatit. Policia po i afrohet banesës së Mahmutaj, ku janë lokalizuar personat e armatosur.

Në drejtim të forcave pjesëmarrëse në operacion prej mbrëmjes së djeshme po vijon të qëllohet me armë zjarri nga ky grup personash, duke përdorur dhe armë të rënda si antitank, mitroloz i rëndë e i lehtë,mortaja e armë të tjera-thuhet një njoftimin zyrtar të policisë së shtetit. Në operacion janë angazhuar 500 forca policie.

Kjo e fundit konfirmon se tashmë është identifikuar vendi, prej nga ky grup personash po qëllon me armë zjarri, ku janë lokalizuar në banesën e shtetasit Gate Mahmutaj, person me precedentë kriminalë, i arrestuar nga forcat RENEA, i dënuar me vendim gjykate dhe i falur më pas nga Presidenti i Republikës.

Po ashtu policia ka kërkuar bashkëpunimin e pushtetit lokal dhe të banorëve të fshatit Lazarat, që të distancohen nga ky grup personash dhe të japin kontributin e tyre në drejtim të kapjes së këtyre personave.

MAHMUTAJ: JAM VIKTIMË E POLITIKËS, S’KAM LIDHJE ME TRAFIKUN E DROGËS
Ora:15:56- Jam viktimë e politikës. Kështu deklaroj në një lidhje telefonike për News24, Gjate Mahmutaj, një nga të akuzuarit se ka qëlluar në drejtim të policisë mbrëmjen e djeshme në Lazarat.

“Nuk kam fare punë me këtë punë që ka ndodhur dhe nuk kam të bëjë më këto fakte. Me këto gjera që kanë ndodhur gjatë natës nuk kam lidhje dhe dorë. Unë i dëgjova të gjitha se çfarë thonë për mua. Kam qenë viktimë e politikës dhe jam përdorur.”-ka rrëfyer për News24 Mahmutaj.

Sipas tij, ai nuk ka qenë mbrëmjen e djeshme në banesë, por ishte duke kullotur bagëtitë. “Isha me bagëti mbrëmë dhe nuk kam qenë aty. Unë kam vetëm stallën e bagëtive atje ku ka shkuar policia. Nuk jam unë nga ata tipat kriminel. Unë vi ku të doni dhe më keni nxjerrë sikur jam kriminel dhe kam 4 fëmijë. Skam lidhje me të shtënat dhe me armët. Nuk kam qenë fare tek shtëpia ime mbrëmë dhe kam qenë më bagëti. Kur të duan ata do shkoj të dorëzohem, kur të dojë policia dhe do dorëzohem në prani të avokatit tim. Skam mbjell kurrë kanabis. Jam mbi fshat tani. Edhe Dasho Aliko më tha të dorëzohem në polici.”-ka thënë më tej Mahmutaj.

ALBION ALIKO: ISHA NË GJUM, MË LAJMËRUAN ME TELEFON QË MË KISHTË DALË EMRI NGA POLICIA
Ora 15:00- Një tjetër person që ka emrin në listë mohon të ketë drejtuar armët ndaj efektivëve të policisë. Albion Aliko në një prononcim për News 24 shprehet se lajmin e ka marrë vesh nga televizioni dhe nga telefonata e disa miqve të tij. Ai shprehet se nuk ka armë në shtëpi dhe se nuk ka shoqëri me persona me precedent penal.

“Ju flas nga shtëpia ime dhe sapo jam ngritur nga gjumi. Nuk e kam kuptuar pse e kam emrin në listë. Vetëm zoti mund ta di. Unë po flija gjumë dhe tani që po ngrihem nga gjumi mësoj që kam emrin. Lagjia ime është shumë e qetë në këto momente. Shikojnë hallin tonë, punën tonë dhe jemi njerëz të qetë. Kam parë lajmin në televizor. Më morën në telefon më thanë ku je, çfarë ka ndodhur. Më thanë që më ka dalë emri në televizion. Do shkoj në komisariat për të hequr emrin,”- ka deklaruar Aliko.

MINISTRIA E BRENDSHME- THIRRJE BANORËVE: DISTANCOHUNI NGA ELEMENTËT KRIMINALË, EVITONI DALJET NGA SHTËPITË
Ora 12:50- Ministria e Brendshme nëpërmjet një njoftimi për media u bën thirrje banorëve të Lazaratit të distancohen nga elementët kriminalë dhe të evitojnë daljet nga banesat.
NJOFTIMI I PLOTË
Prej dy ditësh Policia e Shtetit ka ndërmarrë një operacion të gjerë në zonën e Lazaratit në Gjirokastër ndaj disa personave të armatosur të cilët kanë qëlluar me armë ndaj uniformave blu. Në kuadër të këtij aksioni, Ministria e Punëve të Brendshme dhe Policia e Shtetit u bëjnë thirrje të gjithë banorëve të fshatit Lazarat, të distancohen nga elementët kriminalë që janë duke u konfrontuar me armë me policinë dhe për arsye sigurie, të evitojnë daljen nga banesat e tyre.

Të gjithë qytetarët e tjerë, të evitojnë plotësisht hyrjen për në fshatin Lazarat deri në një njoftim të dytë zyrtar të policisë. Personat, emrat e të cilëve janë listuar nga policia si të dyshuar për goditjen me armë ndaj forcave të policisë dhe që pretendojnë se nuk kanë lidhje me këtë ngjarje, të drejtohen në Komisariatin me të afërt për të dhënë dëshmitë dhe sqarimet e tyre. Banorët e zonave përreth fshatit Lazarat këshillohen të bëjnë kujdes me lëvizjen jashtë banesave të tyre, deri në përfundim të këtij operacioni policor. Shërbimet e Policisë së Shtetit janë në gadishmëri të plotë për t’u ardhur në ndihmë në çdo kohë, të gjithë qytetarëve që do të kenë nevojë.


KANË EMRAT NË LISTËN E POLICISË, ADRIATIK GABA, E.ALIKO DHE MAJTAZ BOCI: S’KEMI LIDHJE ME TË SHTËNAT
Ora 14:20-Disa nga personat të cilëve u figuron emri në listën e publikuar nga policia e Shtetit si pjesëmarrës në “revoltën” në Lazarat kanë telefonuar në News 24 për të thënë se nuk kanë lidhje me të shtënat. Adriatik Gaba, E.Aliko dhe Matjaz Boci kanë deklaruar se u është vendosur në mënyrë të pa drejtë emri në listat e policisë.

“S’kam qëlluar me armë ndaj policisë. Unë kam qenë në shtëpi. Emri im nuk duhet të ishte në listën e policisë. Jam i gatshëm të vijë dhe të kontrollojë policia u jap edhe filmimet e kamerave të shtëpisë për të treguar se ku kam qenë.”- është shprehur Gaba.

Ai ka theksuar se banorët janë të frikësuar dhe situata është e acaruar. Sipas tij të shtënat vazhdojnë dhe aksidentalisht mund të plagoset ndonjë fëmijë.

“Nuk kemi lidhje me të shtënat. Në nuk jemi fare në Lazarat jemi të paktën 4 orë larg tij. Kemi qenë në Tiranë që prej mëngjesit. Nuk kemi probleme me policinë. Po mendojmë që të shkojmë në komisariatin më të afërt. Ka kamera që konfirmojnë se ku kemi qenë. Emrat në ato lista na janë vënë pa arsye.”- deklaruan Emiljano Aliko e Matjaz Boci.

TAHIRI-BANOREVE TE LAZARATIT: HIDHNI ARMET, S'KA ZOT QE U DEL PER ZOT
Ora 14:10-"Banorët e Lazaratit të hedhin armët dhe të lejojnë policinë të bëjë detyrën". Apeli është bërë nga ministri i Brendshëm Sajmir Tahiri gjatë një deklarate për mediat ku prezantoi provat e sekuestruara në operacionin antidrogë të pak ditëve më parë në Fushe Kuqe të Mamurrasit ku u zbulua laboratori i drogës në vilën tre katëshe të Gëzim Çelës, i konsideruar si baron i drogës e që është shpallur në kërkim nga Policia e Shtetit.

“Ne jemi të vendosur të ecim në rrugën e drejtësisë dhe sundimit të ligjit.I bëj thirrje dhe atyre që në këto momente kanë marrë armët në Lazarat kundër Policisë së Shtetit. I keni bërë llogaritë shumë gabim. Mos mendoni kurrë se ka zot në tokë që mund t’u dali zot nëse kundërshtoi me armë Policinë e Shtetit. Hidhni armët dhe lini Policinë e Shtetit të bëjë detyrën. Në të kundër forca e ligjit do veprojë si asnjëherë tjetër. Ju siguroj që Policia e Shtetit do bëjë detyrën pa asnjë dallim. Jemi të vendosur të sigurojmë shoqërinë e të drejtës dhe sundimin e ligjit në këtë vend.”- u shpreh ministri Tahiri.

Më tej ministri ka theksuar se është rritur sasia e marijuanës, kokainës së kapur. Ai u shpreh se po luftohet mafja dhe krimi i organizuar. Sipas ministrit politik e ka për detyrë të bëhet palë me qytetarët. Ai u ka bërë thirrje banorëve të Lazaratit të distancohen nga kriminelët.

ALIKO: SITUATA ËSHTË ACARUAR PAS PUBLIKIMIT TË EMRAVE, KUSH NUK ËSHTË I PËRFSHIRË TË PARAQITET NË POLICI
Ora 13:40-Situata në Lazarat është acaruar pas publikimit të listës me emrat e personave që mendohet se u kanë drejtuar armët efektivëve të policisë. Lajmi bëhet me dije nga Kreu i Komunës së Lazaratit, Dasho Aliko në një prononcim për News 24. “Jam duke negociuar me banorët e Lazaratit që të ruajnë qetësinë sepse problemi nuk mund të zgjidhet duke drejtuar armët. Problemi është shumë i vështirë. Situata mund të agravojë. Një pjesë e këtyre banorëve që panë emrat në listë ishin shumë të shqetësuar dhe u drejtuan në komunë sepse ata shprehen se nuk kanë qëlluar drejt policisë. I bëj thirrje banorëve që janë të qetë dhe që nuk kanë qëlluar ndaj policisë të drejtohen në Drejtorinë e Policisë në Gjirokastër dhe të heqin emrat. Ai që ka probleme me ligjin duhet të përgjigjet. Unë u bëj thirrje banorëve të Lazaratit gjithsecili të futet në banesën e tij. Shteti nuk ka ardhur për të pushtuar Lazaratin.”- u shpreh Aliko.
Më tej ai ka theksuar se 60-70% e emrave të publikuar i ka takuar në qendër të fshatit dhe nuk kanë qenë në zonën ku po qëllohet me armë.

“Unë jam duke takuar bashkëqytetarë të mi për tu kërkuar qetësinë dhe mbështetjen për të qetësuar njerëzit e tyre të afërt që mund të jenë irrituar nga probleme apo faktorë të ndryshëm. Për mua kryesore është jeta e një qytetari. Dhe jeta e një qytetari dhe e një polici janë të barabarta. Një veprim i pa matur dhe një veprim adoleshent mund të krijojë situata të rënda. Që një pjesë e komunitetit të njollosin gjithë komunitetin kjo është e pafalshme. Për mua e shenjtë është jeta e njerëzve. Pas publikimit të emrave që ka bërë Policia e Shtetit në media situata filloi të agravohet. Sepse janë dëshmitarë që një pjesë e tyre kanë qenë në shtëpi ose kanë qenë në lëvizje jashtë terrenit ku gjuhet me armë. Qytetarët që kanë qenë jashtë çështjes ti drejtohen policisë për të hequr emrin. Nuk mund të digjet i njomi me të thatin bashkë. Pash disa emra që ishin me mua në qendrën e komunës në një moment. 60-70% e këtyre njerëzve kanë qenë me mua në qendrën e komunës. Është momenti që të gjithë personat që shikojnë emrat e tyre në ekranet e televizion ti drejtohen policisë së qarkut për të dhënë deklaratat e tyre dhe për të dhënë shpjegimet nëse kanë qenë apo jo pjesë e kësaj revolte,”- ka sqaruar Aliko.

PLUMBAT DËMTOJNË NJË DYQAN NË DERVIÇAN, NUK KA TË LËNDUAR
Ora 13:25-Breshëria e plumbave kanë dëmtuar një dyqan në fshatin Derviçan. Fatmirësisht nuk ka persona të lënduar në njerëz. Plumbi ka goditur xhamin e dyqanit dhe ka rënë mbi karrige. Në momentin e ngjarjes në dyqan ka qenë pronarja por fatmirësisht nuk ka pasur lëndime.

POLICIA HYN NË LAZARAT, MERR NËN KONTROLL BANESËN E GATE MAHMUTAJ
Ora 13:00- Policia tashmë ka hyrë në fshatin Lazarat dhe ka mbërritur në kapanonet e Gate Mahmutaj. Sipas policisë objekti i Gate Mahmutaj është nën kontroll. Aksioni po vijon me synim kapjen e 26 personave që qysh prej natës së djeshme kanë qëlluar me armë në drejtim të efektivëve të policisë.



POLICIA BËN PUBLIK EMRAT E PERSONAVE QË KANË QËLLUAR ME ARMË
Ora 12:40-Policia e Shtetit ka publikuar mesditën e sotme emrat e personave që kanë qëlluar me armë në drejtim të efektivëve të policisë që po zhvillojnë operacionin anti-drogë në Lazarat. Sipas policisë personat që kanë qëlluar me armë janë:
1 Albion Aliko
2. Alban Aliko
3. Jurgen Boci
4. Jeton Kalemi
5. Abaz Rabi
6. Emiljan Aliko
7. Matjaz Boci
8. Ali Basha
9. Adem Sala
10. Shkelqim Krishti
11. Artur Gjini
12. Sherif Kazma
13. Sokol Skendi
14. Florijan Shurdhi
15. Sevdi Shurdhi
16. Martin Muho
17. Adriatik Gaba
18. Carcan Gaba
19. Haki Buci
20. Hamza Buci
21. Agim Avduli
22. Syrja Sinani
23. Izmir Hebovija (Shkodrani)
24. Kostandin Xhuvani
25. Erjon Haxhiaj
26. Arsen Banaj

Ndërkohë nga informacionet e fundit bëhet me dije se forca të shumta policie dhe postblloqe kanë hyrë në pjesën e sipërme të fshatit. Policia po i afrohet banesës së Mahmutaj. 3 mjetë të blinduara qëndrojnë në gatishmëri tek postblloqet, ndërsa prej dy orësh ka qetësim të të shtënave.

ALIKO: PO NEGOCIOJMË ME BANORËT QË TË MOS QËLLOJNË
Ora 12:00-Kryetari i Komunës së Lazaratit shprehet se prej mëngjesit të ditës ës sotme së bashku me kryepleqtë e fshatrave ka nisur përpjekjet për negociata me banorët. Në një prononcim për News 24 Aliko shprehet se ka folur edhe me babanë e Gate Mahmutajt presonit që mendohet se po strehon grupin që ka shkrehur armë në drejtim të efektivëve të policisë. “Kam folur me babanë e Gate Mahmutajt për të negociuar. Babai i Gate Mahmutajt më tha se e kishte marrë lajmin nga TV. Po negociojmë me banorët që të mos qëllojnë,”- është shprehur Aliko.


(Ne foto pjese nga dekreti i presidentit Moisiu)

KUSH ËSHTË GATE MAHMUATAJ
Ashtu sikundër konfirmon dhe policia e shtetit, Razip Mahmutaj i njohur me pseudonimet Gate dhe Beligrad është një person i njohur në dosjet e policisë, për ngjarje të ndodhur më parë po në Lazarat. 46-vjeçari po nga fshati Lazarat është autor i plagosjes me armë zjarri të një punonjësi policie më 7 maj të vitit 2000 në rrugën nacionale Gjirokastër–Kakavijë, në vendin e quajtur Kthesa e Lazaratit. Ky shtetas ka qëlluar me armë zjarri kallashnikov në drejtim të automjetit të grupit të gatshëm të policisë,ngjarje për të cilën Gjykata e Shkallës së Parë Gjirokastër dënoi me 25 vjet burg, ndërsa më pas apeli e uli dënimin ne 22 vite.

Drejtuesit e lartë të policisë në atë kohë bënë të ditur se 46-vjeçari është autor i dyshuar për disa vjedhje me armë të ndodhura në aksin rrugor Gjirokastër–Kakavijë dhe në bashkëpunim me disa persona të tjerë, është autori kryesor i dyshuar i goditjes me armë zjarri të tipit mitraloz, të helikopterit të misionit italian Interforcë, i cili po kryente një mision monitorues mbi fshatin Lazarat 18 gusht të vitit 2004, datë që shënon ndërhyrjen e fundit në Lazarat.

Mahmuatj rezulton të jetë arrestuar më 27 shtator të vitit 2004 pas negociatave dhe ndërmjetësimit nga autoritetet vendore, por nga 22 vite ka kryer vetëm 2 vite për shkak të amnistisë nga presidenti i asokohe Alfred Moisiu përmes dekretit të vitit 2006. Ndërkaq në dosjen e tij kriminale Mahmutaj është autor i dyshuar i goditjes me mitraloz të rëndë të forcave të policisë nga banesa e tij, ngjarje e ndodhur më datë 12 shtator të vitit1998, ku si pasojë mbetën të plagosur 8 punonjës policie.

RRETHOHET FSHATI, SHOQËROHEN NË POLICI DISA PUNËTORË
Ora 10:43-Mjetet që udhëtojnë në aksin Gjirokastër-Kakavijë po kontrollohen nga policia ndërkohë që 500 efektivë kanë rrethuar tashmë fshatin Lazarat. Gazetarja e News 24 Eri Baço bën me dije se policia ka shoqëruar tashmë disa persona që dyshohet se vijnë nga zonat përreth për të punuar në Lazarat në kultivimin kanabisit. Dhjetra forca policia dhe tre mjete të blinduara ndodhen tek postblloku në Derviçian Drejtori i Përgjithshëm i Policisë së Shtetit ka vënë në gatishmëri gjithë strukturat operacionale të Policisë së Shtetit, të cilat do të vihen në lëvizje në varësi të situatës. Aktualisht në terren janë rreth 500 forca policore, të cilët kanë bërë rrethimin e zonës. Policia e Shtetit thekson se është e vendosur për realizimin e misionit të saj, si dhe për të “çliruar” dhe popullin e Lazaratit nga ky grup personash kriminal. Ndërkohë strukturat drejtuese ndodhen në Drejtorinë e Policisë së Qarkut Gjirokastrës.

POLICIA: NUK TËRHIQEMI NGA AKSIONI
Ora 09:25-Burime konfidenciale nga policia bëjnë me dije për News 24 se nuk do të tërhiqen nga operacioni në Lazarat deri në asgjësimin e plotë të parcelave me kanabis dhe kapjen e personave që kanë shtënë me armë në drejtim të efektivëve të policisë. Operacioni ka vazhduar përgjatë gjithë natës. Të njëjtat burime bëjnë me dijes e efektivët e policisë kanë hyrë në pjesën e poshtme të Lazaratit. Ndërkohë theksohet se aksionio do të vazhdojë edhe në ditët në vijim.

KRYEKOMUNARI I LAZARATIT DASHO ALIKO: JAM NË TERREN
Ora 09:00- Në një prononcim të shkurtër për News 24 Kryetari i Komunës së Lazaratit Dasho Aliko është shprehur se nuk mund të japë detaje lidhur me operacionin që po zhvillohet sepse ndodhet në terren. “Nuk jam disponibël në këtë moment sepse jam në terren”- u shpreh Aliko.

POLICIA E SHTETIT JEP DETAJE PER OPERACIONIN NE LAZARAT
Strukturat e Policisë së Shtetit në kuadër të masave të marra për identifikimin e asgjesimin e sipërfaqeve të kultivuara me bimë narkotike, prej disa ditësh kanë ndërmarrë një operacion në shkallë të gjërë në fshatin Lazarat për asgjesimin e një sipërfaqe të identifikuar të kultivuar me kanabis sativa.

Gjatë veprimeve të ndërmarra nga strukturat e Policisë së Shtetit në kuadër të këtij operacioni nga një grup personash të identifikuar është qëlluar me armë zjarri në drejtim të forcave të policisë, ku si pasojë e të shtënave kundër këtyre forcave, mbeti i plagosur dhe një 45 vjeҫar, banor i fshatit Lazarat.

Strukturat e Policisë së Shtetit, përkatësisht forca të Drejtorisë së Policisë së Qarkut Gjirokastër të mbështetura dhe nga forcat speciale RENEA dhe forcat e Ndërhyrjes së Shpejtë po vijojnë veprimet, me qëllim asgjesimin e sipërfaqes së identifikuar të kultivuar me bimë nakotike kanabis sativa dhe kapjen e personave që qëlluan në drejtim të forcave të policisë, disa banorë të fshatit dhe disa nga zona të tjera.

Në drejtim të forcave pjesëmarrëse në operacion prej mbrëmjes së djeshme po vijon të qëllohet me armë zjarri nga ky grup personash, duke përdorur dhe armë të rënda si antitank, mitroloz i rëndë e i lehtë, mortaja etj.

Nga vepiemt e ndërmarra është identifikuar vendi, prej nga ky grup personash po qëllon me armë zjarri, ku janë lokalizuar në banesën e shtetasit Gate Mahmutaj, person me precedentë kriminalë, i arrestuar nga forcat RENEA, i dënuar me vendim gjykate dhe i falur më pas nga Presidenti i Republikës.

Nga strukturat e Policisë së Shtetit në kuadër të këtij operacioni po bashkëpunohet me Prokurorinë e rrethit.
Po ashtu është kërkuar bashkëpunimi i pushtetit lokal dhe i banorëve të fshatit Lazarat, që të distancohen nga ky grup personash dhe të japin kontributin e tyre në drejtim të kapjes së këtyre personave.

Policia e Shtetit po vijon me masat e ndërmarra në kuadër të këtij operacioni.

(a.n/BalkanWeb)

[BOKE]

Ndërhyrja në Lazarat, Rama: Pse s'flet PD-ja?!

Operacioni antidrogë që po zhvillohet sot në Lazarat nga Policia e Shtetit, ka gjetur mbështetjen e kryeministrit Rama dhe kryetarit të Kuvendit Meta, ndërkohë asnjë prononcim nuk ka nga opozita deri më tani.

Këtë shqetësim ka shprehur Edi Rama në faqen e tij zyrtare në facebook, ku shkruan:

"Pse s’flet PD-ja, dhe e mbështet a jo Policinë e Shtetit përballë atyre që qëllojnë me armë ne Lazarat", ka deklaruar Rama.

Shekulli

[Qyfyre]

Po e perkthej "Policia shqiptare 'rrethon' Lazaratin" per t'ju pershtatur titullit te temes

Albanian police storm lawless marijuana village

[Albo]

Reagimi i djalit të deputetes Xhuvani, pasi u përfshi në listën e policisë për ngjarjen në Lazarat



Në listën e personave, që qëlluan me armë në drejtim të forcave të rendit në Lazarat, është përfshirë edhe djali i deputetes socialiste, Luiza Xhuvani. Kostandin Xhuvani deklaroi se nuk ka asnjë lidhje me ngjarjet e ndodhura në Lazarat.

- “Unë kur e pashë emrin u shqetësova dhe nuk e kuptova pse ndodhi. Si tifoz futbolli isha duke parë ndeshjen në një lokal tek “Piazza”, dhe ambienti ishte me kamera. Kam luajtur edhe një skedinë dhe sot jam në shtëpi. Nuk e di fare për çfarë ndodhi kjo. Mbase është një lapsus, një gabim. Por unë nuk kam lidhje me këtë histori do t’u lutesha mos të më përmendnin. Nuk kam asnjë lidhje me Lazaratin. Nuk më lidh asgjë me atë vend aty. Nuk kam përse të paraqitem në komisariat. Kam prova që jam këtu në Tiranë. Besoj do jetë ndonjë ngatërresë, apo gabim nuk e di. Unë nuk kam lidhje fare me emrin në listë dhe as me Lazaratin. Kam venë skedinë rreth orës 4 të drekës, e kam dhe skedinën me vete, rreth orës 10:00 të mbrëmjes se djeshme kam qenë në lokal që ka kamera. Është thjesht një gabim. Nuk kam të bëj fare me Lazaratin apo Gjirokastrën. Nuk njoh askënd atje”- deklaroi Kostandin Xhuvani.

Koha Jone


O Xinxo, i paska dale nga burgu per vrasje djali i deputetet socialiste nga Saranda, aktores se mirenjohur, Luiza Xhuvani, mo? Po mire bre, gjithe horrat e Shqiperise te gjithe socialista i kemi?

http://www.forumishqiptar.com/thread...-Luiza-Xhuvani

[Xinxerfilli]

Po lexoje lajmin mo dhe ti. Kot qe e poston

Lexoje ke ajo tema tjeter kush eshte Konstandini se te kam thene qe e kam mik shpie te emen dhe te atin. Keto jane filma qe bejne mediat per te terhequr vemendjen e njerezve.

Po si ska dale asnje ke PeDe-ja te thote gje sot?

Mos kushedi kane vajtur te sulmojne policine, te ruajne drogen

P.S. Ketij Darius gjithmone e vogel i ngeli, s'ju rrit hic te shkretit