Patriarku serb, Irenej: Kosova është e shenjtë për Serbinë. Kosova kundër vizitës: Turp për shtetin shqiptar!
Nga Redaktor {02/06/2014}
53181800_54158000
“…Nëse ne kemi jetuar me shekuj bashkë, pse të mos vazhdojmë të jetojmë përsëri bashkë?”
I ftuar në Tiranë për shenjtërimin e Katedrales Ortodokse “Ngjallja e Krishtit”, së bashku me drejtuesit e tjerë më të lartë të fesë ortodokse, patriarku i Serbisë, Irenej, në një intervistë për ‘Top Channel’ komenton reagimet lidhur me vizitën e tij në Shqipëri. Duke iu referuar rolit të Kishës serbe në marrëdhëniet e shtetit për çështjen e Kosovës, ai thekson se krahina e Kosovës është pjesa më e shenjtë për popullin serb. “Në këto vise jetojnë një numër shumë i madh shqiptarësh, por kjo nuk është vetëm tani. Ne me shqiptarët kemi jetuar në shekuj. Asnjëherë nuk kemi pasur probleme midis dy popujve tanë. Ato që po ndodh në këto kohëra midis nesh, pra shkëputja e Kosovës dhe krijimi i një shteti të pavarur nga Serbia, ne na rëndon shumë. Kosova dhe Metohia për ne serbët është pjesa më e shenjtë, aty është zhvilluar e gjithë historia e popullit tonë. Është zhvilluar kultura dhe ana jonë shpirtërore. Numri i madh i shenjtorëve që ne ndërtojmë në Kishën tonë janë nga kjo krahinë. Rezidenca e Patriarkanës Serbe faktikisht është në Pejë dhe i bie që Rezidenca e Patriarkanës Serbe të jetë në një shtet tjetër dhe jo në Serbi. Këtë, ne nuk mund ta pranojmë dhe ta kuptojmë. Ne jemi të gatshëm që të gjejmë një zgjidhje të drejtë, që të dyja palët të jenë të kënaqura. Nëse ne kemi jetuar me shekuj bashkë, pse të mos vazhdojmë të jetojmë përsëri bashkë? Një tjetër problem është se, rreth 200 -250 mijë serbëve u është dashur që të lënë shtëpitë e tyre dhe të largohen nga Kosova dhe Metohia, dhe nuk e kuptojmë pse ky popull nuk mund të kthehet në shtëpitë e veta, atje ku me qindra vjet kanë jetuar dhe të ketë një jetë normale midis dy popujve tanë”, – u shpreh Irenej. Pa e përmendur në asnjë moment gjurmën më të fundit të dhunës serbe në Kosovë, varrezën masive të Rashkës, por duke cituar vetëm dëmtimet që u janë bërë sipas tij varreve serbe, patriarku Irenej i mëshon idesë së kthimit të të larguarve si një zgjidhje të mundshme të situatës. “E para do ishte që t’u krijohet mundësia të gjithë atyre të larguarve të kthehen në shtëpitë e tyre dhe të gjendet mënyra që të jetohet përsëri qetë në Kosovë. Ata kanë jetuar momente të vështira, shtëpitë e tyre janë djegur, pronat janë përvetësuar nga banorët shqiptarë dhe nuk iu lejohet atyre që të kthehen në shtëpitë e tyre. Tani kemi marrë vesh që edhe shumë nga varret tona po humbasin apo po dëmtohen. Me përjashtim të disa vendeve që u ruajtën nga KFOR-i, pjesa tjetër janë të shkatërruara dhe të djegura. Serbët asnjëherë nuk kanë qenë armiqësorë në raport me shqiptarët. Më 1912-ën, kur Kosova u çlirua nga Turqia, asnjë shqiptar nuk është përzënë nga Kosova dhe Metohia”, – shtoi Irenej. Edhe në këtë rast, patriarku Irinej shmang komentet e drejtpërdrejta mbi genocidin serb në Kosovë, kur historia e pas-pavarësisë dëshmon krejtësisht të kundërtën në marrëdhëniet mes shqiptarëve dhe serbëve dhe ku sërish ka qenë Kisha që ka pasur një rol kyç në prodhimin dhe ekzekutimin e politikave antishqiptare.
rama meta basha
Kosova kundër vizitës: Turp për shtetin shqiptar!
Shqipëria ka zhgënjyer edhe një herë Kosovën. Pas zemërimit për pjesëmarrjen në një televizion privat në Tiranë të këngëtarit serb Zdravko Coliç, dje kosovarët janë ndjerë sërish të fyer nga pjesëmarrja në një ceremoni kishtare në prani edhe të zyrtarëve më të lartë shqiptarë të patriarkut serb, Irenej. Mediat dhe rrjetet sociale në Kosovë nuk kanë nguruar ta konsiderojnë pjesëmarrjen e tij në ceremoninë e shenjtërimit të Katedrales Ortodokse “Ngjallja e Krishtit” në Tiranë, si një provokim që Shteti Amë, siç e konsiderojnë ata Shqipërinë, i bën Kosovës. Më kritikja nga mediat ka qenë gazeta kosovare “Express”, e cila në një qëndrim redaksional të sajin shkruante dje se “Flamuri serb ka valuar në mes të Tiranës, ndërkohë që nga kryeqyteti i shqiptarëve, kryepeshkopi serb, Irenej ka thënë se “Kosova është dhe do të jetë serbe”. Më tej kjo gazetë shkruan se “gjithçka ka ndodhur sot (dje) gjatë ceremonisë së shenjtërimit të Katedrales Ortodokse ‘Ngjallja e Krishtit’, e ku, tok me kryepeshkopin serb ka marrë pjesë gjithë lidershipi institucional e politik i Tiranës”. Sipas kësaj gazete, ky akt “lirisht mund të quhet si provokimi i radhës që vjen nga shteti amë, apo thënë më mirë, pakujdesia e radhës e Tiranës ndaj ndjenjave të kosovarëve; diçka që ndodh vazhdimisht, diçka që përsëritet kohë pas kohe – herë nga ndonjë televizion, herë nga një parti politike, nga ndonjë kryetar bashkie…”. Më tej “Express” kujton disa nga provokimet e tjera që shtetarët apo mediat shqiptare u kanë bërë ndjenjave dhe sakrificës së kosovarëve me veprimet e tyre. Kështu ajo rendit se vite më parë, Goran Bregoviç mori ‘Çelësin e Tiranës’, ndërsa përmend si kumbar të bashkimit të PS-së dhe LSI-së ish-presidentin serb, Boris Tadiç, duke u nisur nga pjesëmarrja e tij në takimin e pajtimit të LSI-së dhe PS-së në Shkodër. Gjithashtu, kjo gazetë përmend edhe incidentin e pak javëve më parë, ku sipas saj “shqiptarët në Tiranë u harbuan me Zdravko Coliçin”. Por kulmi sipas gazete ishte ceremonia e djeshme e shenjtërimit të Katedrales Ortodokse “Ngjallja e Krishtit”. Ndaj nisur nga kjo, gazeta shtron pyetjen: pse duhet ftuar në një ceremoni kaq të rëndësishme për komunitetin ortodoks shqiptar (siç e quan ajo) “një fashist serb siç është Kryepeshkopi serb, Irenej?”. “Si mundet, – shkruan më tej kjo gazetë, – që i gjithë lidershipi shqiptar; nga Presidenti Nishani, Kryeministri Rama, Kryeparlamentari Meta dhe lideri i opozitës, Basha, të marrin pjesë në këtë ceremoni dhe t’ia puthin dorën Irenejt? Kush ua lejoi atyre të rinjve të valojnë flamurin serb dhe të hedhin parulla kundër shqiptarëve?”, – pyet më pas kjo gazetë duke iu referuar pikërisht tubimit të disa të rinjve me flamujt serbë para hyrjes së Katedrales në Tiranë, ndërkohë që brenda saj ndodheshin veç drejtuesve më të lartë të kishës ortodokse në botë dhe krerët e shtetit shqiptar. “Ky po që është një provokim. Ky po që është një turp i Shtetit Shqiptar”, – mbyll editorialin e saj gazeta “Express”. Ndërkohë që kjo ngjarje nuk ka mbetur pa u pasqyruar edhe nga mediat e tjera si “Tribuna”, “Zëri” etj, ku binte në sy lajmi mbi tubimin e të rinjve me flamuj serbë. Të ashpra kanë qenë dhe reagimet e qytetarëve kosovarë në rrjetet sociale lidhur me këtë zhvillim të ndodhur dje në Tiranë. Në shumicën dërmuese të tyre, prania e Irenejt dhe deklaratat e tij shihen si një tradhti që Shqipëria dhe klasa e saj politike i kanë bërë Kosovës. Madje nuk mungojnë dhe përcaktimet e tilla se ‘Shqipëria është njësoi si Greqia dhe Serbia, ndërsa Kosova është më vete’. “Erdhi mu në zemër të tokës së shqiptarëve dhe volli helm mbi tokën tonë. Nuk është fajtor ai, faji është i yni, edhe për këtë arsye jemi ku jemi”, – shkruante një qytetar kosovar me emrin Xhavit Myrtaj në Facebook. “Hiqq ndeti mos me ju shku se veq na ja u majna gjall turizmin e kta vllezerit po bohen vllezer me shkije tash”, shkruante Ylber Sadiku, një tjetër qytetar kosovar.
http://mapo.al/2014/06/patriarku-ser...etin-shqiptar/
Përgjigju Duke Cituar
Postuar më parë nga arbereshi_niko
Krijoni Kontakt