GRUPI G: Kualifikohen Gjermania dhe SH.B.A

[freeopen]

Po te ishte topi ''vezak'' jam i sigurt se fitonte ''ju es ej''

[Xhuxhumaku]

Po te ishte topi ''vezak'' jam i sigurt se fitonte ''ju es ej''

PO Obama ke ndeshje ishte duke pare ne eiruan, juesejn apo ganan?



p.s

ai trajneri uzbek, ja nxorri te verdhen direkt hovedesit, kurse "Xhentilet", amerikan i fali mbi 4 here nga te verdhat dhe nji te kuqe

[Xhuxhumaku]

Nuk ka “turp”, Gjermania triumfon edhe ndaj Klinsmanit…




Nuk ka “pakt”. Në Recife, Gjermania dhe SHBA-ja u sfiduan sy për sy dhe me kokën lart. Për të fituar ndeshjen menduan gjermanët, falë një goli të Mylerit në fillim të pjesës së dytë. Një sukses që u lejon djemve të Lëvit të mbyllin grupin G në vendin e parë me shtatë pikë. Pas tyre vjen SHBA-ja e Klinsmanit, me pikë të barabarta me Portugalinë, por me golavarazh më të mirë. “Turpi”, kështu u quajt nga vetë gjermanët ajo fitore Gjermani-Austri 1-0 në Botërorin e vitit 1982, që i lejoi të dyja skuadrat të kualifikoheshin për në raundin tjetër, nuk u përsërit. U përfol për një pakt nën tavolinë mes Jurgen Klinsmanit dhe ish-lojtarëve të tij, por nuk pati asnjë “turp” këtë herë. Nga ana tjetër, përballja mes “pancerave” dhe amerikanëve nuk ka përfunduar asnjëherë në barazim, e pse duhet të përfundonte dje?!

SHBA-GJERMANI 0-1
Goalt: Myler 55′
SHBA (4-2-3-1): Houard; Xhohnson, Gonzalez, Besler, Bislej; Bekerman, Xhons; Zusi (Jedlin 84′), Bredli, Dejvis (Bedoja 59′); Dempsi Trajner: Jurgen Klinsman
GJERMANIA (4-3-3): Nojer; Boateng, Mertesaker, Humels, Hëvedes; Shvainshtaiger (Gëce 76′), Lahm, Kros; Ozil (Shyrrle 89′), Myler, Podolski (Klose 46′) Trajner: Joakim Lëv
KARTONË TË VERDHË: Gonzalez, Bekerman / Hëvedes
Gjyqtar: Ravshan Irmatov

Formacionet Lëv bën ndryshime, duke futur Shvajnshtaigerin titullar në vendin e Khedirës dhe Podolskin në vendin e Gëces. Nga ana tjetër, Klinsmani i qëndron besnik skemës dhe yjeve të tij, që deri tani kanë shkëlqyer.
Pjesa e parë 45 minutat e para, sigurisht që nuk mund të cilësohen si më të paharrueshmet e këtij kompeticioni. Por, për t’u theksuar është se gjithnjë flitet për një ndeshje të vërtetë. Gjermanët provojnë menjëherë të tregojnë hierarkinë në renditjen e FIFAs dhe në grup, por amerikanët përgjigjen duke krijuar një “mur” para portierit Hauard. Më shumë sesa “mur”, mund të cilësohet si “rrjetë”, pasi Muler nuk arrin të gjejë pothuajse asnjëherë hapësira, pas markimit të Gonzalezit (brenda zonës) dhe Bredlit (sapo del prej saj). Trajneri i SHBA-së i njeh mjaftueshëm ish-lojtarët e tij dhe Gana i dha një leksion të mirë se si mund ta bllokojë kryegolashënuesin gjerman. Kështu, 11-shja e Lëvit përjeton “hijet” e ndeshjes kundër afrikanëve, por jo me shqetësim. Një pjesë e parë pa shumë ritëm dhe raste për shënim, pavarësisht se Hauard u vu në lëvizje prej dy gjuajtjeve qendrore të Krosit. Gjithsesi, kreu i pankinës së gjermanëve i kishte menduar ndërkohë lëvizjet që do bënte.
Pjesa e dytë Lëvizja quhet Miroslav Klose, “zoti 15 gola në Botëror”. Hyrja e sulmuesit të Lacios sposton Mylerin në krahun e majtë dhe me më shumë hapësira në dispozicion, futbollisti i Bajernit nuk fal. Një goditje e fortë në diagonale, 10 minuta pasi skuadrat kishin rizbritur në fushën e lojës, shkundi rrjetën e amerikanëve. Nëntë gola në nëntë ndeshje të zhvilluara në Kupën e Botës për Mylerin. Amerikanët mundohen që të qartësojnë idetë për të reaguar, por e patën thuajse të pamundur. Nuk kishin as freskinë dhe as hapësirat e dhuruara si në ndeshjet e kaluara. Me kalimin “e qetë” të minutave, nga Pernambuko vjen lajmi se Portugalia po fiton 2-1 dhe kjo i qetëson disi djemtë e Klinsmanit, të cilët kënaqen edhe me atë humbjen minimale. Një rast i pastër i Bedojës në fund mund të kishte dhuruar barazimin e shumëpërfolur, por rrëshqitja në kohë e Filip Lahmit ua mohoi. Gjermanët marshojnë me autoritet në Brazil dhe SHBA-ja e ndjek…

Myler golMyler thyen SHBA-në: Gol super, si në stërvitje
Në rrugën e një legjende! Tomas Myler po avancon në kohë rekord në evenimentin Botëror. 24-vjeçari gjerman ka shënuar golin e tij të 4-t në këtë Botëror, duke barazuar Nejmarin dhe Mesin. Teksa shënoi golin e vetëm dhe të fitores ndaj SHBA-së, Myler u shpall edhe lojtari i ndeshjes.
Myler, 9 gola në 9 ndeshje. Parakaluat edhe Maradonën. Jeni të kënaqur me veten?
Është një kënaqësi për mua që krahasohem me ikona të futbollit. Më pëlqen të jem i paparashikueshëm, si në lojë, edhe në shënimin e golave. Për mua është primare të shënoj.
Cili është bilanci ndaj SHBA-së?
Ishim të përqendruar maksimalisht. Kryesore ishte që funksionoi vendosja dhe mirëpozicionimi në fushë. Falë kësaj arritëm të kontrollonim siç duhet lojën e amerikanëve dhe t’i vinim shpeshherë nën presion. Mbyllëm grupin në vend të parë dhe me këtë fitore arritëm qëllimin minimal.
U përfol shumë për barazimin. A ishte kjo edhe një kundërpërgjigje?
Gjermania luan vetëm për fitore. Nuk ka pakt apo dhurata nga ne. Kemi bërë gjithë këto përgatitje dhe gjithë këto milje jo për të kënaqur të tjerët, por për të përmbushur me rigorozitet qëllimin tonë.
Pas fitores ndaj Portugalisë, edhe kundër SHBA-së u vlerësuat njeriu i ndeshjes…
Ndihem krenar! Çmimi sigurisht që shkon edhe për shokët e mi. Kjo është një punë e përbashkët. 3 golat ndaj Portugalisë mund të barazohen në vlerë pikësh me golin përballë SHBA-së. E kam thënë që rëndësi ka që skuadra fiton edhe falë golave të mi. Kjo është detyra jonë.
Një gol nga 16 metra. Ishit stërvitur për të gjuajtur nga distanca?
Skuadra amerikane ishte e organizuar shumë mirë. Kundër një ekipi si SHBA-ja duhet të përdorësh çdo armë. Më ka ndodhur disa herë që të shënoj gol duke zgjatur vetëm këmbën, por kjo është një tjetër vepër e bukur e stërvitjes sime ku punoj si i çmendur. Ishte një gol shumë i bukur me të brëndshme. Në fushë jam “fotokopje” e stërvitjes. Më pëlqejnë së tepërmi këto lloj gjuajtjesh nga distanca.

Klose“Favori ynë, të gjithë të zëvendësueshëm”
Bomberi i Gjermanisë, Miroslav Klose, nuk ia arriti dot të thellonte rekordin e tij në aktivizimin ndaj SHBA-së. Pas fitores 1-0, sulmuesi 36- vjeçar nxjerr në pah një detaj mjaft thelbësor dhe kryesor. “Ne kemi mundësinë dhe luksin të zëvendësojmë çdo lojtar një me një. Kjo është një armë mjaft e fortë dhe jashtëzakonisht e rëndësishme. Khedira nuk luajti dhe ai u zëvendësua më së miri në formacion dhe në fushë. Funksionoi shumë mirë, njësoj sikur ai të ishte në fushë”,- nënvizoi Klose duke vlerësuar së tepërmi punën e trajnerit Lëv dhe atë të zv.kapitenit i cili u aktivizua nga minuta e parë ndaj SHBA-së,- “Nuk është e thënë të shënoj në çdo ndeshje. Unë ndihem shumë mirë me këtë trupë kaq të mirë. Përpiqem të bëj maksimumin dhe të ndihmoj skuadrën. Më mjafton fitorja, sepse për golat e mi do keni kohë në finalet e ardhshme”,- përfundoi Klose.

Humels“Kontrolluam lojën, nuk rrezikuam ndaj amerikanëve”
Mats Humels shprehet i kënaqur për paraqitjen e skuadrës në fazën në grupe, duke u kualifikuar e para, me shtatë pikë të grumbulluara. “Kemi realizuar objektivin tonë, që ishte kalimi në raundin tjetër, nga vendi i parë i grupit. Nëse do më duhej të pranoja shtatë pikë para fillimit të kompeticionit, do firmosja menjëherë. Jam i kënaqur për atë që kemi treguar deri tani”, deklaroi mbrojtësi gjerman. “Në ndeshjen ndaj SHBAsë e kontrolluam totalisht lojën dhe nuk e lejuam kundërshtarin për asnjë moment që të na rrezikojë. Nuk ka aspak të krahasuar me Ganën. Edhe pse me afrikanët gjithashtu tentuam të kontrollonim lojën, nuk e bëmë si duhet. Ishte një ndeshje e programuar deri në detaje dhe që kaloi me sukses. Morëm tri pikët dhe kjo është e rëndësishme. Dëgjuam që përflitej për një pakt, por janë gjëra që nuk na shqetësuan, pasi ne hyjmë në fushë gjithnjë për të marrë maksimumin dhe e treguam një gjë të tillë”, deklaroi lojtari i Borusias së Dortmundit.

USA v Germany: Group G - 2014 FIFA World Cup BrazilNOTAT
HAUARD 6.5 – Si gjithnjë, një siguri më vete. Në goditjet tokazi, dhe në ato gjysmë-lartësi është thuajse i pagabueshëm. Shpëton disa herë portën, ndërsa te goli i Mylerit kishte shumë pak mundësi. Vërtet shumë pak.
XHONSON 6 – Gjermania i lejon që të ngacmojë shumë pak zonën e rreptësisë se herët e tjera. Sekreti? Ishte Gjermania ajo që zotëronte topin, jo SHBA.
GONZALEZ 6 – E nis keq me një ndërhyrje “alla Zakardo” në versionin e Itali-SHBA në 2006. Por, prej atij momenti u përmirësua ndjeshëm dhe bëri një paraqitje të mirë.
BESLER 6.5 – Drejton sërish shumë mirë mbrojtjen. Tashmë është një siguri më vete.
BESLEJ 6 – I njëjti vlerësim si për Xhonsonin. Gjermania është shumë e kujdesshme.
Kyle BEKERMAN 6 – Vrapon në çdo cep dhe lufton me të gjithë. Ndonjëherë e tepron me takat.
XHONS 6 – Vrapime pa fund dhe një pjesë e parë madhështore. Në pjesën e dytë vuan shumë, por paraqitja ishte pozitive gjithsesi.
ZUSI 5.5 – Ishte i tiji rasti i parë i rrezikshëm i ndeshjes, që me një të djathtë fluturimthi për pak e trullosi Nojerin. Pas asaj gjuajtjeje, nuk bëri asgjë mbresëlënëse.
BRADLEJ 6.5 – Është thënë disa herë, por duhet përsëritur: është njeriu kyç i skuadrës së SHBA-së në këtë kompeticion. Drejton mesfushën me kujdes dhe me inteligjencë. Dje iu desh më shumë të markonte sesa të ndërtonte, por ia doli me sukses gjithsesi.
DAVIS 5 – Asgjë për t’u mbajtur mend. Nuk ishte asnjëherë në sinkroni me pjesën tjetër të ekipit. (Nga 58′ Alejandro
BEDOJA 6 – Një rast i artë për të shënuar në fund të ndeshjes. Sakrifikoi shumë për ekipin, por kur hyn dhe shokët janë në disavantazh, gjërat vështirësohen. Megjithatë, mospësimi i golave të tjerë ishte gjithashtu thelbësor).
DEMPSEJ 5 – Nuk u pa thuajse asnjëherë. U shërbye pak nga shokët dhe ishte shumë i veçuar.
Trajneri KLINSMAN 5,5: Nëse SHBA u kualifikua, kjo është edhe meritë e tij. Por ekipi i tij nuk vuri asnjë herë në provë Nojerin, çka do të thotë se shumë gjëra duhet të ndryshojnë nëse amerikanët duan të ecin pak më larg…

GJERMANIA
NOJER 6.5 – Portier dhe “libero”. Dy role së bashku. E pabesueshme!
BOATENG 6 – Gjermania ka thuajse gjithnjë kontrollin. Nuk duhet të shtyjë shumë dhe nuk i duhet të bëjë ndonjë sforco as në mbulim.
MERTESAKER 6 – Problemi i tij mund të jenë depërtimet me shpejtësi, por dje SHBA prodhoi shumë pak të tilla.
HUMELS 6 – Dempsej i vetëm në sulm dhe aq pak i shërbyer, ishte një klient komod për t’u kontrolluar. Gjermania nuk u rrezikua kurrë.
HËVEDES 6 – Njësoj si Boatengu.
SHVAJNSHTIGER 6.5 – Prek topa pa fund dhe gabon shumë pak. “Gjeometër” i jashtëzakonshëm dhe thelbësor për ekipin. LAHM 6.5 – Në mes të fushës tashmë është një garanci dhe siguri.
KROS 6.5 – Gjermania i fiton ndeshjet pikërisht aty, në mesfushë. Janë solidë, teknikë dhe superiorë ndaj rivalëve. Kros është pjesë kyçe e kësaj “bande”.
OZIL 6 – Gjallëron repartin ofensiv. Ndeshja kishte një rëndësi “relative” dhe u panë disa nga versionet e tij më të mira.
MYLER 7.5 – Katër gola në tri ndeshje në këtë Botëror. Nëntë gola në nëntë ndeshje Botërori. Përshtatet shkëlqyeshëm me manovrën e ekipit, por mbi të gjitha shënon. Shumë. Në të gjitha mënyrat. Me nxitim, me teknikë, me forcë. Ritëm legjende!
PODOLSKI 5 – Start mbresëlënës, por shuhet thuajse menjëherë. (Nga 46′ KLOSE 6 – Shumë lëvizje dhe shumë dëshirë, për të një tjetër rekord personal. Por në fakt nuk pati asnjë rast të pastër për të shënuar).
Trajneri LËV 6: Ishte pothuajse ndeshja që donte ai: zotërim topi, agresivitet dhe mbrojtje e zhvendosur lart. Por “pothuajse”, sepse munguan vertikalizimet vrastare, pa të cilat rrezikon të mos zhbllokohesh kurrë.
Përgatiti: ENIAR IBRO

Burimi: http://www.panorama-sport.com/lajmi-...#ixzz35pgVxcko

[Qyfyre]

Se ka te keq shortin tani Amerika. Belgjika edhe mund te kalohet.
Kurse Gjermania do fusi skuadren e dyte

[Xhuxhumaku]

se ka te keq shortin tani amerika. Belgjika edhe mund te kalohet.
Kurse gjermania do fusi skuadren e dyte

gjermania ishte me e sigirte me rusine se sa me algjerine.

Algjeria e ka rrahur nji here ne 1982 me madjer, 2-1 bile i ka bere edhe gol me finte.

[Xhuxhumaku]

17 Botërore, Gjermania është e frikshme në start



Gjermania kombetareFillim i mbarë, por fund i hidhur! “Brazil 2014″ do jetë botërori i 20-të në histori, por i 18-ti për Gjermaninë nga viti 1934. Për herë të 18-të, Gjermania do përballet edhe ndaj Portugalisë ditën e hënë në orën 18:00 (9 F, 5 B, 3 H). Përveçse kanë një bilanc mjaft pozitiv ndaj “luzitanëve”, për “pancerat” flasin edhe statistikat e ndeshjeve të para të Botëroreve pjesëmarrëse. Në 17 ndeshjet e para, Gjermania ka fituar 12 dhe ka humbur vetëm një, atë ndaj Algjerisë në Botërorin 1982 (1- 2). Kujtojmë që Gjermania është edhe kombëtarja e parë me më shumë pjesëmarrje në finale (7; 3 të fituara)
27 MAJ 1934/ GJERMANI-BELGJIKË 5-2 Tripleta e Edmund Konen dhe golat e Kobierskit dhe Zifling përmbysën disavantazhit 1-2 të pjesës së parë ndaj Belgjikës në ndeshjen e parë të Botërorit 1934 në Firence. Ndalen te vendi i tretë, sepse Italia i mund dhe fiton Botërorin më pas në Romë ndaj Çekosllovakisë.
4 QERSHOR 1938/ GJERMANI-ZVICËR 1-1 Në ekipin gjigant të Sep Herberger s’kishte harmoni në Francë. Botërorin 1938, Gjermania e nisi me ndeshjen ndaj Zvicrës në 1/8-at sipas formatit të vjetër. Barazoi 1-1 ndeshjen e parë, por e humbi 2-4. Ishte skualifikimi më i shpejtë për “pancerat”.
17 QERSHOR 1954/ GJERMANI-TURQI 4-1 Kualiteti në ofensivë ishte super. Ndeshjen e parë të Botërorit 1954 në Zvicër e fituan 4-1 ndaj Turqisë, ku arritën në finale dhe fituan kupën e parë të Botës ndaj Hungarisë duke realizuar “mrekullinë e Bernës”.
8 QERSHOR 1958/ GJERMANI-ARGJENTINË 3-1 Gjermania starton fuqishëm duke fituar ndeshjen e parë 3-1 ndaj Argjentinës, por në gjysmëfinale skualifikohen nga organizatorët e Suedisë 3-1. “Pancerat” e mbyllin në vend të 4-t pasi munden 6-3 nga Franca.
31 MAJ 1962/ GJERMANI-ITALI 0-0 Kundër “katenaços” italiane, Kombëtarja gjermane nuk ka mundur të zbulojë recetën. E mbyllin pa gola startin e Botërorit 1962 në Kili dhe skualifikohen në çerekfinale ndaj ish-Jugosllavisë 0-1.
12 KORRIK 1966/ GJERMANI-ZVICËR 5-0 Start i magjishëm. Djemtë e Helmut Shënit turpërojnë 5-0 Zvicrën në hapje të Botërorit 1966 në Angli, duke arritur deri në finale, por Anglia ia prish ëndrrën pas “golit fantazmë” në Uembli duke fituar në shtesë 4-2 finalen dhe kupën e Botës.
3 QERSHOR 1970/ GJERMANI-MAROK 2-1 Uve Zeler dhe Gerd Myler nuk ia lejuan vetes dështimin dhe pas disavantazhit ndaj Marokut përmbysën rezultatin në 1-2. Por, në ndeshjen e shekullit ndaj Italisë në gjysmëfinale, barazojnë 1-1 në kohë të rregullt, por humbin në shtesë 3-4. Gjermania e mbyll e treta pas fitores 1-0 ndaj Uruguait në finalen e vogël.
14 QERSHOR 1974/ GJERMANI-KILI 1-0 Gjermania starton Botërorin në shtëpi me ndeshjen ndaj Kilit, ku i falet vetëm golit të Pol Brajtner. Por, shkëlqimi vazhdon deri në fund, duke fituar finalen 2-1 ndaj Holandës.
1 QERSHOR 1978/ GJERMANI-POLONI 0-0 Në Argjentinë, Gjermania e nis pa gola startin ndaj Polonisë. Ekipi gjerman skualifikohet në fazën në grupe duke u mundur nga Austria 2-3.
16 QERSHOR 1982/ GJERMANI-ALGJERI 1-2 Goli i Rumeniges nuk vlejti për të përmbysur afrikanët veriorë. Por, pavarësisht startit të dobët, Gjermania e Jup Derval shkon për herë të 4-t në finale, por dështon ndaj Italisë në finalen e Madridit.
4 QERSHOR 1986/ GJERMANI-URUGUAI 1-1 Dështimin e radhës në start nuk e lejoi Klaus Alofs, i cili barazon ndaj Uruguait. Megjithatë ekipi i Bekenbauerit arrin në finalen e 5-t, por Argjentina e mund 3-2.
10 QERSHOR 1990/ GJERMANI-JUGOSLLAVI 4-1 Ky ishte Botërori i Mateusit dhe trofeu i fundit për Gjermaninë. Nis me goleadë 4-1 ndaj ish-Jugosllavisë dhe përfundon po me fitore në finale duke marrë hak ndaj Argjentinës në Romë.
17 QERSHOR 1994/ GJERMANI-BOLIVI 1-0 Klinsman i dhuron fitoren në start të Botërorit 1994 në SHBA, por ajo aventurë mbyllet në çerekfinale ndaj Bullgarisë 1-2.
15 QERSHOR 1998/ GJERMANI-SHBA 2-0 Kalojnë me sukses SHBAnë, falë golit të Klinsmanit dhe Mëlerit, por të dytën herë skualifikohen në 1/8-at nga Kroacia 0-3.
1 QERSHOR 2002/ GJERMANI-ARABIA SAUDITE 8-0 Festival golash dhe fitorja rekord në historinë e Botëroreve. Arrijnë në finalen e 7-të, por Brazili nuk i fal duke fituar 2-0.
9 QERSHOR 2006/ GJERMANI-KOSTA RIKA 4-2 Tripletë ndaj Arabisë, dopietë ndaj Kosta Rikës. Klose kërcënon jo vetëm Kosta Rikën, por çdo pjesëmarrës. Por në gjysmëfinale i mund Italia në kohë shtesë 0-2. E mbyll e treta pas fitores 3-1 ndaj Portugalisë në finalen e vogël.
13 QERSHOR 2010/ GJERMANI-AUSTRALI 4-0 Myler dhe Klose shkatërrojnë Australinë në start, por kufiri ishte në gjysmëfinale. Spanja fiton 1-0 dhe më pas edhe Botërorin ndaj Italisë.
Përgatiti: ENIAR IBRO

Burimi: http://www.panorama-sport.com/botero...#ixzz35qzqbbWX

[Xhuxhumaku]

Trajneri Lëv: Shvajni super, Podolski pa busull


Joakim Lëv përgëzon skuadrën për fitoren e arritur, duke hedhur poshtë të gjithë zërat për një kompromis të mundshëm, duke bërë që takimi të përfundonte në barazim. Ai vlerëson gjithashtu forcën e SHBA-së, së drejtuar nga miku i tij, Jurgen Klinsman.
Ishte përfolur shumë për një barazim, por Gjermania fitoi…
Unë e thashë edhe para ndeshjes, që jemi një skuadër që nuk hynim në fushë vetëm për të marrë barazimin. Skuadra bëri një paraqitje mjaft të mirë, duke dominuar gjatë gjithë takimit. Ishte një fitore e merituar, madje mund të kishim shënuar më tepër se sa një gol. E rëndësishme është që nuk e lejuam SHBA-në të na rrezikonte, duke e bllokuar shkëlqyeshëm.
U takuat me mikun tuaj Jurgen Klinsman. Çfarë biseduat?
Unë nuk kisha folur me të para ndeshjes, por e përgëzova pas saj për punën e mirë që ka bërë me SHBA-në. Janë vërtet një ekip i fortë, me përgatitje të lartë fizike dhe taktike. Jurgen është një trajner i shkëlqyer, çka po e tregon. Mbase do të darkojmë së bashku, pasi të ketë përfunduar Kupa e Botës dhe do të flasim për gjithçka. Pas ndeshjes e pyeta se çfarë ndodhi me Portugalinë dhe më tha që “ia dola”. Kuptova që u kualifikuan.
Të flasim për Gjermaninë. Çfarë i mungoi në ndeshjen e sotme (dje)?
Pasimi i fundit. Nuk arritëm të finalizonim si duhet pasimin që i dhuron sulmuesit mundësinë për të shënuar. Kjo na pengoi disi edhe për të arritur një fitore më bindëse.
Shvajnshtaiger titullar. Dha përgjigjen që prisnit?
Po, Bastian luajti shumë, shumë mirë. Jam vërtet i kënaqur. Lashë në stol Khedirën, pasi doja që të ishte në formë të mirë fizike për ndeshjen e ardhshme…
Podolski ishte gjithashtu në formacion, por u zëvendësua pasi përfundoi pjesa e parë. Pse?
Lukas nuk po orientohej si duhet dhe s’po gjente hapësira apo thellësi në zonën kundërshtare. Duke parë që e kishte mjaft të vështirë, vendosa të aktivizoja Klosen, duke bërë që së bashku me Mylerin të shtonim numrin e lojtarëve në qendër të sulmit dhe njëkohësisht për t’u dhuruar më tepër hapësira mesfushorëve.
Si e cilësoni rrugën tuaj drejt realizimit të objektivit në Botëror?
Gjithçka varet nga ajo që do të japim në fushë. Ndeshjet sa vijnë dhe bëhen akoma më të vështira. Nuk ka më kundërshtarë të lehtë. Kushdo që është kualifikuar për në raundin tjetër e ka konfirmuar potencialin e tij. Ne duhet të japim maksimumin dhe të mos bëjmë asnjë gabim, pasi në kompeticione të tilla të penalizojnë.

Te lidhura me artikullin:

Burimi: http://www.panorama-sport.com/botero...#ixzz35r2Kyyzz

[Darius]

Nuk ka më kundërshtarë të lehtë. Kushdo që është kualifikuar për në raundin tjetër e ka konfirmuar potencialin e tij. Ne duhet të japim maksimumin dhe të mos bëjmë asnjë gabim, pasi në kompeticione të tilla të penalizojnë.

Shyqyr qe i paska thirr mendjes palla dhe i eshte bere mesim ajo qe beri me Ganen.

[Xhuxhumaku]

Klinsman: Krenar, askush nuk besonte tek ekipi im

Portugalia dhe Gana, për t’u kualifikuar në raundin tjetër të Kupës së Botës. Trajneri gjerman nuk e ka fshehur kënaqësinë për këtë arritje. “Para se të fillonte kompeticioni, SHBAsë sime nuk i dhanë asnjë shans për të kaluar fazën e grupeve. Madje, diskutonin se cila mes Portugalisë dhe Ganës do i bashkëngjitej Gjermanisë. Gjithsesi, ne nuk i humbëm shpresat për asnjë moment, por besuam te forca jonë. Kemi realizuar një kualifikim, që na bën të gjithëve të ndihemi krenarë. Kemi fituar ndaj të gjithë atyre që nuk besonin dhe vazhdojmë të jemi pjesë e këtij kompeticioni”, u shpreh tekniku gjerman. Në ndeshjen e fundit ai pranon se luajtën për barazim, por e patën thuajse të pamundur. “Ne u futëm në fushë me synimin për të siguruar një barazim. U mbrojtëm me të gjitha forcat, pasi e dinim që Gjermania të ndëshkon nëse gjen hapësira. Gjithsesi, nuk mundëm të krijonim mundësi për të shënuar. Mbase edhe fati nuk ishte në anën tonë. Por, tashmë ka shumë pak rëndësi, pasi e realizuam objektivin”, shtoi Klinsman. Sa i përket përballjes për në 1/8-at, për të nuk ka rëndësi kundërshtari. “Ne jemi përballur gjithmonë me skuadra që e kanë nisur ndeshjen favorite për të fituar. Ashtu do ndodhë edhe në raundin tjetër, por do kërkojmë të bëjmë të njëjtën gjë: të surprizojmë! Jemi një ekip që luan me zemër dhe kjo shpeshherë bën diferencën në fushën e lojës”, deklaroi kreu i pankinës së amerikanëve. Ai mori drejtimin e SHBAsë më 1 gusht të vitit 2011 dhe ka arritur të ketë rezultate tepër pozitive. Gjithsej ka zhvilluar 53 takime, prej të cilave ka fituar 32 dhe barazuar nëntë të tjera. Në karrierën e tij si trajner, më parë Klinsmani kishte qenë trajner i Gjermanisë për dy vite, ku në 34 përballje, fitoi 20, barazoi tetë dhe humbi gjashtë të tjera. Sa i përket aventurës me klubet, ajo kundër Bajernit të Mynihut zgjati vetëm nëntë muaj, kur u largua prej rezultateve negative.

Burimi: http://www.panorama-sport.com/botero...#ixzz35r4nXCp0

[Qyfyre]

gjermania ishte me e sigirte me rusine se sa me algjerine.

Algjeria e ka rrahur nji here ne 1982 me madjer, 2-1 bile i ka bere edhe gol me finte.

Deh Shqiperia i la nje here jashte Europianit, po se besoj se na kan shume frike