Lajme nga bota Islame

[mesia4ever]

Publikuar: 16.11.2013 - 22:36

Islamabad, 16 nëntor - Autoritetet pakistaneze kanë vendosur shtetrrethimin në Ravalpindi, qytet pranë Islamabadit, pasi tetë persona u vranë nga përleshjet sektare ditën e premte.

Dhuna shpërtheu kur myslimanët shiitë nisën një eveniment për të kujtuar festivalin e Ashures. Dhjetëra persona mbetën të plagosur dhe shumë dyqaneve iu vu zjarri gjatë përleshjeve me sunitët që pasoi më pas në qytet.

Banorëve u është thënë që të qëndrojnë në shtëpi derisa shtetrrethimi të hiqet ditën e diel. Forcat e sigurisë po patrullojnë rrugët dhe pikat hyrëse të Ravalpindit janë mbyllur, transmeton TCH.

Policia thotë se synimi i armëpushimit është shmangia e dhunës së mëtejshme. Të paktën 35 persona mbetën të plagosur, shumë prej të cilëve u qëlluan nga armë zjarri.

Incidenti ndodhi gjatë një prej festave më fetare për myslimanët shiitë, që përkujtonin gjithashtu përvjetorin e vdekjes së imamit Hussein, nipi i profetit Mohammed.

Autoritetet kanë rritur masat e sigurisë në prag të ceremonive mortore, duke bllokuar edhe sinjalet e telefonave celularë për të shmangur ndonjë shpërthim në distancë.

Disa dhjetëra mijëra policë janë vendosur në mbarë vendin, për të parandaluar sulme të mundshme ndaj minoritetit shiit.

[mesia4ever]

Publikuar: 16.11.2013 - 15:42

Tripoli, 16 nëntor - Në periferi të kryeqytetit të Libisë kanë shpërthyer luftime të reja ndërmjet milicive rivale, të cilat pasojnë përleshjet vdekjeprurëse të së premtes.

Dhuna e sotme në lagjen Tajoura ka vënë përballë milicinë lokale kundër luftëtarëve nga Misrata.

Kryeministri Ali Zeidan u ka bërë thirrje milicive rivale që të qëndrojnë jashtë Tripolit, duke thënë se hyrja e tyre do të kishte pasoja negative dhe katastrofike.

Zyrtarët thonë se 42 njerëz kanë vdekur dhe 400 të tjerë janë plagosur të premten në përleshjet e milicive në afërsi të Tripolit.

Dy vjet pas rënies së regjimit të Muammar Qaddafit, qeveria ende lufton të frenojë milicitë, të cilat kontrollojnë disa pjesë të Libisë.

[mesia4ever]

Publikuar: 16.11.2013 - 11:37
Islamabad, 16 nëntor - Në një lokacion pranë Islamabadit vazhdon të mbetet në fuqi shtetrrethimi, si pasojë e përleshjeve që kanë ndodhur të premten në një procesion fetar dhe kanë lënë tetë persona të vdekur.

Dhuna mes myslimanëve shiitë dhe sunitë ka ndodhur në zonën Ravalpindi dhe ka plagosur së paku 34 persona të tjerë.

Festa e Ashureve kremtohet nga shiitët dhe shënon shekullin e shtatë të vdekjes së nipit të Profetit Muhammad, Hussein.

Midis 5 deri në 20 për qind e pakistanezëve janë myslimanë shiitë.

[mesia4ever]

Publikuar: 17.11.2013 - 21:44
Damask, 17 nëntor – Nga një sulm me bombë pranë ndërtesës së qeverisë në Damask kanë humbur jetën 31 persona. Lajmi bëhet i ditur nga observatori sirian për të drejtat e njeriut. Siç raportohet, nga sulmi me bombë kanë mbetur të vdekur edhe katër gjeneralë.

Eksplozivi që u mori jetën 31 personave dyshohet të jetë vendosur në bodrumin e një ndërtese.

BBC raporton se rebelët e opozitës mund të kenë hyrë në ndërtesën e qeverisë.

[mesia4ever]

Publikuar: 18.11.2013 - 17:01
Damask, 18 nëntor - Një prej kryekomandantëve të kryengritësve sirianë ndërroi jetë pas plagëve të marra gjatë një bombardimi ajror që forcat e ushtrisë së rregullt realizuan mbi një pikë të rëndësishme strategjike të kontrolluar prej rebelëve në Alepo.

Abdul Qadir el-Saleh, lideri i fraksionit kryengritës "Liwa al-Tawhid" ndërroi jetë në orët e para të së hënës, pasi u plagos ditën e enjte, transmeton TCH.

"Liwa al-Tawhid" është një prej grupimeve kryesore të opozitës që lufton në krahinën e Alepos, ndërsa ka një numër të përgjithshëm prej 8-10 mijë luftëtarësh.

Ndërkohë, figura të rëndësishme të regjimit sirian ndodhen në Moskë, për të diskutuar përpara mbajtjes eventuale të një konference paqe.

Zëvendësministri i Jashtëm, Faisal Mekdad udhëheq takimin me homolegët e tij rusë.

Fronti Kombëtar Sirian, organizata që përfaqëson lëvizjen kryengritëse siriane konfirmoi se kishte marrë një ftesë prej autoriteteve ruse për të marrë pjesë gjithashtu në takim, por se asnjë prej liderave nuk mundi të ishte i pranishëm për shkak të takimeve të fiksuara që më parë në axhendën e punës.

[mesia4ever]

Publikuar: 17.11.2013 - 21:53
Tripoli, 17 nëntor - Zëvendësshefi i inteligjencës së Libisë, Mustafa Nuh, është rrëmbyer. BBC, duke cituar mediat lokale, thotë se ai është zhdukur nga aeroporti i Tripolit, por Qeveria thotë se nuk është në gjendje të konfirmojë lajmin. Rrëmbimi vjen në kohën kur Tripoli është në grevë të përgjithshme, në shenjë kundërshtimi ndaj pranisë së grupeve paraushtarake në qytet. Greva është thirrur pas vdekjes së mbi 40 personave të premten nga dhuna në mes të milicive rivale.

Këto grupe janë formuar fillimisht për të ndihmuar rrëzimin e kolonel Muamar Gadafit, por ato refuzojnë të çarmatosen edhe dy vjet pas rënies së tij.

[mesia4ever]

Luftime të përgjakshme në Libi
Në kryeqytetin libian Tripoli, ka pasur përleshje të përgjakshme mes milicisë dhe qytetarëve të armatosur. Si pasojë jetën humbën të paktën 32 njerëz. Shkaktar i luftimeve ishte një protestë e grupeve paqësore.


Ata kishin dëgjuar thirjet e imamëve myslimanë dhe pas faljes së xhumasë kishin dalur në rrugë për të protesuar kundër milicëve në pushtet në Libi. Qindra njerëz mbanin në duar flamuj të bardhë për të treguar se bëhet fjalë për një protestë paqësore. Po ashtu ata po mbanin në duar flamuj dhe po këndonin himnin kombëtar.
Luftëtarët duhet të largohen nga qyteti
Së bashku, ata marshuan drejt selisë së brigadave luftarake të ardhura nga Misrata dhe kërkuan që ata të largohen nga Tripoli. Njerëz të armatosur brenda ndërtesës fillimisht u përgjigjën me të shtëna paralajmëruese. Por kur njerëzit vazhduan të afrohen më shumë u qëlluan nga forcat e milicisë ndër të tjera edhe me një armë kundërajrore.
Qytetarët u armatosën
Demonstruesit u tërhoqën fillimisht por një pjesë e tyre, megjithatë u kthye e armatosur për të sulmuar objektin. Ata arritën t'i japin flakën ndërtesës. Më vonë, ushtria arriti në vendin e ngjarjes dhe u përpoq për të ndarë grupet. Sipas informatave të fundit të autoriteteve, të paktën 32 njerëz u vranë dhe më shumë se 300 të tjerë u plagosën. Vëzhguesit folën për luftimet më të ashpra në rrugë që nga rënia e sundimtarit Muamar Gadafi.
Ministria e Shëndetësisë u bëri thirrje njerëzve për të dhuruar gjak. Ende nuk dihet se sa të vdekur dhe të plagosur ishin nga radhët e protestuesve dhe sa prej milicisë.
Milicët rrëmbyen edhe kreun e qeverisë
Fillimisht para një jave milicia rivale kishte zhvilluar luftime të ashpra. Si pasojë jetën pati humbur një njeri. Shumë prej "brigadave revolucionare", të cilat u forcuan në luftën kundër pushtembajtësit Muamar Gadafi, deri sot nuk duan as të çarmatosen e as të përfshihen në aparatin e sigurimit të shtetit. Ato luftojnë njëra-tjetrën dhe nuk zbatojnë thirrjen e qeverisë së dobët qendore që të largohen nga Tripoli. Në muajin tetor milicët patën rrëmbyer edhe kryeministrin Ali Seidan duke e mbajtur disa orë peng.
Sipas diplomatëve perëndimorë, situata në vendin afrikano-verior është "gjithnjë e më kritike". Ambasadat e Shteteve të Bashkuara të Amerikës, Britania e Madhe, Franca dhe Italia lëshua​nnjë deklaratë të përbashkët me të cilën i bëhet thirje libanëve që të tejkalojnë mosmarrëveshjet e brendshme.

[Darius]

Te te bej nje pyetje: Ti sje mysliman. Ca te intereson ty se cfare ndodh ne boten islame?

p.s. e kam idene time pse ti hap tema te tilla por dua ta degjoj nga ty.

[Darius]

Meqe nuk ke denjuar te japesh pergjigje (megjithese e lexove fare mire se cfare shkruajta une) atehere po i bie shkurt: Ti je nje skuth dhe nxites i urrejtjes nderfetare. Ske asnje lidhje me boten islame. Ti vete je protestant dhe as ke te besh me islamin e megjithate gjen kohe te shpenzosh per lajme nga bota islame (ku permenden vetem vrasje, bomba, djegie etj). Kuptohet qarte arsyeja pse ti jap tema te tilla. Personalisht une nuk kam asnje simpati per esktremizmin fetar dhe sben asnje diference nese eshte mysliman apo protestant. Keshtuqe jepi drejtim dhe merru me fene tende. Forumi Shqiptar nuk eshte as Reuters dhe as AP.

Tema mbyllet.