Turqia ne prag te "Pranveres" ?

[strange]

i intereson ta terheqi nga vlerat europiane. e jo nga ato aziatike.

cka te ben te mendojsh keshtu?

[Akili-A]

cka te ben te mendojsh keshtu?

ka 100 vjet qe po ndodh kjo.. dhe ka arritur te terheqi nje pjese te konsiderueshme te shoqerise turke. por me sa duket ka shume pune per te bere.

[Akili-A]

Alevitet kunder erdoganit.

sekti shiit Alevis eshte minoriteti me i madh fetar ne turqi. ata jane rreth 15 milione Alevite.

1-Pakenaqesia me Erdoganin ka filluar me luften e sirise, pasi erdogan doli hapur pro rebeleve sunnite, Alevitet ne turqi jane pro assadit.

2-Alevitet akuzojne Erdoganin, se punon me axhende te fshehur si lider i bllokut sunnit ne lindjen e mesme.

3-Alevitet po kundershtojne me force emrin e Sulltan Selimit qe Erdogan do ti veri ures se re ne bosfor.
Sulltan Selimi ne shek e 16, ka bere masakren me te madhe ndaj Aleviteve.

[presHeva-Lee]

Interesant eshte fakti se si me zell postojn Shqiptaret e fes 'ortodokse' per protestat ne Turqi, a thu pse ?

Per momentin po mungon veç Ilia tjert paskan komentu, ndoshta edhe ndonji qe un se njof.

Sidoqoft sipas mendimit tim 20% e protestusve kan dal n'menyr paqsore per t'protestu ndersa 80% jan huligan, pijaneca apo ndonje grek tek tuk apo te sektit shiit qe duan ta perdorin proteseten paqsore per qellime djallzore.

[Darius]

Si nuk na u ndane imbecilet neper tema. Fare e cuditshme jeni ju butaket e pertej kufirit.

[Antiproanti]

Erdogan zemërohet nga krahasimi me Pranverën Arabe

Kryeministri turk, Recep Tayyip Erdogan ka hedhur poshtë me zemërim, krahasimet që u janë bërë protestave në rrugë në Turqi me kryengritjen e Pranverës Arabe.

Ai ka reaguar kështu, ndërsa për të katërtën ditë me radhë po vazhdojnë protestat, e rrjedhimisht edhe përleshjet në mes të policisë dhe protestuesve.

Erdogan tha të hënën se protestat anti-qeveritare në Stamboll, Ankara dhe në qytetet tjera janë organizuar nga ekstremistët.

“Sa iu përket këtyre incidenteve, si kryeministër dhe si banor i Stambollit, dëshiroj të them se nëse nuk përfshijmë ata që u janë bashkuar protestave nga ndjenjat naive dhe emocionet pas thirrjeve të bëra në mediat sociale(do ta shohim këtë), ata që organizojnë këto protesta janë elemente ekstremiste, dhe fatkeqësisht njerëzit iu bashkuan”, u shpreh Erdogan.

Ai ka bërë këto komente në Stamboll para se të largohej për një turne në Afrikën Veriore, ku përfshihet Tunizia- djepi i revoltës së Pranverës Arabe- tha se ata që i quajnë protestat aktuale- ‘Pranverë turke’, nuk e njohin Turqinë.

Ndaras, presidenti turk Abdullah Gul ka bërë thirrje të hënën për qetësi dhe ka thënë se demonstratat paqësore janë pjesë e demokracisë. Gul ka shtuar se “mesazhet e protestuesve për qëllime të mira janë shpërndarë”.

Ndërkohë, policia turke ka hedhur gaz lotsjellës edhe të hënën në Ankara, në ditën e katërt të protestave kundër qeverisë së Erdoganit.

Në Izmir, protestuesit kanë hedhur gjatë natës bomba ndaj zyrave të Partisë Për Drejtësi dhe Zhvillim (AKP) të Erdoganit.

Demonstratat kanë nisur të premten pas forcës së tepruar të policisë, që përdori ndaj protestuesve që kundërshtonin ulur shkuljen e pemëve në sheshin Taksim të Stambollit. Që atëherë janë përshkallëzuar.

Shtetet e Bashkuara janë shprehur të shqetësuara me trajtimin e protestave në Turqi.

Protestuesit akuzojnë AKP-në me rrënjë islamike të Erdoganit, se gradualisht po imponon sundim islamik në shtetin sekular të Turqisë.

Një javë para protestave, Turqia ndaloi reklamimin e alkoolit dhe vendosi kufizime në shitjen e tij.

Thirrjeve për përmbajtje ndaj protestuesve të aleatëve të Turqisë në NATO, Britanisë, Francës dhe SHBA-së, i është bashkuar edhe Bashkimi Evropian, përmes shefes së diplomacisë, Catherine Ashton, e cila dënoi “përdorimin disproporcional të forcës” nga policia.

http://www.botasot.info/bota/226063/...anveren-arabe/

[qeveriablu]

Keto protesta te dhunshme,te lokalizuar vetem ne disa qytete si Stambolli,Ankara,Izmir nuk munde te rrezojne qeverine e Erdoganit.Madje as nuk jane masovike,ne nje Stamboll 15 milonesh,te protestojne 20-30 mi persona nuk eshte asgje.Protestat jane kaotike,pa kerkesa te qarta,pa lidership qe do i artikulonte qarte gjerat,protestojne nje grup njerezish me orientime te ndryshme :Republikanet - Partia e Ataturkut,Kurdet,Alavitet,Komunistet,sindikalistet ... Qeveria e Erdoganit ka perkrahje ne shoqerine turke ( 60 % +) dhe eshte stabile me vite.E vetmja force serioze kunder Erdogan duhet te jete Ushtrija ... dhe ketu shihet taktika e protestave te dhunshme,qe te provokohet reagimi i saj !... Por , enigme eshte edhe ky element sepse Erdogan viteve te fundit ka bere spastrime te medha ne Ushtri.

Nese nuk masovizohen dukshem (duke ju bashkangjitur klasa e mesme turke),munde te pritet qe ne javet ne vazhdim numri i protestuesve te ulet !

[Antiproanti]

Kerry kërkon vetëpërmbajtje në Turqi




Sekretari amerikan i Shtetit, John Kerry, është shprehur i shqetësuar me masat e Turqisë ndaj protestuesve dhe u ka bërë thirrje autoriteteve që të vetëpërmbahen.

Duke folur në një konferencë për media në Uashington, Kerry ka thënë se Shtetet e Bashkuara janë të tronditura nga raportet, që flasin për përdorim të tepruar të forcës nga ana e policisë.

“Shtetet e Bashkuara mbështesin lirinë e plotë të shprehjes dhe të tubimit, përfshirë të drejtën e njerëzve për protesta paqësore, sepse kjo është e drejtë thelbësore për çdo demokraci”, ka thënë Kerry.

Ai po ashtu kë bërë thirrje për hetimin e dhunës dhe ka kërkuar nga të gjitha palët që të shmangin çdo provokim.

Komentet e Kerryt vijnë pasi policia ka përdorur gazin lotsjellës për të katërtën ditë me radhë, për të shpërndarë protestuesit në gjithë vendin.

Trazirat kanë nisur më 31 maj, pasi policia ka goditur një protestë paqësore në Sheshin Taksim të Stambollit.

Protestat më pas janë përhapur në gjithë vendin, me thirrje të shumta për dorëheqjen e kryeministrit Recep Tayyip Erdogan.
http://www.botasot.info/bota/226111/...jtje-ne-turqi/

[Xhuxhumaku]

Protesta në Turqi, në lojë janë më shumë se vetëm 600 pemë

Përgatiti Vladimir Karaj

Turqia që deri dje shihej si e imunizuar nga kriza ekonomike dhe po ashtu edhe nga protestat e dhunshme deri në rrëzime20130531TURKEY-slide-VIDV-articleLarge pushtetesh e qeverish që ndodhën te thuajse gjithë fqinjët e saj (Greqia, Bullgaria, Siria, sa për të dhënë shembuj të afërt), është prej tri ditësh e përfshirë nga valë protestash që thuhet se filluan për të mbrojtur 600 pemë në sheshin ‘Taksim’ në Stamboll. Shumë po i quajnë këto protesta “Pranvera turke”, duke aluduar për diçka të ngjashme si në vendet arabe, por nga ana tjetër, mjaft nuk e shohin situatën në Turqi të ngjashme, madje as të afërt me vendet ku pati përmbysje. Vendi ka një qeveri të zgjedhur me votë dhe, megjithë shenjat e autoritarizmit kundër qeverisë, ka një opozitë (edhe pse e dobësuar për shkak të suksesit ekonomik të qeverisë).

Por përse turqit që kanë votëbesuar me më shumë se 50 për qind të votave vetëm dy vjet më parë Kryeministrin turk, Rexhep Taip Erdogan, janë mërzitur befas nga njeriu që i ka kthyer në një fuqi ekonomike dhe politike në rajon dhe Evropë?! Shumë besojnë se reagimi vjen për shkak të arrogancës me të cilën po merren vendime të rëndësishme, përfshi edhe rrënimin e parkut në qendër të Stambollit, për të rindërtuar kazermat ushtarake të Perandorisë Osmane, një qendër tregtare dhe një xhami, apo më herët kufizimet për përdorimin e alkoolit. “Llogaria e gabuar që bën Erdogani, është se ai mendon që superioriteti në parlament i jep atij të drejtën të përdorë pushtetin e tij të legjitimuar në mënyrë demokratike, pa marrë parasysh forcat demokratike të opozitës dhe shoqërinë e cila prej tij është tepër e polarizuar”, shkruan për Deutsche Welle Bahaeddin Güngör. Ai mendon se Erdogan tani duhet të reflektojë dhe marrë në konsideratë qëndrimet kundër tij. “Drejtimi i një Turqie moderne dhe laike, vetëm mbi bazën e ndalimeve dhe refuzimin e kundërshtarëve politikë e fetarë nuk mund të përfundojë mirë”, shkruan ai. Protesta nisi pasi policia e teproi me forcën për të shpërndarë një grup protestuesish paqësorë që po mbillnin pemë në parkun Gezi. Ngjarjet më pas precipituan dhe Erdogan akuzon opozitën se është pas tyre, ndërsa mjaft protestues thonë se ata janë populli dhe nuk janë nxitur nga askush. Më shumë se 1500 persona janë shoqëruar në polici që prej 28 majit në Stamboll dhe qytete të tjera të vendit, ndërsa qindra janë plagosur. Amnesty International thotë se ka pasur dy persona të vrarë veç të lënduarve, zyrtarisht kjo nuk është konfirmuar. Erdogan por edhe funksionarë të tjerë të shtetit e cilësuan si të tepruar forcën e përdorur nga policia, edhe pse nuk pranuan të tërhiqeshin nga qëndrimet e tyre mbi projektin për të cilin filloi protesta. Në një fjalim të tij, Kryeministri tha se ai nuk ishte diktator por një shërbëtor i njerëzve, ndërsa i cilësoi demonstratat si të provokuara nga opozita.

Përtej kësaj, arsyet pse qindra e mijëra turq dolën në rrugë janë shumë më komplekse se 600 pemët në parkun Gezi, edhe pse banorët e Stambollit ankohen seriozisht për betonizimin e qytetit të tyre. Analistë të Zaman shohin përplasje për shkak të njëfarë arrogance me të cilën po drejtohet vendi, ndërsa të tjerë gjejnë motive të përplasjes tek konservatorizmi fetar i Erdogan dhe sekularëve e laikëve. Një “kastë” e përmbysur ushtarakësh (të cilët Erdogan i zhveshi nga pushteti që kishin pasur deri para pak kohësh në vend), janë po ashtu pjesë e palës që kundërshtojnë drejtimin nga Kryeministri. “Unë po luftoj këtu për Ataturkun, për paraardhësit e mi dhe nipërit e mbesat e mia. Ata duhet të kenë mundësi të jetojnë në një Turqi europiane, në të cilën të drejtat e njeriut janë të shkruara me shkronja të mëdha”, thotë për DW një 64-vjeçar, ushtarak në pension që merr pjesë në demonstratë. Muhamet Brajshori shkruan në një blog të ditëve të fundit se një nga arsyet që ka inatosur njerëzit janë “vendimet e orientuara islame të qeverisë turke, diçka që shkon kundër frymës laike të republikës me afro 80 milionë banorë. Një nga çështjet më të debatueshme kohët e fundit ka qenë ndalimi i shitjes së alkoolit gjatë orëve 22:00-06:00”. Pjesa sekulariste e shoqërisë sheh rrezik të forcimit të kësaj vije në politikat e vendit dhe ndjehet më e shqetësuar për këtë pas humbjes së pushtetit të ushtarakëve që kishin shërbyer deri pak kohë më parë si një garanci për laicizmin e Turqisë. Një lider i socialdemokratëve, i cituar nga e përditshmja Zaman thotë se protestat tregojnë rritjen e zemërimit kundër qeverisë dhe Erdoganit.

Nga ana tjetër, ajo që e bën të paqartë situatën është fakti që protesta nuk raportohet gjerësisht në median tradicionale (siç ankohen protestuesit) dhe ka gjetur rrugë për të fituar zë në rrjetet sociale që shërbyen edhe për ta organizuar atë. “Ka një kërcënim tani, quhet Twitter.. Aty mund të gjeni shembujt më të mirë të gënjeshtrave”, ka thënë Erdogan, sipas rrjetit amerikan CBS. E përditshmja Zaman kishte dje një artikull, ku fliste për abuzim dhe nxitje të dhunës përmes mesazheve false, profileve të rrema dhe fotove të edituara që në fakt ishin pamje nga vende të tjera, por që u shitën në rrjet si probleme të Turqisë. “Shumë informacione në rrjetet sociale u manipuluan. Një foto e një maratone të bërë kohë më parë që kalonte në urën mbi Bosfor, u paraqit si foto e protestuesve që po marshonin në urë”, thotë Alban Tartari, ish-student shqiptar në Turqi dhe njohës e ndjekës i situatës atje. Të tjerë shqiptarë ndërkohë me lidhje me Turqinë kanë shfrytëzuar rrjetet për t’u solidarizuar me protestuesit.

Nga ana tjetër, qartësi mbi situatën dhe motivet e saj nuk ka. Turqia nuk ka problemet ekonomike të fqinjëve rreth e rrotull dhe as pretendimi i Erdoganit se opozita po e nxiste situatën, nuk jep shpjegime për sa kohë raportues nga vendngjarjet thonë se deputetë të kësaj të fundit ishin fishkëllyer nga protestuesit në Ankara. Binnaz Saktanber ndërsa shkruante për The Guardian dëshminë e saj rreth protestës dhe jepte një profil të pjesëmarrësve (“Nga të gjitha ngjyrat, me mendime të ndryshme politike dhe besime të ndryshme për fenë e laicitetin”), jep nën rreshta edhe një motiv të fshehur të protestës. “Të presësh që Erdogan të japë dorëheqjen është budallallëk, por mund të merret me mend se planet e tij për të kandiduar si president me fuqi të mëdha janë tronditur”, shkruan Saktanber duke lënë të kuptohet se “beteja” po bëhet për të penguar Kryeministrin të bëjë diçka të ngjashme me Putinin në Rusi dhe të marrë në dorë për 7 vjet një zyrë të fortë presidenciale. Megjithatë, përkundër asaj që ndodhi në Rusi, në Turqi mbahen zgjedhje të lira dhe njerëzit që “kanë pakënaqësi mund t’i shprehin ato atje”, siç u kërkoi Erdogan. The Economist shkruan se ky i fundit mund të jetë viktimë e suksesit të tij dhe të fillimeve të një shoqërie civile të shëndoshë, që vjen edhe për shkak të reformave pro BE-së, të ndërmarra në qeverisjen e Erdoganit. Sipas Economist, pavarësisht protestës, Erdogan mbetet lideri më popullor në Turqi dhe do i fitonte sërish zgjedhjet, pasi “turqit, si të gjithë popujt, votojnë me xhep” dhe nën qeverisjen e Erdoganit “janë trefishuar të ardhurat për frymë”.

Bazuar mbi raportime nga Zaman.com, Deutsche Welle, CBC, The Guardian, The Economist.

http://mapo.al/2013/06/03/protesta-n...etem-600-peme/

[xfiles]

Si nuk na u ndane imbecilet neper tema. Fare e cuditshme jeni ju butaket e pertej kufirit.

Amin, e ke kapur thelbin e problemit .