Kuriozitete Nga Shkenca Dhe Jeta

[DI_ANA]

Në qendër të Polit të Veriut, verë pa akull !!

Lajmi që vjen nga "National Geographic" ka rihapur sërish alarmin për shkrirjen e akujve në Polin e Veriut, duke sjellë kështu një tjetër sinjal shqetësues. "Gjithsesi, kjo nuk do të thotë që gjithë kësula arktike të shkrihet tërësisht me stinën e nxehtë të verës", thekson një studiues, i cili ndodhet me mision në Antarktidë. Të dhënat e publikuara javën e shkuar nga "National Snow and Ice Data Center" në Kolorado, tregojnë se situata është nën kontroll. Pas rritjes fillestare të sipërfaqes së akullit në krahasim me vitin 2007, këtë vit zvogëlimi i sipërfaqes po ndjek zhvillimin e vitit të kaluar, duke shënuar një ndryshim të mundshëm në shkrirjen e disa zonave të akullit. Në 2007-ën, në fund të stinës së verës, kësula ishte zvogëluar nga 16 milionë kilometra katrorë në muajin mars, në 4.5 kilometra katrorë në fund të korrikut. Një shkrirje rekord si ajo e vitit 2005. Ja një krahasim i thjeshtë: në 1980-ën shkrirja e akujve në Polin e Veriut arriti në 7.8 milionë kilometra katrorë.

Pra, nga viti në vit shkencëtarët vërenin një progres të vazhdueshëm në shkatërrimin e akujve gjatë stinës së verës.

Veç të tjerash, zvogëlimi i vazhdueshëm i sipërfaqes së akujve i shtynte studiuesit ta imagjinonin Polin e Veriut në vitin 2004 tërësisht të lirë nga akujt brenda 2009-ës. Tendenca më e shpejtë e regjistruar që nga ajo kohë, ka bërë që të ndryshojnë shumë mendime dhe parashikime, duke përshpejtuar datën fatale, ku brenda 2015-2030 nuk do të ketë më akuj.

"Duhet pasur parasysh se kësula arktike u nënshtrohet edhe rrymave, e si pasojë edhe spostimeve. Për shembull, vitin e kaluar brigjet siberiane nuk ishin prekur nga akujt. Ndërsa këtë vit, sipas parashikimeve të anijes kanadeze, mund të ndodhë që një masë e konsiderueshme akulli të spostohet, duke e lënë të lirë Polin e Veriut", thekson studiuesi kanadez.

Pavarësisht parashikimeve të studiuesve, kjo mund të favorizohet edhe nga fakti që duke qenë se copat e akullit janë më të buta në krahasim me të kaluarën, mund të shkrihen më shpejt e më lehtë, duke rritur kështu sipërfaqen e ujit. Në disa pika është matur trashësia e një cope akulli të saposhkëputur nga masa e madhe, e cila ishte rreth një metër, ndërkohë që në të kaluarën sipërfaqja e një cope të tillë mund të ishte edhe 10 herë më e madhe.

Si për ta përforcuar edhe më shumë zhvillimin negativ të kësaj ngjarjeje, janë edhe akujt e Groenlandës, që çdo vit kanë erozione. "Zonat polare janë ato më delikate të planetit. Në fakt, në këto zona ndryshimet klimatike, si dhe mbingrohja, parashikojnë një rritje të temperaturave rreth dy gradë e gjysmë për 50 vitet e ardhshme, ndërkohë që në çdo pjesë tjetër të globit, temperatura do të rritet një gradë më shumë gjatë shekullit të ardhshëm. Jo rastësisht në Alaskë, Kanada, Siberi është vënë re përhapja e terrenet të akullt dhe kjo ka provokuar rritjen e dendësisë së ujërave dhe lumenjve që derdhen në dete", përfundon studiuesi.


Parashikimet

Mes viteve 2015-2030 hapësira nga lindja në perëndim do të jetë tërësisht e lirë nga akujt


Temperaturat

Në zonat polare temperaturat do të rriten 2.5 gradë për 50 vitet e ardhshme



Akujt sot

Me të bardhë është sipërfaqja e akujve në oqeanin Arktik në 2007-ën, një e dhënë e vlefshme edhe për këtë vit


Kufiri me vijë të zezë tregon se cila ishte sipërfaqja e tyre nga 1979, deri në vitin 2000


Shkrirja e madhe


Trashësia në metra

1950

100%

Në 1950-ën akulli mbulonte gjithë sipërfaqen Arktike


2000

-20%

Në vitin 2000 akulli filloi të pakësohej, duke humbur një masë voluminoze prej 25%


2050

-54%

Në vitin 2050 është hedhur hipoteza se sipërfaqja e akujve mund të zvogëlohet deri në 54%


Nxehtësi deri në 15%

Më pak akuj, më pak ushqim për arinjtë polarë, numri i të cilëve është ulur deri në 15%, krahasuar me 20 më parë


Pyjet avancojnë

Ngrohja globale po shkrin akujt, duke favorizuar kështu avancimin e pyjeve

Efekti serrë, balenat në rrezik


E ardhmja e balenave po kërcënohet gjithnjë e më shumë nga mbingrohja globale dhe gjuetia. Alarmi është prezantuar në një konferencë për balenat në Kili. Në këtë konferencë kanë marrë pjesë 71 vende. Sipas një studimi të kohëve të fundit, brenda 40 viteve sipërfaqja e akujve të Arktikut do të zvogëlohet deri në 30%. "Duke qenë se karkalecat varen nga akujt detarë, pakësimi i tyre do të pasqyrohet kudo". Australia dhe Japonia kanë marrë masa të rrepta për të ndaluar gjuetinë e balenave dhe karkalecave.

Nga Gazeta Shqip

[brooklyn2007]

Video gati e pabesueshme:

[RaPSouL]

Indi / 17-vjeçarja që konsumon 1 litër vajguri në ditë

Zakonet e pazakonta të të ngrënit janë kthyer në objekt diskutimesh në gjithë vendin ku jeton. Banita Behera nga fshati Simulia, konsumon vajguri sikur të ishte ujë. Ajo kthen 500 ml vajguri në një vakt dhe një litër në ditë. Është vetëm 17-vjeç dhe pija e preferuar është sapuni i lëngshëm. “Nuk pi vajguri që të bëhem e famshme, por më pëlqen shija e këtyre gjërave. Më pëlqen më shumë që biskotat t’i shoqëroj me vajturi se sa çaj”, thotë Banita, studente në Soro. Prindërit e saj thonë se zhvilloi këtë anomali në të ngrënë 10 vite më parë. “E dalluam që konsumonte vajguri kur llambat dhe fenerët boshatiseshin”, thotë babai. Deri më sot nuk ka asnjë problem në shëndet.

Artikulli më i ri në treg, vezë e zier në kuti

Stili i nxituar i jetës së sotme do të thotë se shumë njerëz nuk kanë kohë as të ziejnë një vezë. Kjo ka bërë që “Noble Foods” të hedh në treg vezë e gatshme të zier. Menaxheri i grupit të marketingut thotë: “Është e përsosur për drekë apo piknikë dhe frymëzon përdorimin e vezëve në sanduiçe, sallata dhe mëngjes, duke qenë se kursen kohën e përgatitjes”. Si fillim, veza gati për t’u ngrënë do të shitet në dyqanet “Sainsbury” për 1.99 paund. Pako ka katër vezë nga pulë të rritura në natyrë.



T.O

[brooklyn2007]

Ehpo ca s'degjon rrobi

Një nënë, dy mitra dhe tre bebe

Një grua më dy mitra sjell në jetë trinjakët. Hannah Kersey është nëna që ka sjellë në jetë Tilly-n, Gracie-n dhe Ruby-n, tani ajo bashkë me femijët e saj është e vetme në botë pa asnjë ndihmë.

Kjo sepse situate e saj është e vecantë pasi ka dy mitrat nga të cilat ka lindur trinjakët.

Një ngjarje e tillë është e para në botë. Tre foshnjat e saj kanë lindur në muajin shtator.

Gruaja është ndihmuar gjatë lindjes nga Simon Grant, një konsulent në spitalin “Southmead” në Bristol. Fëmijët janë mbajtur në spital për tre muaj, pasi ishin nënpeshë.

Doktor Grant thotë se ata nuk kanë qënë në gjendje të dallojnë ku kanë qëne binjakët dhe ku një i vetmi. Trinjakët janë të parët në botë që lindin nga një grua me dy mitra.

Top Channel Tv

[RaPSouL]

Kinezët prodhojnë karrocën më unike në botë

Kompania kineze Çen De Bao dizajnoi një karrocë e cila është unike në botë. Është kombinim nga karroca klasike dhe pjesa e prapme e makinës Mini Kuper Klamben.
Karroca ka ulëse më komode dhe rripa të sigurimit. Nga kompania Çen De Bao, të cilët kanë licencë për shitjen e makinave të tipit BMV në Kinë, thonë se karroca jo e zakontë para se gjithash është një gjest marketingu.
"Shumë njerëz janë të interesuar, na pyesin se a do të ketë karroca të tilla edhe në Pekin dhe a do të shitet në të ardhmen. Por ky në realitet është një plan i ardhshëm promovues për Mini Kuperin XXL dhe nuk kemi plane për prodhim serik", tha menaxheri i marketingut Liju Çen.
Madje, edhe sikur karroca të shitej, ajo do të ishte shumë e shtrenjtë për numrin më të madh të të interesuarve. Ajo kushton rreth 877 mijë dollarë amerikan, për shkak se në proceset finale të prodhimit, në kabinat e saj, është përdorur argjend i pastër.

[Baptist]

Mike Hettwer ©2008 National Geographic

[^_BIM_BUM_BAM_^]

Një ngjarje e pazakontë ndodhi në kafazin e një gjarpri. Një mi, i cili duhej të kishte qenë dreka për gjarprin, ka arritur ta vrasë atë. Një zjarrfikës në qytetin Nantou në Taivan, ka parë skenën dhe ka fokusuar në objektiv momentin që e ai e cuan “Të habitshëm” dhe jep të vetmin shpjegim: mbase gjarpri mund të mos kishte pasur helm .

[RaPSouL]

Kur merimanga ha zogun!

Zakonisht ndodh e kundërta, por këtë radhe pre ka qenë zogu dhe jo merimanga, Në këtë rubrike do ju paraqesim disa nga imazhet më spektakolare ku një merimangë gjigante ka mbërthyer një zog në rrjetën e saj. Merimanga e madhe e cila ngjan me një pëllëmbë dore të madhe i përket tipit “Golden Orb Weaver”, dhe zakonisht ushqehet me insekte të përmasave të mëdha. “Është me të vërtet e rrallë të shikosh një merimangë të hajë një zog”, ka thënë Joel Shakespeare roja i parkut australian.

[iliria e para]

http://www.worldpoultry.net/news/fro...-sex-3251.html

Kure pula behet (shendrrohet ne ) gjel!!!!
From Georgina to George – chicken changes sex

[Darius]

Zbulohet nje tjeter shpelle me kristale


Perseri ne Meksike zbulohet nje shpelle me kristale, kete rradhe rreth 330 metra nen shtratin e shkretetires Chihuahua. Pamja eshte nje mrekulli e natyres. Shikojeni dhe gjykoni vete





Materiali me i plote gjendet ketu: http://www.dailymail.co.uk/sciencete...an-desert.html