Kuriozitete Nga Shkenca Dhe Jeta

[EuroStar1]

SHBA- Kërkimet e fundit në SHBA tregojnë se 10 minuta të qeshur në ditë ndikon në uljen e peshës tek njeriu.

Sipas këtij studimi shkencor, çdo minutë qeshje është e barabartë me 10 minuta vrap dhe çdo e qeshur në trupin e njeriut djeg tre kalori e gjysmë dhe njëkohësit trupi ruan vlerat ushqimore të ushqimeve.

Në këtë studim thuhet se e qeshura i largon dhimbjet, pengon sëmundjet e zemrës, forcon sistemin imunitar të trupit, shton sasinë e kolesterolit të dobishëm në trup si dhe zvogëlon hormonet që ndikojnë në lëvizjet pasive, depresionin dhe pezmatimin.

[xfiles]

Po une qe qesh me gjithe shpirt e me te madhe mesatarisht 3-4 ore ne dite çfare duhet te pres sipas ketij studimi?

[Fleur Blanche]

Po une qe qesh me gjithe shpirt e me te madhe mesatarisht 3-4 ore ne dite çfare duhet te pres sipas ketij studimi?

Nese i var shpresat tek ky "studimi" i bie sipas asaj shprehjes popullore "prit ***** sa te dalin bare" Me duket krejt pa lidhje si studim, njoh njerez qe jane te shendoshe dhe qeshin gjithe kohes, dhe prap te shendoshe duken, nuk bien fare, madje as me dieta. Ti bej palester, dhe mbaj nje regjim ushqimor me baze zarzavade dhe fruta, pi shume uje , se nga e qeshura nuk ke gje per terezi te biesh ne peshe, po ashtu konsumo sa me pak buke, sepse buka te fryn barkun, njoh shume njerez qe jane te dobet ne trup por kane bark vetem sepse hane shume buke, ose ha buke te thekur. Evito embelsirat dhe sa me pak mish.

Sikur te ishte e vertete qe do dobesohesh nga e qeshura, do isha skelet tani, por une e di se c'heqi vetem per te mos shtuar as 100 grame, embelsira zero, cokollata dhe biskota vetem nje cik sa per kafe dhe caj, kam heqe dore nga akullore, nga trilece, nga shume gjera vetem per te qene si shkop nordik, ndonje dite do filloj te ha bar, vetem per te rujte kocat
Jo vetem kaq, por jam duke qeshe edhe me rralle, vetem qe mos me behen rrudha ne fetyre nga mimika e te qeshurit, ju e keni per terezi mer daj, se nuk e dini ju se cfare stresi eshte te jesh femer!

[EuroStar1]

Doni një fëmijë mos prisni të shkoni 37 vjec!



TIRANE-Ekzistojnë raste kur disa gra kanë fituar faqet e para të gazetave për faktin se kanë lindur fëmijë në të 50-tat e vona, por një studim spanjoll vërtetoi se të gjitha ato gra që presin përtej moshës 37-vjeçare rrezikojnë seriozisht të mos ta bëjnë realitet ëndrrën e tyre.

Faktori kohë ndikon shumë më tepër në trupin e femrës se sa në atë të mashkullit, ndonëse në të dy rastet kulmi i aftësive riprodhuese shfaqet në moshën 20-25 vjeç.

Megjithatë, aftësitë riprodhuese mashkullore bien vazhdimisht deri në fundin e jetës, ai ka mundësi teorike të bëhet baba edhe në pleqërinë e thellë. Një grua, përfundon aftësitë e saj riprodhuese në moshën 45-50 vjeçare.

Ndërsa në moshën 30-vjeçare një grua mbetet ende mjaft aktive, kur ajo kap të 35-tat shfaqen probleme e para me aftësitë riprodhuese. Duke marrë parasysh disa mijëra raste dhe probleme të raportuara, një universitet mjekësor spanjoll arriti në përfundimin se planifikimi i një fëmije pas moshës 37-vjeçare është i rrezikshëm.

Ndonëse rezultatet variojnë nga femra në femër, pas kësaj moshe pothuajse të gjitha gratë kanë raportuar vështirësi për të mbetur shtatzanë, vështirësi në shtatzani apo thjesht nuk kanë mundur të konkretizojnë ëndrrën e tyre.

[EuroStar1]

MOSKE- Një kapsulë "Soyouz" dedikuar 50-vjetorit të udhëtimit të parë të njeriut në hapësirë, Juri Gagarin u ul sot me sukses në Stacionin Hapësinor Ndërkombëtar (ISS) me dy rusë dhe një amerikan në bord, njoftoi Qendra e Kontrollit të Fluturimeve (Tsoup), cituar nga agjencia "Itar-Tass".



Kapsula "Soyouz TMA-21" u ul në ISS në orën lokale të Moskës 03:09, saktësoi "Tsoup".

Rusët Aleksander Samokutiaev dhe Andrei Borisenko dhe amerikani Ronald Garan u nisën të martën nga kozmodromi i Baikonurit (Kazakistan), me ndihmën e një anijeje ruse "Soyouz".

Datat e "pushtimit" te Hapesires ne 50 vjet

- tetor 1957 - Lëshohet në hapësirë sateliti i parë artificial "Sputnik" nga BRSS-ja.

- nëntor - Qeni Lajka, qënie e parë e gjallë në hapësirë në bordin e "Sputnik 2".

- tetor 1958 - Krijohet NASA, Agjencia Hapësinore Amerikane.

- tetor 1960 - 126 të vdekur në një shpërthim në kozmodromin e Bajkonurit (Kazakistan).

- prill 1961 - Fluturimi i parë i njeriut në hapësirë. Sovjetiku Juri Gagarin, në bordin i "Vostok 1", rrotullohet rreth Tokës në një fluturim që zgjati rreth një orë e 48 minuta.

- maj - Presidenti John Kennedy lançon programin "Apollo", që parashikon zbarkimin e njeriut në Hënë brenda dekadës. Amerikani Alan Shepard kryen një fluturim 15 minuta në bordin e "Mercury".

- shkurt 1962 - Fluturimi i parë amerikan në orbitë rreth Tokës nga John Glenn.

- gusht - Lëshohet një sondë amerikane drejt Venusit. Në nëntor sovjetikët lëshojnë një sondë drejt Marsit.

- qershor 1963 - Valentina Tereshkova (BRSS), gruaja e parë në hapësirë.

- mars 1965 - Del në hapësirë sovjetiku Aleksis Leonov, i pasuar në qershor nga amerikani, Edward White.

- dhjetor - Takim hapësinor mes dy kapsulave amerikane "Gemini". SHBA-ja fillon të bëjë më tepër përparime se BRSS-ja.

- janar 1967 - Humbja e ekuipazhit "Apollo" gjatë një prove në Cape Canaveral.

- prill - Anija "Sojuz-1" përplaset në tokë me kozmonautin Vladimir Komarov në bord.

- korrik 1969 - Amerikanët Neil Armstrong dhe Edwin Aldrin ulen në Hënë, Armstrong njeriu i parë që shkeli terrenin hënor.

- prill 1971 - Nis punimet "Saliout", stacioni i parë orbital sovjetik.

- qershor - Tre kozmonautë sovjetikë vdesin pas humbjes së oksigjenit në modulin e tyre të zbritjes.

- maj 1975 - Krijohet Agjencia Hapësinore Europiane (ESA).

- korrik - Takim amerikano-sovjetik në hapësirë.

- dhjetor 1979 - Lëshohet në hapësirë "Ariane", Europa bëhet fuqi hapësinore.

- tetor 1980 - Rekord i qëndrimit në hapësirë për dy sovjetikë (afro 185 ditë).

- prill 1981 - Fulturimi i parë i anijes amerikane "Columbia", e pasuar nga "Challenger", "Discovery", "Atlantis" dhe "Endeavour".

- janar 1986 - Shtatë astronautë vdesin nga shpërthimi i "Challenger".

- shkurt - Nis punimet stacioni sovjetik "MIR".

- prill 1990 - Del në orbitë teleskopi "Hubble".

- nëntor 1998 - Ndërtohet Stacioni Hapësinor Ndërkombëtar (ISS), i banuar që prej vitit 2000.

- prill 2001 - Një biznesmen amerikan, turisti i parë në hapësirë.

- shkurt 2003 - "Columbia" bie mbi Teksas, shtatë të vdekur.

- tetor - Kina kryen një fluturim hapësinor pa njerëz. Në vitin 2008, dalja e parë e një taikonauti në hapësirë.

- tetor 2008 - India ndërmerr misionin e saj të parë jo me njerëz drejt Hënës.

- shkurt 2009 - Irani lëshon një satelit, i pasuar një vit më vonë nga dërgimi i kafshëve në hapësirë.

- shkurt 2010 - Uashingtoni heq dorë nga programi "Constellation" (i nisur në 2004) që parashikonte rikthimin në Hënë rreth 2020 dhe fluturimet drejt Marsit.

- shkurt 2011 - Fluturimi i fundit i anijes kozmike "Discovery". Pas udhëtimit të fundit të "Endeavour" dhe "Atlantis" deri në korrik, amerikanët do të varen ekskluzivisht nga anijet "Sojuz" për të shkuar në hapësirë.

[Fleur Blanche]

Zbulimi i një libri mbi 2 mijë vjeçar në zonën e shpellave të Detit të Vdekur, në Lindjen e Mesme, mund të nxjerrë në dritë dhe portretin më të vjetër të Jezu Krishtit. Libri i gjetur në shpellat e Detit të Vdekur ka 70 fleta metali të kapura si libër me tela.

Me shume mundesi ky portret mund te jete edhe i Apollonit, kane lindur ne te njejtin vit dhe se c'kane edhe disa "rastesi" te tjera shume interesante keta dy njerez te Medhenj, sa mund ta mendosh se jane i njejti person, por nuk po zgjatem me kete, se kam pershtypjen nuk do perceptohet kollaj.....

[fegi]

Fizikanët thonë se të dhënat nga laboratori kryesor për zbërthimin e atomit në SHBA, mund të zbulojnë një grimcë elementare, që potencialisht do të ishte forcë e re e natyrës, që do të mund i zgjeronte njohuritë për vetitë e materies. Ky zbulim ende pret që të jetë plotësisht i konfirmuar.

[EuroStar1]

TOKIO- Shkencëtarët japonezë arritën të prodhojnë për herë të parë organin e syrit në laborator, njoftoi revista ''Nature''.

Organi në fjalë është ai i një miu i lindur nga qelizat staminale e i zhvilluar spontanisht në provëz pas përzierjes së disa substancave që favorizonin rritjen e tij.

Syri artificial i lindur në një laborator hap një kapitull të ri për transplantin e retinës për t’i rikthyer shikimin mijëra personave që vuajne nga dëmtimi i saj.

Megjithatë, duhen edhe disa vite të tjera punë e kërkime që të mund të përdoren qelizat staminale e të ndërmerren operacione kirurgjikale kaq të komplikuara sa ndërhyrja në retinë.

[EuroStar1]

PRAGË– Një mashkull nga epoka e gurit është varrosur para 5 mijë vjetëve i kthyer nga lindja dhe i shoqëruar me mjete shtëpiake, të cilat janë rituale karakteristike për varrosjen e femrave.

Pas 5 mijë vjetëve është zbuluar homoseksuali i parë i egër. Preferencat e tij seksuale janë zbuluar nga mënyra e varrosjes.

Ai është zbuluar në Çeki dhe daton nga periudha ndërmjet 2 900 dhe 2 500 para Krishtit.

Në atë periudhë, meshkujt varroseshin zakonisht të pozitën e djathtë me kokën e kthyer nga perëndimi, transmetojnë mediat britanike.
Në këtë rast, i varrosuri ishte i vendosur në anën e majtë me kokën nga perëndimi.

Një dëshmi tjetër është se meshkujt varroseshin me armë, çekiç, thika, ushqim e ujë. Ndërsa gratë varroseshin me gjerdan të dhëmbëve, enë të bakrit, e tenxhere.

Njeriu i egër homoseksual është varrosur me enë shtëpiake dhe pa armë.

[fegi]

Presidenti çek "vjedh" një stilolaps

Presidenti çek, Vaclav Klaus, mund të vuajë nga kleptomania, një çrregullim i cili ka të bëjë me ndjenjën e pakontrollueshme për të përvetësuar gjëra të vogla. Shihen qartë lëvizjet e tij teksa ai përvetëson një stilolaps në një konference shtypi.

Edhe sikur ai stilolaps të ishte dhuratë mënyrhttp://www.albeu.com/kuriozitete/presidenti-cek-vjedh-nje-stilolaps-(video)/34157/a se si e fut në xhep lë për të dyshuar.
vidio linku
http://www.albeu.com/kuriozitete/pre...(video)/34157/

[Qyfyre]

Presidenti çek "vjedh" një stilolaps

Presidenti çek, Vaclav Klaus, mund të vuajë nga kleptomania, një çrregullim i cili ka të bëjë me ndjenjën e pakontrollueshme për të përvetësuar gjëra të vogla. Shihen qartë lëvizjet e tij teksa ai përvetëson një stilolaps në një konference shtypi.

Edhe sikur ai stilolaps të ishte dhuratë mënyrhttp://www.albeu.com/kuriozitete/presidenti-cek-vjedh-nje-stilolaps-(video)/34157/a se si e fut në xhep lë për të dyshuar.
vidio linku
http://www.albeu.com/kuriozitete/pre...(video)/34157/

Ky do jet kuriozitet nga jeta besoj, jo nga shkenca

[Qyfyre]

Kilogrami eshte njesia e vetme e matjes qe akoma bazohet ne nje objekt te krijuar nga njeriu. 1 kilogram eshte saktesisht pesha e nje cilindri te ruajtur ne France qe eshte 90% platinium dhe 10% iridium, qe ka lartesi dhe diameter 39.17 mm.

Ky objekt eshte shumefishuar neper gjithe boten, por 7 kopje mbahen ne nje kasaforte te trefishte ne International Bureau of Weights and Measures ne France. Njeri prej tyre eshte cilesuar si Prototipi Internacional i kilogramit.

Por problemi eshte se prototipi internacional ka humbur 50 mikrograme ne krahasim me 6 te tjerat, ose te tjerat kane shtuar nje peshe te tille.

http://www.usatoday.com/tech/science/2011-04-18-kilo-weight.htm?csp=34news

[fegi]

Berberi që në vend të gërshërëve përdor flakën (VIDEO)
21.04.201Warren Lewis është berber i njohur në gjithë botën, i cili i shkurton flokët klientëve të tij me zjarr. Me këtë zanat të njohur merret që 50 vjet, dhe deri sot ka pasur vetëm një aksident, për të cilin ishin fajtore kimikatet e ndezshme në flokët e klientit, për çka nuk ishte paralajmëruar.

Sipas tij ka marr emrin edhe një rrugë në Memphis. Lewis pranon se i gëzohet pensionimit. Teknikën e djegies së flokët e studiuar me vite, dhe e kishte mësuar kur si djalë duhej të hiqte mbetjet e puplave të pulave, që i përgatiste për të ngrënë, transmetojnë agjencitë.

Përveç që ka qenë berber aktiv dhe për 50 vjet s’ka pasur asnjë ditë të lirë, ishte i dobishëm edhe për komunitetin e tij, duke i ndihmuar familjet me vështirësi financiare.


Shikoni videon:
http://www.albeu.com/interesante/ber...(video)/34866/

[fegi]

Në të ardhmen, do të mund të ecim nën ujëZbulimet e reja shkencore thonë se pas disa dekadave, njerëzit do të mund të ecin nën ujë pa asnjë mjet tjetër ndihmës, ndërsa bombolat e oksigjenit do të jenë pajisje të dala mode.
Më saktësisht, bëhet fjalë për një eksperiment të bioinxhinierisë, i cili ka gjetur një mënyrë që njeriu të ecë nën ujë dhe të merr frymë, pa asnjë ndihmë të ndonjë pajisje.

E gjithë kjo mundësi e jashtëzakonshme për njeriun do të bëhet e mundur, nëse në të ardhmen do të arrihet që të krijohet një lidhje mes AND’së së njeriut dhe algave të detit.

Mirëpo, sipas studimit shkencor thuhet se tashmë është arritur të kuptohet se një lidhje e tillë do ta bënte të mundur ecjen e njeriut nën ujë, dhe kjo tregon se në të ardhmen njeriu mund të arrijë të bëjë një lidhje mes simbiozës dhe gjallesave.

Natyrisht se kuptohet se në të ardhmen kërkimet shkencore do të duhet të perfeksionohen që të zbatohet një process i tillë, i cili mund të kontribuojë mjaft shumë që të ndryshohet mënyra e jetës së njerëzve, të cilët do të mund të përfitonin nga mundësitë që ofrojnë algat detare. /

[Darius]

Pema me e gjate ne bote

Sipas natyralisteve, pema me e gjate ne bote e rregjistruar deri me sot eshte Druri i Kuq i Kalifornise i njohur ndryshe dhe si Californian Redwood. Lartesia e kesaj peme gjigande eshte e pabesueshme. Ajo qendron saktesisht 126 metra duke thyer keshtu rekordin e nje tjeter redwood te matur me pare qe ishte 124 metra.

[bindi]

“Kapet” antimateria: a do të zbulojë si është krijuar gjithësia?


Londër, 9 qershor - Të dielën shkencëtarët bënë të ditur se kanë gjetur mënyrën se si të ruajnë atomet e antimateries për më shumë se 15 minuta, që deri tani ishte e pamundur sepse ajo zhdukej madje që në të mijtat e sekondës. Pas këtij zbulimi shkencëtarët do të kenë më shumë kohë që në detaje të studiojnë antimaterien dhe të kuptojnë se çfarë ka ndodhur në momentet e para të krijimit të gjithësisë.

Antimateria, gjegjësisht mosekzistenca e saj, mbetet një prej mistereve më të mëdha shkencore. Grimcat e materies dhe antimateries në esencë janë të barabarta, por vetëm kanë ngarkesë të kundërt që shkakton anulimin e tyre kur ndeshen. Gjatë kohës së Big Bangut është dashur të lindin sasi të njëjta të materies dhe antimateries, por sipas njohurive të tashme, bota jonë në pjesën më të madhe përbëhet nga materia. Duket sikur antimateria është zhdukur. Shkencëtarët tentojnë të zbulojnë se ku dhe si.

“Gjysma e gjithësisë është zhdukur, dhe ne nuk e dimë pse”, tha Jeffrey Hangst, zëdhënës i ekipit i cili është duke kryer ALPHA hulumtimin në CERN ku gjendet edhe Large Hadron Collider (ndeshësi i madh i grimcave).

Antimateria ka tendencë të zhduket shumë shpejt kështu që deri më tani shkencëtarët nuk kanë mundur ta studionin hollësisht. Tani kanë rreth 1000 sekonda kohë për ta studiuar.

“Kemi arritur prej dy të dhjetave të sekondës deri tek 1000 sekonda sepse kemi arritur të “ftohim” atomet e antihidrogjenit në temperaturë më të ulët se 0.5 shkallë nën zeron absolute. Në temperatura më të larta antimateria zhduket menjëherë”, thotë Hangst. Ai shton që atomet e antihidrogjenit do të krahasohen me atomet e hidrogjenit dhe nga fundi i këtij viti do të fillojnë me eksperimentet në të cilat do t’i godasin me mikrovalë dhe laserë.

Deri më tani kanë arritur të ruajnë rreth 300 atome të antihidrogjenit, kurse numri më i madh i atomeve ua lehtëson kryerjen e eksperimenteve. Zbulimin e tyre shkencëtarët e kanë publikuar në Nature Physics.

Në filmin “Angels and Demons” i cili është xhiruar sipas romanit të Dan Brown, shoqëria e fshehtë e vjedh atë nga CERN-i dhe kërcënon se do të shkatërrojë botën. Gjysmë grami antimaterie do të kishte fuqinë eksplozive 20 herë më të madhe se ajo e Hiroshimës, por në CERN theksojnë që do të nevojiteshin miliarda vite për ta krijuar.

“Antimateria është krejt e sigurt për shkak të sasive minimale që mund të krijojmë. Do të ishte shumë e rrezikshme sikur të mund të krijonim disa gramë, por për këtë do të na duhej jashtëzakonisht shumë kohë, thonë në CERN.>>\Koha net

[s0ni]

Ne mos gaboj, antimateria eshte nje nga teorite e Big Bang. Kur mater takon antimater krijon energji dhe shperthen. Darius, cfare te mire ka 'kapja' e antimater pervec shperthimeve se po vras mendjen per perdorime te tjera dhe hic asgje s'me vjen ndermend.

[RaPSouL]

Argjentinë, lind lopa e klonuar, do prodhojë qumësht si të nënës

BUENOS AIRES- Një laborator argjentinas njoftoi lindjen e lopës së parë të klonuar në botë, që përmban dy gjene njerëzore dhe që do të shërbejë për prodhimin e qumështit të ngjashëm me qumështin e nënës.

"Lopa e klonuar, e quajtur Rosia ISA, është gjedhi i parë që lind në botë me dy gjene njerëzore që përmbajnë proteinat e pranishme në qumështin e nënës",- bën të ditur Instituti kombëtar i teknologjisë bujqësore, INTA në një komunikatë të publikuar dje në mbrëmje.

"Viçi lindi më 6 prill me operacion cezarian, për shkak të peshës së tij shumë të madhe, 45 kilogramë, ndërkohë që zakonisht lopët Jersey nuk i kalojnë 22 kilogramët në lindje",- shtoi INTA.

"Objektivi ishte përmirësimi i vlerave ushquese të qumështit të lopës duke shtuar në të dy gjene njerëzore, proteinën lactoferrine, që sjell një mbrojtje antibakteriale dhe antivirale, dhe lysosyme, që është gjithashtu një agjent antibakterial",- deklaroi shkencëtari Adrian Mutto gjatë një telekonference.

Për të arritur në këtë klonim, INTA ka bashkëpunuar me Universitetin kombëtar San Martin, edhe ai argjentinas.


(e.m/ata/BalkanWeb)

[RaPSouL]

Sheqeri, helmi i ëmbël


Sipas kërkimeve të fundit, konsumi i sasisë së sheqerit mbi normat e lejuara, është shumë herë më i dëmshëm sesa mendohet, madje qëndron në origjinë të disa llojeve të tumoreve, përveç diabetit dhe obezitetit

Në 26 maj të vitit 2009, mjeku Robert Lustig mbajti një konferencë me titullin “Sheqeri, e vërteta e hidhur”, që në korrik të vitit 2010 u postua në “You Tube”. Që atëherë kjo video është parë më shumë se 800 mijë euro me një mesatare prej 50 mijë spektatorësh të rinj çdo muaj. Lusting është një specialist i endokrinologjisë pediatrike dhe një nga ekspertët më të mëdhenj të obezitetit te fëmijët në “School of medicine” në Universitetin e Kalifornisë në San Françisko, një nga fakultetet më të mira të mjekësisë në SHBA. Lusting është njeriu që në studimet e tij e ka cilësuar sheqerin si “helm” dhe “toksinë”. Me fjalën sheqer ai nuk nënkupton vetëm substancën e bardhë dhe kokrrizore që i hedhim kafesë - teknikisht i njohur si sakarozi - por edhe shurupin e misrit me një përmbajtje të lartë fruktoze atë që Lustig e konsideron si një nga “vrasësit” më të këqij që ka parë ndonjëherë. Lustig ka të drejtë, konsumi i tepërt i sheqerit është shkaku kryesor i rritjes marramendëse të rasteve të obezitetit dhe diabetit në SHBA dhe Europë në 30 vitet e fundit. Por teza e tij ka të tjera pasoja. Sipas tij, konsumi i sheqerit ka shumë mundësi të jetë edhe shkaku kryesor i shumë patologjive që zakonisht i janë atribuuar stilit të jetesës perëndimore, si kardiopatitë, tensioni i lartë i gjakut dhe lloje të ndryshme tumoresh. Fakti që kaq shumë njerëz e kanë parë videon e konferencës do të thotë se ndoshta fjalët e Lustig kanë nisur të dëgjohen. Kjo, jo vetëm sepse Lustig ka bërë kërkime të detajuara mbi sheqerin, por në ndryshim me shumë studiues të tjerë është gati të theksojë në çdo rast se sheqeri është një substancë toksike me të cilën abuzohet shumë. Sipas tij duhet konsideruar si alkooli dhe duhani: një vrasës i vërtetë. Ne të gjithë e dimë se mjekët dhe dietologët përsëritin se një dietë e shëndetshme kërkon një konsum të madh të frutave dhe perimeve, më pak yndyra, mish të kuq dhe kripë. Gjithsesi, nuk është e këndshme të zbulosh se një element i dietës sonë ushqimore, jo vetëm që është pak i shëndetshëm, por mund të jetë edhe helmues. Megjithatë, Lustig ka mbledhur dhe përpunuar një mal me prova që i gjykon mjaft të vlefshme për ta ‘dënuar” sheqerin njëherë e përgjithmonë.

Kaloritë boshe

Sheqeri i rafinuar, d.m.th sakarozi, formohet nga një molekulë glukoze që lidhet me një molekulë fruktoze. Fruktoza që është thuajse dy herë më e ëmbël se glukoza, është ai që e dallon sheqerin nga ushqimet e tjera të pasura me karbohidrate si buka apo patatet, që gjatë tretjes shpërbëhen në glukozë. Shumica e mjekëve mendojnë se sheqernat i japin organizmit kalori boshe (d.m.th pa substanca ushqyese si proteinat apo vitaminat) e që ne tentojmë t’i marrim me shumicë, sepse kanë shije të mirë. E vërtetë apo e rreme qoftë teoria e kalorive boshe, ajo që është e sigurt lidhet me faktin se na lejon që të mendojmë se ia hedhim fajin sheqerit për diabetin, obezitetin, tensionin e lartë të gjakut, ngrënies së çrregullt dhe ushtrimeve të pakta fizike. Gjithsesi, hipotezat e Lustig nuk lidhen me konsumin e kalorive boshe, por me sheqerin dhe karakteristikat e tij specifike, sidomos për mënyrën se si trupi njerëzor metabolizon fruktozën, në gjendje ta bëjë atë të dëmshme, sidomos nëse tejkalohet konsumi.

Drejt e në mëlçi

Përcaktimi i përdorur nga Lusting, do të thotë se mund të marrim 100 kalori glukoze (nga një patate, një panine apo të tjera produkte) apo 100 kalori nga sheqeri (gjysmëfruktozë e gjysmëglukozë), e që këto kalori do të metabolizohen në mënyra të ndryshme dhe do të kenë një efekt të ndryshëm në trupin tonë. Kaloritë janë të njëjta, por pasojat në metabolizëm janë të ndryshme. Fruktoza e pranishme te sheqeri metabolizohet kryesisht nga mëlçia, ndërsa glukoza metabolizohet nga çdo qelizë e trupit. Pra, konsumimi i sheqerit do të thotë më shumë punë për mëlçinë. Shpejtësia me të cilën mëlçia duhet të kryejë funksionin e saj influencon edhe mënyrën me të cilën metabolizohet fruktoza dhe glukoza. Te kafshët, kur fruktoza godet mëlçinë në një sasi të mjaftueshme dhe me një shpejtësi të konsiderueshme, mëlçia e shndërron një pjesë të tij në yndyrë. Në pjesën më të madhe të rasteve, teprica e glikogjenit shndërrohet menjëherë në yndyrë. Disa persona mendojnë në mënyrë të gabuar që, nëse konsumojnë ushqime pa yndyrë ose të varfra në yndyrë mund të mos vënë peshë, por në të vërtetë edhe ushqimet që përmbajnë shumë sheqerna mund të na shëndoshin. Në shumë raste, sasia e tepërt e sheqerit që qarkullon në gjakun tonë shndërrohet në yndyrë. Me sa duket kjo krijon rezistencën ndaj insulinës që sot konsiderohet si problemi kryesor i obezitetit, kardiopative dhe diabetit të tipit 2, që ndeshet shpesh te personat obezë ose në mbipeshë.

Kjo mund të jetë edhe pikënisja për të shpjeguar forma të ndryshme tumori. Herën e fundit që një agjenci qeveritare amerikane ka ekzaminuar me hollësi lidhjen mes sheqerit dhe shëndetit ishte në vitin 2005, në një raport të Institutit të Mjekësisë pjesë e “National Academies”. Autorët pranonin se sheqeri mund të rrisë rrezikun e patologjive kardiake dhe diabetit, duke rritur edhe nivelet e kolesterolit të keq, por nuk i konsideronin si përfundimtare këto studime. Çështja ishte konfuze: nuk ishte as në gjendje të vendosej se çfarë sasie sheqeri mund të konsiderohej e dëmshme. Po ashtu, një tjetër studim i bërë në vitin 2010 tregonte se “nuk ka asnjë studim shkencor që tregon mbi sasinë e sheqerit që duhet konsumuar në një dietë të ekuilibruar”. Ishte i njëjti përfundim ku kishte arritur “Food and drug administration” (FDA), agjencia amerikane për kontrollin e barnave dhe produkteve ushqimore, herën e fundit që ishte marrë me sheqerin në 1986-n. Sipas tyre nuk ekzistonin prova për rreziqet që kanoseshin kur sheqernat konsumoheshin përtej një kufiri të caktuar. Ajo që duhet të kemi parasysh, mbështet Walter Grinsmann, administrator i FDA-së dhe autori kryesor i raportit në vitin 1986, është se sheqeri dhe shurupi i misrit me përmbajtje të lartë fruktoze mund të jenë helmues, por çdo substancë tjetër mund të jetë e tillë nëse konsumohet në mënyra dhe sasi jo të zakonshme për qeniet njerëzore. Por pyetja që shtrohet prej kohësh është: cila dozë e bën të dëmshme një substancë të parrezikshme? Sa sheqer duhet të konsumojmë para se të bëhet i rrezikshëm? Kur Glinsmann dhe kolegët e tij të FDA-së vendosën që asnjë provë e bërë nuk tregonte rrezikshmërinë e sheqerit, u bazuan në një konsum mestar për person rreth 18 kilogramë në vit, përveç sasisë së marrë në mënyrë natyrale nga frutat dhe perimet. Kjo dozë, ekuivalente me 200 kalori sheqeri në ditë, d.m.th më pak sesa përmbajnë një kanoçe e gjysmë Coca-Cola apo dy gota lëng molle. Nëse vërtet do të konsumonim këtë sasi sheqeri të shtuar pjesa më e madhe e dietologëve, përfshi dhe Lustig do të ishte shumë e kënaqur. Por në fillim të viteve 2000, gjithmonë sipas Ministrisë së Bujqësisë dhe ushqimit në Amerikë, konsumi i sheqerit kishte kaluar në 40 kilogramë në vit për person. Kjo rritje ka koinciduar me epideminë e obezitetit dhe diabetit, dy sëmundje këto që po bëhen gjithmonë e më vrasëse. Në 1980, një amerikan në shtatë të tillë ishte obez dhe thuajse 6 milionë ishin diabetikë. Në fillim të viteve 2000, kur konsumi i sheqeri arriti pikun maksimal, një e treta e amerikanëve ishte obeze dhe 14 milionë ishin diabetikë. Edhe pse nuk janë përfundimtare dhe të bazuara shkencërisht, prapë ka plot arsye për ta konsideruar sheqerin si helmin e bardhë që të vret ngadalë. Në fakt, sheqeri nuk është i dëmshëm në vetvete nëse konsumohet në sasi normale e të kontrollueshme (përafërsisht me 5-7% të kalorive të përditshme, ose më saktë nga 25 deri në 45 gramë). Por një dietë e pasur me sheqerna, sidomos kur ka në përbërje të saj një nga këto produkte industriale (këtu futen kokoshkat, kroasantët, si edhe pijet e gazuara që konsumojmë në jetën e përditshme), është në gjendje që të vërë në një provë shumë të vështirë trupin tonë, ashtu siç edhe kanë zbuluar shumë studime shkencore të kryera në vitet e fundit.

Shqip

[Scion]

Ne mos gaboj, antimateria eshte nje nga teorite e Big Bang. Kur mater takon antimater krijon energji dhe shperthen. Darius, cfare te mire ka 'kapja' e antimater pervec shperthimeve se po vras mendjen per perdorime te tjera dhe hic asgje s'me vjen ndermend.

Jo nuk eshte teori, antimateria eshte vllai "Counter-Part" i materies. Elektroni, per shembull ka si antimaterie Pozitronin, i cili eshte njesoj si elektroni vecse me ngarkese pozitive.
Takimi i elektronit me pozitronin shoqerohet me nje shfaqje kataklizmike ku te dy palet asgjesojne njeri tjetrin ne nje show spektakolar "energjie te paster".

Me sa kam lexuar une, eksperimenti i cituar me lart ka arritur te mbaje per nje kohe shume te gjate rreth 1000 atome "Anti-Hidrogjeni".

Perndryshe, aplikimet e antimateries jane te shumta ... ne rastin e mjeksise, skanimet e trurit qe behen me pozitrone, eshte rasti me interesant i aplikimit. Bombardimi i trurit ne makinen PET (Pozitron emission Tomography) jep te ashtuquajturen "Harte e trurit", nje foto super e sakte qe sherben per diagnostifikimin e tumoreve.

Shembull: