Urtësi nga selefi

[IslamInfo]

“Shembulli i atij që e vonon pendimin është sikur shembulli i atij që ka nevojë ta prejë një dru, mirëpo e sheh drurin e madh dhe të fortë, i cili nuk mund të pritet lehtë, dhe thotë: “Do të vij vitin e ardhshëm”, kurse nuk e din se sa më tepër kohë kalon, druri bëhet aq më i fortë dhe rrënjët e tij futen edhe më thellë në tokë, kurse ai sa më shumë dobësohet (për shkak se fillon të plaket).

Ai dobësohet e druri forcohet. A thua do ta presë ndonjëherë?”

“Muhtesar Minhaxhul-Kasidin”, fq. 267.

___________________________________


1- "Përmirëso raportet tuaja me Allahun, atëherë Allahu të jep pranim në tokë dhe do të duan njerëzit"

2- "Njeriu i mençur duhet të shoqërohet dhe afrohet, me aq sa ka mundësi, vetëm me atë që ka dituri, fe dhe moral".

3- "Njerëzit i dojnë ata që i thërrasin me emrat më të dashur të tyre".

4- "Prej mënyrave më të lehta dhe më të sigurta për të fituar zemrat e njerëzve është tua mësosh emrat atyre dhe ti bësh të ndien se kanë rëndësi te ti".

5- "Mësoja emrin dhe përsërite emrin e tij gjatë bisedës, do të shohësh se ai do të sillet me ty me një kujdes maksimal".

____________________________________

Ibën Mukefa ka thënë:

“Njeriu i mençur duhet ti llogarisë defektet e tija në fe, ahlak dhe edukatë, ti grumbullon të gjithat në gjoksin e tij, ose në ndonjë libër dhe pastaj shpesh ti shikon dhe analizon, të angazhohet për përmirësimin e tij duke tentuar që për çdo ditë të përmirëson nga një, dy ose tre vese, gjatë një dite, ose jave ose muaji dhe çdo herë që e përmirëson ndonjë ves e fshin nga libri dhe çdo herë që shikon veset e fshira gëzohet, kurse kur i shikon ato që i kanë mbetur mërzitet”. Marrë nga libri “Edebus-Sagir”, fq. 54


Marrë nga: islam.mk

[IslamInfo]

Hudhejfete ibën Jeman, radijallahu anhu, në shtratin e vdekjes patë thënë:

“Allahu im, dynjanë nuk e kam dashtë për të gropuar lumenj e as për të mbjellë pemë, por për pagjumësitë e natës (në namaz) dhe etjes e ditëve të nxehta (në agjërim), për rukutë dhe sexhdet e shumta, për përmendjen e shumtë të Allahut, për xhihadin në rrugën e Tij dhe për tu shtyre me shokët para dijetarëve (për të marrë dije prej tyre)”.

______________________________

A ke menduar: çka do të lësh pas vete? Cilat janë gjurmët që do ti lësh pas vete? A do të mbetet vetëm guri i vendosur në Varrin tënd?! Apo edhe ndonjë vepër e madhe, e cila do të jetë në dobi tënde dhe të popullit tënd?! Përgjigju këtyre dilemave në veten tënde, mjafton për të filluar ndryshimi te ti.

______________________________

Për çdo natë përgatitemi për gjumë dhe nuk jemi të sigurt se a do të zgjohemi në mëngjes, megjithatë planifikojmë për nesër...

Kjo është shpresa!


Marrë nga: islam.mk

[IslamInfo]

Duhet ta kemi ndjenjën sikur të fëmijës një vjeçar kur e hedhim në qiell... ai qeshet, sepse e di se do ta kapish dhe nuk do ta lësh të bie në tokë...

Ky është besimi!

___________________________

Një ditë banorët e një fshati vendosin të falin namazin për shi. Të gjithë u mblodhën në vendin e caktuar për namaz, kurse vetëm njëri prej tyre kishte marrë ombrellë.

Kjo është bindja!

___________________________

Imam Ibën Haxheri, rahimehullah, në librin e tij “Fet’hul-Bari” thotë:

سميت صلاة التراويح بذلك ، لأنهم أول ما اجتمعوا عليها كانوا يستريحون بين كل تسليمتين . 4 / 294

“Namazi i teravisë quhet namazi i teravisë (pushimit), sepse kur kanë filluar ta falin me xhemat pas çdo dy reqateve pushonin pak”. (4/ 294)


Marrë nga: islam.mk

[IslamInfo]

Jahja ibën Muadhi, rahimehullah, thotë:

Besimtari le të fiton prej teje tre gjëra:

1. Nëse nuk i bën dobi mos i bëj dëm.

2. Nëse nuk e gëzon mos e pikëllo.

3. Nëse nuk e lavdëron mos e ofendo.



(Ez-Zuhdu ver- Rekaik, fq. 114)

[IslamInfo]

Mos thuaj ku të filloj...adhurimi është fillimi

Mos thuaj ku është rruga... ligji i Allahut është udhëzimi

Mos thuaj ku është fitimi... xheneti i Allahut është mbarimi

Mos thuaj nesër filloj...se ndoshta të vjen përfundimi

[IslamInfo]

Dr. Mustafa Sibai, autori i librit “Kështu më ka mësuar jeta”, thotë:

“Pasha Allahun! Po të bënin tekbir (të thonin: Allahu Ekber- Allahu është më i madhi) zemrat e myslimanëve ashtu sikurse bëjnë gjuhët e tyre, do ta ndryshonin historinë. Po të bashkoheshin myslimanët çdo here sikur bashkohen në namaz të bajramit do të fitonin të gjithë armiqtë e tyre. Po të fërkoheshin zemrat e tyre sikur i fërkojnë duart, do ti eliminonin të gjitha elementet e përçarjes. Po të buzëqeshin shpirtrat e tyre sikur buzëqeshin buzët e tyre do të bëheshin banorë të qiellit. Po të vishnin virtytet morale sikur i veshin rrobat më të shtrenjta, do të ishim ymeti më i mire në rruzullin tokësor”.

[IslamInfo]

Shikoni një lloj të veçantë të preokupimit! Ebu Derda, radijallahu anhu, kur falte namaz nate dhe në rekatin e fundit të Vitrit lutej për 360 shokë të tij që i donte. Lutej për secilin me emër në kohën e syfyrit kur pranohen lutjet.

[IslamInfo]

Imam Ibën Kajimi, rahimehullah, thotë:

“Falënderimi ndaj Allahut ndërlidhet me zemër, gjuhë dhe gjymtyrë. Me zemër e falënderojmë Allahun duke e njohur dhe dashur Atë; me gjuhë duke e lavdëruar dhe përmendur Atë, kurse me gjymtyrë duke i përdorur ato për ta respektuar Atë që e falënderojmë dhe duke i larguar ato nga gjynahet”.

[IslamInfo]

Israf është teprimi sasior në harxhim për diçka, kurse tebdhir është harxhimi për një gjë që nuk e meriton. Pra, israfi ka të bëjë me objektin që harxhohet, kurse tebdhiri me subjektin për të cilin harxhohet.

[IslamInfo]

Ibën Abasi, radijallahu anhu, thotë:

“Po ti mjaftonte dituria dikujt do ti mjaftonte Musait, alejhisselam, mirëpo ai i tha Hidrit, alejhisselam:

{هل أتبعكَ على أن تعلمنِ مما علمتَ رشدا }

“A pranon të vijë me ty, që të më mësosh nga ajo që je i mësuar (i dhuruar) ti: dituri të drejtë e të vërtetë?” (El-Kehf: 66).


Nëse i dërguari i Allahut kërkon dituri dhe nuk ndalet, po ne?!