Diskutimi mbi "Odiseja e nje Dedektivi"

[Endless]

E lajmerova une,
shpresojme qe te reagoje ndaj kerkeses.

le te kapemi gjithe lexuesit e librit ne fjale dore per dore, dhe te lutemi ishallah na reagon hamiti. dhe ishallah na reagon sic duhet thuaj.

Epo, po t'a tregoj ty hapin e pare, c'agjente do isha?

Hahaa, ate me thuaj.

[BlueBaron]

Operacionet nuk mendoj se jane ne njesi numerike,pra psh:2 misione ne muaj,por mund te jete dhe tjetra,varet se si jane zhvilluar Misionet dhe viktimat psh,mund te jene dhe 29 veta ne nje mision.!?

Une mora nje mesatare minimale, nje mision nje i vdekur, por t'i e bere kasap fare ...

[Alti Elezi]

Une mora nje mesatare minimale, nje mision nje i vdekur, por t'i e bere kasap fare ...

Epo dhe une nje mesatare mora

[EDLIN]

Nen driten e ketij libri interesant paraqitet edhe ky artikull :

http://www.forumishqiptar.com/showpo...8&postcount=42

[AgimHamiti]

Nuk kuptoj pse autori i quan komplotistet detektive. Shume mire mund t'i quante agjente apo spiune, megjithese emri me i pershtatshem do te ishte VRASES.

Autori i quan komplotistët detektivë dhe jo agjentë apo spiunë, mbasi kështu e thërrisnin H. Melin gjatë takimeve me të përfaqësuesit e Inteligjencë-Servisit e të CIAs. Natyrisht, unë nuk ndihem i aftë që t'i redaktoj ata.
Përsa i përket emërtimit VRASËS (po imitoj tyj me shkronjat e mëdha), autori i librit e vlerëson jo vetëm të pamerituar, por në kundërshtim logjik, moral dhe etik me figurën e tyre prej HERONJSH (këtë herë jam unë që po i përdor shkronjat e mëdha) në atë stad të zhvillimit të ngjarjeve të librit, për këto arsye:
Ndryshe nga ç'ke aluduar ti edhe në ndonjë diskutim tjetër më vonë, ata 35 vjeçarë trima (natyrisht, mua do të më pëlqente ta përdorja këtë epitet për ndonjë antikomunist në prejardhje, si unë, por s'e ndryshoj dot realitetin) kishin një zgjidhje tjetër shumë më të lehtë e më të sigurtë për të shpëtuar kokën e tyre: arratisjen jashtë shtetit. Falë profesionit të tyre, ata e njihnin me pëllëmbë Evropën e më gjerë dhe udhëtonin me pasaporta diplomatike. Angazhimi i tyre në komplotin antidiktatorial ishte, veç të tjerash, edhe një shfrim hakmarrjeje ndaj diktatorit cinik, i cili qe tallur me prindërit e tyre dhe me ata vetë, duke u bërë thirrje në çdo kongres për të çarë rrethimin e egër (sic) të militaristëve të Londrës dhe të imperialistëve të Washingtonit (!?). Unë e kuptoj mirë se ku është pika e dobët e jotja dhe e shumicës së shqiptarëve në vlerësimin objektiv të këtyre treguesve tek ata që meritojnë të quhen HERONJ (siç do t'i quante gjithë bota e qytetëruar) e jo VRASËS: ju nuk e imagjinoni dot gjendjen shpirtërore të një njeriu me nerv proteste (tek shqiptarët e shtypur ky nerv ka vdekur, prandaj tallen edhe politikanët e sotëm të rëndomtë), i cili jetonte muaj të tërë çdo vit jashtë shtetit, në botën e lirë, me xhepin plotë, i ri e i pashëm (ata zgjidheshin me kujdes edhe në këtë tregues) dhe që e njihte qytetërimin perëndimor në brendësi të tij. Unë e kam ndjekur nga shumë afër këtë efekt tek H. Meli: ndërkohë që ai villte gjak nga krizat e zemrës dhe fare mirë mund të vdiste një ditë apo një natë në kampin e Qafë-Barit, refuzonte pa mëdyshje ofertat e njëpasnjëshme për tu rikthyer në profesion, të kurohej më së miri, të jetonte jo vetëm në liri, por edhe në bollëk e me pushtet. Në të njëjtën kohë shikoja se si shumë të burgosur të tjerë (midis tyre edhe intelektualë të njohur) u zgërdhiheshin policëve si zvaranikë dhe bëheshn spiunë të neveritshëm për të shëtuar nga puna në minierë, apo që komanda e kampit t'ju ofronte ndonjë vend pune në prapavijën e kampit. Nuk gjykohet dot kurrë realiteti shfarosës i Qafë-Barit duke u njohur përciptas me leximin e shpejtë të një libri, pranë konfortit e përballë kompjuterit.
Për sa i përket të kaluarës së H. Melit dhe kolegëve të tij (pa dyshim të përzier me krimin diktatorial jashtë atdheut), mos harro "skuth i vogël" (apo "Skuth i Madh" ? - shaka), se duke qenë "askushi" në jetën e një populli e të një vendi (sidomos në diktaturë!) nuk mund të bësh dot asgjë. Pa dyshim ata që kanë pushtet, që kanë kredibilitet zyrtar e shoqëror, ata mund të bëjnë diçka. Dhe sa për dijeni, kjo kategori nuk mund të jetë kurrë e pastër, gjersa është e përzier me pushtetin e papastër. Gorbaçovit bota i dha çmimin "Nobel" për paqe për kontributin e tij në shembjen e pashmangshme të komunizmit. Por a e njeh ndopak ti cila është e kaluara e Gorbaçovit ? Interesohu të mësosh diçka për të dhe do ta kuptosh që Hamit Meli me shokë janë engjëj para tij. "Dariusi" të ka bërë një vërejtje shumë të arsyeshme në këtë drejtim: shërbimet sekrete më të mëdha të botës kanë bërë edhe mëkatet më të mëdha. Por ata veç dekorohen se....ka kush i mbron !

[AgimHamiti]

Une besoj se Kobra mund te jete personazh i sajuar nga autori per ta bere pak me interesante kete histori ,qe ndryshe do te dilte thjesht nje lloj dokumentari pa elementin artistik.
Eshte zgjedhur elementi gjarper dhe pikerisht kobra per ta bere me ''inteligjente ''kete histori.
Une nuk e shikoj me interes kete fakt pasi dhe po te jete i vertete eshte i neveritshem per natyren njerezore.

Libri "Odiseja e një detektivi" është i mbingarkuar me ngjarje e me personazhe dhe nuk ka nevojë për personazhe të sajuar. Fakti që autori i librit e lë vetëm me pseudonim "Kobrën", kjo nuk është dëshira apo zgjedhja e tij, por kërkesë e drejtë e protagonistëve të ngjarjeve të librit. Unë e kam të qartë motivin e bazuar të kërkesës së tyre, por nuk mund t'jua shpjegoj dot pa shkaktuar një dëm të pakorigjueshëm. Në këto kushte, unë nuk mund të pohoj, as nuk mund të mohoj gjë prej hemendjeve tuaja të natyrshme. Dhe mbi të gjitha, nuk mund të shpjegohem dot më tej. Duke besuar se shumica e diskutantëve janë të reja e të rinj të shkolluar, shpresoj në mirëkuptimin e tyre. Tekefundit "Kobra" mbetet një personazh anësor i librit që, veç kureshtjes, nuk paraqet interes të mëtejshëm për ngjarjet.

[AgimHamiti]

Ke te drejte Darius, por libri pse ??? Per çfare arsye publikohet ??? Per tymnaje apo per diversion ???


Kam pershtypjen se qellimi i komplotit nuk eshte rrezimi i diktatures, por shpetimi i kokes pasi e ndjenin rrezikun qe i kanosej. Per popullin nuk besoj se i ka plasur ndonjehere gjate viteve te karrieres se tyre, biles as edhe me vone ...

Nuk e kuptoj dot, "skuth i vogël", se çfarë tymnaje apo diversioni mund të synojë libri "Odiseja e një detektivi". Tymnajë e diversion tek Inteligjencë Servisi e CIA ? Nuk mendoj se je skuth kaq i vogël, sa të ushqesh iluzione naive.
Apo dua t'i bëj diversion qeverisë shqiptare, që vret e pret e shet atdheun pa e çarë kokën fare se ka njeri të gjallë në Tiranë apo në Shqipëri ? Apo bashkatdhetarëve të mi, që nuk reagojnë fare (llogarit sa persona janë shprehur deri sot në Forum!) ndaj informacioneve lidhur me të djeshmen, të sotmen e të nesërmen e tyre e të kombit të tyre ?
Ai libër, i vogli skuth, synon të shpërndajë tymnajën rreth falsitetit të derisotshëm të "çështjes shqiptare" dhe t'i ndërgjegjësojë shqiptarët për të mos rënë viktimë diversionesh të drejtpërdrejta apo të tërthorta, nëse i ke vërtetë të qarta sa duhet nocionet "tymnajë" dhe "diversion".
Unë shkrova më lart se zgjidhja më e lehtë e më e shpejtë e detektivëve në fjalë do të kishte qenë arratisja jashtë shtetit;kjo vetëkuptohet nga çdo naiv. Por e kuptoj se, sipas "skuthit të vogël", është Ilir E. Hoxha personi të cilit i paska plasur për popullin shqiptar dhe tani vazhdon të tallet tek selia e PPSH e Rindërtuar. Kësaj i thonë të shkulësh rrënjët e tua me kazëm. Po të mos t'i shikonim gjërat të përmbysura si popull, ne nuk do të ishim katandisur objekt talljeje prej grekëve e serbëve.

[AgimHamiti]

Ok Alti, ne disa pika edhe mund te jem dakord me tezen tende. Por, ne kete forme libri ngelet vetem nje shashke, ose me mire nje tymse. S'jepet as nje fakt, qofte edhe i çensuruar qe mund te mbeshtese tezen e komplotit. Mbetem akoma i mendimit se ka qene nje lufte brenda llojit dhe nje tentative per te shpetuar koken.

Që të shprehesh me këtë gjuhë për librin "Odiseja e një detektivi" do të thotë se nuk ke lexuar fare as librin, as "Letrën e Hapur" dhe as artikullin "Një zë nga shkretëtira shqiptare". Ose i ke lexuar dhe nuk ke kuptuar asgjë. Ose i ke kuptuar shumë mirë, por, për arsye që i di vetëm "skuthi i vogël", i pëlqen t'i interpretojë faktet kokëposhtë. Sidoqoftë, për një njeri të përgjegjshëm për ato që flet apo shkruan (edhe armik i përmbajtjes së librit), do të ishte moralisht e pamundur që, qoftë edhe me pseudonim,
të përdorte termat absurde "shashkë" e "tymëse" të paktën për hir të këtij fakti: si në libër edhe në "Letrën e Hapur", unë veç fakteve të tjera (për të cilët do të flas pak më poshtë, në përgjigje të diskutimit të "Dariusit"), kam dhënë adresën në Amerikë si dhe numërin e celularit të Dari Melit. A thua se levat e CIAs qenkan më të paafta nga "skuthi i vogël", për të denoncuar falsitetin e asaj adrese, duke nxjerrë "out" njëherësh autorin dhe librin e tij ? Është naivitet i tejskajshëm të mendohet se ata qëndrojnë indiferentë ndaj një libri-akuzë, kur nuk u mungojnë argumentet për ta rrëzuar atë. Por, natyrisht, kur kanë të bëjnë me një popull e një inteligjencë në agoni, mënyra më e mirë për "ta hedhur lumin", me një heshtjeje gjoja nelixhente.

[Brari]

z Hamit..

cthot ki Kobra per Llambi Pecinin?
A jan njohur?

[Darius]

Brari, Kobra ka shkuar ne te semes qe ne vitin 1985, disa dite para se te shkonte ne te semes dhe Enver qeni.