Arjan Cani: Berisha dinak dhe i drejte, Rama frikacak e mashtrues

[Bel ami]

Une e lexova kete artikullin e Canit,por me teper me beri pershtypje promovimi i balerinave serbe qe akuzoi Veliaj.Pyeta veten, po per Goran Bregovicin u kujtua ky Erioni qe shefi i tij i dha celsin e Tiranes?
Thjesht per tu kujtuar Kallashnikovi qe Bregovici i kendoi me aq zjarr ne Tirane ishte arma e perdorur ne masakrat serbe ne Kosove!

[Fishtani1]

Booo, ate dite Erion Veliaj qenka kapur rende me fjale edhe me Henri Cilin

[murik]

Erjon pordha, fiks fare.

[Darius]

Po humbi Rama zgjedhjet Reptiloidi do behet per trinitrine. Mbaje mer veten se do semuresh se spo te mban me buke Rama dhe as po ta heq buken Berisha. Leqe ti je lule, kam lexuar para dy ditesh ca komente ne FB qe jo per te vjelle po te vije duart ne koke ishte pak. I drejtoheshin Edi Rames: O yll, o shpirt, o drite, presim te fitosh e te na ngrohesh shpirtin, O gjigandi i PS-se, o madheshtor... Hajde qyfyre hajde... Pse ka budallenj e patollogjike te tille Shqiperia (nga te dyja krahet e politikes) prandaj dhe nuk behet derman ne ate vend.

[mesuesi_1]

Mbaje mer veten se do semuresh se spo te mban me buke Rama dhe as po ta heq buken Berisha.

kush tha qe nuk eshte njelloj si edveri .... dmth ......

[Albo]

Arjan Cani: Berisha dinak dhe i drejtë, Rama frikacak dhe mashtrues

Elida Rustemi

Një nga gazetarët më me zë në Shqipëri, padyshim është moderatori i emisionit 'Zonë e lirë', Arjan Çani. I spikatur për mënyrën e drejtpërdrejtë me të cilën ai komunikon, përgatitjen që reflekton gjithmonë, ai vazhdon të na surprizojë me gjetjet dhe pyetjet e tij provokuese. Kërkon gjithmonë që të dijë më tepër nga të ftuarit, kurioz ashtu siç duhet të jetë një gazetar. Por ndryshe shfaqet kur dikush kërkon ta intervistojë. Një person pa komplekse dhe mjaft i rezervuar për sa i përket jetës së tij private. Pas tentativave të ndryshme për të mësuar diçka më tepër, duket se Çani është i sigurt në atë që do të thotë. Arjan Çani rrëfen për suplementin "Summer Pages" jetën e tij, nga fëmijëria deri në njohjen me bashkëshorten dhe krijimin e familjes. Kurioziteti na shtyn ta pyesim paraprakisht, se pse në ekran shfaqet gjithmonë me të njëjtin stil veshjeje dhe me të njëjtin 'look', ndërkohë që ai pa u menduar shumë më përgjigjet se "me ngjyrën e zezë del më bukur". I veshur sport, ndryshe nga çfarë jemi mësuar të shohim në ekran, Çani nuk nguroi të japë një intervistë për "Gazetën Shqiptare", atë që ai e quan të përditshmen më të mirë në vend.
Më përshkruaj Arjan Çanin fëmijë.
Fëmijë i prapë, por pozitiv.
Cilat kanë qenë gjërat më të çmendura që ke bërë gjatë rinisë sate?
Arratisesha non-stop, por rikthehesha.
Nëse do të riktheheshe në kohë, cilat janë gjërat që do të bëje?
Të njëjtat gjëra.
Flasim pak për familjen tënde. Dimë që je i martuar, ke një djalë dhe një vajzë. Na trego diçka më tepër. Sa i lidhur je me familjen tënde?
Shume i lidhur.
Ku ndryshon Arjan Çani nga jeta familjare, në atë që ne shohim në media?
Nuk ndryshoj shumë.
Ku ndryshon Arjan Çani nga personi që publiku sheh në media, nga ai në jetën e përditshme?
Nuk ndryshoj shumë.
Marrëdhënia juaj me djalin?
Shume e fortë.
Po vajzës së vogël sa kohë i kushton?
Aq sa më le puna.
Keni pasur kriza të forta familjare?
Asnjëherë.
Sa xheloze ndihet bashkëshortja, kur të sheh aq të çliruar në emision, pra nuk ke komplekse dhe kur puth në buzë personazhe vip?
Eni është gocë e mençur
Keni tradhtuar të dashurën apo gruan?
Asnjërën përderisa janë e njëjta gjë.
Cila ka qenë kostoja më e madhe e tradhtisë tuaj?
Nuk ekziston ky koncept në familjen time.
Dentistja juaj është gruaja apo shkon në ndonjë klinikë tjetër?
Sigurisht.
A ndihmon Çani në punët e shtëpisë?
Jo fatkeqësisht.
Thuhet se ju kanë hipur në qejf fëmijët e do të bëni prapë?
Me siguri.
Cili është gabimi më i madh që keni bërë në jetë?
Nuk e di akoma.
Cila është padrejtësia më e madhe që të është bërë ty?
Asnjë padrejtësi.
Nëse do të bije sërish në dashuri, cili është imazhi i femrës që do të doje?
Nuk e di.
Flasim pak për profesionin tënd. Kohë më parë ke qenë kryeredaktor i "Gazetës Shqiptare". Çfarë mban mend nga ajo kohë?
Shumë punë, shumë pasion, shumë pasion, shumë sukses në ekip.
Ke ngrënë ndonjëherë "dru" për çështje pune?
Kur isha 23 vjeç dhe jetoja ne Paris.
Si arritët të ngriheshit nga një gazetar i thjeshtë korrespondent, në kryeredaktor?
Me punë, me punë dhe me pak talent.
Aktualisht je moderator i emisionit "Zonë e lirë", një format që për herë të parë është transmetuar nga një moderator francez. Çfarë të ngacmoi që të njëjtin emision ta realizoje në Shqipëri?
Gjeta pika të përbashkëta.
Ka përfunduar sezoni i emisionit "Zonë e lirë". Çfarë risish do të shohim në sezonin e ardhshëm?
Sekret.
Prej disa muajsh drejton emisionin "Majtas jo djathtas" në një tjetër televizion dhe me një tjetër format televiziv. Ishte ideja juaj personale për krijimin e këtij formati apo thjesht erdhi si një ofertë nga 'UTV'?
Ideja ime. 'UTV' më mbështeti.
Me Ramën keni qenë shumë të lidhur, pse erdhi ftohja juaj me të?
Nuk kam qenë ndonjëherë shumë i lidhur me atë tip. Ndaj nuk ka si të ketë ftohje.
Të gjithë e shohin që ajo që ju transmetoni, tashmë është më djathtas. Pse?
Perceptimi juaj. Unë kam qenë dhe mbetem më shumë majtas, ndonëse besoj ose nuk besoj te individët që drejtojnë këto struktura.
Një element tjetër që kam konstatuar është se dhe në emisionin "Majtas jo djathtas", shohim që ju jeni drejtuesi kryesor. Mos do të thotë kjo që Arjan Çanit, gjithmonë i pëlqen të jetë në qendër të vëmendjes?
Me siguri. Jam narcis.
Na përshkruaj pak karakteret e dy liderëve kryesorë, Berishës dhe Ramës?
Berisha dinak dhe i drejtë, Rama frikacak dhe mashtrues.
Ku ndihet më komod Arjan Çani në "Zonë e lirë" apo "Majtas jo djathtas"?
"Zonë e lirë" është vetë jeta, "Majtas jo djathtas" është një pjese e vogël e saj.
Prej dy vjetësh të kemi parë si anëtar jurie në "Dancing with the Star". Cili mendon se e meritonte fitoren?
Enver Petrovci.
Nëse do të ishe producent i "Dancing with the Star", çfarë do të ndryshoje?
Asgjë.
Një këshillë për të gjithë personat që do të lexojnë intervistën tënde.
Ta vënë në dyshim dhe ta shoqërojnë me fjalët: Mirë mo mirë, po kush është Arian Çani në të vërtetë???

GSH