Ambasada amerikane, nderpret komunikimin me Gazeten Shekulli

[Darius]

Ilir Yzeiri i pergjigjet Ambasadorit Arvizu




Përgjigja e Dr. Ilir Yzeirit: Gabohesh, zoti Ambasador Arvizu




Përgjigja e autorit të shkrimit që zemëroi ambasadorin e SHBA-ve, doktorit të Shkencave Filologjike Ilir Yzeiri: "Ka fjalë në atë letër që Ambasada duhet t'i marrë mbrapsht. Në rrethana të tjera, do t'i drejtohesha Gjykatës. Po nis kopje të letrës në gazetën Nju Jork Tajms dhe Departamentin e Shtetit"

GABOHESH, ZOTI AMBASADOR!

Një përgjigje që nuk do të desha kurrë ta shkruaja


Nga Ilir Yzeiri
Doktor i Shkencave Filologjike


Në jetë ka shumë pak raste kur ti ndjehesh i mbërthyer nga emocione të kundërta, nga trishtimi i thellë dhe optimizmi gjithashtu, nga pakënaqësia e madhe dhe nga ndjenja e pasigurt e entuziazmit. Kështu jam ndier pas letrës që Ambasada e ShBA-ve në Tiranë, i drejtoi z. Koço Kokëdhima, themelues i gazetës «Shekulli», me anë të së cilës e njoftonte se ndërpriste të gjitha marrëdhëniet me gazetën më të madhe në Shqipëri. Shkak për këtë kishte shërbyer një opinioni i imi me titull «Intelektualët dhe një ambasador i vogël i një vendi të madh», botuar më 9.04.2011.
Në radhë të parë, dua të falënderoj z. A. Thano, kryeredaktorin e gazetës "Shekulli", i cili, në emër të gazetës, në përgjigjen që i jepte Letrës së Ambasadës së SHBA-ve, u shfaq si mbrojtës i lirisë së shtypit dhe fjalës së lirë.
Ndërsa unë i kërkoj ndjesë qoftë botuesit të "Shekulli"-t, qoftë stafit të saj për andrallën e radhës që ju shkaktova duke u bërë shkas i një konflikti të ri që kjo gazetë do të duhet të shtojë në listën e gjatë të konflikteve që ajo ka me shumë anë të pushteteve në Shqipërinë tonë, e cila vuan shumë e shumë plagë që vijnë nga dhunimi i fjalës së lirë, i iniciativës së lirë, që vijnë, më në fund, nga instalimi në këtë vend i një qeverie që mbron interesat e ngushta dhe klienteliste të një grupi të caktuar dhe që dhunon e deri edhe vret kundërshtarët e regjimit.

Në letrën e Ambasadës Amerikane thuhet hapur se «Ambasada e ka marrë këtë vendim në përgjigje të një opinioni nga Ilir Yzeiri, botuar në gazetën tuaj më datën 9 prill, me titull «Intelektualët dhe Ambasadori i vogël i një vendi të madh». Më pas, në letër thuhet se «Ambasada nuk kundërshton në asnjë mënyrë faktin që z. Yzeiri nuk është në një mendje me disa prej pikëpamjeve të Ambasadorit Arvizu, apo politikën e SHBA-ve» dhe deri këtu nuk ka asgjë të keqe. Mirëpo, më pas, letra vijon kështu: «Megjithatë, artikulli i z. Yzeiri shkoi shumë përtej gazetarisë profesionale dhe opinioneve. Përkundrazi, kapërceu kufirin dhe u shndërrua në një sulm personal të papërshtatshëm dhe ad-hominem ndaj Ambasadorit Arvizu dhe Shteteve të Bashkuara. Përgojimet e lidhura me racën dhe etninë veçanërisht ishin të pavend për një gazetë që pretendon të përfaqësojë opinionin kryesor».
Jo e dashur zonja Leëis! Jo! Këto fjalë kthejini mbrapsht dhe më lejoni t'ju përsëris, e nderuar zonjë, se, në rrethana të tjera, unë do t'i drejtohesha Gjykatës dhe do të kërkoja dëmshpërblim nga ana juaj për deformim të qëllimshëm ose jo, që ju u bëni fjalëve të mia dhe tekstit tim. Në fakt, një gjë të tillë po e bëj së bashku me mikun tim gazetarin e "NEË YORK TIMES", Dan Bilefsky, me të cilin po përkthej në anglisht këtë shkrim dhe një kopje do t'ia çoj gazetës "NYT" dhe një tjetër Departamentit të Shtetit dhe do të pres prej tyre të më shpjegojnë se në ç'vend unë kam sulmuar në mënyrë të papërshtatshme SHBA-në dhe Ambasadorin Arvizu. Jo, e nderuar zonjë! Unë e mirëkuptoj faktin që ju nuk dini shqip ose edhe në qoftë se dini nuk e kuptoni mirë tekstin në shqip. Më lejoni t'ju shpjegoj se çfarë kam shkruar unë. Unë jam frymëzuar nga figura e Barak Obamës, Presidentit Tuaj të nderuar, i cili para ardhjes në pushtet, pranoi se politika e SHBA-ve në Irak ishte një dështim, këtë them edhe unë, se edhe në Afganistan kjo politikë po dështon, këtë them edhe unë, se kriza e rëndë e dështimit dhe falimentimit të Bankave në SHBA e kanë vënë në vështirësi politikën amerikane dhe ekonominë e saj.
Më thoni ju lutem, e nderuara Zonjë, çfarë sulmi ka këtu ndaj SHBA-ve? Me ç'të drejtë ju më akuzoni për gjëra që jo vetëm nuk i kam thënë, por as nuk i kam shkuar ndër mend? Po ju vë në dijeni se unë jam pjesëmarrës i «Blogue Planàtaire, TV5 Monde». Aty, me rastin e zgjedhjes së Presidentit Obama, unë kam botuar disa komente, së bashku me 25 shkrimtarë e gazetarë nga të katër cepat e planetit. Në ato komente, unë e kam mbrojtur, e kam himnizuar dhe e kam mirëpritur zgjedhjen e presidentit Obama më shumë se edhe ndonjë amerikan. Me këtë vetëdije kam shkruar edhe për vështirësitë që ka sot politika e jashtme amerikane, vështirësi që i pranon edhe vetë Presidenti Obama. Po ju, zonjë, me ç'të drejtë më akuzoni dhe mendimet e mia të lira dhe opinionin tim të lirë për politikën e jashtme të SHBA-ve e quani sulm personal mbi SHBA-të?! Më falni zonja Leëis, dua t'ju pyes, këtej e tutje, a kam të drejtë të shpreh ndonjë qortim për politikën e jashtme të SHBA-ve? Nëse ju mendoni se shqiptarët nuk kanë të drejtë të shprehin apo të konstatojnë dobësitë që po shfaq Amerika, gaboheni. Kjo më duket mua nuk është demokraci. Kjo, ne shqiptarëve, na kujton një periudhë të largët, atëherë kur fjalët dhe tekstet deformoheshin dhe artikullshkruesi edhe mund të përfundonte në burg. Nuk besoj, e nderuar zonjë, se ju mund të dëshironit edhe për mua një gjë të tillë.

Dhe tani le të vijmë tek akuza tjetër që më bëni mua. Ju shkruani: «Përgojimet e lidhura me racën dhe etninë veçanërisht ishin pa të vend për një gazetë e cila pretendon të përfaqësojë opinionin kryesor». Po jua përsërit edhe njëherë, e nderuar zonjë, se për një akuzë të tillë, në rrethana të tjera, unë do t'i drejtohesha Gjykatës dhe do të kërkoja prej saj që të zbardhte këtë akuzë. Por, edhe në këtë rast, ashtu si edhe për akuzën tjetër që më bëni, ju lutem kthejini mbrapsht se nuk më përkasin mua dhe nuk janë thënë dhe as menduar nga unë. Unë e di që gjithë kjo ka ardhur për shkak se unë, një sjellje të ambasadorit Arvizu, e kam quajtur «kinezëri».
Nuk e di se si e kanë përkthyer këtë fjalë ndihmësit tuaj shqiptarë, por më lejoni t'ju them se kjo fjalë nuk ka asnjë ngarkesë ofensive, ajo është një shenjë që karakterizon një mënyrë të sjelli dhe ka hyrë në gjuhën shqipe nga koha e marrëdhënieve tona me kinezët. Ju duhet ta dini, e nderuar zonjë, se ne kemi qenë për 20 vjet të lidhur me Kinën komuniste dhe, nën shembullin e Kinës, u bart edhe këtu te ne Revolucioni famëkeq Kulturor dhe u nxit ndërtimi i njeriut të ri. Këtu te ne botoheshin si libra xhepi, citatet e Kryetarit Mao që ishin tekste propagandistike pa asnjë vlerë dhe shpeshherë qesharake. Ato thoshin p.sh., se «njeriu duhet ta dojë partinë», «partia mbi të gjitha», apo lloj-lloj citatesh që shpeshherë shkaktonin të qeshura. Kulmin p.sh., e pati arritur një kinezëri që ishte një amalgamë e Konfucit dhe e thënieve të Maos që thoshte: «Koha më e mirë për të larë enët është pas buke».
Brezi im është rritur, si me anën dramatike të kinezërive, si edhe me anën komike të tyre. Kështu që në ligjërimin shqiptar fjala «kinezëri» ka hyrë si një shenjë që shënjon një sjellje populiste, propagandistike dhe pa asnjë vlerë si lajm, apo si ngjarje. Mua m'u duk se historia që tregoi ambasadori me atë gruan që i përkëdheli fëmijën, pra përpjekja e tij për t'u shfaqur popullor ishte e shtrënguar dhe ngjante me kinezëritë e kohës së Mao Ce Dunit. Unë do të prisja që për këtë përdorim të kishte reaguar Ambasada e Republikës së Kinës, por jo ajo e SHBA-ve. Megjithatë, në qoftë se ju këtë interpretim timin e kini përjetuar si tepër ofensiv, unë e tërheq dhe në asnjë rast tjetër nuk do ta përdor më.

E nderuar zonjë ! Në shkencat e komunikimit thuhet se ne njerëzit e jetojmë jetën duke luajtur secili nga një rol, se jeta i ngjan një teatri dhe se ne jemi personazhe. Ka edhe një përcaktim tjetër më të zymtë akoma. Vdekja ekziston, ajo është reale, jeta jo, jeta është një shfaqje, është një imazh, jo thjesht pse jeta është më e shkurtër dhe vdekja e përjetshme. Ne vijmë të gjithë në këtë jetë dhe largohemi duke lënë pas nesh personazhin apo rolin që kemi luajtur. Në këtë kuptim edhe Ambasadori i SHBA-ve në Tiranë ka ardhur që të luajë këtë rol. Dhe unë, e nderuar zonjë, kam të drejtë që të gjykoj rolin e këtij personazhi. Unë analizova dhe komentova personazhin Arvizu në rolin e Ambasadorit të SHBA-ve në Tiranë. Këtë e bëra në emër të shumë personazheve që luaj unë. Në fillim këtë e bëra si profesor në katër Universitete, "A. Xhuvani", "M. Barleti", "Filozofi-Shkenca Politike" Tiranë dhe "La Sapienca - Gjuhët e Huaja", si gazetar, konkretisht si redaktor i programit "HAPUR" dhe si bashkëpunëtor i "TV5 Monde". Në emër të të gjithë këtyre personazheve që unë luaj, i dhashë të drejtën vetes të interpretoj rolin që luan në Shqipëri Ambasadori i SHBA-ve.
Ju vë në dijeni, e nderuar zonjë, se letrën tuaj e kam dërguar në të gjitha institucionet mediatike dhe universitare, brenda e jashtë vendit, në të cilat unë bëj pjesë.


Gazeta Shekulli

[Fleur Blanche]

Te gjithe e kane kapur me kete gazetarin, kur une e mbaj mend shume mire qe ne fillim kur u mor vesh emri i ambasadorit te ri Arvizu, Kastriot Myftaraj tek emisioni i Canit, tha qe ky ambasadori ishte rritur pemve si majmuni, madje kishte lindur ne nje baze ushtarake qe nuk i dihet as emri, dhe pervec kesaj kete ne emision po e ilustronin me figura perqeshese, dhe askush nuk beri ze. Po ashtu edhe tek fiks fare, e kane ironizuar disa here ambasadorin, dhe askush nuk beri ze, doli tani ky "trimi" i shekullit dhe u be buje....
Se pari, do ishte mire qe te merreshin edhe me keta te tjeret qe e kane ironizuar e share, qe perpara se ta bente Yzeiri.
Se dyti, te behemi nje here si Amerika, pastaj le te na bie nder mend (si ketyre gazetareve), te merremi me punet e Amerikes!

[flor1]

Shqiptaret e kuptojne keq demokracine,kujtojne se jane te lire te bejne c te duan nqs jane ne demokraci,por jo liria ime mbaron atehere kur fillon liria e tjetrit...mjaft me keto dogma,shpifje dhe ofendime qe na servir dite per dite shtypi dhe e tere media.

[Fleur Blanche]

Shqiptaret e kuptojne keq demokracine....

Po Ne jemi te keqinj, jemi delja e zeze njerezimit, ne shpikem krimin, ne i beme te gjitha te zezat, ne jemi keshtu e ashtu, vetem te huajt jane me te miret, vetem te huajt mund te gabojne e t'u falet kurse Ne; Jo....

Ec e pertypi keto llogjika te "shendosha"

[shitesi]

Mbaruan hallet me politiken Shqiptare i jemi futur asaj Amerikane tani.


I thot miu elefantit shiko si dridhet ura nen kembet tona lool

[dardaniAU]

Pse ne kohen e Skenderbeut Amerika erdhi te ndihmoi ty? Pse, ne Shqiptaret, kemi qeverisur Ballkanin bashke me Turqit 500 vjet duke i dhene perandorise me te madhe te kohes 37 kryeministra.Po keshtu mbi 5 perandore Romake kane qene me origjine Shqiptare.Ne amerike mire qe skemi asnje politikan shqiptar por po na vendosin dhe amerikanet si kryetar.Shko e beja Gjermanit kete, Suedise, Frances, Maqedonise qe eshte me e vogel si ne dhe shikoje cbejne.Fajin e ka ambasadori jone ne USA qe su ankua por artikullin e New York Times per Gerdecin, megjithese Saliu tha une me ato artikuj fshij menderen.Edhe ambasadori amerikan kete te bente te fshinte menderen nje here ne vit me gazete .Se zgjidhte Shekullin , 55 apo Temen ishte puna e tij.


http://lajme.shqiperia.com/lajme/art...Kryeministrise

A a ne kohen e Skenerbeut na shqiptart na
in e kemi ba, ska pase me neve shqiptarve, te paret ne bote jemi kane!
Hahaha pralla te pleqve,bile bile shum prralla te vjetra!

Ne shqiptaret kurre njerz nuk jemi kane e as qe kemi me u ba ndojher!
Ne jemi populle qe as nuk grahemi e as nuk ngrehemi!
Te mjeret amerikanet, qe nuk jane tu na ngjofte boll,
se me ne eshte shum veshtir me ba! Populli me i pa organizuar,
populle me i pa maren veshe, populle me nje mendje
adhsij, dhe me nje budallaki qe se ka bota!
Tek e fundit po kushe hamamin eshte gazeta shekulli,
qe amerikanet te merren me ta! Rrebela hesapi!

[Brari]

po na cfaqet nashi ki ilir izeiri si doktor i shkëncave filololologjike..

kurse ka kaq vjet qe ne shekull te kokkokodhimes se edvin rucit ki doktor izeiri ska qene tjater vec perpunues konseguent i masakres se 21 janarit.. me ane te shkrimeve te tij kanibal-berese..

izeiri me shefat e tij kan dashur qe.. ambasada amerikane te benjë jo nje si qorr po te dijat.. e dy veshet shurdh.. qe kur falangat e perpunuara.. ne punishten shekulli ti suleshin kryeministrise e te marshonin mbi kufoma policesh e nepunsish shteti e ti thoshin edvinos..u krye o bos..eja zer kolltukun.. kjo ambasade ti conte telegram urimi edvinos.. me tekst..ta gezoc o ed-ver..zyren e krieministrise..

mirpo kjo nuku ndodhi..

ambasadori arvizu nuku tregoj simpathi per barbarine e kanibalo-gangsterreve te tom dosh tak ngjelo preco zogo yzeir ditmir kokodhim fidel dulako fatmir tockes se edvin rucit..

ki eshte tërë muhabeti pse eshte terbuar ilir yzeir-yzmetqari i edvinit me nick.. doktor i filoqylologjise..

krejt llafet e tjera jan ambalazh..

na vjen kuq o ilir kuqua i rucit te stalinit te polpotit..
kte radhe ambasadori amerikan nuku qe nga ata qe ju i blinit me k.urva..
duall burre e permbi burra..

keshtu mo kulisheria yzeiro-iste e kokodhimoistave te ed rucit..

yzeiri nuk ka te beje me doktorret e shkencave filologjike..

dr tek ai do te thote.. dr-derrkuc i felliqur qe eshte i gatshem te zhgrryhet ne m.ut e gjiriz..per hallatet e gramozit te rucit te edvin kryebanditit..

yt more qelbanik..



..


cfar problemi del tjater nga ki problem...

se fakultetet jan mbushur me polpotiste .. enveriste e qelbanike ..

ki eshte rast per tu dhen alarmiii..

.

[Mike Oldfield]

Dua te pergezoj mesuesin per kete teme kaq interesante qe ka hapur e kapur njekohesisht.
Pergezime!

[DYDRINAS]

Arvizut dhe Rama-t, ujë në mullirin e Saliut

Andrea Stefani, 14.03.2011

Qëllon që autokratizmin mund ta mbështesësh edhe pa dashje. Dhe të mbështesësh autokratizmin sot në Shqipëri, do të thotë të mbështesësh planet e fshehta të Berishës. Pikërisht kjo duket se po ndodh me ambasadorin amerikan Arvizu, por edhe me kryeprokuroren Ina Rama. Kjo duket se po ndodh madje edhe me kundërshtarin më të rreptë politik të Berishës, liderin e opozitës, Edi Rama. Të gjithë, si pa kuptuar, me veprimet dhe mosveprime, po i shërbejnë fuqizimit të një mekanizmi autokratik, që në të ardhmen e afërt mund të rrezikojë jo vetëm opozitën politike, por krejt opsionin e lirisë në Shqipëri.

* * *

Nuk është e para herë që faktorë të ndryshëm politikë, vendas apo të huaj, të fokusuar shumë në zgjidhjen e një çështjeje të momentit, humbasin vizionin për zhvillimet më në perspektivë. Kështu ndodhi në prill 2008, kur politikanë shqiptarë dhe diplomatë ndërkombëtarë bënë gabimin e madh të ndryshimit të Kushtetutës, duke rrënuar strukturën kushtetuese të ndarjes së pushteteve. Pse? Sepse frikësoheshin nga zgjedhjet e parakohshme ku mund të çonte mungesa e konsensusit për zgjedhjen e Presidentit të Republikës. Të njëjtën miopi politike duket se po shfaq edhe ambasadori Arvizu. I fokusuar me të drejtë te nevoja e luftës kundër korrupsionit, Arvizu sapo ka ritheksuar nevojën e heqjes së imunitetit të deputetëve.

Por kjo nuk është një çështje kaq e thjeshtë sa kohë që imuniteti nuk është futur kot në sistem, pra e heq dhe nuk ka asnjë pasojë. Sepse imuniteti i deputetëve shërben për të mbrojtur diçka shumë të rëndësishme dhe në radhë të parë, pakicën nga hetime selektive dhe persekutimi politik. Arvizu argumenton se shumë vende në Europë kanë imunitet të kufizuar për deputetët. Kjo është e vërtetë. Por ambasadori harron një faktor shumë të rëndësishëm që e lejon këtë operacion në vende perëndimore pa shkaktuar dëme politike. Dhe ky faktor është prokuroria dhe drejtësia e pavarur. Edhe mazhoranca e Berishës, që këmbëngul sot për heqjen e imunitetit, sjell si shembull Gjermaninë.

Por në këtë vend me demokraci dhe shtet ligjor të konsoliduar, prokuroria është krejtësisht e pavarur nga qeveria federale. Qeveria jo vetëm nuk mund të ushtrojë presion mbi prokurorinë, por as nuk mund t’i diktojë politikisht se kush duhet të hetohet e kush jo. A kemi në Shqipëri një prokurori të pavarur, por edhe aq të konsoliduar sa t’u bëjë ballë presioneve të politikës? Natyrisht që jo. Dhe provë për këtë është vetë ambasadori Arvizu që është detyruar disa herë këto kohë të bëjë thirrje që politika (në fakt Kryeministri) të mos bëjë presion mbi prokurorinë dhe hetimet e saj. Kur do të kishim prokurori të pavarur dhe të lirë nga presionet e politikës?

Kur ambasadori amerikan dhe “ndërkombëtarët” e tjerë të mos detyroheshin të dilnin në mbështetje të prokurorisë. Fakti që e bëjnë një gjë të tillë është provë e dobësisë së organit të akuzës përballë politikës dhe në veçanti, qeverisë. Dhe sa kohë prokuroria nuk është mjaftueshmërisht e fuqishme për t’u bërë ballë presioneve të ekzekutivit, të heqësh imunitetet do të thotë të krijosh një premisë të rrezikshme për hetime selektive të kundërshtarëve politikë. Nuk e themi ne. E ka thënë që në vitin 2005 Komisioni i Venecias në një opinion të tijin për kufizimin e imunitetit të deputetëve në Shqipëri.

* * *

Por ka edhe një aspekt tjetër. A kemi një prokurori që s’merr urdhra nga politika? Po të dëgjojmë Berishën duhet të themi se nuk e kemi. Sepse, sipas tij, “shoqja e bulevardit” merr urdhra nga opozita. Por ne mendojmë se kjo nuk është e vërtetë. Ne themi se në këtë moment prokuroria po përpiqet të mos marrë urdhra nga asnjë krah i politikës. Por jo shumë vonë pritet të kemi një prokurori që do të zbatojë me dëshirë urdhrat e pushtetit. Përse? Shpjegimi kërkon trajtimin e problemit në një zhvillim më perspektiv. Pra jo sot për sot sikundër, mjerisht, bën Arvizu.

Në prill 2008 janë bërë disa amendime Kushtetuese. Ato i japin mundësi Berishës që në vitin 2012 të zgjedhë President Republike një nga shërbëtorët e tij politikë dhe prokuror një nga juristët, po shërbëtorë të tij. Dhe në atë moment nuk do të ekzistojë më as kjo pavarësi relative që prokuroria gëzon sot për meritë të kryeprokurores Ina Rama, dhe mbështetjes që asaj po i japin SHBA-ja dhe “ndërkombëtarët”.

Dhe duhet të mos kesh mësuar asgjë nga e kaluara politike e autokratit Berisha, për të shpresuar se ai do të ngurrojë të përdorë kundër opozitës një kryeprokuror besnik dhe aq më tepër kur deputetët opozitarë do të jenë pa imunitet. Ai që burgosi liderin e opozitës Fatos Nano me prova të dyshimta, që më pas u hodhën poshtë nga drejtësia italiane, nuk do të ngurronte ta bënte një gjë të tillë kundër opozitës dhe lidershipit të saj edhe në vitin 2012. Që Berisha ka plane të tilla, kjo u pa edhe nga fakti që vetëm gazetat pranë tij e kishin afishuar si kryeargument, thirrjen e Arvizut për heqjen e imuniteteve.

* * *

Po Ina Rama si po u shërben pa dashje orekseve autokratike te Berishës? Thjesht duke bërë detyrën dhe duke kërkuar që politikanët të hetohen edhe me anë të përgjimeve. Është një deformim që vjen pashmangshëm nga deformimi i Kushtetutës. Kërkesa është e drejtë kur kemi një prokurori të pavarur, por mund të bëhet një armë e tmerrshme kundër opozitës në duart e një kryeprokurori fanatik i Kryeministrit. Sikundër me shumë gjasa, pritet të jetë ai që do të zërë vendin e Ina Ramës në vitin 2012. Prandaj dhe Berisha nuk e kundërshton propozimin e Ina Ramës sot.

Sepse, ndryshe nga Arvizu dhe të tjerë, i shikon gjërat me syzet e vitin 2012. Gjë që nuk po e bën, për fat të keq, as lideri i opozitës Edi Rama. Dhe ky është rasti i një mosveprimi që çon ujë, si pa dashje, në mullirin e autokratizmit berishist. Pak ditë më parë, ishte Presidenti i Republikës, Bamir Topi, që deklaroi publikisht nevojën e korrigjimit të gabimit të bërë me amendimet e Kushtetutës në prill të vitit 2012. Ky shqetësim i kreut të shtetit nuk ka gjetur rezonancë as në media dhe as në kampin e opozitës, as te “ndërkombëtarët”. Përse? Me ç’duket, për faktin se të gjithë këta ka qenë bashkautorë të atyre amendimeve të tmerrshme, që në fakt kanë goditur në zemër parimin e ndarjes së pushteteve.

Por Edi Rama dhe lidershipi i PS-së nuk duhet të kuptojnë se të gabosh është njerëzore, ndërsa të lësh pa korrigjuar një gabim në emër të një “pagabueshmërie gjeniale”, madje duke rrezikuar kosto të rëndë politike, është vanitet i pafalshëm. Dhe shumë i rrezikshëm jo vetëm për opozitën, por edhe për shansin e lirisë në Shqipëri. Lidershipi opozitar dhe Edi Rama duhet të tregojnë se e kanë kuptuar, më në fund, se me Saliun nuk mund të bëhen reforma në favor të lirisë dhe drejtësisë. Ndaj duhet të pranojnë gabimin e trajtimit të Kushtetutës si një fletore bakalli në prill të 2008-s, dhe të kërkojnë korrigjimin e tij. Vetëm atëherë i gjithë faji do jetë i Saliut.

http://fjala.shkoder.net/?p=7152

[Fleur Blanche]

Pash Perendine, po edhe Andrea Stefanin na ra per hise te lexojme sot???!!
Te lexosh shkrime nga bijte e komunistave, edhe kjo na mungonte....
Po sa here e kane paraqitur draftin ne parlament ne lidhje me heqjen e imunitetit dhe opozita ka nxjerrur pretekste koti, ose eshte larguar....
Fajin e ka gjithmone Saliu, Saliu e ka fajin....

P.S: Edhe per ndryshimet kushtetuese vetem saliu e ka fajin, sikur nuk ishte opozita ajo qe i propozoi ato ndryshime, dhe akoma ky stefanoja qan kalin qe ka ngordhur qe 3 vjet...dhe si organizator ishte pikerisht opozita...