Rama: Rinisim protestat per te rrezuar qeverine Berisha pas 15 tetorit

[Darius]

Pothuajse 20 vjet ndryshim sistemi ne ate vend dhe avazi qe kam degjuar me shume nga socialistet eshte Zgjedhje te Parakoheshme. Kur i degjon te shprehen, te mallengjejne. Thua se jane engjejt qe ju dridhet shpirti per ate toke dhe mezi sa presin te sjellin zhvillimin dhe perparimin.

[Daja-GONI]

Pse nuk presin zgjedhjet? Cfare eshte kjo metode? Nuk na pelqen qeveria " O popull hajdeni mblidhemi e rrezojme qeveri"
Qeverite rrezohen ne zgjedhje, jo me parulla, bllokim rrugesh, skandime e kercenime. Ata qe vijne ne pushtet ne kete forme, nuk jan tjeter veq se diktator.

[shigjeta]

Rama i "politikes se re" ka mbetur tek politika e vjeter, e per me keq akoma, kur do ta paraqesi si forme te re

[Daja-GONI]

Po sala qe kshu e boni ne vitet 90 ca I bi me qen? Diktator?

Po e beri Sala nje here tjeter, do te jete diktator e i shkuar diktatori.
Vtet e 90-ta ishin tjeter gje. Ka qene e vetmja mundesi me marre pushtetin nga komunistet. Me zgjedhje te lira, nuk do ishin larguar kurren e kurres.Ate qe beri Sala atebote, u be shume vende te Europes. Revolucion demokratik. Pra, legjitim.
Shqiptaret duhet njehere e mire te kuptojne se cfar eshte demokracia, si funksionon ajo. Dhe ligji i pare i saje, eshte pikerisht : nderrimi i qeverive ne baze te votes se lire. Ne nuk mund te quhemi demokrat nese bejme thirrje per rrezim te qeverise dhe zgjedhje te parakohshme.

[Brari]

selia roze gjat ketyre muajve te fundit dolli me ca akuza ndaj qeverise.
me keto akuza tani po merret prokuroria.
dihet se prokuroria mund te zhvilloje hetimet normale vetem kur shteti eshte ne normalitet.
pra kur ka qetsi e stabilitet.
dihet se kur ka revolucion nuk funksionon dot as prokuroria e as institucionet qe i duhen prokurorise te beje punen.

pra selia roze ..po del qarte.. se.. nuk ka asnji interes te zbardhen "vjedhjet apo korrupsioni".
eshte ajo vete qe po ben hapur organizimin e kryengritjes.

pra kuptohet se edvini e di mire se po te lihet ne qetsi prokuroria (edhe se eshte njest gueril i tije..) perseri ne perfundim do nxjerre po edvinin si te kudondodhurin ne te gjitha punet e zeza qe behen ne tirane e ne shqiperi.

[RAPTILOID]

Deputeti socialist komenton zhvillimet e fundit në politikë

Deputeti socialist Fatmir Toçi, në një intervistë për gazetën “SOT”, e shikon ngritjen në protestë të të gjithë popullit shqiptar si iniciativën më të mirë të ndërmarrë nga Partia Socialiste, për të rrëzuar qeverinë, e cila sipas tyre ka ardhur në qeveri me

vota të vjedhura. Protestat, sipas Toçit, është alternativa e vetme për të kërkuar të vihet drejtësi. Sipas tij, vetëm nëpërmjet kësaj nisme mund të shpëtohet Shqipëria nga rrënimi ekonomik dhe nga vjedhjet spektakolare që mazhoranca bën me pronat e shqiptarëve. Deputeti socialist i bën apel mazhorancës që të bashkëpunojë me opozitën për të ngritur komisionin hetimor për hetimin e zgjedhjeve të 28 qershorit. Ndërkohë që e sheh si alternativë të vetme, ti drejtohen me anë të një ankese Komisionit të Venecias, si forcë politike, pasi të treja* institucionet që kanë tagrin për t’ju drejtuar këtij institucioni këshillimior, janë të politizuara. Po njëkohësisht Toçi e sheh djegien e fletëve të votimit, si një veprim për të thelluar më shumë vjedhjen e mandatit të 28 qershorit, duke mos i lënë hapësirë hetimit të këtyre zgjedhjeve.

- Si i komentoni deklaratat e kreut të grupit socialist Gramoz Ruçi, sipas të cilit PS nuk do të futet në zgjedhje pa zgjidhje?
Çdo parti politike në programin e saj është ardhja në pushtet me te gjitha mjete* demokratike. Partia Socialiste po përgatitet për të marrë pjesë në zgjedhjet vendore. Problemi në Shqipëri është specifik pikërisht për ngërçin politik, për shkak të konfliktit për mos ngritjen e komisionit hetimor për të bërë hetimin. Partia Socialiste* ka deklaruar se nuk do të ndërmarrim asnjë hap te mëtejshëm pa transparencën e këtyre zgjedhjeve. Nga gabimet, nga të metat që u janë bërë këtyre zgjedhjeve rrezikojnë që edhe në të ardhmen këto gjëra të përsëriten, pra të deformohet vullneti i votuesve. Ne nuk jemi për bojkot të zgjedhjeve, por ne nuk do të lejojmë të përsëriten në zgjedhjet vendore e njëjta gjë që u përsëritën në ato të 28 qershorit 2009. Ngritja* e komisionit hetimor do të bëhet, pasi ne nuk tolerojmë më në këtë pikë, me mjete demokratike ne nuk do të lejojmë të bëhen zgjedhje si të 28 qershorit. Ne do të vazhdojmë me protesta deri në mos njohjen e qeverisë. Ne shkojmë me bindjen e plotë se kjo transparencë do të bëhet. Jemi të bindur se materialet zgjedhore do të hapen dhe do të arkivohen në arkivin e shtetit, që do të thotë se mund ta bëjmë transparencën që ekziston në këto dokumente, me këto hetime do të zbardhen shumë akte të paligjshme të bëra nga mazhoranca. Materialet do të bëhen publike, ka të drejtë çdo kush për ti marrë dhe për të zbardhur të vërtetën. Komisioni i Venecias është një institucion këshillimor nga pikëpamja e zgjidhjes së këtyre konflikteve shtetërore, këtij komisioni duhet ti drejtohen institucionet shqiptare siç janë gjykatat, Kuvendi, Presidenti, dhe është unikal rasti jonë, pra që një parti politike do ti drejtohet vetë Venecias me anë të një ankesë. Është lënë e hapur që institucionet e Bashkimit Europian të ndërhyjnë në Komisionin e Venecias, që edhe ne si një forcë politike të kemi të drejtë ti drejtohemi asaj. Ne si opozitë kemi vendosur ta bëjmë edhe këtë përpjekje të fundit, ndoshta mund të jetë vendimtare në zgjidhjen e ngërçit politik. Por duke qenë se është siç e thashë edhe më sipër një rast unikal, nuk dimë nëse kjo ankesë mund të depozitohet nga ne, në Komisionin e Venecias.

- Përse nuk e dërgoni çështjen tuaj në Gjykatën Kushtetuese dhe ajo ti drejtohet Venecias, të paktën kjo është edhe oferta që ju ka bërë Partia Demokratike?
Ne nuk e çojmë në Gjykatën Kushtetuese problemin e fletëve të votimit. Këtë ka të drejtë ta kërkojë Presidenti dhe Kuvendi, por meqë këto janë të institucione të mazhorancës, nuk kanë interesin e tyre politik për t’ju drejtuar për të zgjidhur problemin e opozitës. Në Gjykatën Kushtetuese, problemi, do të kalojë në disa procedura që e vonojnë kthimin e përgjigjes, duke e zvarritur atë, por duhet të marrim parasysh edhe faktin që ky institucion kushtetues mundet të jetë nën presionin e mazhorancës. Përgjigjen e paramendojmë. Nuk ngelet asnjë rrugë institucionale ti drejtohemi Venecias, kështu që nëpërmjet faktorit ndërkombëtar ne do ti drejtohemi asaj. Por edhe Komisioni i Venecias mund ta rrëzojë por edhe jo, pasi është sensibilizuar si problem edhe nga miqtë tanë ndërkombëtarë.

- Ju si opozitë po mbani peng KQZ, duke mos e lejuar atë të marrë masat e duhura, në kohën e duhur, për tu përgatitur për zgjedhjet vendore. Si do procedohet?
Komisioni Qendror i Zgjedhjeve nuk ka asnjë ngutje për djegien e fletëve të votimit, aq më tepër kur ka një krizë institucionale. Përderisa palët kanë një kontestim të përmasave të tilla, derisa kanë futur në krizë jetën normale parlamentare dhe politike, nuk ka asnjë arsye që Komisioni Qendror i Zgjedhjeve të zbatojë urdhrat e fshehta të mazhorancës dhe të merret më djegien e fletëve të votimit. Djegia e fletëve do ti jepte fund dialogut mes mazhorancës dhe opozitës për zgjidhjen e ngërçit politik në Shqipëri. Unë nuk mendoj kurrë që mazhoranca do ta ndërmarrë këtë hap të cilin e hodhi dhe në mbledhje kur Komisioni Qendror u fry me të madhe se do të digjte fletët, por ai e kupton se një hap i tillë do të ishte fatal për zgjidhjen e këtij problemi.

- Ju si opozitë pse nuk e ngrini komisionin hetimor, pasi është në interesin e kësaj force politike?
Ne nuk e kemi ngritur komisionin* për arsye të refuzimit të kushteve që kemi vënë ne mazhorancës. Ne e kërkojmë këtë në çdo deklaratë, në çdo komision, në parlament, kudo ngritjen* e komisionit hetimor dhe kjo është finalja e gjithë kërkesave tona. Që të ngrihet një komision hetimor me mazhorancën, nga opozita, me kryesimin nga opozita dhe të mos jetë i kufizuar objekti i hetimit. Kjo do të thotë që ne të ngremë një komision hetimor dhe të mos zhduken gjurmët e hetimit.

- Komisioni Qendror Zgjedhor ka të drejtë të djegë fletët në mungesë të një vendimi për hetim?
Nuk ka pse të bëjë protagonistin KQZ. Kuti janë aty, e do të jenë derisa palët të merren vesh për të ngritur komisionin hetimor, ndërkohë do të pritet që të merret vendim edhe nga komisioni Venecias dhe ti shkohet deri në fund këtij procesi. Votat në këto zgjedhje janë grabitur, dhe kjo është qeveria që me këtë parim shkon duke grabitur çdo gjë në këtë vend. Shikoni fakte konkrete, çdo ditë po ju bëhet grabitje sistematike të gjithë pasurive të këtij vendi, dhe kjo nga njerëz që kanë një emër, që kanë një funksion, dhe që vinë nga radhët e mazhorancës. Të gjitha e kanë zanafillën atje, ndaj dhe ne nuk do lejojmë që të përsëriten më një palë zgjedhje të tilla jolegjitime.

- KQZ ka kërkuar të miratohet një akt normativ nga të dyja partitë, për ta detyruar KQZ të mos djegë fletët. Ndërkohë nuk po merret asnjë hap si nga ju edhe nga mazhoranca ...
Është e njëjta gjë që po them edhe unë. KQZ nuk mund të marrë asnjë hap pa pritur një konsensus mes dy palëve politike.

- Sa duhet të presë KQZ?
Derisa të zgjidhet kriza dhe të ngrihet komisioni hetimor për transparencën e zgjedhjeve të 28 qershorit.

- Ju mund të bllokoni zgjedhjet lokale me këtë vonesë që po bëni?
Nuk mund të ketë zgjedhje me ato standarde që u bënë në 28 qershor. Nuk mund të shkohet në zgjedhje pa u zbardhur këto zgjedhjet e tjera. Nuk do të lejojmë të bëhen zgjedhje me ato standarde. Ne do të ngremë popullin në këmbë. Është shumë e qartë në protesta do të kërkojmë rrëzimin e qeverisë në qoftë se kjo nuk pranon që të bëhet ngritja e komisionit hetimor, pra zbardhja e procesit dhe hapja e kutive duke rinumëruar votat. Kjo tregon që ne jemi të bindur se nëpërmjet protestave do të rrëzojmë këtë qeveri keqqeverisëse. Është i bindur dhe populli, dhe ndërkombëtarët që zgjedhjet janë vjedhur, që votat janë vjedhur, dhe që ky pushtet ka ardhur nga votat e rrëmbyera me dhunë. Është një vjedhje spektakolare dhe ne nuk mund ta lejojmë më këtë qeveri të vjedhë ende.

- A keni nisur punë për protestat?
Ka nisur një tur në bazë me lidershipin e PS, për të sqaruar njerëzit për qëndrimin e ri të Partisë Socialiste karshi problemit themelor që kemi ngritur. Ky tur po rezulton i suksesshëm, unë kam qenë pjesë e turit në disa rrethe të* jugut, në Sarandë dhe në disa zona të tjera, dhe pritet që më 5 tetor kryesocialisti Rama të jetë në qytetin e Vlorës, ku edhe aty do të sensibilizohen të gjithë banorët, se me këtë qeveri nuk mund të vazhdohet. Kemi vënë re gjatë këtyre takimeve, që populli është i interesuar për tu informuar mbi të vërtetën, dhe mbi qëndrimin e ri që duhet mbajtur për të shkuar deri në fund të qëllimit tonë për zbardhjen e zgjedhjeve të 28 qershorit, dhe për qëndrimin tonë në lidhje me zgjedhjet e ardhshme. Dhe unë mendoj që me mbarimin e këtij turi, padyshim po nuk pati konsensus, dhe një qëndrim bashkëpunues të mazhorancës me ne, për zbardhjen e zgjedhjeve, padyshim gjithë vendi do ta përfshijë një valë e pafund protestash në çdo qelizë të vendit deri në largimin e kësaj qeverie

- Ju keni pohuar që nëse bëhet transparenca e zgjedhjeve nuk do të ketë ndryshim qeverie, ndërkohë që ju po ngriheni për këtë gjë?
Ne do të respektojmë vendimet. Sigurish që nuk do të ketë ndryshim që të dorëzohen çelësat e qeverisë, dhe ne do të vijmë në pushtet. Ai që do të vijë në pushtet, do të vijë nga zgjedhjet e lira, dhe jo me mënyra të tjera jolegjitime.


- Ju e parashikoni rrëzimin e qeverisë përmes protestave apo zgjedhjeve të parakohshme.
Finalja janë zgjedhjet e parakohshme, dhe protestat do të çojnë në këto zgjedhje të parakohshme. Protestat kërkojnë transparencë të zgjedhjeve, komision hetimor të cilat të çojnë në zgjedhje të parakohshme. Dhe nga hapja e kutive ne jemi të bindur për rezultatin. Pas kësaj transparence, që do të rezultojë PS fituese,ne do të kërkojmë zgjedhje të parakohshme. Ne nuk kërkojmë që të vijmë në pushtet me protestë, por me votën e lire

[Lexuesi_]

Dikujt nuk po i pelqen qe Shqiperia perkatesisht Shqiptaret te behen pjese e Bashkimit Evropian.

Po pse kjo te ndodh brenda shqiptareve... Se kuptoj jan vetem shqipfolsa apo paguhen qe te pengojn proceset qe te behen keto gjera te vlefshme per te gjithe shqiptaret.

[smokkie]

Epo kesaj i thone bath-bath-per-nje-oqe !
Fjala krize e ndjekur nga politike, ekonomike, sociale etj mbizotron mediat e lodhura shqiptare.
Seriozisht nuk e shikoj kete krize, mbase jam pak naiv por nuk me duket se vendi eshte ne krize, te pakten jo sa te meritoje zgjedhje te parakohshme.
Ku eshte kriza or taj, se nuk ka parking te lire ne supermarkete dhe nuk ka vend bosh ne kafene!
Megjithate, dhe zgjedhjet me pelqejne se ka koncerte, vjen Ciljeta & co

[Brari]

Te sqaroj anshtajni o rapo.. per edvinin qe..ka qene minister dikur..

dhe e di c'tregon drejtoresha e muzeumeve te gjirokastres per ministrin Edvin..

nuk e di..
ta thom u..

ishte nje festival ne gjiro dhe kishte vajtur dhe edvinua atje e po bente nje xhiro lart ne kala bashk me drejtoreshen.. e me tjere kuadro qendrore e lokale..
gen rastin kjo e i thote.. shoku edi.. na duhen ca fonde per kalane qe te restaurojme ca pjese.. mirpo duhet firma jote i thote..

dhe cben edvinua qe thua ti o rrapi.. afronet te muri i kalase.. dhe i thote drejtoreshes..
do firmen time ti moj..
po i thot ajo pa e kuptuar se ku do dal ki m.uti..
dhe edvinua cben.. mu ne sy te drejtoreshes.. nxjerr lo.qen.. nga dyqani i qillotave te tija e i fut nje sh.urre te muri kalase mir e mire duke krijuar ca rrathe e ca lemsha duke tundur andej kendej rro.cken.. dhe i kthehet drejtoreshes se lebetitur nga kjo skene..
na moj ti.. deshe firmen time.. ja ku e ke.. dhe pasi e shkund.. e fut at mikun ne dyqan e vazhdon i qete.. verdallosjen bashk me ekipn e ministrise dhe me kuadrot e qitetit muze.. e kuptonet dhe krah per krah me te ngraten drejtoreshe te muzeumeve.. qe patjater do ket qenur dhe shoqe me partishmeri.. selim roziste.. te larte.. lol

ki eshte edvinua juaj.. o rrapo ..

qe thua ti ..po taku .. a ka qen i privilegjuar..
ka qen dikur para se te thiente qafen i jati..
vishej e pispillosej thone spartaku inë.. meqe i jati ishte minister tregetie e kapardisej neper tirane.. si kavalier domatja te libri..
fati i keq dhe i ngrati kico ngjela e hengri.. dhe e hengri kot fare ne fakt.. e pas kesaj sipas ligjeve te pashkruara te enverit.. kicua e familja e tij.. pesoj denimet qe dihen..
ti rrapo sdi nga keto..po piet gjishin nga nje here e te tregon se si.. jetonin te ngratet me frike nat e dite.. e se kur afrohej ndonje plenum.. boshatisej krejt rezerva shteterore e magazeve te farmacive nga i famshmi ilaci gjum-ndjelles.. valiumi..

sepse e ngrata nomenklature staliniste.. .. ishte ne ankth.. se cili tani e ka radhen.. per tu genociduar.. e ki ankth ishte i tmerrshem.. saqe komitet qendrorasit e mjere.. per te perballuar ato netë te gjata te pritjes.. ( se kush do ta haje) i drejtoheshin valiumit qe ti vinte ne gjume..
aso kohe o rrapi.. ndoshta vetem nexhmija flinte pa frike.. sepse krejt kuadrot e partis e te shtetit.. dridheshin e semureshin nga tmerri..
nuk i kupton ti kto gjera o rrapushi inë i lezetshem..
dhe mir ben qe nuk i di.. se po ti dinit..nuku beheshit causher te edvinit..

e pra dhe Taku ngjel e hengri ahere e vuajti neper burgje.. dhe pikerisht per ato vite burg ka pasur respektin maksimal te neve leshko-demokrateve.. dhe urrejtjen e vazhdushme nga krahu tjater..pra nga ju enveristet..

mirpo.. sdi cndodhi.. gjejeni ju arsyen.. dhe Taku u be me juve ..

e kusurin e di ti vete..

tani ai eshte prej kohesh ne kryesi te shtabit.. per pergatitjen e revolucionit..
eshte bashk me gramozin e ramizit.. paskalin e nexhmijes dhe nardin.. legenin e operativ-katundeve ..e ca namika e gjinusha tjere..

PD -ja e mbajti ne pellemb te dores Takun..
Sic duket do ket ndonje "problem" te vjeter i ziu dhe.. dosje-mbajteso-ruajtesit.. ( pra mjeshtrat e prapavijes se selis roze) ja permendin te veshi..

gjynaf ne fakt..

Azem Hajdari u dha lirine te gjithve.. te gjithve pa perjashtim..

Mirpo ca tako preca.. sic duket.. nuk e duan ajrin e paster te lirise..



,,


nje keshlle u a jap gratis juve causherve te vegjel.. o rrapush..

mo i shkoni prapa ed-verit tuaj te ri.. pra ed rucit te paskal gjinushit.. te dades se leckes.. e mime lemko shamkut te shalseve..

pse?

sepse ka nje dallim mes ju.. causherise enveriste te lumpenit.. dhe oligarkeve tuaj lart ne biro..

ju i kini pasurit e vena me vjedhje para e gjate e pas 97 tes.. e deri tani qe po flasim.. ne shqiperi..
psh aty i kini bmw-errrat .. mercodesat.. apartamentet luksoze te blera ne tiran golem e plazh e skele.. aty dhe bizneset e magazet .. vilat e dyqanet.. etjetj..

kurse shefat tuaj.. edvinet me shoke.. nuk i kan ketu ne atdhe.. pasurit e tyre..
ata i kane ne formen e kontove bankare jashte..
pra kur ti dale tymi shqiperise me rastin e revolucinit qe do beni.. do shkrumbohen.. ( mos harroni..ë..) dhe beme-vërrat tuaja.. dhe dyqanet dhe magazet .. bizneset hotel-bordelot.. apartamantet.. e vilat.. an e kend.. qe nga durrsi gjer ne sarand himar -vlore.. pra nuku do dilni aq pa lagur si kujtoni..
kurse kontove sekrete bankare te edvinos me shoke nuku i del tymi babam.. sepse jan te sigurta nen tynelet e berno-zyrihut e paris-london- cikago-hallivudit..
pra mendohuni mire..

se do ta kujtoni qejfin qe kini bere e beni me saliun.. ne kto 20 vite..

neser do jet vonë..

po qe per brarin.. qe neser digjeni shqiperine..se shum shum nje biciklet qe me ka mbetur ne ballkonin e baneses time ne kat te peste .. do digjet.. se pasurira skam.. ora taj..lol..

thuaja babit kte muhabet..

po dhe shokve..

ja ai qe erdhi tani te kafeneja ku ti po pi kafe tani.. .. ndez e ka len x5-sën .. e po vertit celsat ne gishta e vet plot unaza diamanti..e po derdellis me celular 1000 eurosh ..
fare sdo tja dje se i vete kot benzina..
mire mire..


kini kujdes.. pra..



eshte loja e fundit kjo.. se.. i her bje daci ne kos..

..

[fattlumi]

Ti gënjen Edvin Rama

Majlinda BREGU

Në Partinë Socialiste ka filluar punë sektori i disinformimit publik, i sigurimit të shtetit, të cilin e kujtojnë fare mirë të gjithë ata që kanë një memorie, mund ta kujtojnë fare mirë, por që sot quhet grupi i transparencës publike.

Gjithsesi, kjo nuk është veçse përpjekja dhe inati i radhës i një individi me emrin Edvin Rama. Si gjithmonë për të njëjtin qëllim: të bëjë pis gjithkënd e gjithçka. Të krijojë ngërçe, me akuza të rreme, me thirrje për protesta të reja, me thirrje për destabilizim të ri me të cilat, nuk ka asnjë qëllim tjetër përveçse të bllokojë reformat e proçeset integruese të këtij vendi e nëse do të mund t'ia dalë, të largojë vëmendjen nga abuzimet e dështimet e tij.

Edvin Rama është çdo ditë e më shumë i vetmuar, sepse është frikacak dhe nga kjo frikë nuk e shpëtojnë dot as ca individë, pa emër, pa fytyrë, vetëm numra, të cilët janë këtu vetëm për të ngritur kartonin dhe për të marrë urdhrat e tij.

Unë kur hyra në politikë, hyra me dinjitetin tim, e bindur se përgjegjësia politike mësohet dhe ushtrohet çdo ditë. Në muajt pararendës të qershorit 2006 ishte shoku i parë politik. Në sallë përballeshim jo me kundërshtarë, por me ca ahengxhinj me bilbila e daulle, që bërtisnin me frymën e Edvin Ramës, vetëm se ai kishte frikë nga institucionalizimi i përpjekjes evropiane të shqiptarëve. Bilbilat e daullet ishin zhurma për të bllokuar procesin e nënshkrimit të MSA-së.

Më pas, në 2007 ishin zgjedhjet lokale. Sërish zhurmë e përfolje, baltë e ultimatum për dokumentet e këtij shteti, të cilat vetë kryetari i Bashkisë i lëshonte çdo ditë.

Në mbërritjen e Presidentit amerikan Bush, jehona e mbështetjes së tij për pavarësinë e Kosovës dhe Shqipërinë në NATO, u përbalt nga një lajm i sajuar prej Edvin Ramës, i gënjeshtërt, i turpshëm, mbi një orë pseudo të vjedhur.

Në 2008, para marrjes së ftesës së anëtarësimit në NATO, nisën përsëri marshime në bulevard e deklarata për rrëmujë e protesta pa fund. Opozita doli në rrugë, sepse duhej bërë pis e lëshuar zëri se ne nuk jemi vend i qetë, jemi problematik e se nuk e meritojmë anëtarësimin në NATO.

Përsëri në 2009 deklarat kundër aplikimit të Shqipërisë në BE, njëri thoshte jeni vonë, dikush tjetër thoshte jeni herët, të cilat si gjithmonë rrëfenin frikën e një zotërie që donte të bëhej lider. Pas zgjedhjeve të qershorit 2009, prapë protesta, baltë, greva në mes të bulevardit për të bllokuar procesin e rëndësishëm të integrimit të vendit në BE dhe atë të liberalizimit të vizave.

Sot, kur as fuqia diabolike e Edvin Ramës nuk e bllokon dot ëndrrën shekullore të shqiptarëve, përsëri opinioni publik dëgjon veç përbaltje, shantazhe, ultimatume që janë thjesht e vetëm detajet e frikës së madhe të Edvin Ramës. Frikë e frikacakut se reformat dhe ngjarjet historike të këtyre viteve, atë e largojnë gjithnjë e më shumë nga fiksimi i tij kryeministror.

Këto janë të vërtetat mbi frikën tënde Edvin Rama.

Ti gënjen Edvin Rama. Gënjen kur u thua qytetarëve se ti proteston në emër të tyre, sepse ti proteston kundër të mirës së tyre. Ti gënjen sepse të vërtetat e tua janë shumë të hidhura. Ato janë komplekset e tua pa shërim. Ti je burrë pa burrni Edvin Rama, sepse s'ke kurajo! T'i s'ke kurajo të pranosh se ty nuk të intereson politika e dinjiteti i këtij vendi, por ëndrra jote për një karrige kryeministri, aq sa je gati të vësh në rrezik gjithçka e çdo kënd vetëm e vetëm për të realizuar tekën tënde.

T'i s'ke kurajo të pranosh se edhe këtë rrëmujë të radhës me deklarata mbi korrupsione e afera të paqenë, me thirrje për protesta të reja, t'i po fillon një tjetër fushatë anti-Shqipëri, në një kohë të tillë kur të gjithë shqiptarët që e duan veten e këtë vend presin heqjen e vizave. Ti s'ke kurajo Edvin Rama të pohosh se dëshira jote, përpjekja jote mjerane e fundit është që shqiptarët të mos e fitojnë liberalizimin e vizave. Ti s'ke kurajo të pohosh se që të plotësosh tekat e tua je gati t'i vesh edhe flakën Shqipërisë. Nuk nguron ta njollosësh vendin tënd si vendin e vjedhjeve, të turpit e çorulldisë, duke shpresuar se mund të gjesh diku nëpër botë një të dytë të marrë si ty, që të besojë "mallkimet" e çartjet e tua. Ti s'ke kurajo t'iu thuash qytetarëve se s'je vërtet fakiri fukara, pa shtëpi e vetëm me 3 mijë euro në llogari, por je i kamuri, jo pse ke prona e pasuri të trashëguara e të ligjshme, por sepse je gjobvënës ndaj biznesmeneve. Ti s'ke kurajo për të pranuar se partinë më të madhe opozitare në vend e katandise në një grusht tellallesh të vegjël apo në figurantë që i përdor si dekor të performancave të tua. Si buratinë, ua hap gojën, jo për të folur por për t'i bërë qesharakë, pasi s'ke asnjë argument që t'ua japësh. Ashtu siç nuk kishe as program elektoral e as një fakt të vërtetë për zhurmën mbi zgjedhjet e qershorit. Ti s'ke kurajon t'u pohosh qytetarëve se sistemi që po synon të ndërtosh ti vret pronën, individin e lirë, biznesin e rregullt. Ti s'ke kurajo për t'i kërkuar grupit tënd parlamentar të votojë heqjen e imunitetit për akuza korrupsioni, sepse ky ligj do të zbulonte zullumet e tua e të ndërtuesve të tu. Ti s'ke kurajo të bësh politikë të pastër sepse nuk ke argumente, nuk ke moral e nuk njeh etikë. Nuk di ta mbash gojën e dorën e hedh helm e baltë mbi çdokënd e mbi gjithçka që funksionon si duhet, sipas rregullave e sipas ligjit. T'i s'mund të kesh kurajo për të folur për familjen e vlerat e saj, sepse ti ke dhunuar bashkëshorten e ke mohuar djalin tënd për 14 vjet me radhë. Ti s'ke kurajo për të pranuar se keqpërdor bashkëpunëtorët, se gratë i fut në greva urie e i kundërvë ndaj njëra-tjetrës, se përgojon ata që njeh, se nuk ke miq, vjedh nën emrat e të tjerëve, se nuk je politikan, por thjesht një brigadier elektoral.

Edvin Rama ne e kemi kurajon të përballemi me ligjin e këdo, sepse s'jemi ti. Unë kam kurajon të të them se ti je ai që nuk i duhet këtij vendi dhe do ta përsëris këtë kudo sa herë të kem mundësi. Opozita shqiptare është institucion dhe ti je anarshist.

Unë përbuz e shpërfill ultimatumet e tua, si skenare filmash thriller. Unë kam kurajo të të them se ti dhe individët pa fytyrë, pa emër të tutë, i keni një borxh të madh këtij vendi dhe shoqërisë shqiptare që në ditët më të mira të tyre po i kërcënoni me kthim mbrapa.

Por, bën mirë Edvin Rama t'a bindësh veten se ata nuk i besojnë gënjeshtarit e frikacakut, por ligjit, institucionit, moralit dhe njerëzve që për fat të mirë nuk kanë asgjë të përbashkët me ty.

Edvin Rama, unë kam kurajo të të them se jam këtu me emrin tim e me bindjen time se misioni i përbashkët i atyre që duan këtë vend, përveç përfundimit me sukses të proceseve të mëdha të integrimit është dhe ruajtja e dinjitetit të politikës shqiptare, të cilën ti dhe gremçat e tu, pa emër e pa fytyrë, po mundoheni t'ia hiqni çdo ditë.