Kosova dhe Serbia përballen për pavarësinë në Hagë

[Llapi]

Sot në Hagë dëshmojnë kaët shtete
Hagë, 2 dhjetor - Sot në Hagë vazhdon seanca dëgjimore lidhur me ligjshmërinë e pavarësisë së Kosovës. Pritet të flasin përfaqësues të katër shteteve pro dhe kundër pavarësisë së Kosovës: Shqipëria, Gjermania, Arabia Saudite dhe Argjentina. Seanca e sotme do të fillojë në ora 10 dhe do të vazhdojë deri në ora 1 të pasdites. Në ditën e parë kanë folur delegacionet e Serbisë dhe Kosovës. Në mbrojtje të pavarësisë së Kosovës gjatë seancës së djeshme kanë folur edhe disa ekspertë ndërkombëtarë.

[Llapi]

Shqipëria në GJND: Kosova, faktor stabiliteti

Nga Express më 02.12.2009 në ora 12:54
Dita e dytë e shqyrtimit të ligjshmërisë së deklaratës së pavarësisë së Kosovës, në Gjykatën Ndërkombëtare të Drejtësisë në Hagë, shënon fillimin e paraqitjes së qëndrimeve që shtetet kanë mbi këtë deklaratë.

Vendi i parë që doli në mbështetje të Kosovës ishte Shqipëria, ambasadori i së cilës në Holandë, Gazmend Barbullushi, foli për suprimimin e dhunshëm të autonomisë së Kosovës në vitin 1989.

Ky vendim për heqjen e autonomisë, sipas ambasadori shqiptar, “u pasua me dhunë e represion nga Serbia deri në vitin 1999, duke pasur për synim spastrimin etnik të Kosovës nga shqiptarët”.

“Sot Kosova është një shtet multietnik dhe i zotuar për parimet e demokracisë. Ajo është shndërruar në një faktor stabiliteti në rajon” , tha ambasadori i Shqipërisë në Holandë, Gazmend Barbullushi.

Në emër të Shqipërisë, ka folur edhe eksperti Johan Frovein, i cili ka tërhequr vërejtjen se Kosovën deri më tash e kanë njohur 63 vende dhe këto “njohje nuk mund të kontestohen nga aspekti i së drejtës ndërkombëtare”.

Ajo që është e kontestueshme, sipas tij, “është e drejta e Gjykatës Ndërkombëtare për të vendosur mbi shpalljen e pavarësisë së Kosovës”.

Zoti Frovein ka thënë se “edhe nëse Gjykata Ndërkombëtare e Drejtësisë do të jepte një mendim negativ për shpalljen e pavarësisë, ajo nuk do të mund të ndryshonte gjendjen faktike në Kosovë”.

Janë gjithsej 28 shtete që kanë deponuar qëndrimet e tyre deri më tash, për dhe kundër deklaratës së pavarësisë. (REL)

[muskulozi]

Në favor të Kosovës, qëndrimet e sotme do t’i prezantojë Shqipëria, Gjermania dhe Arabia Saudite, kurse në mbështetje të argumenteve të Serbisë do të jetë Argjentina. Ditën e enjte do të paraqitet fillimisht Austria, pastaj Azerbeixhani, Bahreini dhe Bellorusia.
Janë gjithsejt 28 shtete që kanë deponuar qëndrimet e tyre deri më tash, për dhe kundër deklaratës së pavarësisë.

[EDLIN]

Nje pune te mire ne lidhje me kete çeshtje ndodhet ketu:

http://www.forumishqiptar.com/showthread.php?t=117920

Ky material mjafton edhe tepron...

[xfiles]

Di njeri ku mund te ndjekim me detaje zhvillimet,
psh cilat shtete kane deponuar, qendrimet e tyre, etj etj

[muskulozi]

Në favor të pavarësisë së Kosovës pritet të paraqiten përfaqësuesit e ShBA-së, Francës, Britanisë së Madhe, Gjermanisë, Shqipërisë, Holandës, Norvegjisë, Kroacisë, Austrisë, Bullgarisë, Arabisë Saudite, Bahreinit, Danimarkës, Finlandës dhe Jordanisë.
Ndërkaq në favor të pikëpamjeve serbe rreth pavarësisë së Kosovës para kësaj gjykate do të flasin Kina, Rusia, Spanja, Rumania, Argjentina, Azerbeixhani, Bellorusia, Bolivia, Brazili, Burundi, Qipro, Venezuela dhe Vietnami.

[muskulozi]

Di njeri ku mund te ndjekim me detaje zhvillimet,
psh cilat shtete kane deponuar, qendrimet e tyre, etj etj

Ja shtetet qe kan deponuar qendrimet per dhe kunder.Qa deshte me shume.Mos deshte edhe naj link Live me pa haha

[muskulozi]

Nje pune te mire ne lidhje me kete çeshtje ndodhet ketu:

http://www.forumishqiptar.com/showthread.php?t=117920

Ky material mjafton edhe tepron...

Kjo tem dallon shume shume nga Tema e cekur nga ti.

[Llapi]

Tri shtete në favor të Kosovës, një kundër

Nga Express më 02.12.2009 në ora 15:45
(Update) Shqipëria, Gjermania dhe Arabia Saudite e kanë mbrojtur pavarësinë e Kosovës dhe vullnetin politik të popullit të saj, në paraqitjen e sotme para Gjykatës së Drejtësisë në Hagë.

Ndërsa, Argjentina e ka vlerësuar shpalljen e pavarësisë si shkelje të tërësisë territoriale të Serbisë.

Sikur raporton Radio Evropa e Lirë, pas Shqipërisë, edhe Gjermania ka mbajtur një qëndrim të fuqishëm në favor të Kosovës. Atë e ka prezantuar Suzan Vasum Rainer, e cila ka folur për shkeljen dhe diskriminimin masovik në Kosovë nga ana e autoriteteve serbe.

Në këtë kontekst, ajo ka vlerësuar se “shpallja e pavarësisë ka qenë në harmoni me ligjin dhe të drejtën ndërkombëtare”.

“Gjermania konsideron se pavarësia e Kosovës i ka kontribuar stabilitetit në Ballkan. Shpallja e pavarësisë nuk është bërë nga institucionet e përkohshme, por nga institucionet e zgjedhura në rrugë demokratike, që kanë artikuluar vullnetin e popullit”, tha Rainer, transmeton REL.

Sipas saj, “Kosova është një rast i veçantë” dhe sa për shpalljen e pavarësisë, ajo ka thënë se “e drejta ndërkombëtare nuk është kompetente të vlerësojë, sepse këtë çështje nuk e ka të sanksionuar”.

Edhe përfaqësuesja e Gjermanisë ka pohuar se Rezoluta 1244 nuk përmban asnjë element me anë të të cilit do të mund të ndalonte pavarësimin e Kosovës.

“Shpallja e pavarësisë nuk përbën shkelje të Rezolutës 1244. Kosova përmbush kushtet për të qenë e pavarur, sepse ka popullatën, territorin dhe qeverinë e vet”, ka thënë Rainer.

Duke e vlerësuar pavarësinë e Kosovës si një gjendje faktike, e cila s’mund të injorohet, përfaqësuesja e Gjermanisë ka thënë se “parimi i vetëvendosjes në rastin e Kosovës është i pranueshëm si zgjidhja e fundit dhe e vetmja e mundshme për shkak të diskriminimit, shkeljeve masovike dhe të të drejtave të njeriut”.

Për njohjen e shtetësisë së Kosovës nga vendet e rajonit, Rainer ka thënë se kjo ka dëshmuar faktin se këto vende i besojnë aftësisë së Kosovës për t’i kontribuar stabilitetit.

Në mbyllje, ajo ka rikujtuar 20-vjetorin e rënies së Murit të Berlinit, duke e cilësuar atë si “ushtrim të së drejtës për vetëvendosje të popullit gjerman”.

Oratori i radhës ka qenë ambasadori i Arabisë Saudite në Holandë, Abdullah Al -Shagrud. Ai ka thënë se duke njohur pavarësinë e Kosovës, Arabia Saudite ka respektuar vullnetin politik të popullit të Kosovës për të qenë i pavarur, duke i kontribuar stabilitetit në rajon.

Përfaqësuesi i Arabisë Saudite ka ftuar GJND-në që të ketë parasysh faktin se pavarësia e Kosovës i ka kontribuar stabilitetit të vendit dhe të rajonit.

Në seancën e sotme, ishte vetëm Argjentina ajo që e ka kundërshtuar shpalljen e pavarësisë. Përfaqësuesja e saj, Suzana Ruiz Çeruti, e ka cilësuar deklaratën e pavarësisë në kundërshtim me Rezolutën 1244 të Këshillit të Sigurimit.

Argumentimin e saj ajo e ka bazuar në, siç ka thënë, faktin se “shpallja e pavarësisë së Kosovës nuk është në harmoni me Rezolutën 1244, sepse kështu është ndërprerë procesi politik që do të sillte deri tek marrëveshja ndërmjet dy palëve, si zgjidhje e vetme e mundshme dhe e pranueshme”.

Çeruti ka pohuar se “dokumenti nga Ramubeja nuk parasheh të drejtën e pavarësimit të Kosovës”.

Përfaqësuesja e Argjentinës ka shtuar se “shkelja e të drejtave të njeriut nuk justifikon të drejtën e shkëputjes së një vendi, por vetëm rikthimin e këtyre të drejtave të shkelura”. Për dallim nga folësit tjerë, ajo ka thënë se është pikërisht GJND-ja ajo që është kompetente të vendosë për këtë çështje.

”Pavarësia e Kosovës ka shkelur parimin e integritetit territorial dhe nuk është në harmoni me të drejtën e popujve për vetëvendosje”, ka konkluduar ajo.

Janë gjithsej 28 shtete që kanë deponuar qëndrimet e tyre deri më tash, për dhe kundër deklaratës së pavarësisë. Të enjten, në seancën dëgjimore do të paraqitet fillimisht Austria, pastaj Azerbeixhani, Bahreini dhe Bellorusia.

Shqipëria në GJND: Kosova, faktor stabiliteti

Dita e dytë e shqyrtimit të ligjshmërisë së deklaratës së pavarësisë së Kosovës, në Gjykatën Ndërkombëtare të Drejtësisë në Hagë, shënon fillimin e paraqitjes së qëndrimeve që shtetet kanë mbi këtë deklaratë.

Vendi i parë që doli në mbështetje të Kosovës ishte Shqipëria, ambasadori i së cilës në Holandë, Gazmend Barbullushi, foli për suprimimin e dhunshëm të autonomisë së Kosovës në vitin 1989.

Ky vendim për heqjen e autonomisë, sipas ambasadori shqiptar, “u pasua me dhunë e represion nga Serbia deri në vitin 1999, duke pasur për synim spastrimin etnik të Kosovës nga shqiptarët”.

“Sot Kosova është një shtet multietnik dhe i zotuar për parimet e demokracisë. Ajo është shndërruar në një faktor stabiliteti në rajon” , tha ambasadori i Shqipërisë në Holandë, Gazmend Barbullushi.

Në emër të Shqipërisë, ka folur edhe eksperti Johan Frovein, i cili ka tërhequr vërejtjen se Kosovën deri më tash e kanë njohur 63 vende dhe këto “njohje nuk mund të kontestohen nga aspekti i së drejtës ndërkombëtare”.

Ajo që është e kontestueshme, sipas tij, “është e drejta e Gjykatës Ndërkombëtare për të vendosur mbi shpalljen e pavarësisë së Kosovës”.

Zoti Frovein ka thënë se “edhe nëse Gjykata Ndërkombëtare e Drejtësisë do të jepte një mendim negativ për shpalljen e pavarësisë, ajo nuk do të mund të ndryshonte gjendjen faktike në Kosovë”.

Janë gjithsej 28 shtete që kanë deponuar qëndrimet e tyre deri më tash, për dhe kundër deklaratës së pavarësisë. (REL)

[Llapi]

Sejdiu dhe Thaçi optimist se pas vendimit të GJND-së do të ketë njohje
Prishtinë, 2 Dhjetor 2009 (Kosovapress) Koha 12:25

Lidhur me paraqitjen e ministrit të Jashtëm Skënder Hyseni dhe anëtarëve tjerë të delegacionit kosovarë para Gjykatës Ndërkombëtare të Drejtësisë, udhëheqësit e institucioneve të vendit kanë vlerësuan se argumentet e paraqitura në këtë gjykatë janë të bazuara në vullnetin politik të qytetarëve të Kosovës.