Klonimi i njeriut, perseri deshton!

[brandon]

pajtohem me Darius... mendoj qe klonimi ne kuptimin e plote t fjales... eshte zhvillimi i embrionit brenda laboratoreve,,,, andaj ky mendoj qe nuk eshte klonim...

Rri nga ana e Darius, se eshte e sigurte qe je i fituar-... Shaka !
Prodhimi i jetes ne epruvete eshte thjesht i pamundur( te pakten deri sot) . Por vetem manipulohet me qelizat ne laborator! Riprodhimi i qenieve te gjalla procedon keshtu: Nga nje mashkull ose femer hiqet nje qelize te ciles i merret berthama, e cila permban te gjitha informacionet gjenetike te organizmit te seleksionuar. Nga nje vezore ,e te njejtes specie ,hiqet ,berthama, dhe vendin e saj ,e ze ,berthama e mesiperme, duke u fertilizuar me perthamen precedente!
Embrioni qe arrihet nga zhvillimi i vezores vendoset ne mitren e nje femre te dyte ,apo te trete ,n q s duam! Rezultati mund te influencohet ne menyra te ndryshme:
P sh , n q s berthama e qelizes se pare eshte marre nga nje mashkull , i linduri do jete mashkull, n q s do merrej nga femra , do dilte femer.
Por ajo qe ka sensibilizuar fantazine e publikut eshte qe n q s vezorja ,merr berthamen e te njejtes femer nga e cila eshte marre qeliza e pare , dhe mitra qe strehon embrionin eshte e te njejtes femer, e lindura qe do vije ne jete ,do te jete kopja origjinale e dhurueses. Ky eshte nje kllonim ne kuptimin e vertete te fjales!

[BESIIM]

KLONIMI - Shpresë apo tmerr
Sensacioni më i madh, që nga shkelja i njeriut në Hënë: qenia e parë njerëzore e klonuar së shpejti do ta shijojë dritën e kësaj bote
Kur autori Aldous Huxley, në vitin 1932 shkroi romanin e tij "Schöne neue Welt", ndoshta, as që e ka besuar se fantazia e tij një ditë do të bëhet realitet. Klonimi, temë që ka motivuar shumë autorë dhe ka zgjuar fantazitë e tyre për krijimin e shumë veprave fantastiko-shkencore, por në veçanti, i ka nxitur shkencëtarët e mbarë rruzullit tokësor për hulumtime eksperimentale, së pari në bimë e më vonë edhe në shtazë.

Derisa autorët e ndryshëm, përmes veprave të tyre, tërhiqnin vëmendjen se përmes keqpërdorimit të proceseve gjenetike dhe klonimit, njerëzimit mund t'i kanoset zhdukja, shkencëtaret, në të kundërtën, propagandonin vlerat pozitive dhe shumë të dobishme të këtij zbulimi në sferat medicinale.

"Dr. Frankenshtajn" u quajt shkencëtari amerikan Jerry Hell, kur për herë të parë, më 1993, bëri klonimin e embrionit njerëzor dhe, në vend të famës, korri indinjatën mbarënjerëzore, gjë që edhe e detyroi atë t'i ndërpresë eksperimentimet e mëtejme. Mirëpo, shkencëtarët në shumë institute nuk e ndërprenë punën e tyre dhe vazhduan eksperimentet me kafshë.

Klonimi i parë sensacional (pas 277 provave të dështuara) u arrit më 22 janar 1996 në Institutin Roslin të Skocisë, ku si rezultat i hulumtimeve komplekse shkencore të ripërsëritjes së një gjeniu, u krijua delja "Dolly". Shkencëtarët skocezë ia arritën që nga një qelizë e vetme e deles të ripërsërisin të njëjtin tip, pra të krijojnë prototipin identik në çdo aspekt. Pas këtij eksperimenti të suksesshëm në Skoci, filluan punën institutet e ndryshme në shumë qendra botërore. Më 1997 u arrit klonimi i minjve; më 1998 klonimi i viçit "Marguerite"; më 1999 klonimi i derrave; në vitin 2000 u arrit për herë të parë me sukses edhe klonimi i majmunit; më 2003 klonimit i kalit "Prometea" dhe në prill 2005 klonimi i parë i një qeni, të quajtur "Snuppy". Këto suksese të njëpasnjëshme të klonimit të shtazëve të ndryshme, bën me dije se klonimi i parë i njeriut është në prag!

Derisa eksperimentimet e shumëfishimit identik me shtazë lejohen edhe me ligj, eksperimentet e klonimit të qenies njerëzore kanë hapur debate të shumta. Vetë, ish-kryetari Klinton kërkoi nga komisioni bioteknik të dalë me një qëndrim rreth kodit etik në fushën e biogjeneve. Edhe Ministria gjermane e Shkencave dhe Hulumtimeve kërkuan marrjen e masave për ndërprerjen e çfarëdo lloj keqpërdorimi në këtë fushë. Deputeti britanik, D. Akllen, beson se kjo vë në dyshim gjithë natyrën e njeriut. "Mendoj se kjo do të çojë në zhdukjen e njeriut. Ne po krijojmë një nënspecie dhe njeriu në të ardhmen, nëse kjo vazhdon, do të jetë vetën një vepër dhe jo njeri i vërtetë". Në këtë drejtim, kritika të rrepta dërguan edhe bashkësitë fetare duke i paralajmëruar shkencëtarët që të heqin dorë nga manipulimet me krijesat e Perëndisë, sepse kjo mund t'ju hakmerret keq!

Me gjithë kritikat e shumta, në dhjetor të vitit 2000, Parlamenti britanik jep dritën e gjelbër dhe mundëson eksperimentime klonuese për nevoja terapeutike. Sipas rregullave "të rrepta", shkencëtarët mundet të eksperimentojnë me embrionet klonuese, por ato nuk guxojnë të jenë më të vjetra se 14 ditë. Gjithashtu, lajmet më të reja nga Berlini lënë të supozohet se dhe Parlamenti gjerman, pas atij britanik, do të mundësojë një eksperimentim të këtij lloji (Parlamenti gjerman e ka të ndaluar me ligj që nga viti 1990 manipulimin me gjene). Por manipulimi me gjene (për qëllime humane, mjekësore, shkencore etj.) lejohet edhe në Finlandë, Danimarkë, Spanjë e shumë vende të tjera. Kjo u vërtetua edhe gjatë votimit të një deklarate kundër klonimit në shkurt të vitit 2005 në Kombet e Bashkuara, ku mbi 30 shtete u deklaruan pro klonimit.

Në dhjetor të vitit 2000, shkencëtari amerikan Gregory Stock, në intervistën për revistën gjermane "Fokus" thotë se fëmija i parë i klonuar pritet të lindë "brenda pesë viteve të ardhshme". Më 26 janar të vitit 2001, një grup prej tre shkencëtarësh nën udhëheqjen e shkencëtarit italian Severino Antinori, bëri me dije se, klonimi i një embrioni njerëzor do të mund të realizohet brenda "18 muajve". Përndryshe, Antinori u bë i njohur në botë në vitin 1994, kur arriti që një grua 62-vjeçare ta bëjë nënë. Që tani, ai i ka në dispozicion 50 çifte që janë lajmëruar vullnetarisht.

Nga tempoja rapide e zhvillimit të shkencës, shihet qartë se ajo po i afrohet pikave kulminante. "Lajmi epokal i njeriut të parë të klonuar së shpejti do ta tronditë botën. Një homo i klonuar në laborator nuk është më utopi". Këtë e thonë ekspertët me një siguri të plotë.

Francis Collons, një udhëheqës i kërkimeve të gjeneve, në konferencën e World-Life-Science që u mbajt më 2001 në Lyon të Francës thotë se, është i bindur se njeriu do të lirohet nga kufizimet biologjike dhe "do ta marrë në duart e veta kontrollin evolutiv". Ai mendon se brenda disa vitesh, njeriu i modifikuar gjenetik do të jetë si qenie standarde. Shkencëtarët do të mund të manipulojnë me gjenet dhe të mundësojnë lindjen e fëmijëve të shëndoshë, duke larguar tek ata gjenet e sëmura, të trashëguara nga prindërit. Pra me këtë do të mundësohet edhe ndryshimi i dëshiruar i statusit biologjik për ta avancuar vetveten. Edhe këshilltari për çështje etike i ish-kryetarit amerikan Klinton, Eric Meslin, është thellë i bindur "se njeriu së shpejti do të klonohet. Nuk mund të ndalohet ky proces", thotë ai. Panos Cavos, shkencëtar amerikan dhe anëtar i treshit në grupin e Antinorit, në një emision televiziv gjerman, thotë: "Djalli ka dalë nga shishja. Më mirë ta krijojmë ne atë se sa një diktator i kësaj bote (aludonte në Sadam Hyseinin)."

Shumë autorë në artikujt e tyre lënë të dyshosh, shikuar nga zhvillimet e hovshme të shkencës në përgjithësi, se qysh sot nëpër laboratorë të ndryshme të botës veç krijohen klonime të qenies njerëzore! Me teknologjinë që disponon sot njerëzimi, nuk duhen investime dhe mund i madh për t'i mundësuar kushtet e një laboratori për klonim. Për të krijuar një "Frankenshtajn" nevojitet vetëm një qelizë e shëndoshë. Prandaj edhe shtohet dyshimi dhe frika se kjo do t'u mundësojë diktatorëve të ndryshëm të krijojnë kopjen e vetë dhe atë, jo vetëm një, por disa përnjëherë. Kur disa tmerrohen nga këto parashikime, të tjerët ngazëllohen duke shpresuar se do të rilindin idolet e tyre. Për më tepër, janë paraqitur grupe të ndryshme me shuma të caktuara të hollash që kërkojnë kopjet e idoleve të tyre, siç është ai i "American for Cloning Elvis", që shpresojnë se përmes djersës në këmishën e Elvis Preslit do të mundësohet rilindja e tij. Pastaj në grup tjetër, www.clonejesus.com që shpresojnë në rilindjen e Krishtit etj. Shumë të tjerë shpresojnë në rilindjen e më të dashurve të tyre që kanë pësuar nga sëmundjet ose fatkeqësitë, duke i kthyer ata prapë në jetë përmes sistemit të klonimit. Gjithashtu, një sekt në Amerikë ofron "pavdekësi". Për 200.000 dollarë amerikanë ata iu garantojnë shërbim komplet të klonimit personal pas vdekjes.

Derisa skeptikët kanë një prizëm tjetër shikimi për këtë drejtim, shkencëtarët këtë e konsiderojnë si metodë terapeutike, që do t'i ndihmojë shumë njerëzimit, sidomos tani pas zbërthimit të alfabetit gjenetik nga shkencëtari amerikan Craig Venter. Marrja e një embrioni nga një qelizë njerëzore dhe shumëfishimi i saj, ngjallë shpresa të mëdha në lëmin medicinal. Më këtë sistem, shkencëtarët shpresojnë se do të arrihet eliminimi i shumë sëmundjeve të rënda e të pashëruara gjerë më tani siç janë: kanceri, AIDS, parkinsoni etj. Ky sistem, sipas shkencëtarëve, do t'ua kthejë shpresat edhe shumë të sëmurëve që presin transplantim të organeve nga më të ndryshmet. Gjithashtu, do të ndikojë edhe në shërimin e lëndimeve të palcës kurrizore, si dhe të sistemit nervor, pra do të jetë një hap shumë i rëndësishëm për mjekësinë. "Kjo metodë e klonimit terapeutik nuk është një hapë kah "Desingbaby", por një metodë e re e shërimit përmes linjave qelizore", thotë Henning Beier, drejtor i Institutit Anatomik nga Klinika Universitare e Aachenit.

Se kur do t'i shijojë rrezet e kësaj bote qenia njerëzore e klonuar dhe a do të paraqesë ardhja e tij shpresën apo tmerrin, varet shumë nga normat morale, etike, mjekësore, ligjore etj. Por siç duket, kjo do të ndodhë së shpejti, kur të kihet parasysh fakti se sot në mbarë rruzullin tokësor punojnë intensivisht në këtë drejtim me dhjetëra grupe shkencëtarësh.

Sido që të jetë, çështjet mbesin të hapura dhe prognozat janë të ndryshme. Krahas prioriteteve pozitive dhe shpresëdhënëse për mjekësinë, megjithatë doza e frikës sa vjen e shtohet, pasi mundësitë e keqpërdorimit përmes gjeneve në sferat më të thella të qenies njerëzore, kurrë nuk kanë qenë më të mëdha dhe më të rrezikshme

Përgatiti

KLARITA BAJRAKTARI

[VOLSIV]

Jeta nuk eshte e drejte sepse askush nuk tenton te jete i drejte gjer ne fund!!!

>Shkenca nuk ka deshtuar po ashtu edhe feja.
Shkenca deshton per nje cast por zgjidhja nje dite vjen.
Feja nuk deshton, deshtojne njerzit.

>Persa i perket klonimit duhet te dini qe klonimi mund te realizohet nje dite por ne te vertete
nuk ka ndonje gje te vecante.
Me klonim kemi dy trupa te ngjashem le te themi identik. Por lihet jashte kryesorja, Shpirti.
Pra do kemi dy njerez identik por jo te njejtin person. Ti mund te marresh qelizen time dhe
te sjellesh ne jete nje krijese identike me mua por ai nuk jam une. Une e kalova
eksperiencen time ne kete bote dhe nuk ka mundesi kthimi.
Kjo duhet te jete e qarte dhe ketu nuk ka ndonje dobi njerezimi nga klonimi.
Nese do klonohen njerez si makina per pjese kembimi atehere po ky eshte krim.

[G.D]

Per te qartesuar idene mbi pamundesine teorike te klonimit te gjitaret mund te lexoni ne temen me poshte:
http://forumishqiptar.com/showthread.php?t=115676 komenti nr.:1

[Darius]

Pamundesine? Me fal po Dolly, apo Polly apo Cumulina ca ishin, a nuk ishin gjitar?

Ja nje imazh i marre nga Times Magazine e 10 Marsit 1997

[G.D]

Une shqip jam shprehur more. Kam thene TEORIKISHT I PAMUNDUR.
Faleminderit por mekanizmin e klonimit (ne konceptin tradicional te fjales, sepse ka disa lloje klonimesh) thjeshte, e njoh.

[Darius]

Atehere me ndihmo te kuptoj. Eshte teorikisht i pamundur po praktikisht eshte i mundur?

[VOLSIV]

G.D. shqip je shprehur por ti mendon se nuk do arrine ta lidhin ate ch3?
Kam pershtypjen se eshte ceshtje kohe. Shkenca po hedh hapa gjigande.
Ceshtja eshte a duhet te merremi me kete klonimin apo jo? Dhe pse ky klonimi ka marre kaq vemendje? Perse njeriu don patjeter te beje krijuesin, ndoshta per te bindur veten qe nuk ka Zot?

[Kavir]

Atehere me ndihmo te kuptoj. Eshte teorikisht i pamundur po praktikisht eshte i mundur?

Po ky tipi ka historik te hershem gafash mos ia ver shume re. Ndoshta do kete qene ca si afer Cernobilit diten e hatase.

[G.D]

Atehere me ndihmo te kuptoj. Eshte teorikisht i pamundur po praktikisht eshte i mundur?

Nuk eshte e veshtire per tu kuptuar. Aq me teper nese ekziston vullneti per ta kuptuar e jo per tu tallur me fjalet e mia sikur te ishin fjale te ndonje te marrosuri rrugash.
Kam thene shqip ne temen mbi klonimin e gjitareve se perse eshte e pamundur teorikisht te kemi klonim te shendetshem te gjitaret. Une nuk mund te te them si kane ndodhur klonimet qe ndodhen praktikisht kur keto nuk jane spjeguar as nga shkencetaret qe u moren me kete pune. Pra, mendoje, edhe ata qe i kane prodhuar keto klone jane surprizuar nga fakti qe ia kane dale te klonojne praktikisht gjitaret.
Une di thjeshte qe klonimi eshte i pamundur teorikisht dhe per kete arsye se c'kam nje cike dyshim per vertetesine praktike te klonimit. Nejse , ndjeshmerite e mia kuptohet qe nuk kane rendesi.
Kur u mor vesh mbi genet e shenjuara ose te vulosura, shkencetaret dolen pa piken e dyshimit dhe u shprehen: Sipas te gjitha mundesive, klonimi i gjitareve eshte i pamundur.