Mos fillimi i zbatimit të ligjit për vlerat e luftës i ka shtyrë një grup të ish ushtarëve të UÇK-së, që udhëhiqen nga Këshilli për Mbrojtjen e të Drejtave të këtyre luftëtarëve, që të nisin grevën para Qeverisë së Kosovës.
Ata shprehen këmbëngulës se qeveria më në fund duhet të nis t'i respektojë dhe t’i mbrojë ligjërisht vlerat e luftës. Por edhe pas takimit me kryeministrin Hashim Thaçi, të hënën, në orët e paditës, përveç premtimeve ata nuk kanë arritur në një marrëveshje konkrete që do t'i shtynte në ndërprerjen e grevës.
Sipas tyre, durimi i ish-luftëtarëve të UÇK-së dhe të familjarëve të tyre u ka ardhur fundi. Ata thonë se deri me tash janë injoruar nga ana e institucioneve të vendit të cilat nuk kanë bërë pothuaj asgjë për ngritjen e mirëqenies së tyre.
Kësaj greve nuk i janë bashkuar edhe shoqata tjera të dala nga lufta, si ajo e veteranëve dhe e invalidëve, ndonëse kanë shprehur shumë herë shqetësimin e tyre për mos angazhimin e institucioneve të Kosovës ndaj këtyre kategorive.
/rtv21/
Përgjigju Duke Cituar
Postuar më parë nga Sabriu
Krijoni Kontakt