WASHINGTON – Jetëgjati nuk bëhet jetëshkurtër. Kjo është historia e një vajze të vogël, së cilës i ishin hequr shpresat për të jetuar pas një sëmundje të rëndë në zemër. Agjencia e lajmeve Ansa, bën të ditur se italiani Marco Ricci ka përfunduar me sukses një trampiant kardiak tek një vajzë 14 vjecare e cila ka qëndruar për 118 ditë pa zemër. Ajo ka jetuar me një makinë që për rreth 3 muaj i ka pompuar gjakun në vend të zemrës duke mbajtur organizmin gjallë. Ajo qëndroi në Majami, ku mjekët e atjeshëm thanë se nuk kishin parë rast tjetër të ngjashëm, përvec një rasti në Gjermani, por që në të bëhej fjalë për një të rritur dhe jo një fëmijë.
Kurse për një paciente kaq të vogël, ky shënohet si rasti i parë në botë. D'Zhama Simmons, nga South Carolina, me një fije zëri bëri të ditur në një konferencë të shkurtër për shtyp se kjo ishtë një “eksperiencë e frikshme”, por që si përfundim shtoi se “tani ndjehem fare mirë”.
Jeta e vajzës varej totalisht nga funksioni i makinës. Vajza vuante nga një sëmundje e rëndë në zemër që nuk lejonte pompimin e gjakut. Që në 2 Qershor Simonsit iu hoq zemra dhe në vend të saj punuan dy pompe kardiake që qëndruan në funksion deri në 29 Tetor, ditë në të cilën u mundësua dhe transplanti i zemrës.
Profesor Ricci, drejtori i Repartit Kardiak të Pediatrisë shtoi se kjo ishte dita që për pacienten e vogël u gjet një zemër e përshtatshme. Më pas vështirësia erdhi me trampiantin që iu bë zemrës të re, që për mjekët ishte një arritje shumë e madhe, pasi “deri më tani nuk ishte ndërhyrë në një pacientë kaq të re”, tha Ricci.
BalkanWeb
Përgjigju Duke Cituar
Krijoni Kontakt