Në fillim ishte kaosi !

[2043]

Në fillim ishte kaosi !

Hawking: Universi nuk ka nevojë për krijues

Në fillim ishte kaosi, thotë Stephen Hawking. Dhe nuk ka asnjë gjurmë të Zotit. Fjalë të mëdha që, duke qenë se i thotë një prej astrofizikanëve më të mëdhenj që janë ende gjallë, shkaktojnë një bum. Aq më shumë që pikërisht ai, një prej shkencëtarëve më të famshëm në botë, i dënuar me palëvizshmëri dhe mosaftësi të foluri për shkak të një atrofie muskulore progresive, teoricien i fijeve dhe gropave të zeza, në një libër të mëparshëm (Histori e shkurtër e kohës), kishte lënë në fakt pakëz hapur një derë për kreacionistët, duke thënë se prania e Zotit nuk do të ishte e papajtueshme, në vetvete, me një qasje shkencore ndaj universit.

Por këtë herë, jo: The Grand Design, shkruajtur bashkë me fizikanin amerikan Leonard Mlodinow, në 200 faqe të shoqëruara me ilustrime shkon aq larg sa të hedhë edhe hipotezën për universe të tjerë të banuar, për të shtuar më pas konkluzionin që Big Bang ështrë "një pasojë e pashmangshme e ligjeve të fizikës" dhe që ndërhyrja e një dore krijuese duhet të përjashtohet. Më saktë, pyetjes që Hawking e ngre po vetë: "A ka patur nevojë universi për një Krijues?", përgjigjja është e qartë dhe e pakthyeshme: Jo.

Dhe përse jo? "Sepse ekziston një ligj që quhet gravitet dhe universi mundet dhe do të vazhdojë të krijohet vetë, nga asgjëja. Krijimi spontan është arsyeja përse ekziston diçka dhe jo asgjë, përse universi ekziston dhe ne vetë ekzistojmë". Pikë. Për të madhin Stephen Hawking, në pension prej një viti dhe hipur tashmë në katedrën e zënë nga Newton, çështja është e mbyllur.

Në Britaninë e Madhe, konkluzionet e tij përfundojnë natyrshëm në faqen e parë - duke filluar nga "Times" - aq më tepër që botimi i librit ndodh pikërisht një javë para vizitës së papës Ratzinger përtej kanalit anglez.

Të menjëhershëm kanë qenë reagimet pozitivë të Richard Dawkins, biologu i deklaruar ateist, i cili përshëndet shtrirjen në univers të teorive darviniane mbi qeniet e gjalla. Ndërkohë, në vende të tjerë reagimet kanë qenë në gradë të ndryshme: perpleksitet, skepticizëm, siklet. Filozofi i shkencës, Giulio Giorello, për shembull, pranon se ideja e një krijimi nga hiçi "për shkak të një luhatjeje rastësore shumë të shpejtë dhe shumë energjetike" është një çështje e debatuar nga kozmologët kuantistë, madje "hipotezën e një krijimi pa krijues mund ta gjesh madje edhe mes rreshtave të filozofisë indiane". Megjithatë, thekson ai, është tjetër gjë të "bësh pa Zotin si krijues i jashtëm dhe tjetër gjë është të flasësh si forcë e brendshme e natyrës, në gjurmët e Xhordano Brunos dhe Spinozës". Veç kësaj, sipas mendimit të tij, "nevoja për Zotin nuk bazohet tek kozmologjia. Nga ana tjetër, shkenca është tërësisht e ndarë nga Zoti".

Më i drejtpërdrejtë dhe thuajse injorues ndaj Hawkins është një tjetër filozof, Masimo Kaciari: "Asgjë nuk është më absurde dhe antishkencore se sa të pretendosh që një gjuhë prej specialisti të ofrojë përgjigje universale. Eshtë një kontradiktë logjike, ajo e Hawking, që ka diçka komike në vetvete dhe që as nuk duhet marrë në konsideratë".

Më të artikuluar mendimet e botës shkencore. Tomazo Makakaro, president i Institutit Kombëtar të Astrofizikës në Itali analizon pikat kryesore të teorisë së Hawking (prania e sistemeve të tjerë diellorë të ngjashëm me tonin e universeve të tjerë të mundshëm, ideja që mund të arrihet një ekuilibër mes teorisë kuantistike të botës nënatomike dhe asaj të gravitetit) dhe konkludon: "Asnjë nga këto pika nuk mund të shërbejë si bazë për një diskutim mbi Zotin, sepse gjërat janë krejt të ndara. Më duken pohime aq irracionalë, saqë çdo teolog është në gjendje t'i hedhë poshtë". Biologu evolucionist Telmo Piebvani shton: "Mbi teorinë e fijeve të hedhur nga Hawking nuk ka aspak konsensus. Nëse flasim për evolucionizëm, sigurisht që procesi i jetës nuk duket se vazhdon sipas një projekti. Por prej këtu, deri në demonstrimin që nuk ekziston një entitet mbinatyror, ka shumë rrugë. Dhe, qoftë edhe nëse do të arrinim të njihnim mendimet e Zotit, kjo nuk do të thoshte që Ai nuk ekziston".

"Ashtu sikurse Darvini hodhi poshtë ekzistencën e Zotit me teorinë e tij të evolucionit biologjik të species sonë", komentonte tek "Times" i Londrës, Richard Dawkins, "tashmë Hawking e hedh poshtë këtë teori edhe nga këndvështrimi i fizikës".

[Diella1]

E meqe e tha Hawking, u tha e u be......

[Milkway]

E meqe e tha Hawking, u tha e u be......

Bile e dim qe e ka thene Hawking dhe jo sikur Holy Books qe nuk dim kush i shkroi

[Diella1]

E meqe e dime se e tha Hawking, atehere duhet patjeter te jete e vertete......

[Scion]

E meqe e dime se e tha Hawking, atehere duhet patjeter te jete e vertete......

... Ndoshta!

[bindi]

Universi...Perse duhet te ket nje fillim!?Me asgje nuk mund te vertetohet nje teori e till!Transformimi i materjes nuk mund te quhet fillim!Ne kete kontekst big bang mund te jet pasoje e nje lende te komprimuar qe ka egzistuar me pare e cila ka shperthyer ne momentin e duhur!...Qe do te thote se koha,hasira dhe materja kane egzistuar me pare!Nuk e di por çdo Teori qe i referohet nje fillimi ,terhek pas veti nje fillim te pa fund!
Po sikur te mos kishte fare fillim por thjesht faktoret kohe hapsire materje te ket egzistuar perjetsisht ,duke transformuar lenden dhe ricikluar ate ne mvarsi te ligjeve te fizikes qe veprojne ne univers!,,,,

[altindabulla]

Kush nga ju ketu me jep pergjigjen e sakte qe 1+ 1 nuk mund te vertetohet si ekuacion i vertete?

[Scion]

Nuk e di sa nga ju e kane lexuar librin, por pavarsisht se shitet si ABC ateistesh, ne fakt libri eshte shkencor dhe merret strikt me ceshtje kozmologjike.

Drejt, e ne teme e meqe po diskutohet zoti, ne fakt prof. Hawking ne dallim me ate c'shkruhet ne fillim teme nuk merret ekskluzivisht me zotin por gjithsesi permbledhja qe i ka bere artikullshkruesi qendron, sepse ne fund te cdo gjeje te gjith ne pyesim, kush jemi dhe nga vijme, cili eshte vendi yne ne univers. Jane pikerisht keto tre pyetje qe na ndjekin kemba kembes neve si qenie njerzore sa here qe jemi gjetur perballe fakteve qe na i ka shpalosur perballe natyra.

Arsyeja qe e shtyn prof. Hawking te dali ne nje perfundim te tille, nuk ka te beje fare me shijet e tija per te pohuar apo mohuar mesimet fetare por eshte rrjedhoje llogjike qe del nga nje sere argumentash te parashtruara sot me shume se cdo here tjeter. Nuk eshte e drejte, do e quaja une te debatohen idete e prof. Hawking me ide te kreacionizmin te cilat parashikojne nje univers jo me shume se 10.000 vite , kur fare mire sot jetegjatesia e universit qe njofim zgjatet ne nje periudhe rreth 14 miliarde vite. Imagjinoni se c'distance kohore i ndan keto dy ide (Ne rast se kreacionizmi mund te quhet ide shkencore).

Thjeshte, bazuar ne ate c'thote prof. Hawking, perfundimet ne ekzistencen apo mosekzistencen e zotit kane te bejne me faktin e kendveshtrimit njerzor, pikerisht nga fakti se ne nje univers si ky i yni te cilit veshtire se ja njohim kufinjte e i cili vazhdon dhe zgjerohet me shpejtesi marramendese, me permasa te skandalozisht te medha qenia e njeriut ne nje planet te quajtur toke pjese e sistemit diellor ne nje skaj te galaktikes "Rruga e Qumeshtit" eshte nje hicgje. Apo dhe e grupit lokal Virgo (Ku ben pjese galaktika jone) e cila eshte vetem nje grimce ne super-grupin e galaktikave ku ben pjese, fakte qe te bejne te mendosh se sa te parendesishem jemi ne univers, e rrjedhimisht mbase nje produkt aksidental nga nje multiverse, i cili ne fakt ka ne dispozicion te gjith hapsiren kohore per te prodhuar aq big-bang's sa jo vetem te krijonte njerez me dy sy e veshe por dhe specie te pa-imagjinueshme ndonjehere.
Qe ketu ngrihet pyetja, c'i duhet nje krijues ketij universi/multiversi i cili eshte, me gjase i vetepermbledhur e i vetekrijueshem?

Si perfundim,
Vetem nese, ne njerzit do kishim mundesine te vrojtonim Universin tone ne vete te trete, athere do te kuptonim ne te vertete prof. Hawking.

[IslamInfo]

me ide te kreacionizmin te cilat parashikojne nje univers jo me shume se 10.000 vite

Nuk eshte e vertete se te gjithe kreacionistat thone dicka te tille. Madje nese ben nje pretendim sille versetin se ne cilin liber te ciles fe thuhet ashtu.

Se paku ne islam nuk thuhet ashtu.

Ne momentin qe njeriu e perdor genjeshtren per te argumentuar dicka, ne po ate moment zhvleresohet fjala e tij.

[xfiles]

Me ne fund Hawking direkt apo indirekt po hedh poshte teorine e big bangut.
Tani qe ka dale ne pension ndoshta nuk i intereson me te jete mainstream por te thote me sinqeritet ate qe ka menduar gjithmone, qe UNIVERSI ESHTE I VETEPERMBAJTUR DHE RICIKLOHET VAZHDIMISHT, NUK KA NEVOJE PER NJE FILLIM DHE AS PER NJE MBARIM.
Tek "A brief History of Time" ai vete pranon dhe jep nje shpjegim jashte mase te bukur se si ne Event Horizon te vrimave te zeza çfaredo qofshin keto materja nuk ben gje tjeter veçse riciklohet ne forme energjie dhe hyn perseri ne ciklin e krijimit te hidrogjenit.
Nuk eshte ndonje ide e re, edhe me anen e parimit te papercaktueshmerise John Dobson suporton teorine e vetericiklimit te rrezatimit te energjise ne atome hidrogjeni.
Ska rendesi te hyhet ne detaje, rendesi ka qe te pakten nje shkencetar i kalibrit te Hawking po flet hapur dhe pa dorashka.