Piktori kryeministër provokon Greqinë: Bën takim elektoral me emigrantët shqiptarë në mes të Athinës

[Albo]

Demaskoi takimin e Ramës në Athinë me njerëz nga Shqipëria, detyrohet të dorëhiqet drejtori në Fier (VIDEO)



Drejtori i Teatrit të Bylisit, Klajdi Marku ka dhënë dorëheqjen nga detyra që mbante pasi doli zbuluar se kishte shkuar pa dëshirën e tij në mitingun e Edi Ramës në Greqi. Ditën e djeshme doli një pjesë e investigimit të Piranjëve, ku Marku me zë dhe me figurë tregonte se prezencën e tyre në tubim duhet që ta vërtetonin me një foto në rrjetet sociale, por theksoi se e beri këtë vetëm për të marrë rrogën në fund të muajit.

Në një video të publikuar ditën e sotme drejtori i teatrit Bylis, shtrembëroi atë që tha në miting duke u shprehur se ata ishin prezent me trupën e aktivitetit në Korinth për të dhënë shfaqje në datën 11 maj, por grupi i kishte kërkuar drejtorit të ishin pjesë në aktivitet dhe kanë shkuar.

“Duke marrë shkasë nga një video e publikuar në rrjetet sociale ndjej një detyrim personal dhe moral për të dhënë një shpjegim për të gjitha mediat. Në takimin e kryeministrit të vendit Edi Rama në Athinë më 12 maj, është e vërtetë që kam qenë i pranishëm dhe nuk e fsheh krenarinë që kam qenë pjesë e takimit mbarë kombëtarë dhe dhe rastësisht. Sqaroj sot për të gjitha mediat, opinionin publik, miqtë dhe të gjithë ata që tentojnë ta përdorin politikisht bisedën time me një të panjohur. Por kam qenë me trupën pjesëmarrës në aktivitet në Korinth, ku kemi dhënë shfaqje në datën 11 maj. Në datën 12 meqenëse grupi donte të shikonte aktivitetin, shkuam. Unë jam aktor dhe regjisor prej shumë vitesh në teatrin Bylis, nuk kam asnjë detyrim partiak ndaj jap dorëheqjen për të ruajtur imazhin personal dhe të artistit,” tha ai.



Lapsi

[Albo]

Bakoyannis sfidon Ramën: Greqia ka më shumë ndikim mbi emigrantët se sa ai



Edi Rama dhe takimi që ai mbajti me diasporën shqiptare në Athinë vijon të mbetet lajmi i ditës dhe më i diskutuari në Greqi.

Pas kryeministrit Kyriakos Mitsotakis e anëtarëve të kabinetit të tij, një reagim ka ardhur edhe nga Dora Bakoyannis, ish-ministre e Jashtme në Greqi, por edhe motra e kryeministrit aktual, Kyriakos Mitsotakis. Fokusi i reagimit të saj ka qenë mesazhi kryesor i takimit të së dielës se Rama ka ndikim tek emigrantët shqiptarë në fqinjin jugor.

“E pashë dhe dëgjova se Rama mblodhi 5 mijë shqiptarë. Nuk më intereson çfarë bën zoti Rama me emigrantët. Mua më intereson se çfarë bën ai me Belerin. Rruga europiane e Shqipërisë varet nga respektimi i të drejtave të minoritetit etnik grek në Shqipëri. Dhe dua t’i them diçka zotit Rama, që e kam diskutuar shumë herë me të. Greqia ka më shumë ndikim politik tek votuesit shqiptarë që janë prezentë në Greqi sesa ka zoti Rama mbi ta dhe kurdo që ta shfrytëzojë këtë ndikim Greqia mund ta bëjë me shumë lehtësi”, është shprehur Bakoyannis në një intervistë për ‘Sky”.

Balkanweb

[Albo]

Si ia mori Babo Bubulina Laskarinën grekëve e ua dha shqipove!

Nga Agron Gjekmarkaj

Klosi ishte caktuar kryemarangoz për aheng-mitingun e Athinës. Vërtitej si levend lart e poshtë 4 duke matur e prerë. Një zdrukth e ca almise i kishte lidhur me litar e vënë mbi sup! Një laps e mbante pas veshit qe e ngjyente me pështymë herë pas here! Çyrbja jo vetëm kishte mbledhur nja dyqind veta nga Shijaku po mbajti gjithë ditën shtylla e pilastra. Nuk i bënë sytë dritë kur pa Klosin që si shul vërtitej tutje tehu me dy ristela a ndonjë qereste.

Kështu nuk shkon i tha, bën me hile, je dy metro, mban sa një mushk, mos i bëj bisht ngarkesës. Klosi u murretyre po e kishte zënë ngushtë u detyrua të vinte një tra në kurriz dhe iku duke nëmur se dembel hesapi. Damon po e përvëlonte halli. Punëtor llaçi qe detyra. Në fillim Klosi i tha nuk na duhesh për gjë, po ai këmbënguli, dua të jap kontribut tha për këtë ngjarje historike. Nuk dua te dukem, dua të shërbej, një kemi vetëm një njësh ne zero jemi.

Po mirë i tha Klosi meqenëse do me se s’bën terezitja llaçit se na duhet të forcojmë muret. Damua u zhgënjye thelle po se dha vetën. Meqenëse ka shpirt artisti besonte se do merrej me dekore e drita por jo. Shyqyr mërmëriti qe kam bërë palestër e nuk me thyhet kerbishtja. Në këto kohe të murrme çdo pune duhet puthur e vënë në ballë. Babua i kishte nisur të vetët një javë përpara që të iknin atje me kuç e maç.

Termet Peçi kishte marrë me vete gjithë administratën edhe një qerre me dy buaj ngarkuar me kërmë, raki e flamuj. Kokën e kishte lidhur me shami si muratoret dikur. Kanotiera e bardhë dhe gjoksin leshtor i bëheshin qull nga djerset po nuk i bënte bisht punes. Në kohe të lirë vishej me fustanelle qe i jepte ngapak kruarje dhe ja merrte një vënçe sapo vinte edhe tezja nga larja e dyshemese. Flamuri i Gjirokastres, gjyma me djathë Lazarati, dhe treqin qylafë solli si pajë.

Ermal Dredha një matrapik shtrengonte si ata tek sheshi Omonia ! E kishte vënë mbi supe si mitraloz per te luftuar grekun i gatshem të hapte vrima per çdo fitil. Vullnet Sina me plumçe e mistri ja merrte një të uruare këngë labe gjithë qejf tek vinte tulla rreth e qark.Sa hajer do beja si gurëdhënes thoshte tek e lumturonte puna dhe ideja se ky qeram do i kujtohej gjatë. Nuk ju dhims aspak malli e gjëja per te sjelle dynjane aty.

Sotiraq Filo dhe Erjon Isai u befasun kur u thanë se ju do bëni akçihanen. Ata mendonin se do jepnin mendime si biçim ideologesh e intelektualesh, do mbanin ndonjë fjalim safi lyer me yndyren e nacionalizmes, per kokë të fjalimit por jooo u tha Klosi njerzia qe po vjen nga anë e anës do të hajë, e ndoj darovitje, ndaj luani duart. Perkushtohuni se per sy e faqe mund të marrë një lugë edhe Babua a një pjate dhe po si pelqeu e shtremberoi fytyren hapjani varrin vetes më mirë.

E filluan me pertese qerimin e patateve dhe te qepeve po dalë ngadalë po ju ëndej, aty nën hije cimbisnin jo ndonje meze, jo ndoca uzo e thithnin,kur të tjeret piqeshin në diell si kuleçër. Filo ishte skuqur ca po i kishte hije ai lezet. Pasi Nikoqiri si ka punet mirë mbase bëhet i parë në Kaza!

Kazanin e pilafit e kishin vënë të madh se po dyndej mileti qe nga Shkodra e poshtë. Pjerini pa Ulsinë ndihej si jetim po ja skuqi telat çiftelise që gjindja e Lezhes të mbahej me gajret e dyzen. Kryetarin e Sarandes jeta e ka mesuar të mos perbuzë asgjë ndaj kur i thanë merr sopaten, shko në pyll e bëj dru nuk tha jo. Priti dhe Subashin e Fierit me te vetet që ishin shumë, hypen mbi gomere dhe u ndalën në Atikë! Tëmen e sëmes i punuan qindin pyllit grek.E rruan si kokë ushtari. Me ata dru piqej mishi në hell rreth stadiumit per shtatë palë qejfe!

Anila Denajt qerrateshes ju besua hekurosja e perdeve të skenes , akt të cilit ju perkushtua me besim të larte tek vetja dhe mirnjohje të madhe për Klosin. Pak kush e di që është ministre bujqesie por aty i bëri dritë petkat. Kur motrani e shoqeni kuptuan që Mamica do mbante fjalim u ra zali , veçmas Aniles dhe Tezes! Ne mbajmë në kurriz tapete, karrige, fonira, laj e fshij na bie bretku vjen si pa te keq Mamica zbret nga balona dhe ja terezit e perzgjedhur nga Babo, e zezë është kjo ditë. Duhet edhe të duartrokasim pale?! Hajde mos e bëj!

Tezja mendonte ja sikur të flisja unë çdo jepja, do shihja Babon drejt e në sy, kur ai gezohet unë do qaja nga lumturia, kur ai zymtonet do qaja perseri, kur ai qesh do qeshja dhe unë ku e ku më shumë. Po të duhej ja merrja edhe një valleje libohovite me ojna e naze , në skenë apo nuk ngjaj me Bubulina Laskarinen që Babo si trim jua mori grekerve dhe naaa jua dha shqipove!

Në fund erdhi Babua pushtoi Akropolin se edhe ajo bina qenkesh e jona e çoi kufirin ku Ilirisë i takon. Vullnet Sinen e la guvernator të Athines në të ikur i tha te hape ca supermarkete aty po jo me mallra te skaduar se kontrollon avrupi andej!

Klosit i dha leje te defrehet nje ditë atyre mejhanve e t’ja marrë një sirtaki! Damos i hodhi dy shikime kur u nrit edhe pse ne rresht te tretë! Më mirë se asgjë! Ciut i tha peshtyva u tha e nuk u bëre def nga sytë me atë palo fjalim që mbajte të piu e zeza! Def u bë ajo. Apo nuk priten disa ndryshime në qeveri nashi se dy tre janë në të mbytur. Antoneta Dhima iku e pikelluar që nuk ja dha kënges me Noisy-n! Nuk u thirr që ta qeronte zënë! Edhe Braçja me Xhafen u ndjenë të anashkaluar. Ismet Beqiri e Dilua një iso jua kerkonte xhani por …ah …jo !

Majkua u justifikua si komandant i Luftes së Kosoves Greqia s’më ka në hatër. Toni tha kjo është kohe lufte dhe jo lutjesh ndaj nuk duhesha! Etilda kishte qarë duke parë eventin në televizor , nuk dihet mirë pas Babos apo Mamices po lotet i paskesh patur të ngrohtë e të ndjerë! Laerti prej kohesh i papunë kishte rëndur për ti shtënë në lotore. Ishte prekur qe ai sy aq lot derdhi kishte qarë dhe vetë.
Ermua ishte solidarizuar duke kenduar në ballkon këngen “Çameri-çameri”!
Bela nuk vete unë per sehir ! Tao mori rrugen per Vjene të admirojë perkrenaren e Skenderbeut në Belvedere! Lali po tundet mbi një gondol në ujerat e trazuara të Venecias. Ogi ishtë më e emocionuara ajo i kishte keshilluar Babos vargjet e Naimit. Kur ai i lexoi per një çast mbet pa frymë dhe kerkoi ujë! Ndihej e konsideruar per çeshtje mendimi dhe jo hamallek!

Ahengu mbaroi, Babo virani u llafos gjatë dhe njerëzit bërtasin, fitoreeee, fitoreeee, fituaaam, fituaaaaam, pastaj shohin njeri-jatrin në sy dhe pyesin xhanem kë mundem, çfarë fituam pos ekskursionit në Athinë?

ORA NEWS

[Neteorm]

Kur çobenët bëhen kryeministra, të gjitha mund t'i presësh. Ta tregon Alboja se pse është jo provokim, por edhe një vetëvrasje politike e Ramës në mes të Athinës, si ata kamikazët japonezë. Me ndryshimin e vetëm, se Edi Rama nuk është kamikaz japonez, ai është kamikaz italian. Italianët e kanë kapur atje ku nuk tregohet, dhe pasi u shiti Shëngjinin e Gjadrin të sjelli refugjatët afrikanë në Shqipëri, tani përcjell edhe porositë e tyre në Athinë. E ka zënë halli të shkretin, se siç tha ish-kryeprokurori italian, në përgjimet e njerëzve të botës së krimit e drogës në Shqipëri, dolën edhe mesazhet e shalgjatit. Dhe në këmbim të burgut e shpëtimit të kokës së tij, ai nuk e ka për gjë të shesi jo Shqipërinë por edhe njerëzit e afërt të familjes së tij.

Kryeministri i Shqipërisë nuk është zgjedhur që të mbajë fjalime nacionaliste e patriotike. Këtë punë ia kemi lënë pensionistëve politikë si Spartak Ngjela. Kryeministri i Shqipërisë ka për detyrë t'iu japi zgjidhje problemeve mes dy vendeve. A e bëri të mundur në këto 10 vjet që emigrantët shqiptarë në Greqi e diasporë të votojnë në zgjedhjet shqiptare? Jo, nuk e bëri. Po marëveshjen për kufirin detar me Greqinë a e zgjidhi, jo nuk e zgjidhi. Jo vetëm që nuk e zgjidhi, por kur ishte në krye të opozitës u bë palë e propagandës turke e italiane mes shqiptarëve për ta sulmuar qeverinë Berisha e këtë marëveshje. Sot Shqipëria ka marëveshje kufiri detar me Italianë e gjithë fqinjët, por jo me Greqinë. Po atyre emigrantëve në Greqi, ua siguroi pensionet e punës? Po fëmijëve të tyre a i ndihmoi me futjen e gjuhës shqipe në shkolla? Jo, nuk e bëri. Ishte shumë i zënë duke ngritur kullat e drogës në Tiranë dhe duke vjedhur milionat e buxhetit të shtetit shqiptar me anën e korrupsionit.

Por kupa derdhet dhe e kupton që Rama është një njeri i kapur që punon kundër interesa kombëtare shqiptare me këmbënguljen e tij për të vizituar Athinën edhe pse shteti grek i tha nuk është koha e përshtatshme për të vizituar Athinën, hajde një ditë tjetër. Rama prish protokollin shtetëror e bën një vizitë personale në Athinë. Ai nuk e vizitoi Athinën si burrë shteti shqiptar pasi shteti fqinj nuk e priti e nderoi si të tillë. Ai e vizitoi Athinën gjoja për "takim me emigrantët shqiptarë në Greqi". U kujtua Edi Rama pas 10 vjetësh në pushtet që ka emigrantë shqiptarë në Greqi! Dhe më e bukura është që takimi që u mbajt nuk ishte një takim mes vëllezërish ku ata flasin e Rama dëgjon hallet e tyre. Rama shkon e bën një tubim elektoral, me gjithë administratën e tij socialiste në Shqipëri që dërgoi me autobuzë, dhe gjithë mbështetësit e simpatizantët e tij socialistë në Greqi. As nuk është parë as nuk është dëgjuar që një burrë shteti të bëjë tubime elektorale politike në një vend fqinj! Eshtë mungesë kulture e respekti të bësh një gjë të tillë karshi popullit fqinj. Si do të ndiheshe ti sikur kryeministri grek të vinte në Tiranë e të mblidhte gjithë minoritetin grek dhe gjithë mbështetësit e tij shqiptarë emigrantë në Greqi e tu thosh që ju shqiptarët jeni grekë si ne? Ty do të bëhej zemra mal apo jo?

Rama insistoi të vizitojë Athinën 1 ditë para takimit të pritshëm të kryeministrit grek me "vëllain e madh të Ramës" në Ankara, pasi ky ishte urdhri që i dhanë italianët. Dhe fjalimi që ti lexove nuk u shkruajt në Tiranë, u shkruajt në Romë. I ngjan propagandës së kohës së Duçes ku italianët pasi pushtuan Shqipërinë në 1939, përdorën si justifikim "çlirimin e Çamërisë" për të nisu luftën italo-greke. Dhe shpalljen e luftës nuk e bëri Roma e Musolini, e bëri kuvendi i Shqipërisë që kontrollohej nga emisarët e Musolinit në Tiranë. Italisë nuk i vjen mirë kur popujt Ballkanikë zgjedhin gjuhën e mirëkuptimit e dialogut me njeri-tjetrin, pasi ishin romakët ata që perfeksionuan "përça e sundo". Dhe në një aspekt personal, Uçit tonë i pëlqen të mendojë se është burrë i madh shteti. Dhe i pëlqen të hiqet si "udhëheqës i Ballkanit", dhe që ta bëjë këtë gjë, i duhen sa më shumë kriza në Ballkan. Po nuk ka kriza në Ballkan, ai nuk mund të dali e të ngrejë zërin e të na japi "plane për zgjidhje krizash", siç bëri disa muaj më parë me Ballkanin e Hapur apo me konfliktin serbi-kosovë. Kryeçobanit tonë i pëlqen t'i fusi hundët atje ku nuk i takon. E kemi narcisit të çertifikuar, dhe i vjen plasja kur nuk e gjen veten në qendër të vëmendjes apo i rrethuar nga kamerat.

Edi Rama është minoritar për vete. Eshtë arumun, dhe si i tillë, nuk i takon atij të hiqet si nacionalist e patriot se nuk ka gjak shqiptari e nuk i përket etnisë shqiptare. Po, ai është shtetas shqiptar si unë e si ti, e ka një pashaportë, por është bujtës në tokën e epirotëve. Dhe nuk i takon një çobani t'iu tregojë shqiptarëve apo grekëve origjinën e tyre.

Albo

Të pëlqen ose jo, Rama tregoi që ka tope ndaj Greqisë e kujdo tjetër ku deri dje e nënkëmbin kombin dhe shqiptarët.

[Albo]

Kryeministri grek Mitsotakis miting me 31 maj në Himarë me krejt minoritetin grek në Shqipëri?



Kryeministri grek Kyriakos Mitsotakis do të organzojë miting të madh në Himarë me 31 maj.

Në një kohë kur e gjithë Greqia dhe Diaspora po flasin për takimin e Edi Ramës në Athinë, Mitsotakis me sa duket ka vendosur të kthejë “reston”.

Burime që nuk duan të flasin publikisht tregojnë se leja është dhënë në parim nga pala shqiptare.

Vizita në Himarë vjen teksa Mitostakis ka vendosur në listën e partisë “Demokracia e re”, kandidat për eurodeputet, Fredi Belerin, i cili prej një viti ndodhet në qeli.

Nuk dihet saktësisht nëse para ardhjes së kryeministrit grek në Himarë mund të lirohet Fredi Beleri, si një dhuratë shqiptare ndaj grekëve si puna e një “kali Troje”!

Por nëse mbetet e saktë ardhja e tij me 31 maj, ka mundësi që kryeministri Rama ta presë sipas traditës shqiptare.

Koha Jone

[Albo]

Të pëlqen ose jo, Rama tregoi që ka tope ndaj Greqisë e kujdo tjetër ku deri dje e nënkëmbin kombin dhe shqiptarët.

Një miku im në Tiranë, me të qeshur më tha: "Rama e bëri mitingun në Athinë e jo në Tiranë, se në Shqipëri nuk kanë ngelur më këmbë shqiptari. Ka më shumë shqiptarë që jetojnë në Greqi se në Shqipëri!"

Në 31 maj të vjen Micotaqis në Himarë. Uroj që në mitingun e tij elektoral në Himarë, të falënderojë edhe arumunin që flet shqip, Edi Ramën që ia krijoi këtë mundësi. E t'i kujtojë arumunit Rama se Greqia ka plot motra e vëllezër arumunë të Ramës në Greqi. Dallimi i vetëm i tyre me Ramën është se ata flasin greqisht, jo shqip. Por e përbashkëta e tyre me Ramën krahas gjakut e ADN-së është se edhe arumunët e Greqisë, mbahen për nacionalistë të mëdhenj grekë!

I njëjti mik i imi në Tiranë më tha: "Një fenomen nuk arrij dot ta shpjegoj! Si e shpjegon ti që minoritarët në shoqërinë shqiptare janë edhe nacionalistët më të mëdhenj shqiptarë, bërtasin më fort se gjithë ne të tjerët?"

Albo

[Albo]

Fjalimi i Ramës në Athinë, Mitsotakis: Marrëdhënia me Shqipërinë komplekse. Jemi fqinjë, të dënuar të jetojmë së bashku



Kryeministri grek, Kyriakos Mitsotakis ka folur në emisionin “Morning Zone” lidhur me fjalimin që kryeministri Edi Rama mbajti disa ditë më parë në Athinë, në takimin që zhvilloi me komunitetin shqiptar që jeton dhe punon në shtetin grek.

Mitsotakis është shprehur se marrëdhënia e Greqisë me Shqipërinë është komplekse. Sipas kreut të qeverisë greke, Greqia dhe Shqipëria janë dy shtete fqinje, “të dënuar” të jetojnë bashkë.

Sa i takon Fredi Belerit, Mitsotakis thotë se mënyra se si çështja e tij u trajtua, është e papranueshme.

Pjesë nga intervista:

Anna Livathynou: Po dëgjojmë sa i zhgënjyer është kryeministri shqiptar Edi Rama, që së fundmi pretendon se shqiptarëve që jetojnë në Greqi ju është kërkuar nën presion ndryshimi i emrit. A do të vijojë bllokimi i anëtarësimit të Shqipërisë në Bashkimin Evropian?

Kyriakos Mitsotakis: Marrëdhënia jonë me Shqipërinë fqinje është tashmë komplekse. Më duhet të them se mënyra se si Shqipëria e trajtoi kryetarin e zgjedhur të Bashkisë së Himarës ishte krejtësisht e papranueshme. Ai tani është kandidati ynë për eurodeputet. Ne kemi në fletëvotime dy kandidatë nga minoriteti etnik grek i Shqipërisë.

Përtej kësaj, mund të them që ne kemi qindra mijëra shqiptarë që jetojnë dhe punojnë në vendin tonë. Fëmijët e tyre janë shtetas grekë, jemi bashkuar besoj, do të thoja në mënyrë harmonike në shoqërinë greke, shkojnë në shkollë, studiojnë.

Mendoj se çdo gjë që helmon marrëdhëniet mes dy popujve nuk është e mirë për të dy popujt tanë. Jemi fqinjë, jemi “të dënuar” të jetojmë bashkë.

Përtej kësaj, Shqipëria duhet të dijë, dhe e njëjta gjë vlen jo vetëm për Shqipërinë, por edhe për Maqedoninë e Veriut se ka rregulla në lidhje me rrugën e saj evropiane. Respekti për shtetin e së drejtës, të drejtat e njeriut dhe minoritetet është një bërthamë qendrore e asaj që ne e quajmë acquis evropiane, të cilën Shqipëria duhet ta respektojë.

Anna Livathynou: Pra, në një lirim të mundshëm të Freddy Beleris, a mendoni se kjo do t’i ndihmonte sadopak marrëdhëniet Greqi-Shqipëri, për të zbutur gjithë këtë tension?

Kyriakos Mitsotakis: Besoj se… Le të shohim fillimisht se çfarë do të ndodhë në zgjedhjet evropiane. Ka mundësi që këtë çështje ta zgjidhin vetë qytetarët grekë me zgjedhjen që do të bëjnë për eurodeputetet në Parlamentin e ardhshëm Europian.

(Balkanweb)