Media ne Shqiperi: Na mireinformon apo na mashtron?

[par]

Shpërthen Adi Krasta ndaj kryeministrit: Rama ka veneracion ndaj banditëve /VIDEO

Posted: 21:30, 13/10/2015

adi krasta-edi rama

Gazetari Adi Krasta ka shpërthyer në akuza ndaj kryeministri Edi Rama. Në emisionin e tij, “A Show”, një Agon Channel të datës 7 tetor, Krasta thotë se kryeministri ka veneracion ndaj banditëve pasi “ata e tërheqin me të kaluarën e ashpër dhe pandëshkueshmerinë dhe sidomos me transformimin e guximshëm në njerëz të pasur dhe të fuqishëm me pushtet”.

Gjithashtu Krasta thotë se edhe media në këto kohë është shumë e lidhur me pushtetin, pasi o janë falur ose janë në pritje të falen.


“Sa për median që e motivon aq shumë deputetin shqiptar tani më është bërë e qartë se në vendin tim ajo nuk ka qenë kurrë kaq dallueshëm me pafuqinë e vet. Nëse përpara vitesh ajo ishte gojëmbyllur sepse e goditur, nën trysninë dhe inatin që shkaktonte dalja e informacionit të pa kontrolluar, sot pjesë të tëra të saj, janë thjeshtë në shërbim. Pronarët mediatik , thuajse të gjithë janë pjesë gojëhapur nën peshën e kësaj strukture. Ato janë të shpërblyer, të falur ose në pritje të falen, e cila është më e rëndësishme se sa një parti e veçantë dhe që Henri Ferlaj, e quajti “establishment”.

Ka qenë gjithë shumë e vështirë nga pikëpamja gazetareske të merresh me parti qeveritare. Kryeministra që maja e pushtetit të momentit i ka vetëgënjyer jo pa pasoja për një fuqi të përjetshme, por është bërë e pamundur tash ku partia në pushtet, pastruar plotësisht nga ideologjia, ka qasje të njëjtë me partinë e opozitës, të rënë nga pushteti dhe partia e tretë është bërë po aq e rrezikshme në këtë amalgamë, ku pasanikë të mëdhenj e të paprekur, formojnë këtë rreth apo rrjetë së bashku me pronarë mediesh, jo rrallë të quajtur baronë mediatik, për të ruajtur të gjithë bashkë e me çdo mjet, atë që quhet “statuskuo”, ku pushteti dhe pasuria qëndron aty e palëvizshme e paprekshme nga ata poshtë, dmth ne.

Lidhjet e shumëpërfolura të drejtuesit të qeverisë apo të qeveritarëve të tij me rekorde kriminale apo banditë të dikurshëm të shndërruar në zotërinj me fuqinë e parasë, nuk janë një referencë lokale dhe jo vetëm shqiptare. Fjala vjen, ish-kryeministri britanik, Toni Bler për shkak të marrëdhënies së tij me diktatorin kazak, presidentin Nazarbajev. Bler fitoi 13 milionë dollarë në vit për të bërë këshilltarin e atij regjimi. Kjo nuk është ilegale, sigurisht, shkruan Ouen Jons që ka shkruar librin “Establishment”.

Ish-kryeministrat përfitojnë prej lidhjeve të biznesit me diktatorë në vendet e tyre që shkelin të drejtat e njeriut, edhe pse kjo duket e shëmtuar kjo nuk është e ndaluar me ligj. Të kuptosh sot kufirin poroz, dmth me hapësira që ndan botën politike me atë të korporatave është thelbësore për të kuptuar vetë kapjen që elita korporatave i ka bërë elitës së demokracisë ballkanike.

Ndaj nuk më çudit veneracioni i që drejtuesi i qeverisjes ka ndaj banditëve të zakonshëm, ata natyrisht e tërheqin me të kaluarën e ashpër dhe pandëshkueshmerinë dhe sidomos me transformimin e guximshëm në njerëz të pasur dhe të fuqishëm me pushtet. Paraardhësit e drejtuesit i kanë përdorur banditët kur ua kishin nevojën, sot ata venerohen dhe mbrohen”, thotë gazetari Adi Krasta, gjatë emisionit të tij “A Show”.

5 Responses to Shpërthen Adi Krasta ndaj kryeministrit: Rama ka veneracion ndaj banditëve /VIDEO





Kristaq 13/10/2015

Ke qene nje sherbetor dhe adhurues i padinjitetshem i Edvin K.Rames .









det'mal 13/10/2015

Esht i mencur ai qe e kupton qe ne mengjez , se kur e kupton andej nga darka e mori ferra uraten .









Saimir 13/10/2015

Ty dhe saimir kodren du tju fusi burg ai se keni gjith jeten qe i boni mastrubim atij ed palles









nivle 13/10/2015

Jam dakort me ty zoteri. Keta jane bere shoke e siesi te ruajne pozitat fitimprureseqe kane. Me ane te medias e me ane te burgut.









titi 14/10/2015

duhet te kerkosh falje z, krasta ne fillim, sepse JU e mbeshtete
SYRI.NET

[par]

Bujar Leskaj,Gjiknuri dhe Kryeministri Rama
Enjte, 15 Tetor 2015 00:14 "Koha jone"
Bujar Leskaj,Gjiknuri dhe Kryeministri Rama







Kontrolli i Lartë i Shtetit ka kallëzuar dje penalisht ministrin e Energjisë dhe Industrisë, Damian Gjiknuri, për marrëveshjen e arritur me CEZ. Ministri sëbashku më Avokatin e Shtetit kanë hartuar dhe nënshkruar në maj të vitit 2014 marrëveshjen me kompaninë çeke CEZ. Dokumenti që u vlerësua si një hap që mbyllte mosmarrëveshjet mes shtetit shqiptar dhe kompanisë çeke, sipas KLSH-së i ka shkaktuar shtetit tonë një dëm kolosal prej 479 milionë eurosh. “Referuar përmbajtjes së Marrëveshjes për Zgjidhjen me Mirëkuptim, të nënshkruar më datë 23.06.2014, nga Grupi i Punës i kryesuar nga Ministri Gjiknuri, evidentohen fare qartë elementët e një marrëveshjeje tërësisht të pabarabartë dhe jo në proporcion me pretendimet e deriatëhershme të Shtetit Shqiptar ndaj CEZ , duke i shkaktuar një dëm ekonomik në shumën 479 milionë euro”, thuhet në njoftimin e KLSH.

Ministri Gjiknuri reagoi mbrëmjen e djeshme duke e akuzuar KLSH-në si institucion të vënë në shërbim të Partisë Demokratike, nisur nga fakti që akuzat e para për këtë marrëveshje erdhën ndaj tij nga selia blu. Tani zjarri CEZ është ndezur dhe nuk shuhet kollaj pasi flitet për një dëm prej afro 480 milionë euro që mund të ishin në buxhetin e shtetit, sipas KLSH.

Por cilat janë akuzat e KLSH për Gjiknurin? Në dokumentin e Kontrollit të Lartë të Shtetit jepen me detaje të gjitha pikat ku marrëveshja penalizon shtetin tonë: 352 milionë euro dëm është shkaktuar shtetit nga detyrime financiare që CEZ sh.a. kishte ndaj shtetit shqiptar si pasojë e keqmenaxhimit 2009-2012. Marrëveshja e firmosur nga ministri i fal kompanisë çeke këto para. Ndërsa kjo marrëveshje ka falur dhe 95 milionë euro, që ishte shuma e dakordësuar që pala shqiptare derdhi për llogari të CEZ sh.a. si pjesë e ujdisë për zgjidhjen me mirëkuptim të mosmarrëveshjes. Dëmi tjetër është 32 milionë euro zhvlerësimi i vlerës së 24 përqind të aksioneve të shtetit në kompaninë e shpërndarjes së energjisë elektrike. Në total janë 479 milionë euro që kanë ikur nga arka e shtetit vetëm për të mbyllur një proces gjyqësor me komaninë CEZ, ku në të gjitha rastet ishte ajo që nuk kishte realizuar pikat e kontratës.

Çështja CEZ ka qenë ndër gjërat më të debatuarat gjatë javëve të fundit, ku ka pasur akuza dhe sulme të shumta politike. Por padia e djeshme është i vetmi hap serioz i strukturave të shtetit dhe nuk kemi të bëjmë më akuza politike, por me një auditim dhe padi të bërë nga Kontrolli i Lartë i Shtetit. Një institucion kushtetues serioz dhe me një drejtues të tij Bujar Leskaj që shquhet për korrektesi e mosnënshtrim ndaj askujt në hierarkinë politike. Leskaj njihet si një njeri që i hodhi çelesat në zyrën e ish-kryeministrit Berisha kur ai i kërkoi dorëheqjen sepse një lob mediatik pranë PD-së nuk merrte para nga ministria e Turizmit që drejtonte Bujar Leskaj dhe e kishte bërë që armiqësia mes Berishës dhe Leskaj të arrinte kulmin duke mos e vendosur as në listën e deputetvë të PD-së për Vlorën. Kjo krijoi ndarjen përfundimtare të Bujar Leskaj me PD-në derisa presidenti Topi e dekretoi për kryetar të KLSH pas votimit kundër të kandidaturës së Sali Shehut. Pra PD dhe Berisha u detyrua ta votojë Leskaj nga halli e jo nga qejfi. Edhe në vitet e qeverisjes së Berishës, KLSH ka bërë denoncime të forta e ku janë acaruar ministrat demokratë e kanë shkuar në prokurori.

Kush e njeh Bujar Leskaj nuk mund të thotë se raportin ia paska bërë Berisha apo Rama, Meta apo Basha. Ndaj edhe akuza e mbrëmshme e ministrit Gjiknuri ndaj KLSH e Leskaj se “raportin ua ka bërë PD-ja” nuk zë vend. Ka prapë raporte e dokumente KLSH edhe për dy ministra të tjerë ! Prisni edhe pak !

Nuk flitet për qindarka të shpërdorura nga bordet e ministrive, por për një prej shumave më të mëdha që rëndon në buxhetin e shtetit. Pas akuzave për rrugën Durrës-Kukës për Lulzim Bashën, ku dëmi llogaritet 220 milionë euro, ky është skandali më i madh me dyfishin e çmimit.

Së bashku me ministrin Gjiknuri, pjesë e grupit negociator ka qenë dhe Ministri i Financave, Shpëtim Cani dhe Ministri i Zhvillimit Ekonomik dhe Turizmit, Arben Ahmetaj. Tre ministrat kryesore kanë dështuar në hartimin e një marrëveshje që mund të ishte më e favorshme për shtetin shqiptar. Sipas KLSH-së lehtësirat që i janë krijuar kompanisë çeke janë të shumta. “Nga përcaktimet e bëra në marrëveshje, pala shqiptare paraqitet tërësisht në kushte jo të barabarta, madje në pozita tepër inferiore dhe të disfavorshme karshi CEZ, duke e favorizuar atë në çdo aspekt, pretendim, dëmshpërblim, përgjegjësi, duke përdorur standarde të dyfishta për të njëjtën çështje madje dhe në çdo risk të mundshëm hipotetik që mund ti vijë kësaj kompanie në të ardhmen”,- thuhet në raportin e KLSH.

Çfarë e ka detyruar ministrin Gjiknuri që të nënshkruante një marrëveshje ku dukshëm shteti shqiptar dilte me humbje? E ka urdhëruar kryeministri që të merrej si kompensim vota çeke e ndaj duhej firmosur? Në reagimet e para kur u fol për skandalin “CEZ”, ministri deklaroi se marrëveshja u kërkua nga institucionet ndërkombëtare si një garanci për bizneset e tjera. Pra, shteti shqiptar duhet të pranonte kushte të pafavorshme vetëm që të “përmirësonte klimën e biznesit”. Por 479 milionë euro kush i paguan sot? Me çfarë të drejtë taksapaguesve u vidhen gati 500 milionë euro vetëm që një kompani e huaj të mos ankohet në arbitrazh dhe të ruajmë imazhin e vendit? Këtë thotë edhe KLSH në padinë e tij.



Tani ministri Gjiknuri, kryeministri Rama dhe Kryetari i KLSH, Leskaj do përballen në prokurori e gjykatë.

[par]

Nga Lutfi Dervishi

Nëse do të kishte dënim për keqpërdorim të fjalës reformë- jo burgjet e Shqipërisë, por as ato të Rusisë nuk do të kishin kapacitet për të mbajtur fajtorët.

Reformë është fjala më e (sh)përdorur në epokën 25 vjeccare të tranziconit. Por sa më shumë kalojnë vitet aq më shumë rritet abuzimi me “reformën”. Edhe në google po ta vendoësh fjalën e gjorë… të dalin menjëherë mbi 10 sugjerime: reformë në drejtësi, refomë në arsim, reformë në bujqësi, reformë në shëndetësi, reformë në ekonomi, reformë sport, reformë zgjedhore, reformë në tatime, reforma e pronësisë, reforma në biznes…etj

Abuzimi me fjalën reformë nis nga aksionet dhe fushatat.

1. Fushata dhe reforma
Gjatë muajve të fundit kemi dëgjuar nisjen e shumë fushatave/aksioneve, lojrat e fatit, aksion për ndërtimet pa leje, aksioni antiformalitet etj. Fushatat dhe aksionet si rregull kanë një ditë nisje me shumë bujë dhe shuhen si uji i dalë nga shtrati që kthehet sërish aty ku ishte…

2. Zbatimi ligjit dhe reforma
Nëse një njeri nuk pi duhan në ambientin ku nuk lejohet, nëse dikush paguan në rregull faturën e dritave dhe të ujit, nëse dikush nget makinën duke zbatuar rregullat e qarkullimit rrugor, nëse shitësi të jep kuponin tatimor, – këtu kemi të bëjmë me zbatimi ne ligjit. Janë të lavdërueshme dhe të duartrokitshme në ccdo kohë, përpjekjet dhe rezultatet e arritura, një pjesë shumë të dukshme , por nuk kemi të bëjmë me reforma. Thjesht po zbatohet ligji dhe këtu nuk po shpikimi rrotën.

3. Seminari dhe reforma
Janë dhjetëra lajmet që në mënyrë të përsëritur kumtojnë ccdo ditë fjalën reformë nga tryezat e seminareve, ëorkshopeve, dhe duket se reforma është një proces që nis në orën 10:00 në hotel Tirana dhe përfundon në 19:30 në edicionin kryesor të lajmeve.

4. Konferenca e shtypit dhe reforma
Lexo pikën 3.

5. Gjobat dhe refoma!
Projekligji ri për procedurat tatimore ka edhe fjalën burg! Gjobat e larta që si rregull shtojnë korrupsionin, po mendohen si zgjidhje për të mbushur arkën e shtetit! Mjaftojnë dy gjoba dhe një biznes të vogël të mbyllë qepenat për të mos i hapur më! Qëllimi gjobave është të mbushë arkën e shtetit dhe të disiplinojë biznesin e vogël… Por gropat në buxhet, siç e tregojnë edhe shifrat hapen ën dogana dhe tatime! Duke përdorur një metaforë të vjetër, qypat me vaj ikin në dogana dhe ushtria e isnpektorëve vrapon pas kokrrës së ullirit në tezgat e tregut çam!

6. Kasa fiskale dhe reforma!
Për shtatorin për shembull u raportuar një rritje e frikshme e numrit të kuponave tatimorë të lëshuar nga biznesi! Vuuuu, propaganda dhe jë togëfjalësh që sa herë e dëgjoj më dalin dhëmbët jashtë: ‘po bejmë shtet’!!! E vërteta, janë rritur kupojnat, por janë arkëtuar më pak lekë! Tani merre kuponoin futet në ujë të zier, lëre 30 minuta dhe jepja si çaj çdo mëngjes drejtoreshës së tatimeve!

7. Shifrat dhe reformat…
Mark Tweni thotë se shifrat i kemi në dorë, problem janë faktet!
Ka edhe raste kur shifrat janë kokëfortë: psh për 9 muaj vetëm në Gjermani kanë kërkuar azil 45 mijë shqiptarë! Por edhe për këtë e kemi përgjigjen e gatshme: ‘janë shqiptarë që kanë ikur nga Greqia’! Sikur kjo të ishte e vërtetë, nuk do t’i kthenin në Rinas, por në Athinë!

8. premtimet nuk janë reformë!
Premtimet për 300 mijë vende pune, për ulje të çmimit të energjisë, për uljen e tvsh-së për ushqimet, për…. I ka marrë era që në momentin që kanë dalë nga goja! Ajo që të bezdis është deklarimi se ke i hapur 120 mijë vende pune! Se si mund të hapen 120 mijë vende pune, kur ekonomia rrritet 1% kjo mbetet misteri më i madh pas UFO-ve, ose biem dakord për shifrën 120 mijë nëse qeveria kërkesën për azil e quan hapje vendi pune!

9 I fortë me të dobtin…
Kemi kryer kaq arrestime, kemi futur në burg kaq persona, kemi ndëshkuar kaq e aq…. E vërteta lakuriqe është se në të gjithë aksionet e nisura janë ndëshkuar të dobtit, të varfërit, të pamundurit…

10. Facebook dhe reforma!
Ka një garë të anëtarëve të qeverisë se kush poston foto dhe grafikët më të mirë! Çdo ditë! Dhe më e bukura kur nisin i bëjnë lakja dhe shoërndajnë postimet e njëri tjetrit…sikur qeveria të kishte në jetën e përditshme të njëjtën përkushtim që ka ndaj realiteti virtual! Atëhere po, fjala Rilindje nuk do të mbetej vetëm fjalë!

Për herë të parë në këto 20 vjet
Kjo është shakaja më e madhe që shqiptohet tërë seriozitet! Retorikë që përsëritet kudo, mirë në Kuvend dhe në media, por harrojnë dhe ua thonë edhe të huajve që nuk janë shumë familjarë me estradën politike këtu! Pyetja sot është e thjeshtë: një njeri që shkon në spital, është më mirë sot apo 3 vite më parë? Biznesi ndihet më mirë sot apo 3 vite më parë? Njerëzit kanë më shumë shpresë sot apo tri vite më parë?!

Shtet do të thotë sundim i ligjit për të tërë, rregulla të barabarta, gjykata të pavarura, transparencë, llogaridhënie, media e lirë, dhe institucione të pavarura!

Po reforma?
Reforma – ishte loja, – thuhej tek ‘Dueli heshtur’!

[par]

Maqedonasi: Desh u alivanosa kur nipi më tha: “Gjysh, i urrej shqiptarët” syri.net



Para disa ditëve, nipi im i vogël në klasën e tretë, vjen nga shkolla dhe më kumton një lajm të rëndësishëm: ”I urrej shqiptarët”. Mezi u mbajta në karrige dhe gati sa u alivanosa, sepse ky konstatim nuk vinte nga shtëpia jonë. Kështu shkruan Nikolla Pisarev nga Qendra e Arteve Bashkëkohore.

“Shkolla e tij është në komunën më VMRO-iste të qytetit, e mbushur me ikonografi adekuate. Mbahem në karrige dhe më bie ndërmend se të premte është dita e Xhumasë, ditë kur zakonisht dal edhe në Çarshi.

Pa sulme dhe histeri, e binda nipin tim të shkojmë deri në Çarshi për të vizituar zanatçinjtë: Vlatkon, Xhelën, Asllanin, pastaj të blejmë fara për majdanoz të xhaxhi Shaban, te çajtorja ta takojmë hoxhë Ramadanin dhe të bëjmë muhabet. Dhe në fund te Destani për qebapë.

Po shkonim me nipin në vizitat e planifikuara, pastaj “Mirëdita” dhe “si je, si shkon puna”. Të gjitha po i them në gjuhën shqipe….

E pyes nipin për secilin nga personazhet, para tyre, se a i urren këtë zotërinj….

Fëmija i habitur më shikon dhe thotë: Jo gjysh, përse?

“Po më parë kur erdhe nga shkolla më the se i urren shqiptarët. Ja, shqiptarët janë këta miqtë e mi. A i urren tash?”

Fëmija u skuq dhe në mënyrë naive m’u përgjigj: “Gjysh, por kështu thonë të gjithë në shkollë!”

“Të pshurrsha në shkollë!” – i thashë.

Ju them të gjithë maqedonasve t’i dërgojnë më shpesh fëmijët në Çarshi, të mësojnë shkollën e jetës, përndryshe gjithë jetën do mbesin VMRO-istë, humbje e madhe.”/INA

[par]

SKANDAL/ Tenderi për Zonën Ekonomike të Spitallës. Udhëtimi sekret i Olsi Ramës në Kinë, takimet me konsorciumin fitues

Posted on 09:26, 30/10/2015 by Syri.net

olsi rama me shoke

Fakte të reja dalin në dritë rreth një afere të vërtetët korrupsioni dhe favorizimi që përfshin kësaj here një nga familjarët më të ngushtë të kryeministrit Edi Rama, konkretisht vëllanw e tij Olsi Rama. Ditën e djeshme Ministria e Ekonomisë përmes Komisionit të Vlerësimit të Ofertave, zhvilloi procedurën e përzgjedhjes së zhvilluesit për Zonën Teknologjike të Zhvillimit Ekonomik të Spitallës, në Durrës.

Sipas njoftimit të Ministrisë së Ekonomisë në konkurrim u paraqitën 2 oferta. Konsorciumi i kompanive kinez “Zhejiang Haiteng Investment Co., Ltd” dhe “Bejing Dongrun Tongbao Technology Co.Ltd”, oferta e të cilëve parashikon një vlerë investimi në shumën e 1.5 miliardë USD.

Periudha e përfundimit të të gjitha fazave e ofruar është 9 vjet ndërsa aktivitetet që do të zhvillohen brenda në zonë përfshijnë industrinë e lehtë dhe atë të mesme. Në planin e saj të biznesit, kompania kineze parashikon hapjen e rreth 90 mijë vendeve të punës brenda periudhës në fjalë.

Ndërsa Kompania e dytë e cila dorëzoi ofertën e saj ishte kompania italiane “RENDur 4” sh.p.k. për të cilën komisioni është duke shqyrtuar ofertën. Por çfarë ka ndodhur në të vërtetë?

Burime konfidenciale për Syri.net, por edhe sipas hulumtimeve tona, bwhet me dije se nga 2 ofertuesit, firma italiane “RENDur4” sh.p.k. është një firmë fantazmë, qe nuk ekziston aspak në Itali dhe për këtë ne bëmë edhe verifikimet përkatëse nëpër regjistrat italianë të regjistrimit të bizneseve. Ky fakt lë të dyshojmë që pjesëmarrja e saj në tender është bërë thjeshtë për të nxjerrë fitues konkurruesin e dytë.

Ndërsa dy firmat kineze “Zhejiang Haiteng Investment Co., Ltd” dhe “Bejing Dongrun Tongbao Technology Co.Ltd” janë dy firma për të cilat mund të informohesh shumë qartë në website-n e Qeverisë Kineze për Regjistrin e Kompanive: http://gsxt.saic.gov.cn/

Në këtë website “Zhejiang Haiteng Investment Co., Ltd” rezulton të jetë një kompani shumë e vogël, dhe për standardet e Shqipërisë, me një kapital prej 2,7 milionë euro (ose 20 milionë Juan) dhe në historikun e aktivitetit të saj, ajo ka blerë aksione të një prodhuesi të vogël farmaceutik. Kjo kompani rezulton qe nuk ka as faqe interneti siç janë standardet kompanive serioze.

http://gsxt.zjaic.gov.cn/appbasicinf...84754884A10D77

Sipas informacioneve qe zotëron SYRI.net, kjo kompani ndodhet në një zonë rurale të Kinës, në Quzhou të provincës Zhejiang në të cilët parexellance, nuk ekziston asnjë Zonë e Lirë Ekonomike.

https://www.google.com/maps/place/1+...6e99f65c45c865

Ndërsa firma tjetër pjesë e konsorciumit kinez në garë “Bejing Dongrun Tongbao Technology Co.Ltd” në aktivitetin e saj rezulton se ka si qëllim kryesor, mirëmbajtjen e shtëpive të pleqve në Kinë.

E thënë kjo, asnjë nga firmat kineze në konsorcium:

– nuk kanë kapacitetin financiar të investojnë 1,5 miliardë dollarë, siç pretendohet në njoftimin e Ministrisë së Zhvillimit Ekonomik, Turizmit, Tregtisë dhe Sipërmarrjes;

– nuk kanë asnjë eksperiencë për zhvillimin e Zonave të Lira Ekonomike

– nuk kanë asnjë eksperiencë ndërkombëtare;

– nuk kanë certifikimet e nevojshme për aktivitet Free Trade Zone, në Kinë

– nuk paraqiten dje në tender asnjë garanci bankare për investimin e tyre

Madje nga informacione konfidenciale brenda Ministrisë së Zhvillimit Ekonomike, bëjnë me dije për SYRI.net se kompania “Zhejiang Haiteng Investment Co., Ltd” i ka shkruar vetë termat e referencës, të cilat ministri Ahmetaj i paraqiti si sugjerime nga Universiteti i Harvardit dhe kjo shpjegon faktin e mungesës së interesit nga kompani të mëdha në këtë sektor.

Roli i vëllait të Edi Ramës, Olsi Rama në këtë aferë?

A qëndron mbrapa këtyre dy firmave kineze vëllai i Edi Ramës, Olsi Rama, dhe a është ai përfaqësuesi de-facto i këtyre firmave dhe fituesi real i Zonës së Lirë Ekonomike të Spitallës?

olsi rama me shoke-1 olsi rama me shokeRezulton se në 29 Korrik, një delegacion i dërguar nga Kryeministri Edi Rama dhe që kryesohej nga i vëllai i tij Olsi Rama ka udhëtuar drejt Kinës për të negociuar mbi përfshirjen e dy kompanive kineze në këtë tender. Nëse klikojmë në faqen e web të një kompanie kineze të ndërlidhur AIWAN Grup, aty thuhet se Olsi Rama është i dërguari zyrtar i Qeverisë Shqiptare në këto negociata, sëbashku me Këshilltarin Tregtare të Ambasadës Krivis Meçi dhe Gëzim Mançe, përfaqësues për investimet në Shqipëri.

(kliko këtu http://www.awjt.cn/P1.asp?id=19522

Dhe pikërisht Gëzim Mançe, sëbashku Xiaohe Zhou, pronarin e firmës kineze “Zhejiang Haiteng Investment Co., Ltd”, dhe që shfaqet edhe në fotot e takimeve që Olsi Rama ka patur në Kinë, dje janë paraqitur në tenderin e Ministrisë së Ekonomisë, dhe me shumë gjasë fituese e tenderit pritet të jetë pikërisht konsorciumi kinez me të cilin ka negociuar personalisht i vëllai i Kryeministrit Edi Rama, Olsi Rama.

Po çfarë fshihet pas gjithë kësa skeme?

Në këtë pikë është e domosdoshme që organet kompetente dhe mediat duhet të nisin sa më parë verifikimet përkatëse. Sipas skemës së zbardhur më lart rezulton që në këtë pikë përfituesi real i Zonës së Lirë Ekonomike të Spitallës prej 500 hektarë dhe për 99 vjet, janë Edi Rama dhe vëllai i tij Olsi Rama. Duket qartë se firmat e vogla kineze janë paraqitur në tender thjeshtë sa për të mbuluar këtë mega-aferë korruptive.

Realisht plan-biznesi real i nuk është zhvillimi i një Zone Industriale në Spitallë, pasi ajo zonë nuk ka një port të mirëfilltë dhe lidhje hekurudhore efektive me rajonin dhe Europën.

Sipas burimeve konfidenciale të SYRI.net i vetmi avantazh që konsorciumi kinez do të ketë në këtë aferës është, shitja e vizave dhe rezidencave të përhershme për shtetas kineze, i cili është një nga bizneset më fitimprurëse në Kinë.

Për këtë kemi informacione të sigurta, qe qeveria shqiptare do të bëjë një paketë ligjore, ku çdo shtetas i huaj që investon mbi 200 mije euro ne Shqipëri merr automatikisht leje qëndrimi në Shqipëri.

[Hyllien]

Faleminderit par

[par]

Deputeti socialist Ben Blushi në fjalën e tij në Kuvend ka sulmuar qeverinë për projekt-ligjin e kriminalizimit të shpifjes. Ai tha se askush nuk shkon në burg, nëse është politikan. Por sipas tij të gjithë njerëzit e tjerë shkojnë në burg, përveç politikanëve.

“Mund të shkosh në burg si, student, tregtar, shofer, gazetar, por si politikan nuk shkon asnjëherë në burg”, tha Blushi gjatë fjalës së tij në Kuvend.

NGA FJALA E DEPUTETIT BEN BLUSHI NE KUVEND

Unë isha në Bruksel para dy ditësh dhe me atë rast dua të them dy fjalë. Ajo që kuptova në fakt është se Evropa kërkon të na integrojë, po ne nuk duam. Edhe Progres Raporti i fundit ishte shkruar më mirë se ç’mund ta shkruajë çdo shqiptar në emigracion dhe Evropa kërkon të na integrojë kështu si jemi.

Se është më mirë të integrohet një vend si ne, sesa të lejohet ‘të rrjedhë’ çdo ditë një popull derisa të bëhet i paqeverisshëm, se ne nuk do të qeverisemi më pas ca kohësh.

Evropa po bën çdo përpjekje të na integrojë dhe ne që të mos integrohemi. Njera palë është që kërkon të bashkohet dhe tjera ta pengojë. Në fakt ka një palë tjetër që humb, pala shqiptare.

Për shkak të trukeve, sajesave proceduriale, integrimi i shqiptarëve është shtyrë dhe nuk mbaron, po vetëm rifillon. Disa vite më parë ishim ne me “qarkun e Fierit” që e penguam dhe tani një palë tjetër…Ky është një ping-pon absurd se kush e vonon më shumë.

Është fjala për ligjin e dekriminalizimit.

Unë jam i bindur se europlarlamentarët i bëjnë të njëjtën pyetje vetes: A duan këta të integrohen apo jo? Unë mendoj se të dyja palët duam, por janë ca kushte që koha po i tejkalon.

Disa kolegë të opozitës e kushtëzuan reformën në drejtësi me ligjin e dekriminalizimit, sepse ky parlament – sipas tyre i mbushur me kriminelë – nuk ka të drejtë të kryejë reformën. Pra, “ kriminelët” të dalin, se nuk kanë të drejtë të votojnë “gjykatësit” e tyre.

Edhe unë besoj deri diku se kriminelët s’kanë të drejtë të zgjedhin gjykatësit, por ky është perceptimi popullor sot për ne. Ky parlament nuk i ngjan asnjë parlamenti në Evropë; ka aq shumë njerëz me të kaluar kriminale sa më duket vetja si në paraburgim.

Ky është për turpin e atyre i sollën, që i përdorën për vota, se më këtë i kanë vënë një damkë këtij parlamenti, që do të hyjë në analet e Kuvendit si me qesharaku. Po fatkeqësisht ky është legjitim dhe populli i ka votuar se s’ka pasur një ofertë më të mirë dhe ka votuar për listën e partive.

A do të ishte ky parlament kaq i shëmtuar dhe i ndotur nësë në Shqipëri do të kishte pasur drejtësi të pavarur?

Unë mendoj jo! Se drejtësia do të duhej të ishte për të mos favorizuar kriminelët dhe korrupsionin dhe për të ‘pastruar’ parlamentin. Unë nuk besoj më se dy palët në këtë vend kanë aftësi, kompetencë dhe vullnet për ta ‘pastruar’, por ka vetëm dy mundësi për ta konsumuar:

E para, nëse është populli shqiptar që merr vendim të na nxjerrë ne të gjithëve jashtë;

E dyta, nëse drejtësia funksionon, një pjesë e mirë e anëtarëve këtu s’do të kishin vend.

Pra, nëse ka një punë që ne s’i ikim dot, është vetëm reforma në drejtësi. Ky parlament ka vetëm një shans me zgjedhësit e vet në borxh, që ose të reformojë sistemin e drejtësisë, ose t’i dorëzohet drejtësisë. Pra, çdo akt që ju përdorni, nëse nuk është truk, që ta kushtëzoni reformën në drejtësi me dekriminalimin, është një peng.

Ka një debat të madh në Shqipëri që e bëjnë jashtë dhe njerëzit e thjeshtë se kush e e meriton realisht që duhet të shkojë në burg. Shkon në burg si shofer kur shkel rregullat e qarkullimit, si fukara kur nuk paguan dritat, si konsumator kur s’ke kupton, si sipërmarrës kur nuk paguan taksat, si gazetat kur e deformon të vërtetën

…Po pyetja është: Si politikan, a shkon në burg?

Jo, deri tani s’ka ndodhur. Të gjithë kanë shkuar dhe janë gati duke shkuar dhe pyetja nuk është imja, po jashtë kësaj salle.

Çfarë janë këta që hyjnë në burg? Këta janë zgjedhës. Ky është ndryshimi ynë, që zgjedhësi shkon dhe i zgjedhur nuk shkon në burg, sepse ne nuk kemi bërë asnjë ligj apo reformë që na ndëshkon ne. Edhe kur është e dukshme, ne përdorim procedurën për të shmangur drejtësinë.

A kanë të drejtë zgjedhësit, si shoferi, beriberi,fukarenjtë, të pyesin pse “ne shkojmë në burg dhe ju jo?”

Ka ardhur koha që t’i japim përgjigje kësaj pyetjeje. Pra, këtu merr përgjigje pyetja pse ata zhduken çdo ditë në emigracion; është zhdukuar në një vit një numër i barabartë me një qytet, me një qytet sa Elbasani. Ata nuk ikin se janë të varfër, po ikin se këtu nuk ka drejtësi, se 70% që shkojnë nëpër shkolla – me statistikë kjo – nuk gjejnë punë kur dalin; se nuk ka asnjë vend që e edukon më keq rininë e vet si ne. Po çfarë do të bëjnë këta, do rrinë këtu të na dëgjojnë ne?!

200 mijë shqiptarë kanë aplikuar për në SHBA, që është shkalla më e lartë e emigracionit në Evropë në proporcion me popullsinë – nuk është problem kjo për rusët – se ata besojnë se ata që i bëjnë më shumë dëm këtij vendi, jemi ne, është pandëshkueshmëria jonë dhe ne jemi e vetmja sallë në Evropë që po na ikin zgjedhësit. Pra, o t’i dorëzohemi papunësisë – o drejtësisë, se rrugë tjetër nuk ka për ne!

[par]

Kush është Fron Nahzi? Miku i Edi Ramës që sulmon Ilir Metën me shkrimin e publikuar në Huffington Post

Publikuar në 22:19, 22 Dhjetor, 2015 nga syri.net

froni me ramen



Fron Nahzi është shfaqur sot para syve të shqiptarëve me një shkrim të publikuar në Huffington Post i cili po të analizohet mirë, më shumë se një vështrim mbi realitetin shqiptarë bart në vetvete edhe shumë pikëpyetje për qëllimin e vetë shkrimit. Fron Nahzi nuk është një emër i panjour të paktën për politikën shqiptare, sidomos atë të prapakuintave.

Shqiptarë me origjinë, Fron Nahzi ka qenë drejtori i parë i Fondacionit Sorros në Shqipëri, dhe pikërisht gjatë kësaj kohe ai lidhi një miqësi të ngushtë me aktivistin politik të ditëve të para të viteve 90 Edi Rama dhe grupin e tij të ngushtë. Që atëherë, miqësia e Fron Nahzit dhe Edi Ramës nuk ka pushuar së ekzsituari dhe kur Rama u zgjodh kryeministër në vitin 2013 një nga takimet e para si i tillë ishte pikërisht me mikun e fondeve të “Sorrosit”, Fron Nazi i cili shoqëronte një delegacion të Walton Initiative, një organizatë amerikane që merret me gjetjen zgjidhje për energjinë e rinovueshme (fotoja kryesore).

Në artikullin e publikuar sot në Huffington Post me titull “Shqipëria, lista e vëzhgimit e ambasadorit Lu”, Fron Nahzi priret të identifikojë specifikisht vetëm dy autorë të korrupsionit në qeveri. Të parin por jo më të rëndësishmin, e ai identifikon ish kryeminsitrin Sali Berisha, Ndërs disa rreshta më shumë për fenomenin gërryes të shoqërisë shqiptare ai ia faturon aleatit-rival të mikut të tij Rama, Ilir Metës. “Shqiptarët drejtojnë gishtin nga Sali Berisha, i cili prej shumë vitesh ishte djali i preferuar i SHBA dhe Europës. Po ashtu ata drejtojnë gishtin tek Ilir Meta, kryetari i Kuvendit dhe kreu i LSI, partner në qeverisje i PS, i cili kur ishte në koalicion me Berishën, u kap në video duke kërkuar ryshfet”- shkruan Fron Nahzi, dhe këtu Ilir Meta ka një tjetër arsye për tu ndjerë i goditur me thikë pas shpine nga aleati-rival i tij Edi Rama përmes mikut të tij Sorros-ist.

Ndërkohë në shkrimin e tij, miku i Edi Ramës Fron Nahzi shkon edhe më tej ku kërkon ta tregojë kryeministrin aktual si “shpëtimtarin” e përzgjedhur nga Washingtoni dhe më konkretisht nga amabasadori Lu, për të luftuar korrupsionin në Shqipëri. “Jo më, thotë ambasadori Lu. Korrupsioni nuk do tolerohet, të paktën jo nga Shtetet e Bashkaura, që kanë ndaluar zyrtarët e korruptuar që të marrin vizë për në SHBA”-shkruan ai në artikullin e publikuar sot në Huffington Post. Dihet tashmë se i vetmi rast konkret kur SHBA-të kanë ndaluar për shumë vite një zyrtar të korruptuar, të marrë vizë për të udhëtuar drejt saj, ka qenë Ilir Meta, embargo e cila çuditërisht iu hoq atij vetëm dy muaj më parë, dhe kjo është një tjetër thikë që Rama i ngul pas shpine aleatit të tij rival, Ilir Meta.

Ndërkohë për të ngritur kultin e Edi Ramës si “kalorës” kundër korrupsioni Fron Nahzi shkruan: “Lu dhe BE kanë shtyrë qeverinë dhe opozitën të miratojnë një ligj që u ndalon individëve me rekorde kriminale të marrin poste publike. Së bashku me partnerët europianë, tani duan të zgjidhin sfidën më të madhe të Shqipërisë: depolitizimin e sistemit gjyqësor në Shqipëri. Reforma e propozuar kufizon rolin e politikës në caktimin e gjyqtarëve, detyron gjyqtarët të tregojnë burimin e pasurisë dhe forcon pushtetin e kryeprokurorit për të hetuar dhe paditur gjyqtarët e korruptuar. Ajo që e bën unike këtë ndryshim të politikës së Uashingtonit është përkrahja për ambasadorin që ai të mbajë të përgjegjshëm zyrtarët … publikisht. Ndryshe nga dy paraardhësit e tij, që kishin detyrën e pamundur që të punonin me një kryeministër kokëfortë si Sali Berisha, Lu ka gjetur një partner të gatshëm tek kryeministri Edi Rama. Rama ka nisur një luftë ndaj korrupsionit duke i lejuar qytetarët që të denoncojnë online rastet e ryshfetit, ka pastruar forcën policore, po i jep fund evazionit fiskal dhe po detyron njerëzit të paguajnë faturat e energjisë”.

Kjo po që është një qokë e një miku të vërtetë, e një miqësie që lindi përmes fondeve të “Sorrosit” në vitet 90 e vijon sot përmes kushedi cilave marrëveshje, për kushedi se cilat konçensione në fushën e energjisë. Por përpos kësaj, duket se beteja e Edi Ramës tashmë është zhvendosur në dy linja pazgjishmërisht të lidhura me njëra-tjetrën, rifitimi i besimit të humbur më partnerët amerikanë pas “Jo-së” për armët kimike, dhe pyetja retorike e dy viteve të fundit. A është ky sulmi i radhës i Edi Ramës ndaj Ilir Metës?

[Duke_Of_Arberia]

Par mos sill me lajme nga syri.net, se kemi nje anetar partie ketu, qifure-qifure e quajne... E na vjen pastaj me artikuj te marra nga Zeri i Popullit ne gjuhen ingleze, e t'i demaskon postimet e tua ne lidhje me kete teme..

Ay pastaj ka dhe ca cilesi te tjera, komunikon si egjiptianet e lashte, nepermjet hieroglifeve, simboleve dhe grafiqeve!

Eshte shume i zgjuar...

[martini1984]

Mbas 6 javeve ne pushtet,partia nacional konservative e Polonise per drejtesi(PiS),kalon ne parlament me 235 vota pro dhe kundra 181 ligjin per kufizimin e Gjykates Kushtetuese.
Fjalen e fundit e ka Senati.
Martin Shulz Presidenti i Parlamentit Europian: cfare po ndodh ne Poloni,ka karakteristiken e nje PUCI(fashist) dhe kjo eshte dramatike.
PS: mbase na sqarojne mediat tona se per cfare behet fjale.