Durrës: Atentat me tritol makinës së biznesmenit Ardian Trota

[Albo]

Durrës, eksploziv makinës së biznesmenit kuksian, kishte precedentë penalë



Një automjet ka shpërthyer me eksploziv mëngjesin e sotëm pranë Shkëmbit të Kavajës duke shkaktuar plagosjen e një personi. Ngjarja ka ndodhur rreth orës 10:00, ku një automjet tip Benz ngjyrë gri me targë AA 765 FN i cili ka qenë në ecje e sipër nga Durrësi në drejtim të Shkëmbit të Kavajës ka shpërthyer në flakë.

Nga shpërthimi ka mbetur i plagosur biznesmeni Ardian Trota, 48 vjeç, nga Kukësi. Trota është person me precedentë të mëparshëm penalë. 48-vjeçari ka qenë edhe më parë objekt atentati. Ngjarja ka ndodhur Kukës, ne qershor te vitit 2013 ku Trota se bashku me 2 miq te tij jane sulmuar me arme nga dy persona me motor ne karburantin ne pronesi te tij, ku ka mbetur i plagosur. Nga shpërthimi i sotëm, i cili dyshohet se eshte bere permes lendes eksplozive tritol, Trota ka marre plage te shumta ne fytyre, pasi mendohet se eksplozivi eshte vendosur ne pjesen e motorit dhe eshte shperthyer ne menyre te telekomanduar. I plagosuri është dërguar për ndihmë mjekësore në spitalin rajonal të Durrësit ku po i nenshtrohet nje nderhyrjeje kirurgjikale.

Policia ka mbërritur menjëherë në vendngjarje dhe ka nisur hetimet duke nisur nga konfliktet e mëparshme ku ka qenë i përfshire 48-vjeçari, pasi pista kryesore mbetetet ajo e hakmarrjes.

Shqip

[Albo]

Arrestohet ‘i forti’ i Kukësit Ardian Trota, pas atentatit me tritol në makinë

TIRANE- Arrestohet Ardian Trota, i njohur si “i forti” i Kukësit, që i shpëtoi paraditen e sotme një atentati me eksploziv në mjetin e tij, në Shkallnur të qytetit të Durrës.

Lajmi bëhet i ditur nga Prokuroria, e cila sqaron se pas hetimeve të nisua fill pas atentatit, rezulton se Trota është larguar nga banesa e tij në Kukës, pranë së cilës duhet të vuante dënimin ‘arrest shtëpie’, për veprat penale të “Dhunës në familje”, “Vjedhje të energjisë elektrike” dhe “Mbajtje pa leje të armëve dhe municioneve luftarake”.

I ndodhur pak larg vendit të atentatit, Trota është arrestuar për ‘largim të të burgosurit nga vendi i qëndrimit’, pra nga banesa e tij.

NJOFTIMI I PLOTË

Në datë 17.01.2015 rreth orës 09:30 në vendin e quajtur Shkallnur të qytetit Durrës, në rrugën dytësore Plepa-Golem, ka ndodhur një shpërthim në automjetin tip “Mercedes Benz” me targa “AA 765 FN”, në pronësi të shtetasit Ardian Trota, 44 vjeç, lindur dhe banues në Kukësit.

Në vendngjarje ka shkuar menjëherë grupi hetimor në përbërje të të cilit kanë qenë edhe specialistë të Njësisë Antieksploziv Tiranë, si dhe specialistë të Drejtorisë së Policisë Shkencore Tiranë. Nga hetimet paraprake rezulton se në momentin e shpërthimit shtetasi Ardian Trota ka qenë afër automjetit, i cili ishte parkuar pranë banesës së këtij shtetasi te Shkëmbi i Kavajës. Si pasojë e shperthimit Trota ka pësuar dëmtime fizike dhe pas marrjes së ndihmës mjekësore në Spitalin Rajonal Durrës është jashtë rrezikut për jetën.

Nga kqyrja e vendngjarjes janë gjetur dhe administruar në cilësinë e provës materiale mbetje të shkaktuara nga shpërthimi i lëndës plasëse. Po vazhdon puna për sqarimin e plotë të rrethanave dhe motiveve të kësaj ngjarjeje, ndërsa materialet proceduriale ju referuan Prokurorisë pranë Gjykatës së Shkallës së Parë Durrës.

Pas verifikimeve të kryera në lidhje me shtetasin Ardian Trota ka rezultuar se:

Gjykata e rrethit Gjyqësor Kukës në datë 12.01.2015, ndaj këtij shtetasi ka caktuar masën e sigurimit “Arrest shtëpie” për veprat penale të “Dhunës në familje”, “Vjedhje të energjisë elektrike” dhe “Mbajtje pa leje të armëve dhe municioneve luftarake” , parashikuar nga nenet 130/a,137/2 e 278/2 të Kodit Penal.

Në kushtet kur shtetasi Ardian Trota është larguar nga banesa dhe nuk ka zbatuar vendimin e Gjykatës së Rrethit Gjyqësor Kukës nga shërbimet e policisë është bërë arrestimi në flagrancë i tij për veprën penale të “Largimit të të burgosurit nga vendi i qëndrimit”, parashikuar nga neni 323 i Kodit Penal.

(ma.ar/BalkanWeb)

[Qyfyre]

2 shperthime brenda 24 oresh

2 explosions in Albania within 24 hours

[SERAFIM DILO]

Nga e gjejn gjithe kete tritol ? Duket sikur eshte bere tritoli me racion o me trisk dhe tollon .

[DiGiT@LiFE]

hahahahaha SERAFIM DILO

[Meriamun]

Më bëri çudi fakti që gjykata e Kuksit, e paska dënuar këtë Trotën me arrest shtëpiak, ndërkohë që në kurrikulën e tij kriminale rëndokan një sërë veprash të dënueshme rëndë, si psh dhunë në familje, armëmbajtje pa leje e armëve luftarake dhe vjedhje e energjisë elektrike. Ça është ky vendim gjykate? Si nuk u vjen turp që tallen me të varfërit dhe kriminelëve të vërtetë nuk u hyn gjemb në këmbë???

[Lulke]

Nuk denohen krimînelet dhe te korruptuarrit se e kan portofolin e ngrohte Meriamun!!

[Wordless]

Nga e gjejn gjithe kete tritol ? Duket sikur eshte bere tritoli me racion o me trisk dhe tollon .

Tallesh ti apo çfarë ?! Po ngeli depo në këmbë në 97-ën ? Edhe ato pak mijra tonelata që mbetën ... kush mbajti inventar në Gërdec se sa u vodh, shit apo shpërthye ?

[Qyfyre]

Shum amator keta qe bejn atentatet, i ven tritol ne makin dhe vetem plagosje

[Wordless]

2 shperthime brenda 24 oresh

2 explosions in Albania within 24 hours

E kemi si objektiv kryesor të Qeverisë së Rilindjes.. futjen e Shqipërisë përkrah vëndeve ku investimi në biznes dhe turizmi do të ishte një vetvrasje e sigurtë !!