Mbi 250 mijë qytetarë, mes tyre ushtarakë, mjekë, infermierë e mësues, rrezikojnë pensionin. Për 8 vite me rradhë, këta zyrtarë janë mashtruar nga shteti, pasi u janë mbajtur paratë për sigurimet shoqërore,por asnjëherë nuk u janë derdhur në arkë.
Kjo piramide mashtrimi, e cila ka funsionuar gjate 8 viteve te shkuara është denoncuar nga ministri i Mirëqënies Sociale, Erion Veliaj, i cili tha se kete borxh prej 109 milion dollaresh tanime duhet te shlyhet nga ministrite dhe institucionet përkatëse.
"Në total numri i subjekteve që nuk kanë paguar sigurimet shoqërore, për punëtorë të deklaruar shkon në 53 060 të tillë. Në total kanë rrezikuar pensionet e 250 mijë shqiptarëve, nga të cilat 1 407 janë institucione publike buxhetore, kurse 51 653 janë subjekte private", tha ministri i Mirëqënies, Erjon Veliaj.
Por veç ushtarakëve, gardistëve, mjekëve, mësueve, punonjësve të ALUIZNI-t, vetë punonjesit e Inspektoriatit Shteteror dhe ata te Sigurimeve Shoqerure, kane rezultuar te mashtruar.
"Ministria e Mirëqënies, atëherë quhej Ministria e Punës, për 8 vite nuk paguante sigurimet shoqërore dhe ajo që e bën akoma më qesharake dhe tragjiko-komike këtë situatë, dy institucionet me debitore të Ministrisë së atëhershme të Punës ishin vetë Instituti i Sigurimeve Shoqërore dhe Inspektoriati i Punës, i cili shkon për të kontrolluar nëse të tjerët punojnë në të zezë dhe nuk janë paguar sigurimet shoqërore", tha Veliaj.
Jane rreth 1500 institucione shteterore, te cilat per 8 vite me rradhe kane mashtruar mijëra zyrtare duke u vjedhur parate e sigurimeve shoqerore, e çka eshte me e rende, duke u rrezikuar pensionet.
-
Skandali i Sigurimeve në institucione, Qeveria e Rilindjes do të paguajë borxhin
Skandali i Sigurimeve Shoqërore ku shumë institucione të shtetit nuk kanë paguar kontributet për punonjësit ka hapur debatin se si mund të zgjidhet kjo situatë.
Top Channel ka mësuar se një nga rrugët që Qeveria po merr në konsideratë është ajo e klasifikimit të borxhit 100 milionë dollarë si detyrim i prapambetur për t'ja bashkangjitur borxheve të tjera që po shlyhen përmes një plani trevjeçar.
Kur erdhi në pushtet qeveria e majtë u angazhua për të paguar të gjitha borxhet e fsheura të shtetit. Pas verifikimit paraprak u deklarua se në total shuma e detyrimeve të fshehura që kishte krijuar Qeveria e mëparshme ishte 72.6 miliardë lekë ose 5.2 për qind e Prodhimit Kombëtar. Këto ishin detyrime në formën e punëve publike të papaguara, kontratave për furnizime mallrash, taksa të mbipaguara dhe pagesa shpronësimesh apo vendime gjykatash.
Menjëherë më pas Qeveria hartoi një plan trevjeçar për shlyerjen e tyre përmes buxhetit, duke marrë rreth 700 milionë dollarë hua nga FMN dhe Banka botërore. Burime konfidenciale nga ministria e financave thonë për Top Channel, se edhe borxhi prej 100 milionë dollarë i sigurimeve të papaguara, do të shuhet në këtë mënyrë, pasi të jetë kryer verifikimi i saktë i tyre, sepse nuk përjashtohet që mund të ketë edhe pasaktësi në rakordimin e të dhënave mes tatimeve apo ISSH-së.
Sipas tyre, këto detyrime do të paguhen pa patur nevojë për të marrë borxh të ri shtesë, pasi shuma prej 72.6 miliardë lekë që u deklarua në fillim ka qenë e mbivlerësuar. Në disa zëra si tatim fitimi apo të tjera, pas mbylljes së bilanceve, borxhi i buxhetit ndaj privatëve ka rezultuar më i ulët nga sa ishte vlerësuar fillimisht.
Shifra reale e borxhit të fshehtë shtetëror ka qenë një objekt i nxehtë debati politik mes qeverisë së majtë dhe demokratëve. Këta të fundit pretendojnë se shifra është shumë më e ulët nga sa u deklarua dhe Qeveria e rriti qëllimisht.
Por përtej sherrit politik dhe faktit Qeveria nuk do të ketë nevojë të rrisë më shumë borxhin, mospagimi i kontributeve është një skandal jo i vogël, i cili hedh përgjegjësi të forta mbi institucionet që e kanë toleruar veçanërisht tatimet dhe ISSH. Madje, jo vetëm për institucionet publike, por edhe për kompanitë private.
-
Përgjigju Duke Cituar
Postuar më parë nga Xinxerfilli
Krijoni Kontakt