Vlorë Viti I Ri nis me tragjedi: pasi refuzohet vret vajzen dhe kushuririn e saj

[Meriamun]

Publikuar më 02.01.2015 | 17:00

VLORË - Dita e dytë e vitit 2015, ka shënuar krimin e parë të rëndë të ndodhur në Shqipëri.

Në një atentat të ndodhur sot në mesditë në Vlorë, kanë mbetur të vrarë dy persona.

Viktima të këtij ekzekutimi mbetën 21-vjeçarja Paola Bishaj dhe kushëriri i saj, Parid Velaj, 28 vjeç, të dy nga qyteti i Vlorës, ndërsa i plagosur mbeti Gerti Arapi, 28 vjeç banues në Berat, i cili shumë shpejt do të fejohej me motrën e 21-vjeçares.

Në një operacion të vështirë për kapjen e autorit, policia ka arrestuar në flagrancë 28-vjeçarin Ervis Lulushi, teksa largohej në vendi i krimit dhe ka sekuestruar armën e krimit.

Si rrodhi dinamika e kësaj ngjarjeje deri në vrasjen e kushërinjve?

21-vjeçarja dhe kushëriri i saj ndodheshin në pastiçerinë “Grande Gelato” pranë shkollës së Marinës, ndërsa në tavolinë me ta ishin edhe bashkëshortja e Parid Velajt së bashku me Gerti Arapin. Burime për A1Report nga blutë e Vlorës thanë se autori i dyshuar i vrasjes është afruar në tavolinë dhe ka kërkuar të thërrasë për sqarim 21-vjeçaren.

Ka qenë kushëriri i saj i cili nuk e ka lejuar bisedën mes tyre, duke e larguar autorin disa metra larg ambientit të pastiçerisë. Vetëm pak minuta më vonë Ervis Lulushi është kthyer i armatosur dhe ka qëlluar me pistoletë në drejtim të Paolës, duke i shkaktuar vdekjen e menjëhershme. Më tej ka qenë kushëriri i saj, i cili në tentativën për të izoluar autorin është qëlluar me një plumb ne kokë, ku fatkeqësisht ndërroi jetë në spital. Ndërsa Genti Arapi ka shpëtuar mrekullisht nga kjo tragjedi, falë bllokimit të armës. Ai është goditur disa herë në kokë me tytën e pistoletës dhe është në spital jashtë rrezikut për jetën.

Menjëherë pas ekzekutimit të dyfishtë dhe plagosjen e të riut tjetër, autori është larguar nga vendi i ngjarjes duke kërcënuar me pistoletë në kokë drejtuesin e një makine të rastësishme që ndodhej pranë pastiçerisë. Policia është vënë në ndjekje të autorit duke e lokalizuar pranë zonës së Skelës. Autori nuk është ndalur me kaq...ka dalë nga automjeti, i ka drejtuar armën efektivëve të policisë dhe ka nisur të ecë me pistoletë në dorë nga Skela në drejtim të Ujit të Ftohtë duke terrorizuar qytetarët që ndodheshin në rrugë. Operacioni për kapjen e tij ka qenë i vështirë për shkak të kërcënimit me armë, derisa efektivët arritën ta vënë në pranga.

Sakaq, policia shoqëroi në ambientet e komisariatit dhe kushëririn e autorit, Arlind Lulushin 27 vjeç i cili mbërriti pas ngjarjes, si dhe Daniel Mehmetin 32 vjeç, i cili dyshohet të jetë personi që u kërcënua me armë në kokë nga 28-vjeçari.



foto e dy kusherinjve te vrare

Shekulli

[Prudence]

Kot fare. I mori me qafe te shkretet.

[Meriamun]

Në Shqipëri gjëja e parë që duhet bërë është të mblidhen armët. Këta ngelën duke masakruar njeri ~tjetrin çdo ditë, stë dëgjon veshi një lajm të mirë dreqi ta hajë.

Armët e zjarrit duhet të mblidhen me çdo kusht, sepse po marrin shumë jetë njerëzish.

[SERAFIM DILO]

E vertet,duhet te mblidhen armet,duhet ndonje ligj qe ta kufizoje o ta elimonoje mbajtjen e armeve.Keta sociallistet e burgut duhet te kishin bere ndonje ligj gjate ketij viti.

Kuptohet,qe dhe per socialldhistet e politikes eshte e veshtire,ne kete rast,rreptesia e kercenimi i burgut.......se te gjithe ata qe jane pa lek nuk mbajne arme.

[Busy Girl]

Zoti na ruajt nga injorantet . Ku e gjeti te drejten ai te vrase njerez pse sepse sju plotesua egoja e tij.... pse sepse vajza nuk i permbushi deshirat e tij. Dashuria dhurohet djale nuk merret me zor flas per kete qe i vrau po dhe per shume te tjere si puna e tij qe jan verdall akoma. Zoti mos past meshire per te me vjen keq per ate vajze e per shume te tjera qe duhet te jetojne me nje frike te tille. Shih ne cfare dite jetojme te duash nga halli mos te vritesh

[goldian]

e ku je Enver Hoxha te rrusha bolet aty ku je se ti ja kishe dhan denimin atijna e atyne qe e kann pjell e tanve me rrall ca kann fis e gjak me te
paska ken dhe vajza 4 vjece ne tavolin .ja kush jena na shqiptaret kurva meshkuj
as hasmi nuk vritet ne sy te femijes

cohu prej vorrit Enver Hoxha te xjerrt vorri jashte se po kena frike me ba pushime ne vend tone se spo dihet kush a ne lokal e kush po te sherben

[Darius]

Fatkeqesia eshte mentaliteti shtazark dhe tribal qe kane ende shqiptaret. Femra shihet si prone dhe dicka qe i perket dikujt dhe kjo ne mendjen perverse te barbarve shqiptare do te thote se kane cdo te drejte mbi te, madje edhe ti marrin jeten. Nuk jane armet problemi. Zvicra eshte vendi me liberal per armembajtje dhe ska fare krime te tilla. Problemi tek shqiptaret eshte mentaliteti barbar. Ai qe ka mendje te beje nje krim ska nevoje per nje arme por do e gjeje menyren se sben.

[Meriamun]

Si ndodhi vrasja e tmerrshme në sytë e 4-vjeçares

Përndjekja e Paolës nga Ervis për një vit


Vrasja e ndodhur dje në Vlorë ishte një vrasje e pastër pasioni. Kjo pasi Ervis Lulushi, përndiqte prej më shumë se një viti 21-vjeçaren, Paola Bishaj.

Të afërmit e vajzës i kishin kërkuar disa herë 28-vjeçarit që ta linte të qetë, por ai nuk kishte hequr dorë edhe gjatë kohës që Paola ndodhej në Gjermani, duke e përndjekur përmes "Facebook-ut".

Ditët e fundit, Parid Velaj, kushëriri i vajzës ishte takuar me Ervisin ku i ka kërkuar që t’i qëndrojë larg Paulës, pasi ajo nuk kishte asnjë ndjenjë për të.

Ervisi ka pranuar që kjo çështje të quhet “e mbyllur”, por në fakt ai nuk hoqi dorë. Ditën e krimit, Ervisi e ka vëzhguar gjatë gjithë kohës 21-vjeçaren.

Dhe sapo ka parë daljen e saj nga shtëpia bashkë me Parid Velajn dhe Gent Arapajn, ka shfrytëzuar rastin për t’i folur.

Vrasja duket se ka ndodhur me gjakftohtësi të plotë, pasi ka nxjerr pistoletën pak çaste pasi u ka kërkuar atyre falje për shqetësimin për praninë e tij.

28-vjeçari ka qëlluar me tre plumba Paolën, me një plumb në kokë Paridin dhe më pas ka tentuar të qëlloi edhe mbi Gentin, por i është bllokuar arma. Në këto kushte ai ka goditur disa herë me qytën e pistoletës. Edhe gjithë kjo skenë makabër ka ndodhur në sytë e vajzës 4-vjeçare të Paridit.



Autori i krimit, Ervis Lulushi
Shekulli

[goldian]

cdo gazete jep nga nje Version
te presim neser se kush e di ca versioni do dali

nje pyetje kam tashi per ne meshkujt ketu ne Forum normale qe njeriu eshte gjaknxehte po sbesoj se ka njeri qe i thote burgut hapu per teka kot fundja ta grabisesh e te ikesh me te e ke tenden po ste kapen po ta vrasesh sdo e kesh tenden kurre dhe sikur te jesh i lire
nuk ju duket sikur do kete dicka me te thelle ne kete histori???

[Meriamun]

Goldian, une personalisht e shikoj ne perspektive te thjeshte, dmth ky autori i krimit kur ka pare se si ka mbetur asnje alternative qe te jete sebashku me vajzen qe dashuronte plus dhe acarimi qe mund te kete pesuar nga zenka qe ka pasur me kusheririn e saj, i kane bere mase neuronet dhe ka shkuar ka marre armen dhe i ka eliminuar. Ketu qendron problemi me armet e zjarrit sepse ske ca ti besh, nuk e paralizon dot sepse ai perfiton nga distanca, ndryshon puna kur eshte me thike apo me dicka tjeter sepse mund edhe te mbrohesh apo ta godasesh me mjete rrethanore.