E futi qeveria Rama ne burg per 35 mije leke, vetevritet qytetari

[DYDRINAS]

Paturpësia e një gazete! Ja sa vlen jeta e një njeriu në Shqipëri!

SHËNIM: Opozita bëhet më një “dëshmor”, më në fund!

Postuar më: 29 Dhjetor, 2014

Një gjë dihet tashmë që, i ndjeri Qamil Zela që u vetëvar në qelitë e Rrogozhinës, do ketë për opozitën po atë status që paten viktimat e para për antiberishistët në Vlorën e `97-ës. Ose për t`u kthyer pak më pas në histori, si nënë Mine Peza për komunistët në vitin `42, ku edhe pse i erdhi vdekja nga një plumb qorr, u shpall e ekzekutuar nga italianët. Nuk vlen kjo paralele me viktimat e 21 janarit, pasi ploja e atëditshme nuk shoqërohet nga ndonjë mister apo pikëpyetje, se nga u erdhi vdekja të katërve. Për të ndjerin Zela, do u iket qasjeve ligjore, e do u mëshohet vetëm qasjeve sociale e të natyrës politike. Por fund e krye, çështja është dhe mbetet vetëm ligjore. Dhe diskutimi, duhet të jetë vetëm ligjor. Sepse dhe viktimat e 21 janarit, e kanë përmasën tragjike në raport me ligjin, e jo aq me pozicionimin e tyre politik. Para se vrasjet të jenë politike, kanë qenë thjesht, e njëherësh dramatikisht të paligjshme. Meqë opozitës i kërcet shumë për ligjin, t`i qaset ligjërisht çdo masakre që po shkakton kjo qeveri, me referenca të kulluara, sjellë nga juristë jo të pakët që ka gjirin e saj, ku përfshihet dhe vetë kreu, Basha. Ndryshe, rrezikon dhe vetë shkaktojë viktima, siç u shkaktuan prej turmave të zemëruara në Vlorën e `97, fill pas ca vrasjeve që nuk u mor vesh kurrë se kush i shkaktoi.

Ermir Hoxha

[Xinxerfilli]

Te gjithe jemi kunder hajdutllekut...POR me nje lule s'vjen behari...Pra ja dhe pasojat e dhimbshme. Ky po te ishte aq i pasur sa pretendojne ca, qe kane tru dhe jo zemer, nuk do te bente veprimin qe beri. Mua me erdhi shume keq per te ndjerin, pasi kete fund do te pesojme te gjithe me qeveri te tilla ne koke. Sa per Policine...e njohim shume mire se kush eshte, dhe si gjithmone kane parullen: -Cfare ti them eprorit???!!! Turpi me i madh eshte kur OSHEE thote se ai kishte bere lidhje korrenti te paligshem. Sa per te qeshur per nje OSHEE te tille. Po ku eshte ndryshimi i mospagimit te energjise me ate te lidhjes se pandershme???!!! Vetem OSHEE-ja e di. Dhe fatkeqesia me e madhe eshte se ne tre shqiptare dy kane "mbaruar" juridikun dhe s'jemi ne gjendje te gjykojme akoma.

Ndryshimi eshte i thjeshte, une lidh kontrate me ty si kompani dhe nese skam te paguaj kthehem ne debitor dhe borxhi im shenohet. Mund te behet nje marreveshje per pagimin e borxhit me keste etj etj

Ndersa tjetri nuk lidh kontrate fare dhe zgjedh ta vjedhi energjine, kjo energji eshte totalisht e humbur sepse nuk rregjistorhet kund dhe hajduti nuk i ka borxh askujt dhe nuk paguan per te.

Kur degjoni ne lajme per humbjet ne rrjet per kete behet fjale, energji qe shpenzohet por me letra nuk figuron askund.

Nejse ju vazhdoni beni gam gam se gjoja na eshte futur ne burg ky se ishte debitor por ska mundesi te ndodhe nje gje e tille sepse nuk ka asnje ligj qe mund te fus dike qe ka borxhe ne burg. Dikush qe eshte hajdut energjie futet ne burg ne baze te ligjit qe nxori Saliu vete ne 2008 deri ne tre vjet.

Ne vend qe te ndertonte dy dyqane ky mejshtrei te ndertone nje dhe me leket qe ndertoi tjetrin te paguante energjine.

[linda l]

Edburgu mbylli shkollat hapi burgjet... E çfare mund te presesh nga nje piktor per me teper deshtak qe mendon se njerezit edukohen duke i futur ne burg

[Ingenuous]

No comment!
Mjere ne se ke kemi zgjedhur per te na qeverisur!

[goldian]

linda.l jetoni jashte ju APO gabohem?
Provo pak mos paguash dritat ujin ngrohjen e hajde na trego pastaj deshtakun e leshtakun
u msut keq tu vjedh u msut keq tu hap biznese gjithe vend e pa vend
ma shume biznesmena ka shqiperia se e tan Austria
pse ca jemi ne tjeret qe i kemi pagu rregullist APO klysha kurvash boll tallet ****** tu mos pagu 8 vite e tu nxjerr kujin me ne te vobektit qe i paguajme nje me nje tashi bofshi qejf hallall piktorit

[derjansi]

Varin veten hajdutet neper burgje e pd i bon heroj

Qerdhe hajdutesh e bastardesh

[SERAFIM DILO]

Pd i bo heronj o derjans,ndersa Ps i bon hajdutet Kryetar Parlamenti. (Msasi shpalli edhe kater deshmor te 21 janarit )

[Albo]

Pra jeta e nje njeriu ne Shqiperi, ne syte e Qeverise se Rilindjes, nuk vlen me shume se 35,000 leke. Sa na vlen 35,000 leke energji elektrike, nuk vlen jeta e nje shqiptari. Dhe Qeveria ne vend qe ti ndihmoje e beje jeten me te lehte qytetareve te vete, Qeveria i fut ne burg dhe ua ben jeten te pamundur, aqsa varim veten ne qelite e burgut!

Kush do ti ushqeje gojet e femijeve te tij jetime tani?

O shoku Rama, une them qe ti leme edhe femijet te vdesin nga i ftohti dhe uria meqe jane "femije hajduti energjie" dhe e kishin babane me "biografi te keqe". Na e ka sjelle shoku Xinxo dosjen e Sigurimit te Shtetit me lart.

Albo

[Albo]

Rama harron të ngushëllojë

Kryeministri Edi Rama ka gjetur kohë për të sulmuar Partinë Demokratike për akuzat e saj, pas vetëvrasjes së Qamil Zelës, por nuk ka gjetur kohën dhe mundësinë për të ngushëlluar familjen që humbi njeriun e saj.

Me një shënim të tij në Facebook, Rama shkruan për faktin që Zela nuk ishte i ndaluar për borxh ndaj OSHEE-së.

“Ju thanë që ishte në burg për 35 mijë lekë të vjetra apo jo? Shikojini këto dy dokumenta që ta kuptoni kollaj fare se ç’është politika e hienave!”, shkruan Rama.

Sipas tij, “nuk hyn askush në burg për borxhe ndaj OSSHE-së, kush ka borxhe lidh marrëveshjen me kompaninë ose i ndërpriten dritat. Në burg, sipas Kodit Penal të Republikës së Shqipërisë, shkojnë 3-5 vjet vetëm ata që kapen duke e vjedhur energjinë”.

“Prandaj kush këtu ha symbyllur bar Shqupi të vaditur me lotë krokodili, nuk i shet dot kujt as mend e as moral jo e jo!”, përfundon shënimin e tij në Facebook, kryeministri Edi Rama.

MAPO

[Albo]

Mimoza Zela: Vëllai im nuk ishte as debitor dhe as vjedhës i energjisë elektrike

Ngjarja në Rrogozhinë

Motra e viktimës: Arrestimi i Qamilit, skandal i shtetit. Duam drejtësi ose do të bëjmë vetëgjyqësi



Edmond Hoxhaj

Pas vetëvrasjes së një qytetari në qelitë e paraburgimit në Rrogozhinë, qyteti i Lushnjës është bërë edhe më shumë skeptik ndaj abuzimeve që bëhen në emër të energjisë elektrike. Të gjendur përballë fatkeqësisë, familjarët e Qamil Zelës kërkojnë nga shteti të zbardhë ngjarjen, ndërsa protestojnë se ishte arrestuar pa të drejtë dhe drejtësia asnjëherë nuk i kish dëgjuar sqarimet e tyre. Motra e viktimës, Mimoza Zela, në një intervistë dhënë dje për gazetën “Shqip”, deklaroi se në asnjë faturë nuk ka rezultuar që vëllai i saj të ketë qenë debitor, ndërsa ngre njëherësh disa shqetësime. Sipas saj, arrestimi ishte i paligjshëm, për shkak se nuk kishte abuzime me energjinë, prokuroria ka heshtur dhe ka qenë inekzistente ndaj rastit e nuk i ka dëgjuar sqarimet e familjarëve dhe Burgu i Rrogozhinës në asnjë rast nuk i kish lajmëruar familjarët se vëllai i tyre kishte pasur problem. “U arrestua padrejtësisht. E akuzuan se kishte bërë ndërhyrje në rrjet, duke vjedhur energjinë, ndërkohë që vëllai im nuk e ka bërë një gjë të tillë. Siç e shihni edhe vetë, në këtë sahat nuk ka asnjë ndërhyrje. Ata erdhën edhe me oficerët e policisë gjyqësore dhe e kontrolluan sahatin matës duke firmosur procesverbalet dhe pranuan që ai ishte në rregull”, tha Zela. Motra e të vetëflijuarit thekson më tej, se vëllai i saj nuk ishte debitor, pasi, sipas saj, Qamili e paguante energjinë rregullisht. “Jo, nuk ishte debitor. Çdo muaj e paguante në kohë. Edhe në shtator i kishte paguar të gjitha, por pasi i bën kontroll në tetor, i thanë do të japim gjobë për dëm ekonomik 32 mijë lekë të vjetra. Në tetor ata e arrestuan dhe akuza për të ishte vjedhje e energjisë dhe ndërhyrje në sahat, kur asnjëra dhe as tjetra nuk ka ndodhur. Unë nuk e di pse këta nuk i verifikojnë gjërat para se t’i bëjnë fakt të kryer. Pas arrestimit e vlerësuan në gjykatë si të vlefshëm arrestimin dhe na e nisën vëllain në Burgun e Rrogozhinës”, rrëfen Mimoza.

Cili ishte pretendimi me të cilin lidhën akuzat para arrestimit dhe pse u vu një gjobë kaq simbolike?

Në katin e parë të kësaj godine ku vëllai ka shtëpinë, ai kish hapur një sportel andej nga ana e shkollës dhe shiste ndonjë byrek. Ndriçimi i objektit bëhej me të njëjtën linjë dhe matej nga sahati që është në hyrje të oborrit. Vëllai byrekët i piqte me gaz, se nuk mundte të paguante energjinë elektrike nëse i shkonte shumë, kështu që nuk e ngatërronte fare punën me energjinë. Ata kur erdhën kontroll i thanë se kishte biznes dhe se duhej të çonte sahat tjetër e të bënte lidhje e kontratë të re për biznes, por vëllai i sqaroi se nuk kishte asnjë biznes, por njërën nga dhomat e mbante si kuzhinë e bënte byrekë, nga të cilët fitonte shuma tepër të ulëta.

Po më pas, si vijuan gjërat?

I vunë gjobën dhe pas kësaj e arrestuan se nuk e pagoi gjobën, të cilën ai nuk e njihte fare si gjobë dhe këtë ua tha punonjësve të OSHEE-së.

Pas arrestimit, ju tentuat të flisni me prokurorët, avokatin e të tjerë që kishin lidhje me çështjen?

Ne shkuam dhe u jemi lutur atyre, duke u thënë se ishim gati të paguanim sa të donin vetëm ta linin të lirë vëllain, por ata s’na dëgjuan, na neglizhuan fare. Ne i prisnim, ata pinin kafe aty vërdallë e s’na e vinin veshin fare. Prandaj prokuroria të mbajë përgjegjësinë e saj për këtë rast, se ne nuk e lëmë me kaq, do ta kërkojmë drejtësinë deri në fund. Çfarë është ky shtet që të arreston pa bërë faj dhe të gjykon pa të pyetur. Ky është skandal, prandaj të na gjejnë një përgjigje e të na japin pse në humbi jetën vëllai, kujt ia kemi borxh.

Po me Burgun e Rrogozhinës, kur keni marrë kontakte, dhe a u thanë se ishte me depresion?

Ai patjetër që mund të ketë qenë i ngarkuar, se e arrestuan pa të drejtë, por ne nga burgu nuk na kishin thënë asgjë. Madje na njoftuan vetëm kur vdiq, duke na thënë ejani ta merrni se vdiq. Ca është ky institucion që nuk e sheh e nuk e monitoron të burgosurin. Shumë borxhe na ka shteti. Na vdiq vëllai kot për hiçgjë. Kush ma paguan dëmin, ma paguan Saimir Tahiri? Të na japin një sqarim se më vdiq vëllai për 32 mijë lekë të vjetra. Kur nuk gjetën lidhje të dyfishtë, nuk gjetën vjedhje, pse e mbajtën brenda edhe pas arrestimit. Të futësh vëllain në burg për një llambë, ky është skandal. Prokuroria është skandali vetë. Duam të drejtën tonë ose do të bëjmë vetëgjyqësi se më ka vdekur vëllai 54 vjeç.

Alibitë

Familjarët hedhin dyshime se Qamili nuk është vetëvarur

Ndërkohë të afërmit e tjerë të mbledhur të gjithë bashkë, kërkojnë të zbardhet situata, ndërsa hedhin dyshime se ende nuk dinë nëse Qamili mund të jetë vetëvarur. “Na thanë u vetëvar me shallin e tij. Nga ta dimë ne se ai u vetëvar, pse të mos dyshojmë që ka ndodhur, mos na e kanë vrarë, pra s’kemi asnjë informacion. Ne dinim që kur kish hyr në burg, kishte qenë tepër i shqetësuar dhe shfaqte ngarkesa emocionale të herëpashershme, s’e morëm vesh që i përdornin diazepam, por ai kishte qenë mirë këtu, pra edhe na e sëmurën atje, edhe s’na thoshin si e qysh po shkonte puna. Ne jemi shumë të paqartë mbi rrethanat, prandaj duam një sqarim nga shteti se si ndodhi, pse ndodhi dhe ishte vetëvarje apo jo. Kjo do të na qetësonte”, u shprehën familjarët e të burgosurit në Burgun e Rrogozhinës, i cili u vetëvar paraditen e djeshme.


Shqip