Nderpritet ndeshja Serbi - Shqiperi: CAS i jep fitoren 3-0 Shqiperise

[xhori]

Tadiq: Sjellja e huliganëve nuk duhet t’i nxis politikanët të bëhen huligan




Beograd, Prishtinë 18 tetor 2014 – Partia Social Demokrate e Serbisë (SDS) e ish presidentit serb, Bors Tadiq, sonte përmes një njoftimi i ka dënuar ashpër aktet e dhunshme të huliganëve ndaj shqiptarëve dhe pasurisë së tyre në shumë qytete të Serbisë. “I ftojmë organet përgjegjëse që sa më parë t’i gjejnë dhe t’i sanksionojnë ata që i kryen këto akte dhe që të dalin në mbrojtje të gjithë qytetarëve tonë dhe të drejtave dhe lirive të tyre kushtetuese”, thuhet në njoftimin e SDS-it, transmeton Indeksonline. Lideri i SDS-it, Boris Tadiq ka deklaruar në njoftim se nuk duhet lejuar që provokimet politike dhe dhuna e tifozëve nga një ndeshje futbolli të cenojë të gjitha ato që janë arritur deri me tash në zhvillimin e dialogut dhe kompromisin historik ndërmjet popullit serb dhe shqiptar.

“Sjella agresive dhe nxitja e frikës nacionaliste në ditët e kaluara edhe nga ana serbe edhe nga ana shqiptare, janë rezultat i parregullsive në ndeshje futbollit, mirëpo këto sjellje duhet urgjentisht të largohen nga niveli politik. Shpresoj që këto ndodhi janë incidente individuale dhe se kryeministri shqiptar do të vije në vizitë në Beograd dhe normalizimi i marrëdhënieve ndërmjet Serbisë dhe Shqipërisë do të vazhdojë”, ka thënë Tadiq. “I ftojmë anëtarët dhe miqtë e partisë sonë, si dhe të gjithë qytetarët, që të mbrojnë komshinjtë e tyre shqiptarë dhe bashkëkombësit nga secili lloj i agresionit dhe sulmit në lirinë e tyre”, thuhet në njoftim.

B.Salihu

lexo cfar tha kryeministri serb per ndeshjen itali serbi kur ishte min i brendeshemNdërhyrja e policisë italiane duhet të kishte qenë edhe më efektive në mënyrë që të pengonte spektatorët të që të fusnin stadium sende të tjera. Beogradi nuk do të lejonte kurrë që një gjë e tillë të ndodhte” – tha në atë kohë Dačić.

[Darius]

E kam parasysh fare mire se cfare ka thene. Kam qe diten e ndeshjes qe jam non stop ne korrent te ngjarjeve. Mjaft te shikosh kete teme.

[Kermilli]

Djema Forca Votoni dhe SHPËRNDAJENI SA TË MUNDENI këtë peticion në mënyrë që UEFA SËRBOFILE dhe Platini pederasti të japin një vendim të paanshëm

https://secure.avaaz.org/en/petition/UEFA_Investigate_Serbia_for_racism_and_violence_no t_for_field_disturbance/?dACAvib

[Uriel]

Gjatë derbit të sotëm Partizan - Crvena Zvezda u dogj flamuri shqiptar. Uroj të mos ketë kundërpërgjigje të tilla në stadiumet shqiptare. Le të mbeten vetëm në agoninë e tyre përpara syve të të gjithë botës.

[BlooD_VenoM]

Gjatë derbit të sotëm Partizan - Crvena Zvezda u dogj flamuri shqiptar. Uroj të mos ketë kundërpërgjigje të tilla në stadiumet shqiptare. Le të mbeten vetëm në agoninë e tyre përpara syve të të gjithë botës.

Nuk quhet kjo,eshte offside.

[Wordless]

Gjatë derbit të sotëm Partizan - Crvena Zvezda u dogj flamuri shqiptar. Uroj të mos ketë kundërpërgjigje të tilla në stadiumet shqiptare. Le të mbeten vetëm në agoninë e tyre përpara syve të të gjithë botës.

dmth e paskan katranosur shpresen e fundit "sipas reuters" http://uk.reuters.com/article/2014/1...0I61JI20141017

[semiku]

@semik

Shoki jem, kur te them se europa nuk ta hab hakun, nuk i kam ndermend platinin e blatterin por Institutet dhe organet e ndryshme te qytetetuara te saje, qe jane funksionale dhe te besueshme.
Natyrisht se e ke te lire ti interpretosh realitetet si te duash, por edhe une nuk jam per ate qe te petjashtohet serbia (te denohet rrende Po se po).me perjashtimin e fed. serbe do te denohen lojtaret, qe ne Fakt i perkasin gjenerates te pasluftes dhe edukohen dhe disciplinohen neper top-ligat europjane (njejte si djemt tane). Kete besoj se e don gjithe europa, ose eshte e detyruar keshtu ta shoh, ngase serbija nuk eshte ne skaj te dynjase, por ne mes te saje - Europa ka probleme tjera, nuk ka kohe te miret me komplekset e ballkanenzeve. Per kete llogari politike nuk e shoh te arsyeshme te kalohet mbi shpinen tone (duke fabrikuar akuza te paqena - drona shqiptare, rrefuzimi i vazhdimit te lojes). Ketu eshte pika ime, te luftohen keto akuza qe jane ne tavoline, e jo te qajme se ndodhi kjo, pse nuk u more para sysh kjo....
Akuzat e ngrejtura kunder serbise jane te vertetuara me fakte, dhe mjaftojne ta torpedojne futbollin serb per vite me rradhe, se per neve eshte "pak" e kuptoj, por kjo nuk eshte ne interess te tjereve, perpos ne tonin, dhe kete me prapavije politike.
Pra, qe ta kuptosh, mua me inteteson pozita jone, me interesojn TRE piket, dhe me intereson qe mos denohet shqiperia te luaj ndeshje pa publik ose ne vend neutral.
Per neve eshte me rrendesi ato da pikat ti luftojme, e jo te bejme si te hutuar pse uefa nuk e mer kete e kete e kete parasysh.
Krejt e kane te lire ti mundojn gjyqet, po qe se ndihet dikush i shkelur ne te drejtat e veta.
Ne shqiptareve duhet te na behet e qarte se nuk jemi ne ate pozite qe te drejten tone mund ta fitojme ne koker te shpines, sa e vertete qofte ajo, as na ka kush borxh, as i intereson kujt....kush mbrin, dhe kush mund, TE SHKEL PA PIKEN E MESHIRES. Nese sjellja e serbeve menjehere pas nderpritjes nuk ju eshte shkolle, atehere me vjen keq se nuk i kuptoni "njerezit" se si punojne per ti fituar avantazhet per vete. Per 5 minuta e akuzuan Olsin, pas 10 minuta e gjeten vendin e startimit te drones, dhe pas 15 minuta e gjeten edhe shqiptarin fiktiv qe eshte ngjit larte mbi kishe nepermjet te percuesit te vetetimes. SNatyrisht pa piken e proves, por ju duhet prove, apo nuk e pa asnje flamurin me portretet e rilindaseve tane ?
Tung

Po mir o zoteri.... mbaja ison Kolarovit & Ivanovicit qe do humbasin dicka,kur luajne ne klubet elite evropiane dhe ne jave marrin minimum 100.000 euro.E cka humbasin ,humbasin vetem qe te luajne para 30.000 huliganesh dhe te perfaqesojne nje komb qe ende nuk ka perjetuar katarze dhe te peshtyne ne ftyre.
Ej,ju gjenerata e vjeter e shqiptareve jeni gjenerate qe ka hanger dru nga sllavi,por une mendoj qe gjeneratat e reja nuk jane te tilla qe te frigohen qe mos te thone ate qe ndiejne dhe te kerkojne ta marrin ate qe dojn,e as te frigohet nga kravata e te korruptuareve te Brukselit...mjafte mara ma me kompleksin e sllavit "mos i denoni".

Ju sterholloni sa de doni gjuhen,prej apeleve qe mos te thuhet Grejt Albania por te thuhet qetas,nen ze - Shqipri Etnike ,madje edhe kete thuane aq ulte qe mos te trazohet bota sllavo-helenike.Atyre shume i le pershtypje kjo prap ju pergjaken syte edhe nga ky formulim.Ne stadiumin e cetnikeve te Beogradit nuk shkruante Shqipri e Madhe por mu kete Autokton,dhe ?

Ps: mesohu te diskutosh.

Kend ta marr model ? Teje ?
Po pikerishte fjala cirkuz qe te paska prekur ka qene fjala e pare qe me je drejtuar pa me njohur aspak.Jam duke te imituar ty.

[Uriel]

“Rrëfej Beogradin, gangsterët dhe bllokimin e Olsi Ramës”

Ardian Takaj është President i klubit “Skënderbeu”. Në këtë ai ka rrëfyer eksperiencën e tij në stadiumin e Beogradit në ndeshjen Shqipëri-Serbi. Në intervistën e tij, Takaj thotë se situata ishte në prag të shpërthimit, pasi lojtari i kombëtares sonë Cana, bëri një goditje me kokë në portën serbe. Pas kësaj tentative tifozët serbë janë bërë shumë agresivë dhe për ironi, pak minuta më vonë kur është shfaqur flamuri i famshëm, stadiumi ra në qetësi, sepse askush nuk po e kuptonte se çfarë ishte ai flamur dhe të gjithë u hutuan. Takaj rrëfen dhe dy episodet kur autoritetet policore kanë mbajtur të bllokuar vëllanë e kryeministrit Rama, duke sjellë dhe një detaj të panjohur, i cili sugjeron se plani i serbëve ka qenë që ta mbanin Olsi Ramën aty, pasi kërkuan që grupi i shqiptarëve të nisej pa të, me qëllim që ai të verifikohej.

Zoti Takaj, ju keni qenë pjesë e grupit të shqiptarëve që ndoqën ndeshjen në Beograd. Çfarë ndodhi aty me atë avionin e vogël me flamur?

Shumica mendon se problemet nisën kur nisi të fluturonte ai avioni i vogël me flamur. Por nuk është kështu, sepse situata ishte gati për të shpërthyer disa minuta para se të zbriste flamuri dhe në njëfarë mënyre ai avioni vogël me flamur e qetësoi për momentin situatën.

Në ç’kuptim e qetësoi?

Aty situata ishte e ndezur dhe shumë e ngarkuar që në fillim, që pa nisur ndeshja. Siç dhe dihet tani ata shanin në kor. Vdekje, vdekje! Nuk kisha parë ndonjëherë që i gjithë stadiumi të shante ashtu. Se ka raste kur një pjesë e stadiumit shan etj., por të gjithë pa përjashtim nuk kisha parë ndonjëherë. Sa herë lojtarët shqiptarë merrnin topin fillonte kori dhe shante. Problem u bë sidomos pas një rasti që pati Cana për të bërë gol me kokë. Kjo ka ndodhur nja 5 apo 7 minuta para se të ndërpritej loja. Në këtë moment stadiumi dhe tifozët serbë janë bërë shumë agresivë. Ne shqiptarët në tribunën qendrore, në momentin që Cana goditi topin me kokë, u çuam të gjithë në këmbë se menduam se u bë gol. Po kur na panë që u çuam, të gjithë serbët rreth e rrotull e kuptuan që ishim shqiptarë dhe kanë nisur na kanë goditur aty në tribunë me çdo gjë me çdo gjë që kishin, shishe, çakmak, çdo gjë. Pak më poshtë se ne ishte dhe një serb që po shante Olsi Ramën. Por e shante në gjuhën shqipe, dinte shqip ai.

Po pse e shante?

Sepse ai bënte foto gjithë kohën. Edhe kur ata u acaruan ai vazhdonte bënte foto. Edhe pasi e shau, ai vazhdonte bënte foto. Si rregull duhet ta ketë dhe foton e atij që e shau, sepse nga i gjithë grupi jonë vetëm ai bënte foto pa pushim.

Si ndodhi me avionin e vogël dhe me flamurin?

Po, ai Dron kishte kohë që sillej vërdallë, por askush nuk ja vinte re, por nisi të tërhiqte vëmendjen vetëm pasi u lëshua i varur flamuri. Me thënë të drejtën, kur nisën në stadium të vështronin Dronin, u zbut pak situata, sepse askush nuk po e kuptonte se çfarë ishte tamam ajo që po varej në qiell. Unë kisha disa minuta që isha nën tension dhe në merak të madh që pas rastit me kokë të Canës. E njoh psikologjinë e turmës dhe e di se çfarë të bën turma. Por kur doli ai avioni i vogël me gjithë flamur, të gjithë u përqendruan aty dhe po përpiqeshin të kuptonin çfarë ishte. Në fillim mezi dukej dhe nuk e kisha idenë se çfarë ishte ajo që valëvitej. Pastaj pashë vetëm atë pjesën e kuqe, ku dallohej shqiponja e flamurit dhe mendova direkt mos ishte ndonjë plan për ta djegur në mënyrë demonstrative flamurin tonë atje. Kaluan disa çaste kështu, i gjithë stadiumi u hutua dhe u shua komplet tensioni dhe agresiviteti në stadium, sepse të gjithë ishin si të hutuar se nuk po kuptonin çfarë ishte ajo që valvitej. Pastaj kur flamuri u ul ndodhën dhe problemet në fushë.

Kur po ndodhnin problemet në fushë ju çfarë bëtë?

Neve erdhën na morën dhe na zhvendosën fillimisht tek ambientet ku rrinin gazetarët, pastaj na mbajtën në një korridor të stadiumit. Por më të rrezikuarit kanë qenë lojtarët e kombëtares. Ata nuk e kuptonin se si ishte ndezur situata aty që prej fillimit dhe e kuptuan vetëm kur i goditën tek hyrja e dhomave të zhveshjes. Lojtarët e kombëtares kanë rrezikuar kokën, se komplet stadiumi ishte në kontrollin e gangsterëve.

Në ç’kuptim në kontrollin e gangsterëve?

Aty policia ishte totalisht nën urdhrat e gangsterëve kryesorë. Policia nuk mund t’i ndalonte ata kur hynin në fushë. Atë rastin e Ivan Bogdanovit e dhanë dhe mediat, e patë si hynte në fushë ai. Ai e ka të ndaluar përjetë të hyjë në një stadium futbolli, por ishte aty dhe bënte dhe komandën pasi policët shkonin ku u thoshte ai. Sa zbriti në fushë i dha urdhër me gisht policëve të largoheshin dhe kaloi i qetë. Aty situata ishte nën kontrollin e tyre dhe çunat e ekipit kombëtar janë me fat, pasi situata ka qenë shumë e rrezikshme.

Pas kaq ditësh, çfarë mendon për gjithë atë situatë? Ishte spontane apo e organizuar?

Unë mendoj se ka qenë e organizuar, sepse ka disa gjëra që e tregojnë shumë thjeshtë. Gjatë gjithë udhëtimit tonë me autobus drejt stadiumit, për disa kilometra rruga ka qenë e spastruar dhe nën kontrollin e plotë të policisë. Ne, problem kishim rrugën sepse e dinim që në stadium sidoqoftë gjërat janë më të kontrolluara nga policia.

Por atje ku pritej të kishte më tepër siguri, pikërisht atje ndodhën problemet. Kujtoj se kur hymë në stadium na kanë bërë një kontroll fizik që nuk më kishte bërë vaki ndonjëherë. Kontroll të rreptë, na morën dhe monedhat metalike, çakmak e ku ta di unë. Një i njohuri im shqiptar, por që ndodhej në anën tjetër të tribunës, ku kishte vetëm serbë, më tha më pas se nga ana e tyre nuk ishin bërë fare kontrolle, as kontrolle formale, fare, zero kontroll. Kur i lidh situatat e kupton se aty ka pasur një plan, që huliganët dhe gangsterët të kishin liri të plotë për të kryer akte dhune në stadium.

Po me Olsin çfarë ndodhi, pse u përfol ai?

Në fillim janë kapur për aparatin e tij fotografik. Kemi qenë tek korridori në stadium ku na mbajtën kur u ndërpre ndeshja. Erdhën disa policë dhe e pyetën për aparatin celular, diçka kanë këmbyer me fjalë dhe më duket se ka qenë Sokol Balla që ka ndërhyrë dhe u tha që ishte vëllai i kryeministrit shqiptar. Ata policët aty ikën pastaj, nuk e zgjatën.

Domethënë nuk është se e kanë ndaluar?

Kemi qëndruar rreth 2 orë tek korridori, sepse pritën të boshatisej sheshi para stadiumit dhe më tej policia na dërgoi drejt autobusëve. Kur mbërritëm pranë autobusëve aty është bërë loja me telekomandën e Dronit. Kur të gjithë hipën, Olsi Ramën e kanë rrethuar disa forca policore, nuk e lanë të hipte dhe na thanë neve të tjerëve që autobusi të vazhdonte rrugën. U tha se atë do e mbanin. Por grupi i shqiptarëve nuk pranoi të nisej. Pastaj dhe ata e kuptuan se ne nuk do niseshim nëse do e mbanin aty Olsin. Kemi pritur dhe ishim te dera e autobusit.

Sa zgjati kjo situatë?

Po nja 40-50 minuta jemi vonuar tek parkingu.

Me uniformë ishin policët?

Kishte nga të gjitha llojet, me uniformë, civilë, kush i merrte vesh, ata ishin në komunikim të vazhdueshëm me shefat e tyre dhe dukej sikur ishte një dorë që e mbante nën kontroll situatën, sepse në fillim disa policë merrnin urdhër ta linin por të tjerë bënin me shenjë që do mbahej. Policët aty kishin mentalitet gangsteri dhe nuk kishin fare lidhje me një polici korrekte. Edhe shefat e tyre që komunikonin në telefon dukej që i njëjti mentalitet ishin, pasi aty funksiononte si bandë gangsterësh dhe jo si struktura shtetërore.

Po si e lanë të hipte në autobus pastaj?

Ka pasur ndërhyrje dhe komunikime nga ambasadori shqiptar në Beograd dhe nga Duro, me sa kuptova unë këta të dy ishin që negocionin dhe mbanin komunikimet me policët serbë. Me sa kuptova unë, i vetmi problem i tyre ishte pasaporta amerikane e Olsit, prandaj dhe janë tërhequr më pas dhe e lanë të hipte në autobus.

Keni pasur frikë?

Po, kam pasur. Sidomos në momentin që ju shpjegova më lartë pasi bëri tentativën për gol me kokë Cana, aty mendova se turma do pushtonte stadiumin dhe i pashë shumë të rrezikuar futbollistët tanë. Mendoj se ai moment ka qenë dhe momenti më i vështirë, ku sidomos futbollistët e kombëtares mund të ishin masakruar nga turma.

*Marrë nga POL.AL

[Darius]

Kamerun-Platinisë: Dëno racizmin serb kundër shqiptarëve





Jo vetëm Shqipëria, por edhe Anglia është përballur me gjuhën raciste dhe ksenofobe të serbëve, gjatë një ndeshje Serbi – Angli në Krusevac.

Në kohën që Anglia shënoi me Serbinë, 0-1, shpërheu dhuna ndaj lojtarëve anglezë në fushë.

Federata Angleze e Futbollit tha se nuk do të lejojë më ekipet e saj të luajnë në Ballkan në të ardhmen ndërsa nga ana e saj Serbia mohoi racizmin duke akuzuar futbollistët miq.

David Kamerun, duke patur parasysh edhe këtë situatë që ngjau me ekipin anglez, u shpreh se ndihet i tmerruar nga ajo që ndodhi në stadiumin “Partizani” në Beograd në ndeshjen Serbi – Shqipëri.

Kryeministri i Anglisë i ka dërguar një letër Mishel Platinisë që të dënojë racizmin dhe dhunën e serbëve kundër lojtarëve shqiptarë. /albeu.com/

[Wordless]

Te jene kaq naive keta te UEFA-s ?