Vjedhja e Thesarit: Gjykata e Lartë: Fullani e Golemi janë të pafajshëm

[Vinjol]

Kreu i institucionit më të lartë financiar në vend, Guvernatori i Bankës së Shqipërisë Ardian Fullani nga sot do të qendrojë në qelinë e paraburgimin në institucionin e vuajtjes së denimit numër 302 në kryeqytet, ndërsa do të hetohet për skandalin e vjedhjes së 713 milionë lekëve të rinj nga thesari i shtetit. Gjykata e Tiranës paraditen e kësaj të Diele i ka qëndruar vendimit të dhënë në mungesë ndaj Fullanit, duke konfirmuar masën e sigurisë “arrest me burg”.

I veshur me kostum e kollare, por këtë radhë jo për të shkuar në takime zyrtare të niveleve të larta, Guvernatori i Bankës së Shqipërisë është paraqitur rreth orës 11:00 në Gjykatën e Tiranës, ku është ulur në bankën e të akuzuarit pas kafazit të hekurt.

Guvernatori ne pritje te shkarkimit, pas propozimit që Këshilli Mikëqyrës i Bankës së Shqipërisë ku ai vetë është anëtar i propozoi Kuvendit, është përballur për herë të parë në seancën e zhvilluar me dyer të mbyllura me gjyqtaren Blerina Muca që firmosi në mungesë arrestin ndaj tij, dhe prokurorin Ramadan Troci, personin që kërkoi urdhër-arrestin e Guvernatorit.

fullani me logo

Të njëjtin vendim, Gjykatësja Muca dha edhe për Inspektoren e Përgjithshme të Bankës së Shqipërisë, Elivar Golemi, e vënë nën akuzë për shpërdorim detyre dhe të arrestuar të Premten bashkë me Guvernatorin.

Menjëherë pas përfundimit të seancës gjyqësore, Fullani dhe kryeipnspektorja Golemi janë dërguar në ambientet e Drejtorisë së Policisë për t’u çuar më tej ambientet e paraburgimit te institucionit te vuajtjes se denimit. Ata do te jene ne burgje te ndryshme, Fullani tek burgu 302, ndersa Golemi tek 313-a.

Avokatet: Do te apelojme, arrestimi i paligjshem
Nga ana tjetër dy avokatët Maksi Haxhia që mbron interesat e Fullanit dhe Fatos Shanaj që mbron interesat e Golemit, janë shprehur se dy arrestimet janë të paligjshme dhe se do kërkojnë menjëherë lirimin e klientëve të tyre. Sipas avokatëve ata do i drejtohen me një kërkesë gjykatës së Apelit, ku do kërkojnë menjëherë lirimin.Sipas avokatëve klientët e tyre nuk kanë kryer asnjë shkelje dhe se akuzat e prokurorisë janë të pabaza.

Fullani dhe Golemi u arrestuan te premten e 5 Shtatorit. Prokuroria: I krijuan terren vjedhjes se thesarit
Guvernatori i Bankës së Shqipërisë, Ardian Fullani u vu në pranga mbrëmjen e së Premtes (5 Shtator) në zyrën e tij në selinë qendrore të Bankës. Sipas Prokurorise, Fullani ka shkelur detyrën e tij të guvernatorit të paktën në 5 pika konkrete, duke lënë terren për abuzime që sollën deri në vjedhjen e shumës prej 713 milion dollarëve nga Thesari i Bankës së Shqipërisë. Hetimi ka provuar se një rregullore e Departamentit te Emisioni nuk ka ekzistuar për një kohë të gjatë.

Sipas organit të akuzës, fakti që Fullani nuk i ka propozuar Këshillit Mbikëqyrës, zëvendësguvernatorin e dytë të Bankës së Shqipërisë, ka krijuar mangësi në mbikëqyrjen e përdorimit të mjeteve financiare .

Ndërkohë që për sa i përket inspektores së Përgjithshme Elivar Golemi, kjo e fundit nuk ka ushtruar asnjë audit konform ligjit të Bankës së Shqipërisë, s’ka kryer kontrolle periodike dhe ska bërë verifikime për vitin 2012, 2013 dhe 2014.

Si u arrestuan Fullani e Golemi

Nga banka ne qeli
Siç kushdo mund ta mendojë, Guvernatori Ardian Fullani e ka pasur të vështirë ambientimin me qelitë e paraburgimit të Policisë së Tiranës. I mësuar me një nivel tjetër, Fullani në ditën e parë të tij në qeli, ka qenë i vetëm, sigurisht me praninë edhe të efektivëve të policisë të cilët janë 24 orë në ruajte të qelisë së tij dhe të Elivar Golemit. Rreth orës 11 të ditës së djeshme, Erik Fullani, djali i guvernatorit të Bankës së Shqipërisë i cili “revoltoi” opinionin publik me jetën luksoze të një të riu, që nuk ka punuar asnjë ditë, i është gjendur pranë babait të tij të ndodhur në qelitë e policisë. Eriku është kapur nga mediat, teksa shkon me makinë një makinë “Skoda” ngjyrë vishnje në ambjentet e Drejtorisë së Policisë për t’i dërguar babait guvernator rroba të reja. Ndërkaq burimet thanë se, Fullani ka konsumuar edhe ushqim nga jashtë e jo atë që gatuhet zakonisht për të arrestuarit që ndodhen në qeli.

[Prudence]

per kuriozitet

eshte e e ndaluar te hash gjera qe ti sjellin nga jashte?

[2043]

Thashethemet ne Tirane thone se Fullani e ka kerkuar vete arestimin per ti shpetuar rradhes qe e priste pas Santos.

[Albo]

Takimi i fshehtë në Prokurori, ku u vendos arrestimi i Fullanit

Zbardhet mbledhja në Prokurorinë e Përgjithshme, ku u miratua prangosja e Fullanit dhe e Elivar Golemit. Lëvizjet e prokurorit të çështjes të premten e arrestimit dhe pritja për 5 orë e policisë që guvernatori të dilte nga zyra

Arrestimi i guvernatorit Ardian Fullani erdhi pas 45 ditësh hetime për zbulimin e skandalit në godinën e Emisionit, ku për katër vite me radhë ishin vjedhur 713 milionë lekë. Por edhe pse urdhër-arresti u ekzekutua mbrëmjen e së premtes, prokuroria po bëhej gati prej 4 ditësh për këtë lëvizje. Hetimi i Prokurorisë së Tiranës nxori në pah mosfunksionimin e një sërë hallkash në Bankën e Shqipërisë, duke nisur nga punonjësit e Thesarit e deri tek Guvernatori i Bankës së Shqipërisë, të cilit ligji i njeh detyrën e kryeadministratorit dhe kreut të Këshillit Mbikëqyrës. Provat dhe dëshmitë e mbledhura gjatë hetimeve krijuan bindjen tek prokurori i çështjes se guvernatori i Bankës ishte një nga përgjegjësit për atë që kishte ndodhur për katër vite me radhë. Pasi konstatoi problematikën dhe përgjegjësitë e guvernatorit, por edhe të Inspektorit të Përgjithshëm, grupi hetimor zhvilloi fillimisht një mbledhje me drejtuesin e Prokurorisë së Tiranës, i cili pasi dëgjoi relatimin e çështjes kërkoi një takim me Prokurorin e Përgjithshëm. Katër ditë përpara arrestimit, mësohet se është zhvilluar një analizë në Prokurorinë e Përgjithshme, ku të pranishëm kanë qenë Prokurori i Përgjithshëm, drejtuesi i Prokurorisë së Tiranës, prokurori i çështjes dhe një prokuror pranë organit qendror të akuzës, i cili ka mbajtur kontakte me grupin hetimor përgjatë hetimeve. Në përfundim të analizës të gjithë kanë rënë dakord që prokuroria t’i drejtohet me një kërkesë Gjykatës së Tiranës, ku të kërkojë caktimin e masës së sigurimit “arrest me burg” për Guvernatorin e Bankës së Shqipërisë, Ardian Fullani dhe Inspektoren e Përgjithshme, Elivar Golemi. Që në fillim të javës së shkuar, prokurori dhe oficerët kanë nisur strukturimin e kërkesës dhe përmbledhjen e të gjitha shkeljeve ligjore të konstatuara sipas tyre. Por paralelisht me këtë proces, burime të prokurorisë kishin njoftuar që ditën e premte të javës së shkuar do të pyeteshin disa nga anëtarët e Këshillit Mbikëqyrës. E para në listën e anëtarëve që do të dëshmonin ishte Ermelinda Meksi, e cila ka hyrë në prokurori mëngjesin e të premtes. Prokurori tashmë kishte gati dy kërkesat për arrestimin e Fullanit dhe Golemit, dhe sipas burimeve mësohet se ai ka asistuar vetëm për disa minuta në seancën e pyetjeve me znj. Meksi që zgjati për rreth tri orë. Rreth orës 11:30 të paradites së të premtes, prokurori Ramadan Troci ka trokitur në zyrën e gjyqtares Blerina Muçi, së cilës i ka dorëzuar kërkesat për arrestimin e Fullanit dhe Golemit. Ai është kthyer sërish në prokurori, ku në zyrën e tij tashmë ndodhej duke u pyetur nga oficerët e Policisë Gjyqësore anëtarja tjetër e Këshillit Mbikëqyrës, Eda Golemi. Prokurori ka qëndruar për rreth dy orë në ambientet e prokurorisë, kur është njoftuar nga gjykata se vendimet ishin marrë. Gjykatësja kishte miratuar arrestin e Guvernatorit dhe Inspektores së Përgjithshme. Brenda 1 ore, prokurori i çështjes ka bërë gati urdhrat e ekzekutimit, të cilat ia ka dorëzuar drejtuesit të Prokurorisë së Tiranës. Burime të MAPO-s bënë me dije se menjëherë është thirrur në takim drejtori i Policisë së Tiranës, Ardian Çipa, të cilit i janë dhënë në dorë urdhrat e arrestit rreth orës 15:00 të së premtes, ndërsa prokuroria ka qëndruar për rreth pesë orë në pritje të ekzekutimit të tyre. Edhe pse efektivët e forcës operacionale kishin mësuar faktin se Guvernatori ndodhej në zyrë, nuk kanë ndërhyrë për arrestimin e tij, duke e pritur për pesë orë me radhë që të dilte nga godina me qira e Bankës së Shqipërisë. Automjeti tip “BMW” i Guvernatorit ka dalë nga godina e ish-VEFA-s rreth orës 19:45 minuta, kohë në të cilën policia ka kryer edhe arrestimin e tij. Paralelisht policia ka shkuar në banesën e Inspektores së Përgjithshme, por nuk e ka gjetur aty dhe është menduar të njoftohet me telefon. Ajo është kontaktuar dhe i është kërkuar të paraqitej në Drejtorinë e Policisë së Qarkut Tiranë, ku zonja Golemi është paraqitur mbrëmjen e së premtes dhe i është komunikuar vendimi i arrestit.

MAPO

[Albo]

Fullani revoltohet me gjykatën: Nuk duhej të isha këtu, shkeljet nuk janë penale

Debat në seancën me dyer të mbyllura për masën e arrestit të guvernatorit Fullani. Avokati Maks Haxhia dhe vetë Fullani kundërshtojnë akuzën, por gjyqtarja lë në fuqi masën e arrestit me burg



Guvernatori Ardian Fullani doli me pranga në duar nga Drejtoria e Policisë, aty ku kaloi dy netët e fundit pas arrestimit të së premtes, përpara zyrës së tij në sheshin “Avni Rustemi” në Tiranë. Rreth orës 10:55 minuta, furgoni i togës së shoqërimit iu drejtua Gjykatës së Tiranës, aty ku 59-vjeçari do të përballej për herë të parë me gjykatën, si i arrestuar për akuzën e “shpërdorimit të detyrës”. Në hyrjen e pasme të godinës, guvernatori zbriti me pranga në duar dhe pa kravatë, por kur u fut në kafazin e hekurt të sallës nr. 1, ai ishte pa pranga dhe me kravatë. Pas një vështrimi në sallë, Fullani, i shoqëruar nga tre policë zuri vend në karrigen e mesit, brenda kafazit të hekurt. Në pritje të prokurorit Ramadan Troci dhe gjykatëses Blerina Muçi, Fullani dukej i qetë, ndërsa nuk munguan as konsultat e shkurtra me avokatin e tij, Maksim Haxhia. Gjatë kohës që mbahej seanca, bashkëshortja dhe vajza e Fullanit janë parë në ambientet e jashtme të Gjykatës së Tiranës, teksa qëndronin në pritje të vendimit që do të merrej nga kolegia e zonjës Fullani, pasi kjo e fundit ushtron detyrën e gjyqtares në Gjykatën e Lartë. Vendimi vonoi vetëm 30 minuta, pasi në gjuhën teknike, seanca e djeshme ishte vetëm për verifikimin e zbatimit të masës së sigurisë të caktuar nga po e njëjta gjyqtare rreth mesditës së të premtes. Edhe pse në dukje një seancë rutinë, ku guvernatori do të tregonte gjenealitetet dhe mbrojtja do të thoshte fjalën e saj, gjatë 30 minutave nuk kanë munguar debatet apo reagimet me tone të ashpra. Që në nisje, përfaqësuesi i akuzës i kërkoi gjykatës që seanca të zhvillohej me dyer të mbyllura për shkak të sekretit hetimor. Kjo kërkesë u pranua nga gjykatësja Blerina Muçi, e cila urdhëroi median të largohet nga salla. Pas këtij momenti ka nisur debati në sallën e gjyqit, ku avokati Maksim Haxhia ka kundërshtuar masën e arrestit, të cilën e konsideron të paligjshme dhe jo në përputhje me personalitetin dhe veprën penale për të cilën dyshohet guvernatori Fullani. Sipas burimeve të rezervuara mësohet se avokat Haxhia ka kundërshtuar edhe procedurën e ndjekur nga prokurori dhe gjyqtarja për caktimin e masës së sigurimit “arrest me burg” në mungesë ndaj guvernatorit, në një kohë kur ai ishte në detyrë dhe nuk plotësoheshin asnjë prej kritereve të përcaktuara në Kodin e Procedurës Penale për caktimin e një mase të tillë. Pas fjalës së avokatit ka reaguar edhe Fullani. Edhe pse në dukje i qetë, ai nuk e ka fshehur nervozizmin për këtë padrejtësi që po i bëhej, sikundër e ka cilësuar arrestimin. “Unë nuk e kuptoj përse ndodhem këtu. Unë nuk duhet të isha këtu. Ato që pretendon prokuroria mund të diskutohen si shkelje në nivel administrativ, por kurrsesi penal”,- mësohet të ketë thënë guvernatori i arrestuar në seancën me dyer të mbyllura. Mbrojtja e tij ka qenë me tone të ashpra, duke pretenduar se ishte arrestuar në mënyrë të paligjshme. Në sallën e gjyqit nuk kanë munguar as batutat nga ana e guvernatorit, i cili është këshilluar nga gjyqtarja që të flasë me qetësi. Pas tij, në të njëjtën sallë ka hyrë edhe Inspektorja e Përgjithshme e Bankës së Shqipërisë, Elivar Golemi, e cila gjithashtu akuzohet për shpërdorim detyre. Seanca ndaj saj ka zgjatur më pak, pasi avokati Fatos Shanaj ka kundërshtuar masën e sigurimit dhe procedurën e ndjekur nga prokurorja e gjykatës, ndërsa znj.Golemi nuk ka folur përpara gjykatës. Pas seancës që zgjati rreth 30 minuta, gjykatësja Blerina Muçi shpalli vendimin duke lënë në fuqi të njëjtën masë që kishte vendosur mesditën e së premtes, atë të arrestit në burg. Pas shpalljes së vendimit, avokatët mbrojtës paralajmëruan se do t’i drejtohen Gjykatës së Apelit për të kundërshtuar vendimin e Shkallës së Parë.

MAPO

[Albo]

Lubonja: Fullani “kokë turku” e politikës. Çfarë fshihet pas arrestimit?

Arrestimi i guvernatorit të Bankës së Shqipërisë, Ardian Fullani, nuk mjafton që të provojë se drejtësia po vepron. I këtij mendimi është studiuesi dhe publicisti i njohur Fatos Lubonja.
Për Lubonjën, arrestimi i Guvernatorit dhe mosprekja e politikanëve të bën të mendosh që ndoshta Fullani ishte një pikë e dobët, që mundet të sakrifikohej “si një kokë turku” për të krijuar diçka.
Në një intervistë për VOA, ai hedh dyshime se qarqet politike po ndikojnë mjaft në ngjarjet e fundit rreth bankës.
Por a ishte vjedhja e 713 milionëve në Bankën e Shqipërisë, humbja më e madhe për financat e vendit dhe shqiptarëve?
“Kjo nuk është shifra më e madhe që i është grabitur publikut shqiptar. Grabitja e pronës publike dhe e parasë publike është sporti kryesor i politikës në përgjithësi. Por kjo ishte, si të thuash, mbushja e kupës, pika që derdh kupën, sepse është institucioni që, në fund fare, duhet të jetë simbol i shtetit. Në njëfarë mënyre, mundet të kesh lëshime këtej andej, por aty nuk duhet të ndodhin. Kur ndodh edhe atje, shteti nuk ekziston, ka rënë shteti”.
Në përfundim të analizës së tij mbi skandalin e vjedhjes së Thesarit dhe ngjarjeve që pasuan pas saj, analisti Lubonja nuk beson se këto do ndikojnë në veprimtarinë e sistemit bankar apo të tregjeve shqiptare në tërësi, për sa kohë ekonomia shqiptare mbetet informale.
“Ekonomia shqiptare është shumë informale, shumë e dyshimtë, është jashtë sistemit, bursa nuk ka dhe jemi gjithmonë në krizë. Shqiptarët mbijetojnë më shumë në një mënyrë informale, më së shumti, pa transparencë. Kështu, nuk besoj se kjo që ndodhi me Fullanin do të thellojë ndonjë gjë”.

Intervista e plotë

Zoti Lubonja, si e pritët lajmin për arrestimin e guvernatorit të Bankës së Shqipërisë, Ardian Fullani, çfarë menduat çastin e parë?

Fatos Lubonja: E papritur u duk. Vërtet e papritur. E papritur sepse jemi mësuar tashmë që drejtësia nuk vepron në këto raste. Me shumë pikëpyetje në kokë, me shumë pikëpyetje të pazgjidhura; ja kjo ishte mbresa ime e parë. Ç‘do të thoshte ky arrestim? Cila ishte intriga prapa? A punon drejtësia këtu apo është politika që e shtyn.

Arrestimi i zotit Fullani ishte kulmimi i një lajmi mëse njëmujor i kronikës së zezë. Si e keni përcjellë, si e keni menduar vjedhjen e Bankës së Shqipërisë?

Fatos Lubonja: Kjo nuk është shifra më e madhe që i është grabitur publikut shqiptar. Grabitja e pronës publike dhe e parasë publike është sporti kryesor i politikës në përgjithësi. Por kjo ishte, si të thuash, mbushja e kupës, pika që derdh kupën, sepse është institucioni që, në fund fare, duhet të jetë simbol i shtetit. Në njëfarë mënyre, mundet të kesh lëshime këtej andej, por aty nuk duhet të ndodhin. Kur ndodh edhe atje, shteti nuk ekziston, ka rënë shteti. Çështja e dytë, që vlen shumë të analizohet, është e gjithë kjo shoqëri që kemi ndërtuar, ku paraja e fituar lehtë, me çdo kusht, sa më shpejt, sa më shumë, për të krijuar një status social. Kjo kulturë konsumiste groteske në Shqipëri ka arritur pika kulmore.

Cili është mendimi juaj mbi ndikimin që qarqet politike mund të kenë patur në arrestimin e zotit Fullani dhe në tërësi për zbardhjen e vjedhjes së Bankës?

Fatos Lubonja: Është e vështirë të besosh se ky është një rast që flet për një rimëkëmbje të drejtësisë. Ose as mëkëmbje, se nuk di a ka qenë ndonjëherë drejtësia në Shqipëri e pavarur. Ne nuk kemi historikisht një drejtësi të pavarur, që vepron jashtë pushtetit politik dhe jashtë pushteteve financiare korruptive më vonë, siç ka ndodhur këto 20 vjet. Pra, është e vështirë të besosh që është një akt i drejtësisë i pavarur nga atmosfera politike, nga presionet politike, nga loja politike. Arrestimi i Fullanit dhe mosprekja e politikanëve, dhe veçanërisht mosprekja e askujt që është në pushtet, sepse kanë dalë akuza të tmerrshme ndaj maxhorancës për vrasës në parlament etj., të bën të mendosh që ndoshta Fullani ishte një pikë e dobët, që mundet të sakrifikohej “si një kokë turku” për të krijuar diçka. Plus kësaj, rasti konkret mund të ketë prova; duhet të presim drejtësinë.

A keni diçka për të komentuar lidhur me atë që quhet shpesh në Shqipëri kultura e mos-ndëshkimit të krimit dhe të korrupsionit?

Fatos Lubonja: Prova ka patur dhe ka edhe me film me kamera siç i kemi parë dhe i kemi më të fuqishëm ata që janë kapur me këto prova. Vështirë të thuash që politika po punon për të çliruar, për ta lënë drejtësinë të veprojë vetë dhe drejtësia po merr frenat vetë në dorë. Më shumë e mendoj si një lojë politike që duhet parë me skepticizëm, por më mirë që ndodhi në këtë mënyrë çështja e Bankës, sepse ndoshta diçka lëviz dhe opinioni sensibilizohet.

A mendoni që arrestimi i zotit Fullani do të ndikojë ndjeshëm në veprimtarinë e sistemit bankar apo të tregjeve shqiptare në tërësi?

Fatos Lubonja: Jo, nuk e mendoj, sepse siç e patë, u vra edhe një drejtor banke para disa kohëve dhe u tha shumëçka e tillë, por nuk ndodhi ndonjë trazim. Ekonomia shqiptare është shumë informale, shumë e dyshimtë, është jashtë sistemit, bursa nuk ka dhe jemi gjithmonë në krizë. Shqiptarët mbijetojnë më shumë në një mënyrë informale, më së shumti, pa transparencë. Kështu, nuk besoj se kjo që ndodhi me Fullanin do të thellojë ndonjë gjë. Kryesorja është se ajo që ne nuk dimë sot, dhe që lidhet edhe Fullanin, është pikërisht gjendja e vërtetë e ekonomisë tonë. Flitet shumë për borxhe dhe kredi të marra dhe të pashlyera, flitet për biznesmenë pasanikë të mëdhenj, që në fakt janë borxhlinj të mëdhenj. Flitet për para droge që pastrohen nëpër banka dhe që mbushin ekonominë. E gjitha kjo është një thashethemnajë e përgjithshme. E gjitha kjo tek ne vazhdon të mbetet e pazbuluar, e paqartë dhe jotransparente. Ikja e Fullanit nuk besoj se do të hedhë ndonjë dritë për këtë; duhet një aksion shumë më radikal.

ORA NEWS

[Xhuxhumaku]

09 Shtator 2014 - 22:57 | LAJME

TRANSLATE

Spahiu: Arrestimi i Fullanit lidhje me vrasjen e Santos. Gjokutaj: Të dyja kanë në mes paranë

TIRANË- Nis sezonin e ri për të dytin vit radhazi në TV News 24 një nga emisionet politike më të ndjekura, “Studio e Hapur”. Skandali financiar në Bankën e Shqipërisë që pasoi me arrestimin e Guvernatorit Fullani, ishte tema që moderatorja Eni Vasili diskutoi me katër të ftuarit e saj, Spartak Ngjela, Kreshnik Spahiu, Genc Gjokutaj dhe Çlirim Gjata.

Teksa Spartak Ngjela e Kreshnik Spahiu e quajnë një vendim të drejtë arrestimin e Fullanit, avokati Genc Gjokutaj hedh vështrimin në pista të reja. Sipas tij hetimin do ta ndihmonte gjetja e parave të vjedhura. Ndërsa për juristin Çlirim Gjata arrestimi i Guvernatorit për veprën shpërdorim detyre është i tepruar. Kurse kreu i AK-së, Kreshnk Spahiu shkon më tej dhe e quan këtë një ngjajre që ka lidhje me vrasjen e bankerit Artan Santo. Sipas tij metastazat fshihen thellë në sistemin banker.

Zoti Ngjela opinioni është njohur me ngjarjen, madje është bombarduar me informacione. Por një nga pikëpyetjet është a veproi drejt prokuroria me arrestimin e Fullanit? Është një vendim i vonuar apo i nxituar? Të shumtë janë ata që që thonë se është i tepruar. Mendimi juaj?
Ngjela: Sa më lart të jetë personi i akuzuar aq më afër arrestimit është. Dënimi i tij shkon nga gjobë deri në 7 vjet burg. Ne dimë që para tij janë arrestuar 20 veta, nuk mund të përjashtojmë rastin që ndonjëri nga ata të jetë penduar. Pjesa më e çuditshëm është që e arrestuan pa e pyetur, këto janë faktet. Kam vënë re një gjë të rëndë, është arrestuar hajduti e ka pranuar vjedhjen po ka pasur alibi. Ai tha i kam luajtur paratë bixhoz, kjo është alibi. Alibia e tij ka rënë, sepse ai nuk e ka ditur që kazinotë ruhen me kamera. Ky aty ka lënë rreth 250 mijë euro. Kur i bie alibia ai është varrosur, ka humbur çdo gjë. Ai duhet të thotë ku i ka paratë. Nëse i ka rënë alibia mund të ketë akuzuar Guvernatorin.

Ju jeni dakord që i ka rënë alibia?
Gjokutaj: Teknikisht i saktë. Arrestimi i ka paraprirë hetimit. Pyetja është ku janë paratë, sa është madhësia e dëmit, kjo është detyra që duhet të zgjidhë prokurori. Në momentin që prokuroria gjen se ku ndodhen paratë sigurisht që ka një llogari të caktuar, një konto, gjurmohet destinacioni lëvizja e parave.

Ishte i justifikuar arrestimi?
Gjokutuaj: Sigurisht që ajo shumë nuk mund të përvetësohet nga një person i vetëm. Nuk është kjo shumë të jeni të sigurt që shuma nuk është kjo. Vendnodhja e parave do hapë shumë porta. Është e pahetuar çështja sa kohë nuk gjenden paratë. Arrestimi bazuar në ato që thotë prokuroria mund të ketë ose jo elementë të tjerë. Ligji parashikon dhe masa të tjera por nuk është ky problemi. Media fokusim tek Fullani por ne nuk dimë ku janë paratë. S’kemi gjet kufomën nuk kemi vrasje.

Gjata: Cështja e parave i takon prokurorisë. Flitet që i janë dashur 4 vjet për të vjedhur paratë. E vërtetë është ajo se ku janë paratë. Prokuroria në këtë proces ka një problem të madh ndodhet para fenomenit duhet të pijë detin, ta zgjidhë. Dua ta kap në një aspekt tjetër, ai sot akuzohet për shpërdorim detyre, për asgjë tjetër nëse akuzohej për vjedhje në shpërdorim detyre, aty po. Duhet të marrim pak në analizë çfarë është një guvernator. Sa vrasje ndodhin pse nuk jep dorëheqje një ministër.

Është ngritur akuzë e gabuar?
Gjata: Pra dua të them që guvernatori mbron stabilitetin financiar të një vendi. Kur e paska shpërdorur detyrën kur kryeministri thotë financat janë stabile? Del që detyrën bazë e ka plotësuar, por shpërdorim detyre nuk është kjo është shkelje administrative

Ngjela: Është në lidhje me vjedhjen shpërdorimi.

Gjata: Nuk mbarova mos ndërhyj.

Ngjela: Ruaj tonin se është debat.

Gjata: Akuza nuk justifikohet me ato argumente. Edhe thua ka stabilitet financiar dhe e fut në burg.

Spahiu: Kjo është një vepër penale e rëndë, me impakt publik, dëmton marrëdhëniet shoqërore kur lidhet me funksionarë që kanë kompetenca dhe poste publike. Duhet të dimë disa detaje të çështjes pra shuma e vjedhur dhe ku kanë përfunduar këto para. Doja të trajtoja disa pista të papërmendura. Mund të ndodhë që të jetë një rast sporadik, të ketë fatin e një çështje të jashtëzakonshme por mund të shkaktojë edhe krizën në sistemin bankar.

Sipas mendimit tuaj është arrestuar në të drejtë të prokurorisë Fullani?
Spahiu: Vendim është i drejtë, ndonëse i vonuar, por kjo ka ndarë dy botë të ndryshme. Ajo që duhet të ndodhte ishte që në dy muaj ai të ishte shkarkuar nga Kuvendi pastaj të jepej masa e sigurisë. Këta i thonë që një njeri Prokuror i Përgjithshëm pati optikë për të dalluar krimin dhe një Kuvend i tërë nuk parti kurajo të shikonte që aty kishte shkelje administrative. Ose ka gabuar prokurori ose klasa politike.

Sipas jush?
Spahiu: Për mua është e dyta. Guvernatori Fullani është zgjedhur dy herë, edhe nga socialistët edhe demokratët. Ka marrë konsensus në dy mandate. Si ka mundësi që këta njerëz për modelin Fullani e gjetën konsensusin dhe për të nxjerrë përgjegjësinë e vjedhjes jo? Si ka mundësi që Kuvend heshti, Brace nuk propozoi shkarkimin e tij. Ne sot duhet të ndalemi dhe të analizojmë nëse kemi të bëjmë me një rast sporadik apo kemi të bëjmë me model që e ka prodhuar klasa politike shqiptare. Unë ju provoj juve se që nga 1991 këta e kanë prodhuar vetë dhe e kanë krijuar modelin Fullani.

Ka një lloj të drejtë Këshilli..
Ngjela: Këshilli Mbikëqyrës ka një të drejtë për të pezulluar, por kryeministri jo. Çështja është shumë e thjeshtë. Dhe mora një mikun tim në tel dhe i thash është vjedhur banka e Shqipërisë. Nga jashtë tha?! Jo i thash, nga brenda. Atëherë përgjegjësia qëndron brenda më tha. Instituti i akuzës, prokuroria po ndahet nga krimi. Ky është rasti i parë dhe dhëntë zoti të vazhdojë. Nuk është rastësi them. Shuma mund të jetë shumë e madhe.

A ka përgjegjësi Parlamenti se ky Këshill ishte i paplotë?
Ngjela: Mungon një zëvendësguvernator. Pse nuk e kanë vënë?! Nuk ka profesionist që nuk mendon se ajo është një vjedhje e madhe. Në vitin 2009 dhe në vitin 2011, që janë dy vite elektorale, Guvernatori ka nisur masën monetare në treg. Kush i ka marrë?! Natyrisht që mazhoranca e atëhershme.
Gjokutaj: Suksesi dhe transparenca e kësaj çështje do jetë e lidhur me zhvillimin e saj. Guvernatori, nuk kemi pse lodhemi të bëhet pezullim nga legjislativi. Pasi mund ta bëjë dhe Prokuroria. Shkeljet që zbuloi prokuroria janë të bëra me vite, jo dje. Prokuroria duhet të kishte vepruar më shpejt. Ngjarja është tepër e rëndë, pasi nuk bëhet fjalë vetëm për Fullanin. Nuk ka siguri kur vjedhja është kaq ordinere. Pra të bëhet një proces i besueshëm dhe të vihen para përgjegjësive të gjithë fajtorët. Na rezulton se banka ishte një skelet i amortizuar. Guvernatori ka përgjegjësinë e tij, por që ta lidhësh me vjedhjen, Prokuroria ka vepruar dy ditë pas

Gjata-Gjokutajt: Kryeministri ka bërë mashtrim publik?
Gjokutaj: Kryeministri ka bërë mirë duke thënë se sistemi bankar është i sigurt, por kjo është maja e Ajsbergut.

Gjata: Nga kjo analizë del sesa interes ka politika. Pa propozim të Këshillit Mbikëqyrës, nuk mund të pezullohet Guvernatori. Nuk mund të kërkohet shkarkimi pa vendim të formës së prerë. Të nesërmen e arrestimit të Fullanit, u mblodh dhe Këshilli për ta pezulluar atë. A ka përgjegjësi si Fullani dhe Këshilli?! Ka po të njëjtën përgjegjësi, pasi është në organ kolegjial. Ndaj duhet të mbajnë njësoj përgjegjësi dhe Këshilli Mbikëqyrës.

Ngjela: Guvernatori ka kompetenca maksimale, por ka përgjegjësi të mëdha. Ju më duket se keni hallin se Guvernatori u fut brenda dhe s’do ec banka?! Guvernatori duhet të ishte arrestuar që ditën e parë. Le njëherë që po të ketë rrjet, ai shumë mirë u arrestua, se ai do ishte vrarë. Ai po bën 10 vite që jeton në zyrë, besoj këtë se dinit. Ky mund të jetë hapja e fundit e ‘Kutisë së Pandorës’.

Kush nuk i lejon të hyn në bankë?
Gjokutaj: Nuk ka marrë leje prokuroria për të bërë ekspertim.

Pra jemi në errësirë sa i takon dënim...
Gjokutaj: Çështja ka afate.

Zoti Spahiu ishim duke folur për përgjegjësitë. A ka po të njëjtën përgjegjësi Këshilli Mbikëqyrës dhe Fullani?
Spahiu: Ekzekutimi qe shou mediatik. Mbas 10 orësh hetimi, nuk qe nevojë që Fullani të arrestohej në mes të natës dhe me kamerat e Top Channel, e deri tek numri i të arrestuarve. Nuk mendoj se një aferë kaq diskrete, duhet të merret kurajën guvernatori të mbante pas vetes 19 persona. Pra nuk ka përgjegjësi e gjithë banka. Nuk mendoj se vjedhja është vetëm nga brenda, por ka aktor dhe faktor të biznesit që kanë dorë në vjedhjen e bankës së shtetit, Kam këtë bindej se politika shqiptare është e inkriminuar. BSH është vjedhur tre herë. Vjedhja e parë ka qenë me shpërdorim detyre në çështjen “Arsidi”, në vitin 91’, ku u vodhën 1.6 milionë dollarë. Vjedhja e dytë ka qenë gjatë drejtimit të Ilir Hotit. Për këtë aferë unë kam dënuar për herë të parë një kryeministër. Pas 9 vitesh më pas, studio imja ligjore ka qenë e përfshirë në studimin e dosjes së vjedhjes së Thesarit të Shtetit, i cili nuk ishte i ruajtur me elemente të mira sigurie. Personi i cili denoncoi u arrestua, duke u dënuar me dy vite burg dhe vdiq atje. Ndërsa Ardian Bitraj, deklaroi vete se kishte vjedhur. Ndaj ka dy momente ku duhet të ndalem. Mendoj se shuma ka qenë më e madhe. Paratë e bankës nuk kanë qenë thjesht të marra në një dorë dhe të shpenzuara. Jo! Ajo që është bërë në sistemin bankar, është 1ë janë nxjerrë jashtë. Janë investuar dhe janë qarkulluar për drogra, etj. Këto para nuk janë vjedhur nga dy persona.
Gjokutaj: Duke u ndalur tek çështja “Arsidi”, ato para i ka marrë vetë Arsidi. Ne nuk i kemi gjetur ende paratë, ndaj dhe në rastin e vjedhjes së fundit duhet të gjenden paratë.

Zoti Gjokutaj bini dakord me Spahiun se banka nxjerr paratë për interes të vetin?
Gjokutaj: Ky është një standard që FMN e ka konstatuar. Çdo gjë duhet hetuar dhe kemi 19 arrestimi dhe më tutje nuk shkojmë dot. Do shohim se si do shkojnë hetimet e Prokurorisë.

Zoti Gjata jeni dakord që këto dy arrestime janë katalizator për hetimin e ngjarjes?
Gjata: Nuk mund të arrestosh njerëz për të vënë në lëvizje ngjarjen. Këto bëhen mbi bazën e dëshmive. Jemi çuditur të gjithë se është pyetur një nëpunëse e Bankës që ka ikur prej 4 vitesh

Gjokutaj: Duhet të dimë që vendngjarja është banka.

Ngjela: Sot të fusin në burg edhe për armëmbajtje pa leje.

A ka diferncë mes dy arrestimeve, Inspektores së Përgjithshme Golemi dhe Guvernatorit Fullani?
Gjata: Ajo zonja është një nëpunëse e nivelit të dytë, ingranazh në atë makineri të madhe. Kur makineria u godit, s’është problem se po shkon një grua me bagazh në burg. ndodh rëndom në politikën shqiptare. Ajo ishte në vendin e gabuar në momentin e gabuar. Ajo s’ka pasur gjë në dorë. Do doja të shikoja pak veprimin e Parlamentit. Parlamentit nuk është institucion që nuk i nënshtrohet ligjit. Kushtetuta thotë se drejtuesit e institucioneve shtetërore japin shpjegim para Kuvendit dhe komisioneve të përhershme. Me ç’të drejtë Parlamenti e thërret ketë? Të flasësh për problematikat e bankës? Jep ore zotëri çështje konkrete dëshmi nuk jepet para parlamentit.

Gjata: Kryeministri i dha pafajësi Këshillit Mbikëqyrës, sipas tij qenka një ekip me performancë të mirë. Tani pse guvernatori qenka i keq çfarë paska bërë?

Gjokutuaj: Nuk mund të goditet gjithë banka në këtë moment. Problemi është që mishi të piqet dhe të mos digjet.

Spahiu: Deklarata e kryeministrit ishte që Këshilli Mbikëqyrës ka punuar mirë ndaj i çon mesazh, i thotë prokurorisë mos arresto më njerëz se këta janë të ndershëm. Rama paralajmërim prokurorisë. Të vimë tek çështja nëse kemi të bëjmë me vjedhje klasike apo me akt më të rëndë ku implikohen shumë faktorë. Çdokush duhet të mendoje një guvernator që ka gjithë jetën në funksione drejtuese a do lajthishte në një moment dhe të grabitjes, unë mendoj se akti është më i rëndë se një vjedhje e thjeshtë. Mënyra e sofistikuar e abuzimit me detyrën është më e thellë dhe më e rëndë. Këto para janë dhënë me interes dhe kesh subjekteve të ndryshme, kanë qenë objekt i fushatave elektorale, pjesë e pastrimit të parave. Vrasja e bankierit Artan Santo dhe arrestimi i Fullanti kanë lidhje me njëra-tjetrën. Muzika dhe violina e këtij krimi, do ia dëgjoni krismën në një moment tjetër. Vrasja e pronarit të Credins Santo dhe ajo që ndodhi më vonë nuk mund të jete rastësi. Janë atentate që i kanë metastazat thellë në sistemin bankar.

Mendoni ju që kanë lidhje?
Njgjela: Nuk e njoh filxhanin e kafesë unë njoh faktet. Problem është a është pozitiv arrestimi i tij. Po goditet krimi shtetëror janë krime që kanë 20 vjet që ndodhin. Ky është krim shtetëror, i organizuar. Eshtë vjedhur populli shqiptar në të gjitha drejtimet.

Si ndikoi deklarata e Kryeministrit tek Prokuroria?
Ngjela: Kryeministri bën politikë, nuk flet në funksion të provës. Të tërë përgjegjësit duhet të futen në burg. Këshilli Mbikëqyrës ka qenë punë part-time.
Gjokutaj: Kjo politikë është përgjegjëse për politikën financiare dhe për zgjedhjen e Guvernatorit të ri. Hetimi është dyshim. Vendimi i Gjykatës nuk është më dyshim, por e vërteta e dyshuar. Vrasja e të ndjerit Santo është bërë për shkak të detyrës, pasi është vrarë afër vendit të punës. Nëse do supozojmë këto ngjarje, arrestimi I Fullanit dhe vrasja e Santos, ajo që i lidh është paraja. Po ku janë paratë?!

Mendoni se Prokuroria do gjejë destinacionin e këtyre parave?
Gjokutaj: Absolutisht po, janë të gjitha kapacitetet për tu gjetur e vërteta.
Gjata: Kur njerëzit janë në burg, nuk mund ta klasifikojmë si një krim shtetëror. Nuk mund të themi se për një person, të përfshijmë fjalën ‘krim shtetëror’. Kam parë me vëmendje ligjin e Bankës, sa i takon mënyrës së si sillet politika në këto raste. Rasti i postit të kryeinspektorit emërohet nga Parlamenti, se do kontrollojë bankën. Ligji vazhdon se të gjitha raportet i paraqet në Këshillin Mbikëqyrës. Ndaj në këtë rast ka konflikt interesi, dhe kontrollet duhet të shkojnë në një komision parlamentar të Ekonomisë, etj. Problemi tani është i politikës.

Spahiu: Modeli “Fullani” ka prodhuar një administratë që sot kryeministri thotë se ka punuar mirë. Një administratë e grave të deputetëve, kunatat e ministrave, të cilin e kemi publikuar ne. Të gjithë politikanët që kishin një të afërm të paaftë e vendosnin në një post të caktuar në punë tek Banka. Ajo që sot debatojmë, nuk është thjesht një vjedhje e 7 milionë dollarëve, por është ngritur një administratë tërësisht nepotike. Thesi i parave të qytetarëve shqiptar ka qenë objekt i vjedhjeve.

Pyetje nga kolegët e mi. A mund të jetë vjedhja e BSH-së një akt konspirativ?
Ngjela: Akt i tillë konspirativ është
Gjokutaj: Absolutisht kur politika është vendimmarrëse për gjithçka, dhe një pjesë e saj janë të përfshirë. Ndaj ka ardhur koha që politika nuk duhet të përfshihet me drejtësinë. Prokuroria mund të ketë këto prova, por dhe materiale të tjera. Por nuk do ti bëjë ato publike. Por, përderisa kjo politikë është e pabesueshme, nuk duhet të lëmë që ky proces të preket nga ai.
Spahiu: paratë nuk do dalin kurrë, pasi rruga e të cilave ka ndjekur nuk mund të ndiqet dhe ndjekur, pasi bie shtetit shqiptar dhe arrestohen politikan të shtetit.
Ngjela: Prokurorisë i ka ardhur rasti të rehabilitojnë vetveten. Ky është rasti i vendosjes së ligjit në Shqipëri. I ka ardhur koha që të jenë ata promotorët të shpëtojnë ligjin. Averniri i tyre kërkon të bashkohen me interesin e qytetarëve.
Gjata: Problemi se nuk mund të rehabilitohet problemi i drejtësisë vetëm me një çështje. Duhet parë në sistem organi i Prokurorisë.

Ndalemi tek e ardhmja dhe tek Guvernatori i ardhshëm. Diçka e artikuloi kryeministri i Shqipërisë në lidhje me Guvernatorin e ri dhe tek deklaratat e Ermelinda Meksit në lidhje me emërimin e kreut të ri...
Ngjela: Guvernatorët janë njerëzit më të specializuar në demokraci. Sot ata janë njerëzit më të aftë, duke mbajtur në kurriz financat. Guvernatorët nuk kanë kombësi.

Gjokutaj: Vendimi i Gjykatës mbyll shumë shtigje.
Spahiu: Kemi nevojë për një sistem bankar në Shqipëri të qëndrueshëm. Problemi bankar nuk e zgjidh një guvernator i huaj. Sistemi bankar këtu është në kushte të vështira. Presidenti Republikës do ketë debate me kryeministrin për emërimin e Guvernatorit të ri. Të jeni të bindur se me atë staf nepotik se të vi një guvernator nga çdo cep i botës, nuk do të dijë ta ngrejë një sistem bankar të qëndrueshëm.

Gjata: Nuk e di se cili Guvernator nga bota do vi të udhëheq BSH-në, se do diskreditohej kot.
Ngjela: Guvernatori në Shqipëri ka rrogën më të lartë në Evropë. Guvernatorët e huaj kanë rroga modeste, deh punojnë si pedagogë.

Dorëheqja e zotit Ardian Civici është pak e çuditshme, në bazë rtë kontekstin që ndodh një ditë pas dëshmisë së tij në Prokurori...
Spahiu: Nëse do garantoheshin se s’do hynin në burg ata do kishin dhënë dorëheqje.
Gjata: Dorëheqje është sa për të kaluar lumin, duhet të ishte bërë më parë.
Gjokutaj: Aktin e bëri dhe unë dyshoj se Prokuroria ka qenë agresive në lidhje me te. Qëndrimi nuk ka moral, duke e motivuar me dy arsye. Ndërgjegje e Civicit është e plagosur dhe kur një person jep dorëheqje nuk mund të gjykohet më. Ky Këshill

Dorëheqja e Civicit dhe një plan për të shpërbërë Këshillin Mbikëqyrës, si e shikoni?
Ngjela: Nuk mund të heqim dorë nga interesi individual. Akti ishte normal. S’mund të gjykojmë për ta implikuar. Morali im është interesi im apo i yti?
Gjokutaj: Është akt civil s’ka asnjë akt që e detyronte të jepte dorëheqjen.

(ma.ar/ed.me/BalkanWeb)

[Xhuxhumaku]

Maks Haxhia: I vetmi faj i Fullanit, është i pashëm dhe bie në sy, kjo shkaktoi xhelozi

TIRANE-Avokati i Ardian Fullanit, Maks Haxhia, ka dashur që ta mbrojë këtë të fundit edhe jep argumentet në një intervistë për “Shekulli”. Haxhia thotë se i vetmi faj që ka Fullani, është që jetoi duke u dukur. Sipas tij, Fullani vishej mirë, është një burrë i pashëm dhe që binte në sy.

Kjo sipas tij, shkaktoi xhelozi në politikë dhe media. “I vetmi faj i zotit Fullani është se për shkak të statusit të Guvernatorit, një status mbarëkombëtar, ai ka qenë gjithnjë në dukje, pra në qendër të vemendjes. Bankierëve nuk u lejohet të vishen keq dhe nuk u lejohet të kenë standarde të ulëta, ata nuk duhet të kenë boshllëqë, pasi nuk duhet të joshen nga paratë. Pastaj zoti Fullani është dhe pak burrë i pashëm dhe kjo ndikon në faktin që është një personalitet që bie ne sy. Fullani jetoi duke u dukur. Dhe kjo bëri që të krijohen edhe xhelozira në shtresat mendjembyllura të politikës, medias dhe atyre që përdorin media. Dhe kjo u shfrytëzua në një moment që djali i tij adoleshent publikoi dicka në Instagram dhe kjo nuk ka të bëjë fare. Kjo tregoi edhe një herë se disa shqiptarë janë mendjembyllur dhe ne duhet të civilizojmë mentalitetin tonë”, shprehet Haxhia.

Më tej ai vijon duke thënë se arrestimi i Fullanit mund të jetë një precedent i rrezikshëm.

“Ky veprim(arrestimi dhe masa e sigurisë me burg) përbën një precedent të rrezikshëm dhe kjo është ajo që duhet të na shqetësojë si shoqëri, krijimi i një precedenti. Dhe krijimi i një precedenti të tillë ndaj një funksionari të lartë të ccon të mendosh se këto janë veprime me prapavijë politike. Gjykata ka dhënë një vendim që nuk bazohet në ligj. Dhe për mua është argument për të thënë se është një veprim me prapavijë politike. Nuk ka prova që të vërtetojnë që z. Fullani ka kryer vjedhjen, që gjithsesi përbën një rast të rëndë për sistemin bankar. Por nuk mund të dënosh titullarin për krimet që bëjnë nëpunësit”, thotë Haxhia, i cili në kërkim të një analogjie ka “goditur” me shembullin e një ministrie.

“Me këtë precedent edhe një minstër, p.sh ministri i Rendit, duhet të dënohet për ndonjë krim që mund të bëjë një drejtor burgu. Duhet të ndajmë përgjegjësitë morale nga përgjegjësitë administrative”, thotë Haxhia ndër të tjera.

Sipas tij edhe masa e sigurisë për Fullanin është e pabazuar dhe e pavend, pasi ajo zakonisht jepet për persona me rrezikshmëri të lartë.

(d.b/BalkanWeb)

http://www.balkanweb.com/kryesore/1/...zi-210306.html

[Xhuxhumaku]

Gjoni: Auditi, jo përgjegjësi e imja, por e Elivar Golemit

NGA: KLODIANA LALA

TIRANE-Guvernatorja në detyrë, Elisabeta Gjoni, për më shumë se dy orë e 30 minuta u është përgjigjur dhjetëra pyetjeve të prokurorëve, për skandalin e vjedhjes në Thesarin e Shtetit, për të cilin ndodhet prapa hekurave ish-guvernatori Ardian Fullani. Ish-zv.guvernatorja e parë e Bankës së Shqipërisë, mbërriti në orën 08.50 minuta në dyert e Prokurorisë së Tiranës, dhe iu deshën disa minuta derisa t'i hapeshin dyert për të hyrë në institucionin e akuzës.

Mandej, sapo ka hyrë në katin e pestë ku ndodhet Njësia e Specializuar Task-Forcë, ka nisur maratonën e gjatë të dhënies së dëshmisë së saj. Gjoni u mor në pyetje nga prokurori Ramadan Troci dhe oficeri Elidon Hysenaj, të cilët i kanë drejtuar një mori pyetjesh, lidhur me funksionin e saj si zv.guvernatore e parë dhe njëherazi anëtare e Këshillit Mbikëqyrës. Mësohet se gruaja e cila ka marrë tashmë në duar drejtimin e Bankës Qendrore, ka këmbëngulur se përgjatë detyrës së saj ka zbatuar vetëm ligjin dhe rregulloret e Bankës Qendrore. E pyetur përse në Thesarin e Shtetit ka munguar auditi i brendshëm për një periudhë trevjeçare, znj. Gjoni është përgjigjur se nuk është përgjegjësi e saj apo e anëtarëve të tjerë të Këshillit Mbikëqyrës çështja e auditit, por e Inspektores së Përgjithshme. Duket se ky pohim i guvernatores në detyrë, Elisabeta Gjoni, rëndon jo pak pozitën e Inspektores së Përgjithshme Elivar Golemi, e cila ndodhet nën arrest për "shpërdorim detyre". Në fakt, pika më e fortë e akuzës ndaj Golemit, mbështetet pikërisht në mungesën e auditit në Departamentin e Emisionit.

"Është përgjegjësi e drejtpërdrejtë e Inspektorit të Përgjithshëm të Bankës së Shqipërisë që Departamenti i Kontrollit nuk ka ushtruar auditim financiar periodik në Departamentin e Emisionit për vitet 2012, 2013 dhe 2014, pikërisht në vendin dhe gjatë periudhës kohore kur dyshohet se është kryer vjedhja", thuhet në dosjen e prokurorisë. Pohimet e Gjonit, duket se vetëm sa kanë përforcuar dhe më tej bindjen e prokurorëve, për hetimet e kryera deri më tani. Ndërkaq, jashtë dyerve të prokurorisë, Elisabeta Gjoni nuk dha ndonjë prononcim për mediat. Guvernatorja në detyrë ishte ftuar të jepte dëshminë e saj më datë 8 shtator, por për shkak të zhvillimeve të vrullshme në Bankën e Shqipërisë pas arrestimit të Ardian Fullanit, Elisabeta Gjoni kërkoi mirëkuptimin e prokurorëve, që, për shkak të axhendës, të shtyhej për ditën e djeshme. Dëshmia e ish-zv.guvernatores Gjoni përmbylli një ndër fazat më të rëndësishme të hetimit, pasi prokuroria ka në duar tashmë, rrëfimet e të gjithë anëtarëve të Këshillit Mbikëqyrës. Kështu, pas largimit të guvernatores në detyrë, prokuroria zhvilloi një mbledhje për të analizuar provat dhe faktet e mbledhura deri më tani, mbi bazën e të cilave po tentohet të zbardhet skandali i vjedhjes së 713 milionë lekëve dhe të sqarohet pozicioni i gjithsecilit në ngjarje, përfshi dhe të guvernatores në detyrë.

Deri më tani, për krimin e ndodhur në Departamentin e Emisionit, janë nën hetim 19 persona, ku 14 prej të cilëve ndodhen në "arrest me burg", mes të cilëve dhe ish-guvernatori Fullani, katër në arrest shtëpie dhe një po hetohet në gjendje të lirë. Fokusi i hetimeve tashmë është përqendruar për të zbuluar se ku përfunduan milionat e vjedhura dhe kush janë përfituesit.

(a.n/Gazeta Shqiptare/BalkanWeb)

http://www.balkanweb.com/shqiperi/26...it-210224.html

[Besoja]

Keshilli i mbikqyrjes ka per detyre te mbikqyre vetem orarin e autobuzeve qe kalojne afer bankes!
Per te tjerat,pergjigjen fatorinot!
Zv.guvernatorja ka per detyre vetem te marre rrogen ne daten e caktuar!
Per te tjerat,pergjigjet nje kusherira ime pastruese ne kinostudio!