PD: Eskorta e Metës përplas për vdekje një 19 vjeçar

[Ingenuous]

08 Korrik 2014 - 15:00

TIRANE - Partia Demokratike denoncon përplasjen për vdekje të një 19-vjeçari nga eskorta e Kryetarit të Kuvendit Ilir Meta dhe atë që e cilëson si “sjellje kriminale me mbulimin e lajmit”.

Zëdhënësja e Partisë Demokratike, Laura Vorpsi tha se ngjarja ka ndodhur dy netë më parë rreth orës 22:00 në fshatin Bilal të Bashkisë Manëz, kur eskorta e Kryetarit të Kuvendit, Ilir Meta, ka përplasur për vdekje Marsel Lohjan, 19 vjeç, të cilit iu dha dje pasdite lamtumira e fundit.

“Ky aksident vdekjeprurës, u kthye menjëherë në një ngjarje të rëndë kriminale, pasi për 48 orë, Ilir Meta arriti ta fshehë ngjarjen, duke u përpjekur të mbyllë punët me policinë, prokurorinë dhe familjen e viktimës. Asnjë media nuk raportoi lajmin. Askush nuk foli rreth kësaj ngjarjeje.”- deklaroi Vorpsi.

Sipas zëdhënëses së PD-së, “përpjekja për të varrosur faktet, të vërtetën, është akt mafioz, është një sjellje prej Pinoçeti, ku jeta e një njeriu nuk ka vlerë, ku me para dhe me forcën e pushtetit, mund të blesh gjithçka”.

“Partia Demokratike i kërkon Policisë së Shtetit të bëjë menjëherë transparencë për aksidentin e dy netëve më parë të eskortës së kryetarit të Kuvendit dhe të informojë publikun për këtë ngjarje. Ne i kërkojmë Prokurorit të Përgjithshëm që të hetojë rrethanat e ngjarjes, dhe të bëjë sa më shpejt drejtësi. Ne i kërkojmë medias të hedhë dritë mbi faktet dhe mbi arsyet pse ky aksident që mori jetën e një 19-vjecari nuk është raportuar. Partia Demokratike i kërkon Ilir Metës të kërkojë ndjesë publikisht për këtë sjellje të turpshme dhe revoltuese me të cilin ai ka fyer secilin nga ne duke u përpjekur të fshehë e të varrosë vdekjen e një 19-vjeçari. Jeta e Marselit, jeta e cdo qytetari shqiptar, është njësoj e rëndësishme sa jeta e çdo zyrtari në këtë vend, qoftë ai edhe Kryetari i Kuvendit.”- deklaroi Vorpsi.

MB: ESKORTA NUK ËSHTË PËRFISHIRË NË AKSIDENT, OFICERI ME MJETIN E TIJ PERSONAL
Ndaj akuzave të Partisë Demokratike ka reaguar edhe Ministria e Brendshme, sipas së cilës eskorta e kruet të Kuvendit nuk është përfshirë në aksident.

“Ministria e Punëve të Brendshme deklaron se eskorta e Kryetarit të Kuvendit nuk është përfshirë në asnjë aksident rrugor. Deklarata e PD-së për fshehjen e një aksidenti është tërërisht e pavërtetë”, thuhet në deklaratë.

Ministria e Brendshme thotë se drejtuesi i mjetit Kastriot Braho, oficer pranë Gardës së Republikës në momentin e ngjarjes nuk ka qenë me shërbim por me mjetin e tij personal.

"Në komunikatën e përditshme të Policisë së Qarkut Durrës, (dt.07.07.2014, faqja 3, me numër rendor të ngjarjes 17, publikuar dhe shpërndarë për gjithë mediat), është përfshirë arrestimi i shtetasit K. B., pasi ka aksidentuar me pasojë vdekjen këmbësorin M.L, 19 vjeç, banues në Maminas. Prokurori pranë Prokurorisë së Rrethit Gjyqësor Durrës Ilir Turja, ka drejtuar dhe ndjekur gjithë veprimet proceduriale, që nga momenti kur është marrë njoftimi për ndodhjen e aksidentit. MPB sqaron se shtetasi K. B, oficer pranë Gardës së Republikës, në momentin e ngjarjes nuk ka qenë me shërbim. Shtetasi K.B. ishte duke udhëtuar me automjetin e tij personal me targa AA 067 JP dhe nuk ka qenë në ushtrim të funksioneve të tij.Me marrjen e njoftimit për arrestimin në flagrancë për veprën penale të “Shkeljes së rregullave të qarkullimit rrugor” neni 290 pika 2 i Kodit Penal, shtetasi K. B. është pezulluar nga detyra si oficer i Gardës së Republikës, deri në sqarimin e rrethanave të ngjarjes”, përfundon deklarata.

Policia
Ndërkohë në lidhje me ngjarjen në fjalë, policia e Durrësit njoftoi zyrtarisht një ditë më parë se ka vënë në pranga shtetasin Kastriot Braho, i cili ka aksidentuar 19-vjecarin me iniciale M.L. Sipas policies, 43-vjecari ka qenë duke udhëtuar me mjetin tip benz me targa AA 067 JP në aksin rrugor Maminas-Manëz dhe në vendin e quajtur Bilalas ka përplasur të riun, duke i shkaktuar vdekjen. Sipas njoftimit, ngjarja ka ndodhur të djelën në mbrëmje rreth orës 21 e 45 minuta, teksa drejtuesi i mjetit Kastriot Braho është arrestuar në flagrancë. Mbi 43 vjeçarin rëndon akuza “Shkelje e rregullave të qarkullimit rrugor”.

Balkanweb

[Do Not Tread On]

Bravo Ilir, shtypi njerzit... kokepalare jane, e ke thene vet, nga goja jote.
Tek e fundit Ilirit i falet, po nxitonte qe te takonte djalin e Kristaq Rames... Pune qeverritaresh!! S'i kupton populli kokpalar keto...

[Albo]

Ngushellime familjes per humbjen e djalit te tyre. Eshte dhimbje e jashtezakonshme per nje prind te humbi femijen e tij ne cdo moshe, por sidomos ne kulmin e rinise. Dhimbja behet akoma me e rende kur aksidenti qe solli humbjen behet nga makina e eskortes se nje burri shteti, i cili nuk denjon qe te ngushelloje familjen, por mundohet me cdo mjet qe lajmi te mos behet publik ne media. Kjo e ben dhimbjen e familjes akoma edhe me te rende, pasi ai femija qe ishte drita e syve per prinderit, jeta e dinjiteti i tij shtypet me kembe sikur te ishte nje mize ne syte e pushtetareve te tyre. Aksidente automobilistike kane ndodhur e do te ndodhin, por ne te tilla fatkeqesi dallohen njerezit e mire nga ata qe nuk duan t'ia dine per njeri.

Po ustallaret e mediave perse nuk e botuan lajmin apo jane kthyer te gjitha ne vegla qorre te rregjimit ne Tirane?

U prehte ne paqe femija juaj. Zoti ua lehtesofte dhimbjen e ua shperblefte pushtetareve e njerezve te mediave, ashtu sic kane zemren!

Albo

[Qyfyre]

shpresoj qe ky Kastriot Braho te denohet nese ka thyer rregullat e qarkullimit dhe mos i jepet trajtim special meqe eshte oficer i gardes.

Ngishellime familjes se 19-vjecarit. Shume i ri

[Xinxerfilli]

Eshte e turpshme dhe makabre ajo qe ben Partia Demokratike dhe ky Forum.

Eshte turp qe trumbetoni mashtrime te tilla sepse te vetmit njerez qe ju besojne jane budallenjte e Berishes qe i keni mbledhur ketu me shumice.

Policia jo vetem qe e ka komunikuar aksidentin po dhe ka bere arrestimin e autorit. Ja ku e keni lajmin e sakte me poshte.

Aksidenti në komunikatën e policisë, Policia: Asnjë aksident i eskortës, gardisti nuk ka qenë në shërbim

Policia ka reaguar pas deklaratës së dhënë nga Partia Demokratike, në lidhje me aksidentin e ndodhur dy ditë më parë në aksin rrugor Maminas-Manzë.

Sipas Policisë së Shtetit, nuk qëndrojnë akuzat se policia e ka fshehur këtë aksident dhe se ka dashur të manipulojë ndodhinë. Ngjarja është reflektuar në komunikatën ditore për shtyp të Drejtorisë së Policisë së Qarkut Durrës, pika 16 e saj, ku sqarohet se:

“Më datë 07.07.2014, ora 04.00, u bë arrestimi në flagrancë i shtetasit Kastriot Braho, 43 vjeç, banues në Tiranë, pasi më datë 06.07.2014, rreth orës 21.45, në aksin rrugor Maminas-Manëz, në vendin e quajtur Bilalas, duke drejtuar mjetin Benz me targa AA 067 JP, ka aksidentuar me pasojë vdekje këmbësorin M.L., 19 vjeç, banues në Maminas. Materialet iu kaluan Prokurorisë Durrës për veprën penale të ‘Shkeljes së rregullave të qarkullimit rrugor’”.

Reagim mbi akuzat e selisë së Partisë Demokratike ka bërë edhe Ministria e Brendshme. Sipas këtij reagimi, deklarohet se eskorta e zotit Meta nuk është përfshirë në asnjë aksident rrugor. Ministria e Brendshme e quan të pavërtetë denoncimin e Partisë Demokratike, për sa kohë ngjarja është bërë publike.

Ministria e Brendshme sqaron se, pas ndalimit të autorit të aksidentit nga policia, prokurori pranë Prokurorisë së Rrethit Gjyqësor Durrës, Ilir Turja, ka drejtuar dhe ndjekur gjithë veprimet proceduriale, që nga momenti kur është marrë njoftimi për ndodhjen e këtij aksidenti. Ministria nënvizon se shtetasi K. B., officer pranë Gardës së Republikës, në momentin e ngjarjes nuk ka qenë madje as me shërbim.

Ngushellime familjes.

[PINK]

Se mos u iki zogu, rasti nga dockat pdh-se pathetike. Vigjilenca ne max, cdo rast plumb per armikun therriten kamunistet e pdh- se. Gam e ham si ben pershtypje me njeriu. Nuk I merr me njeri Seriozisht! Aty ne opozite do jeni dhe per nja 50 vjet!

[Darius]

Pink, nuk humbet njerzilleku per hir te tifozllikut partiak. Sjemi lindur e rritur ne pyll qe mos e dime sesi fshihen krime apo aksidente te kesaj natyre. Kujto aksidentin me vdekje te Fatos Nanos (ne mos gabohem ne afersi te Rrashbullit) dhe ate te Sokol Nakos ne afersi te Vores. Te dyja rastet e meparshme u mbuluan ne heshtje megjithe vdekjen e te aksidentuareve. Pra eshte mese e justifikueshme qenia mosbesues ne raste te tilla. Partiaket ne Shqiperi (kushdo qofshin) kane shume pak respekt per jeten njerezore.

[Albo]

Eshte e turpshme dhe makabre ajo qe ben Partia Demokratike dhe ky Forum.

Eshte turp qe trumbetoni mashtrime te tilla sepse te vetmit njerez qe ju besojne jane budallenjte e Berishes qe i keni mbledhur ketu me shumice.

Policia jo vetem qe e ka komunikuar aksidentin po dhe ka bere arrestimin e autorit. Ja ku e keni lajmin e sakte me poshte.



Ngushellime familjes.

E turpshme eshte qe ne asnje vend ne komunikaten e Ministrise se Rendit nuk thuhet qe personi ne fjale eshte POLIC dhe pjese e eskortes se Kryetarit te Kuvendit te Shqiperise, por e shet si nje "qytetar" te thjeshte. E turpshme eshte edhe per mediat, qe jane ose inkompetente per te informuar publikun, ose jane ne xhepin e pushtetareve.

PD bravo i qofte, qe ben transparencen me publikun, ate transparence qe nuk e ben as Qeveria e as mediat e pavarura te vendit! Ne nje vend me media te pavarura, ato qe do te publikonin lajmin e plote per ate qe ka ndodhur, nuk duhet te ishte zedhenesja e partise se opozites, por gjithe televizionet e gazetat e vendit. Dhe kjo nuk eshte hera e pare: te njejten gje bene kur shpertheu budallai kryeminister ne mes te restorantit kundrejt nje gazetari si Adi Krasta. E turp per Adi Krasten e gjithe ata te pranishem, qe nuk u prononcuan per incidentin e zgjodhen te heshtin, por duhet ta bente publike Sali Berisha nga poltrona e Kuvendit qe shqiptaret te mesonin te verteten.

Albo

[skender76]

Aksidente ndodhin cdo dite, por pushtetaret duhet te kene me shume kujdes...
Me ka rastis disa raste kur kalojne keta pushtetaret e rilindjes, shpejsti sketerre dhe zhurme sirenash me t'fut friken...

M'vjen gjynaf per djaloshin dhe familjaret e tij.
Mos prisni tu vije keq klyshve t'kuq, perkundrazi argtohen me kahi rastesh.

[Qyfyre]

Me duket ceshtje shume e thjeshte. Nje oficer i gardes duke bere xhiro me makine personale, ka thyer rregullat rrugor dhe ka vrare nje person. Eshte arrestuar disa ore me pas dhe po gjykohet per krimin qe ka bere. Cdo gje tjeter qe i shtohet eshte thjeshte politike e turpshme me jeten e nje njeriu. Nese dalin prova te tjera atehere mund te flasim, por thjesht akuza me llafe nuk mund te merren si te qena dhe ti diskutojme si fakte.