A eshte Koço Kokedhima dora e zgjatur e biznesit rus qe pritet te ngulet ne Shqiperi?

[DYDRINAS]

A eshte Koço Kokedhima dora e zgjatur e biznesit rus qe pritet te ngulet ne Shqiperi, ne rast te fitores se PS?

[DYDRINAS]

Ambasadori rus Abramov: Investitorët rus të interesuar për burimet natyrore të Shqipërisë

Kompania Gazprom është e interesuar për bashkëpunim me Shqipërinë dhe shpreson se qeveria e re shqiptare që do dalë nga zgjedhjet e qershorit, të mbajë një qëndrim konstruktiv ndaj kompanisë ruse. Deklarata u bë nga Ambasadori rus në Shqipëri Leonid Grigorieviç Abramov, gjatë një konference shtypi . “Do ju siguroj se Gazprom është e interesuar që bashkëpunimi me Shqipërinë të jetë i leverdishëm në mënyrë të ndërsjelltë. Ne shpresojmë që nëse qeveria e juaj që do dalë nga zgjedhjet parlamentare të sivjetshme do të mbajë qëndrim konstruktiv ne do jemi të gatshëm të shikojmë mundësinë e pjesëmarrjes në tenderin e Albpetrolit . Në të vërtetë është vendim komercial dhe si diplomat nuk mund të mbaj përgjegjësi për lekët e privatit rus. Ambasada nga ana e vet bën përpjekje se sa më shumë kompani të hynin në tregun shqiptar në kushte sa më pak diskriminuese”, theksoi ambasadori rus. Sipas Ambasadorit Abramov investitorët rus janë të interesuar për burimet natyrore të Shqipërisë. Ndërkohë ai bëri të ditur se nëse shtohet fluksi në turizën do të shihet edhe turizmi si mundësi investimi. “Interesimi potencial ekziston. Kemi pasur përfaqësues të këtyre kompanive që u njohën me bregdetin shqiptar por investimet si të tillë nuk i kemi. Një praktike duhet ndjekur, kur turistët rus vijnë dhe mësohen me kushtet e Shqipërisë për të krijuar një fluks sa më të gjerë, vetëm kur të krijohet ky fluks do flitet për investime. Sa i takon burimeve natyrore Shqipëria ia kalon shumë vendeve të tjera. Ne po bëjmë përpjekje dhe deri tani janë tre kompani turistike ruse në trataktiva. Mund ti them se për një gjë të tillë po mendohet dhe ka tre kompani ruse të intresuar për të përforcuar numrin e turistëve rus gjatë 2013, po asnjë nuk e merr përsipër të organizojë fluturime me avion bosh. Pengesa politike këtu nuk kemi”, tha Abramov.

MAPO

[DYDRINAS]

Kokëdhima, njeriu i bizneseve të shërbimeve sekrete ruse

Nga Kastriot Myftaraj

Gazeta Sot

18 Dhjetor 2007

Koço Kokëdhima, ditët e fundit i është bashkuar së ashtuquajturës Aleancë Qytetare për Mbrojtjen e Gjirit të Vlorës, duke dalë publikisht në një konferencë për mediat të saj, ku sipas gazetës «Shekulli», të datës 27 nëntor 2007, botues i së cilës është vetë Kokëdhima, iu dha ultimatum qeverisë që të detyronte kompanitë që kanë filluar punimet për ndërtimin e TEC-it dhe të petroliferës, që t’ i ndërpresin ato. Titulli i artikullit të gazetës «Shekulli» për këtë ngjarje ishte: «Aleanca, ultimatum qeverisë dhe firmave ndërtuese». (gazeta «Shekulli», 27 nëntor 2007, f. 8) Gazeta e Koço Kokëdhimës nuk e saktësonte se çfarë natyre kishte ky ultimatum, por kjo tashmë është e qartë nga ato që u panë në 19 nëntor 2007, në takimin mes studentëve pjesëmarrës të së ashtuquajturës Aleancë për Mborjtjen e Gjirit të Vlorës, dhe përfaqësuesve të petrolifera, në një nga auditorët e Universitetit të Vlorës, ku njerëzit e Aleancës Qytetare për Mbrojtjen e Gjirit të Vlorës kërcënonte duke thënë se ata që duan të ndërtojnë petroliferën janë në gjak me Vlorën, dhe kjo ndodhte në sfondin e shfaqur në pamjet televizive ku portreti i Ismail Qemalit dhe flamuri shqiptar kishin rënë përtokë të përlyer me naftë dhe vajra të djegur, nën breshërinë e goditjeve me sende të ndryshme, që njerëzit e Aleancës hodhën kundër tribunës ku ishte rektori i Universitetit të Vlorës, dhe njerëzit e petroliferës, që kishin ardhur me kërkesën e studentëve, pjesëtarë të Aleancës. Se çfarë natyre ka ultimatumi i 27 nëntorit, që iu dha shtetit shqiptar edhe në emër të Koço Kokëdhimës, kjo bëhet e qartë po të kihet parasysh se në mbrëmjen e e 19 nëntorit, pas spektaklit barbar në Vlorë, në një intervistë në emisionin “ZIP” në “Vizion Plus”, një studente, anëtare e Aleancës, që kishte qenë e pranishme në incident, u shpreh se nëse nuk hiqet dorë nga projektet e naftës në Vlorë, do të përsëritet lufta e 1920-ës. Kur një nga drejtuesit e emisionit, ndërhyu duke bërë një vërejtje për këtë gjuhë, kryetari i Aleancës Rezart Aliaj, që foli me telefon nga Vlora, si dhe nënkryetari i Aleancës, Feruni, i ftuar në studio, u shpreh se kjo ishte gjuha e duhur që ata që duan të sjellin naftën në Vlorë, ta marrin mesazhin. Pra, është e qartë se botuesi Koço Kokëdhima, një njeri i «pushtetit të katërt», që është media, është përfshirë në një kërcënim për kryengritje të armatosur kundër shtetit, gjë që përbën vepër penale të parashikuar shprehimisht në nenin 223 të Kodi Penal të Republikës së Shqipërisë, si Thirrje publike për veprime të dhunshme. Implikimi i Koço Kokëdhimës në të ashtuquajturën Aleancë për Mbrojtjen e Gjirit të Vlorës, e zbulon më qartë se kjo e ashtuquajtur lëvizje qytetare ambientaliste është një ekspedient i shërbimeve sekrete serbe dhe ruse. Koço Kokëdhima, në një intervistë që ka dhënë para disa muajsh në emisionin «Opinion plus» të Blendi Fevziut në Tv Klan, u shpreh se pasuria e tij është 200 milion evro (në mënyrë kurioze ai tha “evro”, siç thuhet në Greqi, Serbi dhe Rusi, dhe jo “euro”, siç e shkruan edhe gazeta e tij “Shekulli”) dhe se ai pjesën më të madhe të bizneseve të tij i ka në Rusi, ndërsa në Tiranë ka vetëm 2% të bizneseve të tij. Këtë gjë Kokëdhima e tha në përgjigje të pyetjes së Fevziut se a është e vërtetë që ai një pjesë të madhe të ardhurave të tij i siguron nga tenderët e Bashkisë së Tiranës, të cilat i fiton falë mbështetjes së Edi Ramës, të cilin nga ana e tij e mbështet me mediat e tij. Se çfarë biznesesh ka Koço Kokëdhima në Rusi, këtë gjë nuk e saktësoi, por duket se Kokëdhima me këtë përgjigje “Në vend që të vinte vetullat nxori sytë”. Duke ditur atë që ndodh në Rusi, ku biznese të lidhura me regjimin e Putinit, shërbimin sekret dhe mafien ruse, kërkojnë të investojnë në vendet ballkanike, duke blerë në rradhë të parë pasuri të patundshme, duket se e vërteta është e kundërta e asaj që tha Kokëdhima. Pra, nuk është Kokëdhima ai që ka biznise prej rreth 200 milion “evro” në Rusi, por janë bizniset ruse ato që investojnë në Shqipëri me anë të Kokëdhimës. Pra, Kokëdhima është një lloj “Behgjet Pacolli” i kësaj ane të kufirit. Kur një biznesmen shkon nga Shqipëria në Rusi dhe arrin të bëjë atje një pasuri prej rreth 200 milion eurosh, duke konsideruar se çfarë vendi është Rusia sot, atëherë mund të thuhet me siguri se ky njeri nuk mund ta ketë pasur këtë fat pa “bekimin” e shërbimeve sekrete ruse, që si shpërblim kërkojnë shërbime në Shqipëri. Angazhimin e Koço Kokëdhimës në të ashtuquajturën Aleancë për Mbrojtjen e Gjirit të Vlorës, është pjesë e shpërblimit që ai u jep rusëve për pasurinë që ka bërë në vendin e tyre. Më kot Koço Kokëdhima kamuflohet si ambientalist. Koço Kokëdhima mund të jetë gjithçka, edhe budist, por jo ambientalist. Në rast se Koço Kokëdhima do të kishte skrupuj prej ambientalisti ai nuk do ta vononte aq shumë kohë ndërtimin rrugëve të kryeqytetit tenderat e të cilëve ia jep Edi Rama, dhe ku rasti më skandaloz është ai i segmentit të unazës mbi «Brrylin», ndërtimin e së cilit po e zvarrit prej vitesh, çka shkakton një ndotje të tmerrshme të asaj zone shumë të populluar të Tiranës, për shkak se rruga e mëparshme është prishur, në mënyrë që të ndërtohet e reja, dhe pluhuri që ngrihet atje është i ngjashëm me stuhitë e rërës në shkretëtirë. Kokëdhima para se të shqetësohet për dëmin që do t’ u sjellin impiantet e naftës banorëve të Vlorës, le të preokupohet për dëmin që u ka sjellë banorëve të kësaj zone në Tiranë. Në rast se Kokëdhima do të ishte ambientalist ai do të bënte dhe një fushatë publike kundër depozitave greke të karburanteve në Portin e Durrësit, që janë vendosur atje në vitin 1998, në kundërshtim me çdo parametër teknik, dhe të mbrojtjes së mjedisit, duke përbërë dhe një rrezik ekzistencial për banorët e qytetit të Durrësit, nëse ndodhin incidente si ai që ndodhi vitin e kaluar në Lezhë. Jo vetëm që depozitat greke nuk po hiqen nga Porti i Durrësit, por ato po zgjerohen dhe në Porto Romano, pranë qytetit, ku supozohej të zhvendoheshin depozitat e Portit të Durrësit. Pse duhet që kompanitë greke të kenë depozita nafte në Shqipëri, dhe të dominojnë tregun shqiptar të karburanteve me anë të kompanive vendase të lidhura me to, kur Greqia nuk është vend prodhues i naftës? Kompanitë greke të naftës që kanë depozita në Shqipëri, dhe që tashmë janë të lidhura me kompanitë ruse të naftës dhe të gazit, «Gazprom» dhe «Rossneft», që me realizimin e projekteve greko-ruse për ndërtimin e naftësjellësave dhe gazsjellësave që do të sjellin naftën dhe gazin rus në Greqi, synojnë që me anë të depozitave në Portin e Durrësit, Porto Romano, Nartë dhe Lezhë, të kontrollojnë tregun e naftës dhe të gazit, jo vetëm të Republikës së Shqipërisë, por edhe të Kosovës. Derisa depozitat greke të naftës në Portin e Durrësit mbulojnë një sipërfaqe prej katër hektarësh, kompleksi i impianteve të naftës në Porto Romano, mbulon një sipërfaqe pesë herë më të madhe, prej 20 hektarësh. Është e qartë se kompanitë greke të naftës, dhe ato ruse që i furnizojnë ato, janë të preokupuara nga projektet e petroliferës dhe të AMBO, se ndërtimi i tyre do të thotë që kompanitë greke të zhduken nga tregu shqiptar i karburanteve. Këtu nuk duhet harruar dhe rëndësia gjeopolitike që ka për grekët dhe rusët fakti që tregu i karburanteve në republikën e Shqipërisë, Kosovë dhe pjesërisht edhe në Maqedoni, të kontrollohet nga kompanitë greke të lidhura me ato ruse, dhe jo nga ato amerikane dhe italiane. Kësaj strategjie ekonomike greko-ruse, pa harruar interesat serbe që konvergojnë me ato greko-ruse, i shërben e ashtuquajtura Aleancë për Mbrojtjen e Gjirit të Vlorës. Koço Kokëdhima mund të sqarojë misterin se nga dalin paratë e Aleancës për Mbrojtjen e Gjirit të Vlorës, liderët e së cilës paguhen më tepër se deputetët, dhe studentët-aktivistë të së cilës paguhen dy herë më tepër se rektori të cilin e përlyen me naftë dhe vajra të djegura. Këto duket se janë paratë e shërbimeve sekrete greke, ruse, pa harruar ato serbe. Aleanca për Mbrojtjen e Gjirit të Vlorës është në fakt Aleanca për Mbrojtjen e Monopolit Grek(rus) në tregun e karburanteve në Shqipëri. Implikimi në këtë aventurë kinse ambientaliste, i Koço Kokëdhimës, pasanik me rreth 200 milion «evro» në Rusi, është shumë kompromentues për Edi Ramën, i cili e ka Kokëdhimën leitnantin e vet në media dhe punët publike të Bashkisë së Tiranës. Nuk duhet harruar se dy javë para se Koço Kokëdhima të dilte publikisht në Aleancën për Mbrojtjen e Gjirit të Vlorës, do të ishte kryetari i PS, Edi Rama, i cili në një takim me të rinjtë dhe të rejat e Vlorës, mbajtur në këtë qytet në 13 nëntor 2007: “Ajo që unë dua të them është nevoja për t’ u bërë të gjithë bashkë në emër të një patriotizmi të ri. Të një patriotizmi të ri, i cili nënkupton në radhë të parë marrjen në dorë të fatit tonë, të fatit të atdheut tonë. Të marrim në dorë për çështje të mëdha, të cilat janë kthyer në plagë të mëdha në këtë vend. Në Vlorë ne jemi dëshmitarë të një domosdoshmërie konkrete, që lidhet me një fakt konkret, që është vetë fakti i gjirit të Vlorës i cili nuk mund të jetë gjiri i naftës, por duhet të jetë gjiri i një turizmi ashtu siç e meriton Vlora. Dhe askush më shumë sesa rinia vlonjate nuk mund të jetë e përgjegjshme për këtë mision. Askush më shumë sesa rinia vlonjate nuk mund të jetë e interesuar që me qytetin dhe me këtë bregdet të mrekullueshëm të bëhen prapësira në emër të një zhvillimi që nuk sjell mirëqenie por sjell varfërim. Në emër të një zhvillimi që nuk sjell një siguri për të ardhmen. Në emër të një zhvillimi i cili nuk mund të ndodhë pa u pyetur qytetarët e Vlorës. Pa u pyetur Vlora. Pa u pyetur të rejat dhe të rinjtë e Vlorës, të cilat dhe të cilët nuk mund t’ a delegojnë në fatin e tyre tek qeveritarët e Tiranës”. (“Zëri i Popullit”, 14 nëntor 2007, f. 11) Nuk është e rastit që pas kësaj deklarate të Edi Ramës protesta e së ashtuquajturës Aleancë për Mbrojtjen e Gjirit të Vlorës, liderët e së cilës janë njerëzit e Ramës në Vlorë, u shkallëzua në thirrje për gjak, dhunë, luftë, në ultimatume. Lidhja e ngushtë e Edi Ramës me Koço Kokëdhimën tradhëton lidhjet e fshehta të Edi Ramës me Rusinë. Edi Rama është rritur në një familje rusofile, ku babai i tij kishte studiuar në kohën e diktaturës komuniste në Leningrad, siç quhej atëherë San Petërburgu. Edi Rama është rritur në një mjedis kulturor rusofil, me muzikë ruse, dhe me nostalgji për Rusinë, për netët e bardha nordike të famshme të San Petërburgut, të cilat tash Edi Rama i ka projektuar në Tiranë në natën e bardhë, në 29 nëntor.

[Ziti]

po e nxjerin koken socialistat!

[DYDRINAS]

po e nxjerin koken socialistat!

Nuk ka asgje te rastesishme ne keto zhvillime. Nendetesja 105 pritet te rikthehet serish ne Vlore, por kete here e drejtuar nga komandante ruse.

Do ta kerkojme Vloren gjeneral!

[Doni-88]

Dihet qe eshte antishqiptar nga qimara, vetem per cilin shtet armiqsore shqiptar punon kjo mbetet te shihet.

[Doni-88]

Edhe me heret e kam shkruar nje koment se pa u zhdukur plehu i fundit komunist si ps, shqiperia kurre nuk do ti hape syte nga rrymat komuniste lindore ANTI-shqiptare ne thelb.

[Archon]

Kokëdhima, njeriu i bizneseve të shërbimeve sekrete ruse

Nga Kastriot Myftaraj

Keto shkrimet e ketij tipit jane tejet bajate dhe te mbushura plot me iluzione.

[Doni-88]

Shyqyr Zoti qe e kem Ameriken ne menyre qe keta antishqiptar mos ta prekin pushtetin shqiptar per pazare me armiq.

[Doni-88]

Keto shkrimet e ketij tipit jane tejet bajate dhe te mbushura plot me iluzione.

Me shume i besoj shkrimit se ty.