Lushnje, një 76-vjeçar gjendet i vdekur në Xhami

[Archon]

Vrasja në xhami, pas zënkës për mënyrën e faljes

Mosmarreveshjet për mënyrën e predikimit në xhami e kanë shtyrë një 38-vjeçar të vrasë me thikë brenda xhamisë një 86-vjeçar, në Dushk të Lushnjes.

Kjo është arsyeja që jep policia, pasi arrestoi shtetasin Arjan Alla, 38 vjeç nga Dushku.

Sipas policisë, viktima Shemsi Muça dhe autori i vrasjes gjatë faljes në xhami kanë patur debat për mënyren e faljes.

Njëri ishte për vijimin e traditës së vjetër të muslimaneve shqiptarë dhe vrasësi ishte për mënyrat e huazuara së fundmi nga disa vende arabe.

Debati ka qenë aq i fortë sa në fund, 38-vjeçari ka nxjerrë një thikë, duke i prerë fytin të moshuarit e më pas është larguar me shpejtësi nga xhamia.

Për shkak të gjurmëve dhe dëshmive të dhena në polici, u bë i mundur identifikimi dhe arrestimi i vrasësit.

TOP CHANNEL

[Korcar-L1]

20 vjet ne greqi...talibanizohet njeriu.......

[Archon]

REPORTAZH/ Kurban në xhaminë e Dushkut, policia e raportoi ngjarjen si vetëvrasje

Nga Lindita Çela

E ka therur në mes të xhamisë dhe pasi është siguruar që ka dhënë shpirt, e ka kthyer për së mbari, sipas riteve myslimane, kokën nga perëndimi e këmbët nga lindja.

Mesditën e së shtunës, në mes të xhamisë së Komunës së Dushkut, gjaku i 86- vjeçarit është ende i patharë. Përreth pellgut të gjakut shihen qartësisht gjurmët e autorit të krimit, të ngjyera me gjak, e disa të tjera me baltë nëpër tapetin blu të xhamisë. Pikërisht këtu, në mes të xhamisë, Xhelo Zeqiri ka gjetur i pari të therur Shemshi Muçën.

Por të gjitha këto prova të dukshme ashiqare në vendin e ngjarjes nuk kanë bindur policinë e qarkut të Fierit se ngjarja është një vrasje, për të mos thënë një kurban në xhami.

Mbrëmjen e së premtes, policia e Qarkut të Fierit deklaroi zyrtarisht se bëhej fjalë për një vetëvrasje e se po hetonte për zbardhjen e rrethanave që çuan 86- vjeçarin të vetëvritej në xhami.

Për orë të tëra policia i ka qëndruar këtij versioni, edhe pse provat në vendngjarje, edhe injorantin më të madh të kriminalistikës do e bënin, së paku të dyshonte se 86- vjeçari nuk është vetë vrarë.

Vetëm pas insistimit të familjarëve, policia ka ngritur pistën e hetimit, ndërsa në mbrëmje deklaroi se ka arrestuar të dyshuarin si autor të vrasjes, 38- vjeçarin Artan Alla.

Burime zyrtare nga Drejtoria e Policisë së Qarkut të Fierit bënë të ditur se Artan Alla dyshohet të jetë vrasësi i Shemshi Muçës, e nga hetimet paraprake mësohet se vrasja ndodhi pas një sherri mes viktimës dhe autorit.

Ekzekutimi

Rreth orës 16:00 të së premtes, Shemshi Muça ka marrë rrugën për të falur akshamin në xhami. Për shkak së vuante nga prostata, 86- vjeçari e kishte zakon që shkonte para shokëve të tij për të marrë abdes (pastrimin e trupit), në mënyrë që të mos pengonte ritin e faljes, që besimtarët e komunës së Dushkut e kryenin në orën 16:20. Kështu ka vepruar dhe pasditen e së premtes, pa ditur se do të ishte namazi i fundit i jetës së tij.

Sipas gjithë dëshmive, Shemshiu është gjendur i vetëm në xhami. Për motive ende të paqarta, por shumë dyshuese, Shemshi Muça është therur në mes të xhamisë me biçakun e tij.

Sipas familjarëve, në fytin e plakut është ngulur katër herë thika, deri sa ka dhënë shpirt. I pari njeri që ka mbërritur në xhami është Xhelo Zeqiri, një bashkëfshatar dhe mik i viktimës. 80- vjeçari ka mundur të shohë autorin e vrasjes e më pas është larguar i llahtarisur për të kërkuar ndihmë tek imami i xhamisë, që është dhe dhëndëri i viktimës.

Por dhe pse në ngjarje ka pasur dëshmitarë, policia fillimisht e klasifikoi ngjarjen si vetëvrasje. Ndërsa pas reagimit të familjarëve të viktimës, Policia e Qarkut të Fierit ka pranuar se bëhet falë për një vrasje, që sipas saj, është për motive të dobëta.

Burime të Policisë së Qarkut të Fierit thanë për TemA-n, dyshohet se vrasja është kryer për motive banale. Sipas këtyre burimeve, viktima njihej si shakaxhi dhe ndonjë fjalë e thënë tepër e ka çuar atë drejt vdekjes.

Policia sqaron se 86- vjeçari është vrarë me biçakun e tij dhe në vendngjarje është sekuestruar edhe arma e krimit. Burimet zyrtare përjashtuan mundësinë e vrasjes për vjedhje të xhamisë, pasi përveç kryerjes së riteve fetare, askush nuk hidhte para në xhami sepse zona është tejet e varfër.

Dushku i tronditur

Ekzekutimi i Shemshi Muçës ka tronditur banorët e fshatit të Dushkut të rrethit të Lushnjes. Në këtë fshat prej vitesh nuk mbahet mend të ketë ndodhur ndonjë ngjarje kaq e rëndë. Madje edhe viti ‘97-të ka kaluar pa asnjë vrasje në Dushk, e ngjarjet e vetme kriminale që janë të regjistruara janë vjedhjet nëpër pikat e karburantit, kjo për shkak të varfërisë.

“Është e tmerrshme ajo që ka ndodhur. Jemi të gjithë të tronditur jo vetëm për fatin se Shemshi ishte një burrë i urtë, por këtu kurrë nuk ka ndodhur vrasje. Veç kësaj, mënyrën se si e ka vrarë, në mes të xhamisë, është shumë e dyshimtë, kurrsesi nuk mund të jetë hajdut ai që e ka bërë këtë krim”, të thotë Suleman Shaqiri.

Në fshat nuk gjen qoftë dhe një njeri që të flasë keq për familjen Muça, ashtu edhe për të ndjerin.

Sipas banorëve, të gjithë shohin hallin e tyre dhe kurrë nuk janë konfliktuar me askënd.

Shemshiu, sipas tyre, ishte një burrë i qetë e kurrë nuk ka ndërruar llafe me një njeri. Aq i respektuar ishte 86- vjeçari në fshat, saqë në orarin e varrimit, i kryer rreth orës 15:00, në qendër të Dushkut nuk shihej këmbë njeriu.

Të gjithë burrat dhe gratë i kanë dhënë lamtumirën e fundit plakut të urtë, i therur në mes të xhamisë.

Banorët përveç tronditjes dhe habisë se si është ekzekutuar fqinji i tyre, nuk dinë të rrëfejnë ndonjë motiv që do të çonte çdokënd të kryente një krim kaq të tmerrshëm, duke i ngulur katër herë biçakun në fyt një paku.

Po kaq të tronditur janë dhe familjarët e të ndjerit. I biri mohon që të jetë në konflikt me ndonjë banorë të zonës, e ndërsa kundërshton çdo mundësi që i ati të jetë vetëvrarë.





INTERVISTA/ Resmi Muça: U tentua të manipulonin provat

Fakti që Resmi Muça, djali i 86- vjeçarit të vrarë në xhaminë e Dushkut, është inspektor policie në komisariatin e Lezhës, duket se ka detyruar policinë e qytetit të Fierit të heqë dorë për klasifikimin e ngjarjes si vetëvrasje.

Resmiu për TemA-n rrëfen se persona të caktuar kanë qenë të interesuar të manipulojnë provat, e falë ndërhyrjes së tij dhe të birit, që është efektiv i Gardës dhe merret me sigurinë e kryeministrit Sali Berisha, duket se ngjarja është rihetuar nga e para. Për TemA-n Resmi Muça rrëfen se si është ekzekutuar i ati e dyshimet e tij për ngjarjen.

Z. Resmi, policia e Fierit fillimisht deklaroi se babai juaj është vetëvrarë, kishte motive Shemshiu të vetëvritej?

Nuk është absolutisht e vërtetë. Babai im nuk kishte asnjë arsye të vetëvritej. Po më thoni ju, si mund të vetëvritej një njeri duke u qëlluar 4 herë në fyt? Nuk është absolutisht e vërtetë.

Ju po thoni se është vrasje?

Po, babai im është vrarë. E di që fillimisht është tentuar të manipulohen provat dhe unë, sapo kam ardhur nga Lezha, kam bllokuar gjithçka në mënyrë që ngjarja mos të klasifikohej si vetëvrasje. Nuk di pse është bërë kështu, por di që kam insistuar me forcë që të hetohet kjo vrasje.

Por keni ju konflikte me ndokënd, që mund të ketë çuar në vrasjen e babait tuaj?

Jo nuk kam konflikte me askënd këtu në fshat. Ne si familje nuk kemi bërë kurrë fjalë me askënd.

Po përse mund të jetë vrarë babai juaj, keni dyshime?

Këto janë hetimet e policisë dhe unë nuk di ç’të them. Di që kjo histori nuk do të mbyllet këtu. Por sot do të merrem ceremoninë mortore për t’i bërë të gjitha nderet babait tim.

TEMA

[mesia4ever]

Disa grupe ekstreme fetare te cilat ne shume shtete islame jane te ndaluara tek ne lirshem predikojne. Ngushellime familjareve dhe gjynah per kete njeri qe u vra nga fetaret.

[TilVolioR]

Mosmarreveshjet për mënyrën e predikimit në xhami e kanë shtyrë një 38-vjeçar të vrasë me thikë brenda xhamisë një 86-vjeçar, në Dushk të Lushnjes.

Kjo është arsyeja që jep policia, pasi arrestoi shtetasin Arjan Alla, 38 vjeç nga Dushku.

Sipas policisë, viktima Shemsi Muça dhe autori i vrasjes gjatë faljes në xhami kanë patur debat për mënyren e faljes.

Njëri ishte për vijimin e traditës së vjetër të muslimaneve shqiptarë dhe vrasësi ishte për mënyrat e huazuara së fundmi nga disa vende arabe.

Debati ka qenë aq i fortë sa në fund, 38-vjeçari ka nxjerrë një thikë, duke i prerë fytin të moshuarit e më pas është larguar me shpejtësi nga xhamia.

Për shkak të gjurmëve dhe dëshmive të dhena në polici, u bë i mundur identifikimi dhe arrestimi i vrasësit.

Top Channel

[Albo]

Vrasja në xhami, kapet autori, dëshmitari: E pashë skenën, viktimën e kishte zhveshur

I ndaluari: E vrava Shemshir Muçën se me shau. I biri polic: Kolegët manipuluan provat për vetëvrasje

Zbulohet në orët e vona të mbrëmjes autori i krimit në xhaminë e fshatit Dushk-Sektor, ku pasditen e së premtes u vra me thikë 86- vjeçari Shemshir Muça.
Ai është Arjan Alla nga po i njëjti fshat dhe është arrestuar nga policia, ndërsa burime nga grupi hetimor bëjnë të ditur se ai e ka pranuar vrasjen. “Pas vrasjes së shtetasit Shemshir Muça, menjëherë u ngrit grupi i punës i kryesuar nga prokurori dhe me specialistë të Drejtorisë së Përgjithshme të Policisë së Shtetit, Drejtorisë së Policisë së Qarkut Fier dhe Komisariatit të Policisë Lushnjë, për zbulimin dhe dokumentimin e plotë të kësaj ngjarjeje të rëndë.
Pas një pune të mirorganizuar dhe të specializuar, të bazuar në prova dhe fakte, është arritur në përfundimin se autori i dyshuar për këtë vepër të rëndë është shtetasi Arjan Shyqyri Alla, 38 vjeç, lindur dhe banues në Dushk-Sektor, Lushnjë, emigrant në shtetin grek që prej 15 vitesh. Alla u ndalua për veprën penale “vrasje me dashje”, parashikuar nga neni 76 i Kodit Penal. Motivi i kësaj ngjarjeje të rëndë dyshohet se është për motive të dobëta”, u deklarua mbrëmë vonë nga ana e Drejtorisë së Policisë së Qarkut Fier, duke shtuar se materialet procedurale do t’i kalojnë Prokurorisë së Rrethit Gjyqësor Lushnjë për veprime të mëtejshme. Sa i përket shkakut të vrasjes së të moshuarit nga 38-vjeçari, Policia nuk jep detaje, por burime nga grupi hetimor zbardhin skemën e krimit për gazetën “Panorama”. Sipas tyre, Arjan Alla sapo ishte kthyer atë ditë nga Greqia dhe thuajse nuk e njihte kush në fshat, për shkak se dy dekadat e fundit i kishte kaluar në shtetin helen. Nuk dihet se çfarë arsyeje e ka shtyrë 38- vjeçarin që të shkojë në xhami atë të premte pasdite, por duket se 86-vjeçari nuk e ka pritur aspak mirë praninë e tij.
“Sapo më pa brenda xhamisë, nisi të më bënte dhjetëra pyetje përnjëherë. Kush isha, i kujt isha, pse isha aty etj. dhe më pa gjithë dyshim, aq sa nisi të më ofendonte. Ndër të tjera më shau ‘maskara’ dhe më tha që të shporresha që aty. U nxeha tej mase pse më ofendoi kur unë kisha shkuar në xhami, ndërsa m’u afrua duke më shtyrë që të dilja jashtë. U acarova shumë dhe e godita me grusht. Plaku u shtri përdhe, por kur ra mbi tapet, i rrëshqiti një biçak nga poshtë brezit prej leshi. Ky biçak i mbante lidhur brezin me pantallonat e gjera. Tentoi që të ngrihej dhe të merrte biçakun për të më goditur mua, ndërkaq i ranë pantallonat. Nuk e di se si, por dola nga binarët, mora biçakun para se ta kapte ai, dhe nisa ta pres në fyt. Nuk e mbaj mend sa herë e qëllova. Kur pashë se po i dilte gjak, atëherë rashë në vete se çfarë bëra, por ishte tepër vonë. Erdhi dikush dhe më gjeti me plakun në dorë. Ia lashë atij dhe ika…”, ka dëshmuar ndër të tjera Arjan Alla lidhur me vrasjen e Shemshir Muçës. Sa i përket dëshmitarit që gjeti vrasësin e viktimën bashkë, Xhelo Zeqiri nuk e ka identifikuar menjëherë Arjan Allën si autor të krimit, për shkak se nuk e kishte parë prej gati dy dekadash.
Flet Xhelo Zeqiri, zbuloi i pari vrasjen e Shemshir Muçës
“U ther në xhami, biseda me vrasësin mbi trupin e mikut”
Viktima 86-vjeçare ishte zhveshur nga mesi e poshtë, ja identikiti i masakruesit
Shemshir Muça ishte njeriu me të cilin Xhelo Zeqiri takohej të paktën tri herë në ditë për 15 vjet rresht. I bashkonte shoqëria e hershme dhe falja në xhaminë e fshatit Dushk-Sektor, edhe pse për shkak të moshës nuk e kryenin dot ritualin e “pesë vakteve”.
Pasditen e së premtes ka qenë takimi i fundit i tyre, para se 86-vjeçari Shemshir Muça të jepte shpirt në duart e mikut të shtëpisë dhe të besimit, bashkëmoshatarit Xhelo Zeqiri. Pranë viktimës ndodhej edhe një tjetër burrë, që për shkak të hutimit dhe shikimit jo aq të mirë Zeqiri e ngatërroi për djalin e Muçës, por që në fakt kishte qenë vrasësi i tij. Se çfarë ndodhi mes tyre brenda xhamisë së fshatit, Xhelo Zeqiri, dëshmitari i vetëm i masakrimit të Shemshir Muçës, e rrëfen në intervistën për gazetën “Panorama”…
Ngushëllime për mikun tuaj! Ju kujtohet rreth çfarë ore ndodhi ngjarja?
Ishte ora diku te 16:15. Zakonisht ne të moshuarit, që jemi katër miq të vjetër, mblidheshim dikur rreth orës 16;25 për ta falur pasditen në xhami, por dje (të premten) shkova në orën që ju tregova, 16:15. Pra, isha pak më herët. Por e dija që atje mund të gjeja edhe Shemshirin dhe të llafosesha ca, sepse ai shkonte gjithnjë më herët. Kishte një problem shëndeti me prostatën dhe i duhej që të ishte para nesh në xhami. Dhe aty e gjeta, brenda në faltoren e xhamisë, veçse kishte qenë hera e fundit që do ta shihja gjallë. Llahtar, llahtar!
Duke qenë se ju jeni i pari që gjetët pa jetë 86- vjeçarin Shemshir Muça, me aq sa patë ju duket si vrasje apo vetëvrasje, siç u deklarua fillimisht nga Policia?
Vrasje, çfarë vetëvrasje flisni. Ishte vrasje dhe me thikë madje, kishte shenjën te fyti. Dhe unë e kam gjetur duke dhënë shpirt, jo pa jetë. Ishte në sekondat e fundit.
Ju tha ndonjë fjalë para se të ndërronte jetë?
Jo, nuk mundi dot të fliste. Vetëm një si rënkim, sikur po qante. Pa atë tjetrin, më pa mua dhe pastaj mbylli sytë, duke lëshuar trupin komplet.
Kush ishte “ai tjetri”?
Ehhhhhh. Kush ishte ai tjetri?! Ishte ai që e vrau. Kur u futa unë në xhami, e gjeta atë person duke e mbajtur Shemshirin te qafa dhe mendova se po i jepte ndihmë. Drejt të them, e ngatërrova me të birin e Shemshirit. U turbullova nga skena, nga gjaku dhe për shkak të moshës që kam, nuk është se e dallova mirë. Mendova se ishte djali i Shemshirit që e kishte gjetur të atin para meje… Ai e mbante kokën ulur mbi trupin e Shemshirit dhe unë vetëm bërtita: “Obobo, ç’është ky llahtar!”. Ai gjoja sikur po përpiqej t’i ndalte me duar gjakun që i dilte nga fyti, tha: “Ky mbaroi”. U çua në këmbë, më ktheu kurrizin dhe ia futi vrapit. Në këtë moment që vrasësi ia liroi fytin Shemshirit, pashë që miku im ishte therur dhe atëherë e kuptova që personi që u largua ishte masakruesi i tij.
E njihnit këtë person?
Jo, nuk e njihja. Nuk m’u duk se ishte nga fshati, sepse përgjithësisht i njoh. Por po të ma nxjerrë dikush para, mund ta njoh.

(Intervisten e plote marre nga Elisabeta Ilnica , detajet rreth rrefimit, aksionit te policise e hetimit dhe gjithcka tjeter rreth ngjarjes e lexoni te plote sot ne Panorama)

Panorama

[Izadora]

Mosmarreveshjet për mënyrën e predikimit në xhami e kanë shtyrë një 38-vjeçar të vrasë me thikë brenda xhamisë një 86-vjeçar, në Dushk të Lushnjes.

Kjo është arsyeja që jep policia, pasi arrestoi shtetasin Arjan Alla, 38 vjeç nga Dushku.

Sipas policisë, viktima Shemsi Muça dhe autori i vrasjes gjatë faljes në xhami kanë patur debat për mënyren e faljes.

Njëri ishte për vijimin e traditës së vjetër të muslimaneve shqiptarë dhe vrasësi ishte për mënyrat e huazuara së fundmi nga disa vende arabe.

Debati ka qenë aq i fortë sa në fund, 38-vjeçari ka nxjerrë një thikë, duke i prerë fytin të moshuarit e më pas është larguar me shpejtësi nga xhamia.

Për shkak të gjurmëve dhe dëshmive të dhena në polici, u bë i mundur identifikimi dhe arrestimi i vrasësit.

Top Channel

Te vrasesh nje njeri me thike , eshte dicka me shume sesa nje mosmarrveshje per menyren e predikimit .
Plus nje person qe shkon te falet nuk shkon me thike ne brez , mendoje se eshte ndonje gjakmarrje ose ndonje inat i vjeter .

[Archon]

Te vrasesh nje njeri me thike , eshte dicka me shume sesa nje mosmarrveshje per menyren e predikimit .
Plus nje person qe shkon te falet nuk shkon me thike ne brez , mendoje se eshte ndonje gjakmarrje ose ndonje inat i vjeter .

po te lexosh disa nga shkrimet me siper,sqarohet sesi ka ndodhur ngjarja

,"Sapo më pa brenda xhamisë, nisi të më bënte dhjetëra pyetje përnjëherë. Kush isha, i kujt isha, pse isha aty etj. dhe më pa gjithë dyshim, aq sa nisi të më ofendonte. Ndër të tjera më shau ‘maskara’ dhe më tha që të shporresha që aty. U nxeha tej mase pse më ofendoi kur unë kisha shkuar në xhami, ndërsa m’u afrua duke më shtyrë që të dilja jashtë. U acarova shumë dhe e godita me grusht. Plaku u shtri përdhe, por kur ra mbi tapet, i rrëshqiti një biçak nga poshtë brezit prej leshi. Ky biçak i mbante lidhur brezin me pantallonat e gjera. Tentoi që të ngrihej dhe të merrte biçakun për të më goditur mua, ndërkaq i ranë pantallonat. Nuk e di se si, por dola nga binarët, mora biçakun para se ta kapte ai, dhe nisa ta pres në fyt. Nuk e mbaj mend sa herë e qëllova. Kur pashë se po i dilte gjak, atëherë rashë në vete se çfarë bëra, por ishte tepër vonë. Erdhi dikush dhe më gjeti me plakun në dorë. Ia lashë atij dhe ika…”

pra viktima e ka njohur vrasesin qe ishte ekstremist dhe e ka ofenduar me fjale dhe pastaj ai e ka vrare...

[Ceni-1]

Pse ne xhami xhanem?!

Sepse Plaku i ndjer ka shkuar te Falet ne Xhami ! Vrasesi , nuk njehe Zot , nuk njehe Xhami e nderuar . Per kete fakte ka ndodhure ne Xhami ! Ama vrasesi sic po thuhet , nuk ka qene i njohur nga askush nga fshati . Ai vetem per kete qellim ka ardhure ardhure ne Shqiperi , sic po duket ! Me siguri kane pasurndonje gjakmarrje me heret .

Kurse per ''IslamoFobet '' , beni durim dhe mos u gezoni , cfare ndodhe ne Xhami ! Sepse nese me ndegjoni mua Xhamiat jane vendi ku eshte shpetimi i juaj dhe udhezimi i juaj ! Ato jane shtepit e Zotit , nese ne si dojm shtepiat e Zotit , athere cilat shtepia do ti duam ?!

Paqe .

[Korcar-L1]

cfar gjakmarrje flet dhe ti, te afermit e viktimes e thone qarte qe nuk kishin asnje problem me fshatin. Kurse vrasesi e ka thene se perse e beri. shikoe me lart