Rezoluta çame: Kuvendi refuzon shqyrtimin, Rama: Do nxjerrim nje rezolute alternative

[Genti..]

Nje Prift (Ortodoks) nga Greqia flet për masakrat ndaj Çamëve



Tragjedia çame do të thotë: Genocid, spastrim etnik, luftë fetare, shkelje e të drejtave të njeriut !

[mallakastriot77]

kjo eshte pergjigje per "albon" nuk ka te vertet tjeter vec kesaj video dhemoj jafut kot o o burr. SHQIPETARET JANE POPULL FISNIK DHE NUK HANE PULA TE NGORDHURA

[juanito02]

Problemi cam eshte me se i drejte po duhen gjetur menyrat se si te realizohet.
Jo sepse ju tek Idrizit qe te fitoje ca pike per vehte.
Duhet bere e njohur ceshtja nderkomberatisht qe te ushtrohet presion mbi Greqine dhe te hape tokat e pronat came.
Me pare duhet bere Shqiperia shtet dinjitoz jo lecke sic e ka bere postkomunizmi dhe bijt e tij te shitur te te huajt.

[Akili-A]

Kryeministri Sali Berisha doli sot para gazetarëve në një bashkëbisedim të hapur, të kthyer tashmë në traditë nga kreu i qeverisë.

Duke iu përgjigjur interesimit për rezolutën që PDIU ka dorëzuar në parlament lidhur me çështjen çame, Berisha tha se “pa ndonjë formë presioni nga askërkush ne në parlament shqyrtojmë çdo dokument”, por shtoi se, traktati i miqësisë mes dy vendeve përbën një bazë të shkëlqyer për të zgjidhur çdo problem.
Berisha theksoi se çështja çame është ngritur në të gjitha takimet pa përjashtim me autoritet më të lartë që janë takuar, qe nga viti 1991. Ai tha se Shqipëria dhe Greqia nuk kanë asnjë problem territorial mes tyre.
Lidhur me deklaratat e tij nacionaliste, kryeministri u shpreh se “deklaratat e mia kanë qenë dhe janë në tërësinë e tyre, një ripërsëritje e qëndrimeve të mija.”
Në nisje të bashkëbisedimit, Berisha u ndal tek premtimet e Ramës lidhur me heqjen e taksës për biznesin e vogël, si dhe në vendosjen e taksës progresive. Për këtë të fundit, ai tha se është taksa famëkeqe, të cilën e instaloi për herë të parë dajo i tij në vitin 1946.
Berisha pohoi edhe njëherë se se çdo shqiptar do të marrë nënshtetësi, si një detyrim më minimal i këtij vendi ndaj tyre.

“Nuk është Shqipëria vetëm e jona, edhe atyre që kanë derdhur gjak, kanë lënë eshtrat e të parëve të tyre. Ky problem është një problem i parashikuar dhe në preambulën e Kushtetutës, ata që janë hipokrit me Kushtetutën janë hipokrit me veten e tyre.”- the Berisha./panorama

[EDLIN]

C'te keqe kishte titulli fillestar ????

[Albo]

Idrizi, letër deputetëve: Votoni rezolutën çame

TIRANE- Kreu i PDIU-se, Shpetim Idrizi i eshte drejtuar sot me nje leter deputeteve te Kuvendit te Shqiperise, duke i kerkuar atyre te votojne rezoluten per ceshtjen came, dorezuar ne Kuvend vetem pak kohe me pare.



Letra e plote

Gjatë këtyre viteve dhe legjislaturave, pavarësisht qasjeve politike e debateve të ndryshme që e kanë ngjalluar institucionin tonë, NE kemi patur mjaft momente dhe qëllime të përbashkëta. Unë besoj se ka një moment që na përbashkon më shumë. Ai është interesi kombëtar, dinjiteti kombëtar, është bashkimi virtual i dinjiteteve tona personale, i interesave tona personale për një Komb.

Një prej këtyre momenteve që falë jush unë e ruaj me krenari në memorien time politike dhe njerëzore është sigurisht ai i çdo 27 qershori, datë kjo emblematike që përkutjon genocidin grek mbi shqiptarët e çamërisë. Unë jam ndjerë shumë i motivuar dhe i fortë nga mbështetja Juaj dhe nga përkrahja Juaj njerëzore, mbi të gjitha.

Teksti që po ju paraqes për të marrë mbështetjen Tuaj nuk është një dokument i thjeshtë. Ai nuk është vetëm produkt i një frymëzimi personal timit, si anëtar i komunitetit çam, një komunitet martir, që ka amanetin e vet, ka testamentin e vet kolektiv. Ai është bashkimi i amaneteve të thëna, qoftë edhe nga paraardhësit tanë që janë ndarë nga jeta, qoftë edhe prej atyre që janë në prag të kësaj ndarjeje, thënë kështu, unë dua ta ndaj atë me Ju.

Ne të gjithë e pamë dhe e ndiemë sa të fortë dhe krenarë ishim, kur në festimin e 100 vjetorit të shtetit shqiptar, NE përjetonim të njëjtën ndjenjë, atë të përkatësisë sonë kombëtare.

A mundet që në një moment si ky i 100 vjetorit duke parë në sy qytetarët tanë, bashkëkombasit, të marrim kurajo dhe të kërkojmë politikisht vënien në vend të një padrejtësie, mbylljen e një plage, fillimin e zgjidhjes së një çështje, që për një kohë të gjatë ka mbetur nga politika shqiptare në sirtaret e harresës dhe indiferencës?

Që nga koha e rënies së regjimit komunist Shqipëria është sot një vend anëtare e NATO-s, qytetarët tanë lëvizin të lirë në Evropë falë marrëveshjes së liberalizimit të vizave. NE kemi marrë përsipër plotësimin e reformave, si aspirantë në Bashkimin Evropian dhe jemi në prag të statusit të vendit kandidat. Kosova është e pavarur.

Ndaj sot është koha, të mos heshtim!

Në këtë rezolutë nuk kërkohet asgjë më shumë sesa disa të drejta legjitime universale, që sot janë mishëruar në traktatet më të rëndësishme të së drejtës ndërkombëtare dhe janë pjesë thelbësore e Bashkimit Evropian, ku aspirojmë të anëtarësohemi.

Lexojeni me vëmendje edhe relacionin shoqërues të këtij teksti dhe do të kuptoni motivet e mbrapshta, që e çojnë dikë të thotë se çështja çame nuk ekziston, duke mbuluar me vetëdije një krim tronditës për ndërgjegjen evropiane.

Me anën e kësaj letre, unë i drejtohem vetëdijes kombëtare dhe dinjitetit të gjithsejcilit prej Jush.

I drejtohem kurajës njerëzore të çdokujt që është pjesëtar i Kuvendit të Shqipërisë, pavarësisht se cilin qark përfaqson, në Jug apo në Veri, në Lindje apo në Perëndim, i majtë ose i djathtë qoftë.

Ndaj ju ftoj të nderuar kolegë që NE të gjithë ta votojmë këtë rezolutë. Ta votojmë të gjithë si individë të lirë, si deputëtë dinjitozë dhe jo si anëtar të njërit krah apo tjetrit.

Do të ishte jo e drejtë dhe jo dinjitoze që dikush mes nesh të na kthente krahët.

Unë shpresoj se edhe kryetarët e partive, në shqyrtimin e kësaj rezolute, nuk do të japin direktivë politike për të orientuar votimin. Unë uroj që ata këtë herë t’i lenë të lirë deputetët që të dëgjojnë zërin e arsyes kombëtare, të amanetit të një popullsie martire si ajo çame. Një popullsi që tentuan ta shkulin nga rrënjët, por që mbijeton falë ndjenjës së fortë të përkatësisë. Nëse do japin direktiva politike për votimin, atëherë do politizojnë një votë, që duhet të jetë votë e konsensusit dhe votë e bashkimit.

Do të vlerësoja dhe mirëprisja kontributin e çdonjërit prej Jush, për ta përmirësuar dhe pasuruar këtë rezolutë, që ajo të jetë një produkt i yni, dëshmi vullneti, kurajoje e përbashkimit të parlamentit tonë.

Unë ju ftoj të shohim njeri tjetrin në sy dhe të votojmë PRO!

Ta votojmë PRO, këtë dëshmi të koncentruar të kurajës sonë kombëtare. Nëse do votojmë të gjithë, unanimisht, atëherë ata që duhet të marrin mesazhet e këtij teksti, do të mendojnë më gjatë dhe do të përkulen para forcës sonë. Kjo forcë gjendet tek amaneti që përcillet brez pas brezi, tek mesazhet e pafundme të mbështetjes prej qytetarëve tanë, bashkëkombasve tanë nga të gjitha viset etnike të shqiptarëve, tek forca e një kombi të lavdishëm.

Duhet të bashkojmë zemrat dhe të themi: NE e bëmë veprën tonë, për të vënë në vend një padrejtësi të madhe historike.

Le të bëjmë së bashku një vepër të madhe njerëzore.

Të ndihemi njëlloj për një çast të vetëm para votës sonë, duke votuar rezolutën për zgjidhjen e çështjes çame!

Burimi: Panorama

[Albo]

Konferenca e shtypit e Kryeministrit Berisha, pjesa mbi rezoluten came

REZOLUTA CAME

I pyetur rreth rezolutës Came e cila nuk u mor në shqyrtim sot në Parlament, kryeministri Sali Berisha tha se në Kuvend do të shqyrtohen cdo lloj dokumentesh që do të paraqiten.

“Aleati im ka paraqitur një rezolutë. Parlamenti është institucion që ka komisione, ka një komision të jashtëm e etj dhe do shqyrtojë e vlerësojë rezolutën mbi bazën e këtij qëndrimi të mazhorancës ndaj kësaj cështje. Është mazhoranca e PD që ka kaluar një ligj në parlament dhe disa veprime të tjera. Ndaj dhe pa ndonjë lloj forme presioni nga askërkush ne në parlament do shyqrtojmë cdo lloj dokumenti të paraqitur”.

Berisha gjeti rastin të kujtojë se ka qenë PD që ka hedhur hapat e para për zgjidhjen e cështjes Came.

“Natyrisht dua të them këtu se kjo nuk bëhet nga një mazhorancë, asnjë forcë politike, kundrejt asnjë lloj forme presioni. Absolutisht, duhet të theksojmë se cështjen came, së bashku me mikun tim të ndjerë Gramoz Pashko dhe 2 bashkëpunëtorë tanë e kemi ngritur për herë të parë në janar të vitit 1991. Kur kryeministri i Greqisë, Micotaqis u bë kryeministri i parë i një vendi të lirë që takoi opozitën shqiptare, na ftoi në takim në hotel Dajti dhe në atë takim, një ndër problemet që ne shtruam ishte problemi Cam. I thamë se ne kemi cështjen kombëtare, ai tha, kam cështjen gjeologjike. Kjo cështje është ngritur në të gjitha takimet pa përjashtim, në qeveri apo opozitë nga kryetari i PD, me autoritetet më të larta të vendit mik me të cilët është takuar. Kjo cështje pas një seri diskutimesh të saj në një seri takimesh ku Shqipëria ka bërë të qartë se Shqipëria nuk ak pretendim territorial ndaj Greqisë”.

Më tej Berisha sqaroi se “Por në traktatin e miqësisë së firmosur mes meje si president në ‘95 dhe Stefanopolus, ka një klauzolë, në të cilën thuhet cështjet e pronësisë së shqiptarëve, dhe të grekëve në Shqipëri janë cështje juridiko- teknike dhe do zgjidhen mbi bazën e këtyre procedurave. Për fat të keq kjo cështje mbeti në vend numëro. Duhet të krijoheshin komisione dhe ramë dakort që të bëheshin komisione. Kështu që ky problem është shtruar, problemi nuk ka marrë zgjidhje në një periudhë të caktuar, pretendohej se camët ishin kolaboratonistë, kjo ishte akuzë monstruoze”

Berisha vuri në dukje se mes Greqisë dhe Shqipërisë nuk ka asnjë problem të pazgjidhur territorial.
“Nuk ka problem territorial mes 2 vendeve, ka një traktat miqësie ku ata njohin kufijtë. Traktati bën një mundësi të shkëlqyer për të zgjidhur një problem, sa më shumë konsolidohet liria aq më shumë kërkohet zgjidhja”.

Balkanweb

[Albo]

Konferenca e shtypit e kryeministrit te vendit Berisha

Pyetje: Kryetari i PDIU Shpëtim Idrizi, njëherësh aleat i qeverisë suaj, i ka kërkuar deputetëve të miratojnë rezolutën çame. Por ndërkohë në axhendën e punimeve të Kuvendit nuk është parashikuar diskutimi i çështjes çame. Cili është qëndrimi i grupit tuja parlamentar në lidhje me këtë?

Kryeministri Berisha: Çdo dokument që dorëzohet në parlament shqyrtohet në përputhje me procedurat e parlamentit. Natyrisht, duhet të them se kjo nuk bëhet nga një mazhorancë, por, në tërësi, nga asnjë forcë politike nën asnjë lloj forme presioni. Dua të theksoj se çështjen çame, sëbashku me mikun tim, të ndjerin Gramoz Pashko e në mos gaboj dy bashkëpunëtorët tonë, e kemi ngritur për herë të parë në janar të vitit 1991, kur Kryeministri i Greqisë Kostantin Micotaqis u bë edhe kryeministri i parë i një vendi të lirë që takoi opozitën shqiptare. Ai na ftoi në takim në hotel Dajti dhe në atë takim, një ndër problemet që ne shtruam ishte problemi çam. Aq sa ish Kryeministri Micotaqis na u përgjigj se këtë çështje nuk na e ngriti Ramiz Alia. I thamë se ne kemi çështjen kombëtare, ai ka çështjen gjeologjike. Ky është dallimi mes nesh dhe atij. Kjo çështje është ngritur në të gjitha takimet, pa përjashtim, në qeveri apo opozitë, nga kryetari i Partisë Demokratike, me autoritetet më të larta të vendit mik, me të cilët është takuar. Kjo çështje, pas diskutimit të saj në një seri takimesh, në të cilat Shqipëria ka bërë, e bën të qartë se nuk ka asnjë pretendim territorial ndaj Greqisë - kjo është jashtë çdo lloj konteksti - në Traktatin e Miqësisë së firmosur në vitin ’95, nga unë si President i Republikës dhe Presidentit Stefanopulos të Republikës Helenike, ka një klauzolë, në të cilën çështjet e pronësisë së shqiptarëve në Greqi, pasi nuk janë vetëm çamë dhe të grekëve në Shqipëri, janë çështje teknike dhe do të zgjidhen mbi bazën e këtyre procedurave. Për fat të keq, më pas kjo çështje mbeti në vend numëro. Duhet të krijoheshin komisionet dhe në atë kohë, ne ramë dakord që të dy palët të ulen, të diskutojnë dhe të krijojnë komisionet. Çështjet e pronësisë janë çështje të përjetshme, nuk i mohon dot. Një vend i lirë është vend i lirë dhe sistemi ynë bazohet në pronën. Kështu që ky problem është shtruar. Problemi nuk ka marrë zgjidhje. Në një periudhë të caktuar pretendohej se çamët ishin kolaboracionistë dhe kjo ishte një akuzë monstruoze, e cila u bë vetëm e vetëm për të justifikuar spastrimin e tyre etnik nga hordhitë e bandat e Zervas, nga trojet e tyre shekullore. Ndaj duhej justifikimi, edhe pse ata kishin qenë luftëtarë nga më të shkëlqyerit në njësitë partizane të Shqipërisë dhe të Greqisë. Unë e vlerësoj qëndrimin e gjykatës së Janinës që hodhi poshtë këtë shpifje ndaj popullatës çame. Jo, ata kishin qenë luftëtarë që kishin luftuar për lirinë dhe kundër pushtimit. Pra, nuk ka asnjë problem territorial midis dy vendeve. Ka një Traktat Miqësie, në të cilin ato njohin kufijtë respektivë. Natyrisht, mendoj se Traktati përbën një bazë të shkëlqyer për të zgjidhur një problem, që, sa më shumë të zgjerohet e konsolidohet liria, aq më i domosdoshëm bëhet zgjidhja e tij. Aleati im ka paraqitur një rezolutë, e cila edhe po të mos ishte paraqitur nga zoti Idrizi, do të shqyrtohej. Për këtë nuk ka diskutim. Parlamenti është një institucion që ka komisione, ka komision të jashtëm e komisione të tjera dhe do të shqyrtojë e vlerësojë rezolutën, mbi bazën e këtij qëndrimi të mazhorancës ndaj kësaj çështjeje. Është mazhoranca e Partisë Demokratike që ka kaluar një ligj në parlament dhe disa veprime të tjera. Ndaj pa ndonjë formë presioni nga askush, ne shqyrtojmë në parlament, çdo dokument të paraqitur.

Pyetje: Pyetja ka të bëjë me rritjen e shqetësimit të ndërkombëtarëve për rritjen e toneve nacionaliste në Shqipëri dhe veçoj deklaratën e ambasadorit Arvizu, i cili ju bën thirrje që të tërhiqeni nga rritja e këtyre deklaratave si një lojë e rrezikshme, si dhe një rezolutë e Parlamentit Europian, i cili ka miratuar një deklaratë zyrtare, ku i kërkon Tiranës zyrtare dhe shpreh shqetësimin për rritjen e këtyre toneve.

Kryeministri Berisha: Kjo që thoni është një e pavërtetë e madhe. Nuk jam këtu, për të komentuar deklaratat e zotit Arvizu dhe nuk më keni dëgjuar ndonjëherë të komentoj deklarata të ambasadorëve, por mund të them se deklaratat e mia kanë qenë e janë në tërësinë e tyre një ripërsëritje e qëndrimeve të mia. Absolutisht janë një ripërsëritje e qëndrimeve të mia. Në rast se i kthesh festimeve tre vjet më parë, me rastin e Lidhjes së Prizrenit, do të gjesh të njëjtën deklaratë. Në rast se kthehesh në verën e viti ’92 do të gjesh të stipuluar në dekretin e 17 korrikut të atij viti absolutisht qëndrimin e sotëm mbi shtetësinë. Ky dekret thotë se shtetësia shqiptare do t’u njihet të gjithë qytetarëve me origjinë apo kombësi shqiptare, kudo që ndodhen. Ai stipulon se, pavarësisht nga shtetësia që duan të mbajnë, ata mund të mbajnë një, dy, tre apo mund të mos e marrin fare. Ky qëndrim ka qenë i vetmi standard ligjor për gjashtë vite me radhë, 1992-1998. Ky ka qenë standardi i Republikës së Shqipërisë. Çfarë ka të re në këtë qëndrim? Asgjë, përveç zhurmës mediatike. Përkundrazi, disa rrethana të reja, krejtësisht më të favorshme.

Shqiptarët në Maqedoni, shqiptarët në Mal të Zi, në Preshevë, të gjithë ata kanë lëvizur para shqiptarëve në Shqipëri, të lirë, pa viza, në mbarë Europën. Nxirret problemi i vizave, por nuk mund të ketë asnjë lidhje. Çlidhje do të ketë kjo, me qindra e mijëra shqiptarë që janë shtetas gjermanë, francezë, belgë, anglezë, italianë etj.. Çfarë dëmi mund të sjellë kjo!? Koha është globale. Por, nëse dikush mendon se këta nuk mund ta kenë pikërisht se janë shqiptarë, ta harrojë. Shqiptarët do ta kenë. Ka një problem në këtë mes dhe ai është ai i Republikës së Kosovës. Shqipëria është e përcaktuar me të gjithë potencialin e saj për të dhënë kontribut në konsolidimin e pavarësisë së Kosovës, sepse Shqipëria beson se Kosova do të jetë një faktor i madh paqeje e stabiliteti në rajon dhe është e tillë. Kosova është në një proces të shumanshëm negociatash. Ajo është në negociata me Bashkimin Europian për vizat dhe marrja e vizave përbën një fitore historike për konsolidimin e shtetit të Kosovës. Ajo është në negociata me Beogradin për zgjidhjen e një seri problemesh etj.. Në këto rrethana, në mënyrë specifike për qytetarët e Kosovës nuk mund të realizohet ky projekt, pa një marrëveshje të mëvonshme me qeverinë e Kosovës. Ne jemi të përkushtuar të kontribuojmë me të gjithë forcën tonë për konsolidimin e pavarësisë së Kosovës.

Dua të lexoj këtu mesazhin që më dërgoi me what’s up një studente shqiptare dhe ftoj çdo shqiptar t’i japë përgjigje asaj dhe ta vërë veten në vendin e një politikbërësi.

“Unë quhem Bleranda Neziri, - shkruan studentja në Universitetin Houstonit. Tre javë më parë, lash të gjitha leksionet për një javë, vetëm që të përjetoja 100 vjetorin e pavarsisë te shtetit dhe kombit tonë të lashtë në Vlorë.e Houston-it, Texas dhe ju e dini se Texas ka zhvilluar Shtetet e Bashkuara dhe Shtetet e Bashkuara kanë zhvilluar botën. Jam studente e vitit të dytë në Universitetin e Houstonit - vazhdon studentja. Tre javë më parë, lashë të gjitha leksionet për një javë, vetëm që të përjetoja 100 vjetorin e pavarësisë të shtetit dhe kombit tonë të lashtë, në Vlorë. Ishte një ëndërr e shumë viteve që u realizua më në fund, falë prindërve të mi. Ajo ditë ishte dhe ka për të mbetur një ndër ditët më të bukura të jetës sime. Lum ai që kishte fatin të përjetonte atë ditë, në atdheun tonë të mrekullueshëm. Kisha fatin të të shihja për disa sekonda në makinën tënde në rrugët e Vlorës. Unë isha në makinë tjetër, në anën e majtë, shumë e emocionuar, pasi përshëndesje qytetarët me dorë. Doja edhe të të takoja personalisht dhe të të tregoja që ka ende të rinj nga brezi im që i kalojnë me mijëra kilometra dhe oqeane të mëdha, vetëm për të festuar ditën madhështore në vendin ku u shpall 100 vite më parë pavarësia. Fatkeqësisht, nuk pata mundësi t’ju takoj.

Ikja nga Kosova që nga mosha 7 vjeç, largimi nga vendi im, poshtërimet nga armiqtë tanë ndaj populli tonë të pafajshëm, më kanë bërë që të krenohem me kombin tim gjithnjë e më shumë. Kemi kaluar aq shumë gjëra të rënda dhe përsëri jemi të fuqishëm, patriotë, që qëndrojmë pranë njëri - tjetrit, me dashuri të pafundme për kombin tonë. Jemi populli më i lashtë dhe i çmuar në këtë botë!

Kam pasur edhe një ëndërr tjetër prej shumë vitesh, që edhe unë, si një shqiptare që jam në zemër, në gjak, të kem në dorë pasaportën personale të Shqipërisë sime. Por, siç duket, sipas teje, edhe kjo ëndërr e imja ka për t'u bërë realitet së shpejti! Faleminderit për këtë gëzim kaq të madh. Më në fund populli ynë po bashkohet përsëri në mënyra të ndryshme. Në zemër!”

Bleranda është një studente e vitit të dytë dhe ajo ëndrrën e saj e ka të ndërthurur në bashkimin në zemër të shqiptarëve. Çfarë t’i themi Blerandës, se nuk do t’i japim pasaportë? Jo! Do t’i japim pasaportë e shtetësi shqiptare. Sikundër edhe çdo qytetari shqiptar në Shtetet e Bashkuara, në Kanada e kudo që është, si detyrimi më minimal i këtij vendi. Shqipëria nuk është vetëm e jona. Ajo është edhe e atyre që kanë derdhur gjak, e atyre që kanë lënë eshtrat e të parëve, prindërve njerëzve të tyre për pavarësinë e saj.

Ky problem është i parashikuar edhe në Preambulën e Kushtetutës së Shqipërisë. Ata që janë hipokritë me Kushtetutën, janë hipokritë me veten e tyre. Dua t’u them edhe një gjë: hezitimet, ngurrimet nga disa grupe brenda vendit janë një atavizëm i dasive të ndryshme, të cilat ky komb i ka kapërcyer me vendosmërinë më të madhe. Për dekada e dekada, të huajt e jo vetëm ata janë përpjekur të përdorin dialektet e gjuhës sonë si mure ndarëse midis shqiptarëve. Por ato u faktuan si gurra që pasurojnë trungun e mrekullueshëm të kësaj gjuhe. Në kohërat më të vështira, vite e vite me radhë u përpoqën për të përdorur dasitë fetare për qëllime jo shqiptare. Dështuan në mënyrën më të turpshme. Sot, në këtë kontinent e më gjerë, ne jemi kombi që respektojmë më shumë liritë e besimin fetar të njëri-tjetrit. U përpoqën të vendosin klone me gjemba, por ja ku jemi e komunikojmë të lirë. Ideja se kjo masë do të prishë ekuilibra demografikë e krahinorë është ide e prapambetur sa vetë krahinarizmi. Ata, të cilët vërshuan nga e gjithë bota e nga të gjitha trojet etnike shqiptare për të festuar pavarësinë e Shqipërisë, dhanë mesazhin e qartë se kanë dalë mbi krahinarizmat. Atyre që kanë frikë nga vota, ju them se kjo nuk do të ndodhë para zgjedhjeve, por, nga ana tjetër, nuk duhet të mendojë kush kurrë se problemi i votës do të jetë pengesë e qëndrueshme, pasi ka mënyra për ta zgjidhur, për ta proporcionuar e për ta bërë të pranueshëm për të gjithë. Në të gjithë këtë histori, e dhimbshme ishte vetëm një moment: të dëgjoja përfaqësuesin e Cipras-it të fliste njëlloj si Edi Rama, në Parlamentin Europian. Por këto janë pjesë e pandashme e këtyre udhëtimeve.

Ndaj mendoj se nuk ka asnjë lloj shqetësimi. Kushtetuta e Shqipërisë ka përcaktimet e saj të qarta. Ajo është Kushtetutë e standardeve ndërkombëtare dhe preambula e saj ka parasysh të gjitha traktatet e marrëveshjet ndërkombëtare që ekzistojnë.


Kryeministria

[EDLIN]

traktati i miqësisë mes dy vendeve përbën një bazë të shkëlqyer për të zgjidhur çdo problem.

Sigurisht, veçse duhet zbatuar ne menyre dypaleshe dhe jo te njeaneshme...
Ndersa pala shqiptare sipas kerkeses se pales greke i ngriti varrezat e ushtareve greke, pala greke nuk lejon ngritjen e varrezave te shqiptareve te rene gjate Lb II sipas mareveshjes dypaleshe....

[mario_kingu]

edhe ju mendoni se do votohet kjo nga shqiperia ????
Shteti Shqiptar sdo ja prishi kur greqis qefin
prandaj kete rezolute sala.c.o do e mari edhe do e hedhi njehere atije ku di vet