Sapo votova kunder bashkimit. Nuk kisha ndermend te futesha ne keto sondazhe, por situata ka ardhur e tille, qe eshte ,me mire te dalesh hapur se te fshihesh, qe te te mos vrase ndergjegja me vone..., Vota ishte kunder, sepse Kisha Orthodhokse ne kete rast do te ishte e rrezikuar...., bile e them me bindje se do te fillonte spastrimi religjoz, duke i konsideruar greke te gjithe orthodhokset..., politika e dovletit te ri...., per kete u be dhe manipulimi i shifrave te censusit pre 6.8 %
Me dhimbje shikoj se shumica jane pro,..., ne kete rast, ose kjo nuk eshte pjese reale e orthodhoksise, ose nuk jeton realisht me situaten ne Shqiperi...,Ne forumin orthodhoks, jane hapur se fundmi tema per rrezikun qe vjen nga rracizmat e nacionalizmat e ndryshem, i sugjeroj atyre 12 dashamiresve te bashkimit te lexojne dhe ta rishohin qendrimin e tyre...
Ne te kundert liria jep fryta, ka thene Bejkeri ne vitin 1991 ne Sheshin Skenderbej,..le t`ja dalin vete...
une i dola borxhit...
Ja po ju sjell nje shkrim nga korçaret orthodhokse:
SHTETI SHQIPTAR PËRGATIT GENOCIDIN E ORTHODHOKEVE
Para pak ditësh në të gjitha mediat u publikuan rezultatet paraprake ti INSTAT-it mbi CENSUSIN. Gjatë gjithë kësaj kohë të gjithë e kishim kuptuar që ato po “përpunoheshin” për tre arsye kryesore. E para për të sodisfaksuar të gjitha forcat Nacionaliste brenda apo jashtë Qeverisë dhe Shtetit, e dyta ishte që rezultati duhet të ishte negativ në mënyrë sa më ekstreme për orthodhoksët dhe minoritetet e ndryshme dhe e treta kishte si synim sodisfaksimin e financueseve më të mëdhenj, që në të njejtën kohë janë dhe armiqtë më të mëdhenj të orthodhoksisë, që nuk janë tjetër përveç klaneve më të errëta islamike dhe venedikase.
“Demokrati” më i madh i këtij vendi z Kryeministër (Zoti ta bëjë të tillë sepse më tepër i ngjet një tirani të egër se sa një kryeministri të një qeverie demokratike) pasi mori në dorë dhe INSTAT-in vendosi që ky census të jetë jashtë çdo mendimi racional dhe rrjedhshmërie natyrale e të zvogëlojë numrin e orthodhoksëve në ato nivele që as Zogu vetë nuk guxoi bile mund të themi as E. Hoxha nuk do ta bënte. Të njejtën gjë bëri me disa nga fetë e tjera psh me bektashinjtë por dhe minoritetet etnike kryesore si helenët të cilët i zvogëloi numërin e tyre, në mënyrë ekstreme dhe të egër .
Por le të shohim pak shpejt e shpejt sa mund të jemi ne orthodhoksët, duke rrumbullakosur numrat:
1. Në Tiranë dhe Durrës janë rreth 100000 orthodhoksë për të mos thënë më shumë.
2. Në Jug Korça, Devolli, Pogradeci, Fieri, Berati, Përmeti, Erseka, Kolonja, Gjirokastra, Saranda, Vlora, Delvina, Elbasani, Rrogozhinë, Prespa, etj ka rreth 700.000
3. Po të zësh ata sa janë në Veri, Shkodër Lezhë etj bashkë me ata që janë në emigrim jenë të paktën 200000-300000.
4. Në total me llogarinë më të thjeshtë Orthodhoksët si numër e kalojnë 1.000.000 besimtarë.
Ja dhe disa nga absurditete e këtij censuse që duken qartë nga përqindja me të cilën u përfaqësuan orthodhoksët. Vetëm vllehët, që janë orthodhoksë janë 80000, ndërsa bashkë me grekët e jugut që llogariten minimalisht 150000 bëhen 230000 orthodhoksë dmth 8% e popullatës. Po të shtosh dhe sllavo-folësit sa bëhen?
Po të shtosh ata që ndërruan emrat (sipas pretendimevet të tyre) dhe u pagëzuan me «zor» në Greqi, sa bëhen?
Lind pyetja, si e arritën këtë?
Përgjigjia është: Me të gjitha mënyrat. Anashkaluan pyetjen mbi kombësinë dhe fenë, fshinë përgjigjet pasi përdornin laps, kishin marrë urdhër të qartë që çfarë do qoftë përgjigjia e atij që rregjistrohet e të shënohet feja islame dhe kombësia shqiptare! Kemi prova që i fshinin të dhënat mbi kombësinë dhe fenë sapo rregjisturesi i dorëzonte në pëgjegjësi! E fundit ishte përpunimi një vjeçar nga njerëz që janë specialistë në statistikat të cilët i kishin gati rezultatet por duhet që t’i bënin ato të dukeshin reale.
Tani ne, këto, si orthodhoksë do ti verifikojmë dhe do ti gjejmë, duke konstatuar nqs u pyetën të gjithë mbi fenë apo jo dhe pasi të kemi mbledhur të dhënat më një mënyrë apo tjetrën do të ankohemi në të gjitha instancat ndërkombëtare duke dërguar të dhënat reale, sepse po të ankohemi pranë qeverisë (në çfarë do lloj qeverie shqiptare) më kollaj e kanë të shkrepin atomatikun (ashtu siç kanë bërë) sesa të na dëgjojnë. Kaq shumë na duan!!
Qëllimi i këtij censusi pra është më se i qartë! Ai kishte si qëllim që të zvogëlojë numrin e orthodhoksëve në shifra publike e më pas ta bëjë atë realitet në teren. Po ashtu dëshiron që të zvogëlojë dhe të eliminojë zërin tonë. Duke na nxjerrë më pak, na takon më pak. Më pak vende për të ndërtuar tempuj, më pak ndihmë, më pak përkrahje, më pak zhurmë, më pak të drejta, më pak përfaqësi në instancat shtetërore dhe lokale, më pak mundësi , etj etj. Një tjetër synim ishte që të konfirmojë që Shqipëria është një vend islamik sepse kështu nqs hyn në Evropë do të bëhet shkak që të futet dhe mëma Turqi, sepse do të jetë vendi i parë islamik në Evropë e do të hapë rrugën.
Katolikët që dolën 10% (këta nuk ndryshuan që nga koha e Zogut, me sa duket as emigruan, as vdiqën, ose nga që e votuan znj Topalli ju takonte nota 10!!) dhe ata u sodisfaksuan sepse përputhen me italinë dhe s’ mund ti linin pa kënaqur Italinë e për më tepër Vatikanin që gjithashtu në Epir por dhe në Shqipëri, historikisht, nuk ka rreshtur së luftuari orthodhoksët.
Pra kënaqën aleatët që të zhdukin “armiqtë” të cilët jemi ne orthodhoksët dhe që përputhemi në përgjithësi me minoritetet e sidomos me minoritetin etnik helen. Është e dukshme që kjo lëvizje është brenda gjithë fushatës nacionaliste që ka filluar në Shqipëri për të mbuluar problemet reale dhe varfërinë ekstreme. Fatëkeqësisht rrjedhimet i vuan komuniteti ynë. Sepse nuk e kanë akoma kuptuar që pa krishtërim e sidomos pa orthodhoksë nuk do të ekzistonte e nuk mund të ekzistojë Shqipëri. Nuk kanë kuptuar që kështu krijojnë fërkime dhe armiqësi ndër komuniteteve fetare dhe nxitin keqkutpime dhe akuza.
Të gjithë ata që e organizuan dhe gatuan këtë rezulat dhe që për momentin duken fitues nuk do të gëzohen për shumë kohë sepse shumë shpejt ëmbëlsia do të kthehet në hidhërim. Ne nuk kemi ngritur zërin, shpesh herë për padrejtësitë që na janë bërë duke synuar të mirën e këtij vendi por tashmë arriti thika në kockë. E kemi vërtetuar se çmund të bëjmë sërish me të njejtin kryeministër i cili donte që të dëbonte Kryepiskopin tonë të dashur dhe e mori mësimin e tij apo me sa duket ky është një nga ata që nuk merr mësime! Asnjë nuk e ka kuptuar forcën tonë sepse gjithmonë kanë shkelur dhe shfrytëzuar përulësinë dhe dashurinë tonë. Kësaj rradhe rrezikojnë shumë më tepër.
Nqs këto shifra konfirmohen zyrtarisht të paktën ky census do të quhet i dështuar për të mos thënë që është një gabim i qëllimshëm e tepër naiv i personave që e gatuan për të përmbushur kërkesat e klaneve që thamë më lart.
Ju bëjmë thirrje të gjithë deputetëve, inetelektualëve, akademikëve, njerëzve të politikës por dhe gjithë popullit orthodhoks të reagojë menjëherë në këtë gënjeshtër të qëllimshme që rrezikon ekzistencën tonë. Të parët që duhet të reagojnë janë ata orthodhoksë që janë pjestarë apo anëtarë të partisë që është në qeveri duke bërë presion për të vërtetën në qeveri ose duke u larguar menjëherë nga kjo forcë politike . Nqs ju ka mbetur akoma pak nga orthodhoksia e vërtetë brenda tyre dhe nuk janë vetëm orthodhoksë vetëm me emër dhe në moral e sjellje janë paganë dhe idhujtarë armiq të fesë e cila i mbajti gjallë për 500 vjet.
Duruam Turqit për 500 vjet mos shpresoni që të arrini gjë më këto që po përpiqeni të bëni. Orthodhoksia ushqehet me gjakun e pafajshëm e të pastër të martirëve të cilët e mbrojtën atë në shekuj. Nuk mbrohet me parat e zeza të naftës apo të drogës apo të korrupsionit.
Edhe një herë ju bëjmë thirrje orthodhoksëve të reagojnë me të gjitha mënyrat e ligjshme për të marrë përgjigjen e merituar ata që duan të kryjnë një genocid. Një nga përgjigjet më të mira do ta japim dhe në votimet e ardhshme ku duhet të zgjedhim ata që punojnë për ne dhe jo ata që synojnë dhe jetojnë për eliminim tonë.
Korçarët Orthodhoksë.
Read more:
http://www.ortodoksikoritsa.com/2012...#ixzz2Eq3DLBuz
Postuar më parë nga POKO
Përgjigju Duke Cituar
Krijoni Kontakt