Godasin me miell makinen e Berishes

[EuroStar1]

2 ish të burgosur politikë miell makinës së Berishës: Tallet, s'na jep zgjidhje



IRANË-Automjeti i kryeministrit Sali Berisha është goditur sot paradite me qese mielli në hyrje të ambientit të Kuvendit ku po zhvillohej seanca plenare e radhës. Policia ka shoqëruar 2 ish-të burgosur politike si autorë të incidentit.

TvNews24 mëson se 2 ish-të përndjekur politikë kanë hedhur secili nga 1 qese me miell në drejtim të automjetit të Berishës në momentin sapo kanë parë që eskorta e kryeministrit po i afrohej hyrjes së Kuvendit.

Efektivë të policisë të komisariatit numër 1 kanë reaguar menjëherë duke prangosur 2 shtetasit, Skënder Tufa, kreu i shoqatës së ish-të burgosurve politikë të Shqipërisë, dhe ish-i burgosuri, Agim Kollcaku.
Ata ishin sot pjesë e një tubimi që mbahej para parlamentit kundër aktit normativ të personave të pastrehë.

2 ish-te burgosurit: Ja pse qelluam me miell
Tufa dhe Kollçaku e kanë komentuar këtë gjest të sotëm ndaj kryeministrit si një akt simbolik, për t'i kujtuar qeverisë, gjendjen e mjeruar të burgosurve politikë dhe te mos tallet me problemet e tyre. Sipas Tufës, kjo formë proteste është brenda normave demokratike.
“Kemi 2-3 ditë që përgatitemi për t’i dhënë një përgjigje kryeministrit. Sa herë që ne dalim dhe bëjmë një protestë, ai nxjerr një ligj. Ligji i fundit ishte që duhet të jesh i sëmurë me kancer, të kalosh një komision me 15 mjekë që të marrësh lekët e burgut. Pra këto janë një tallje, vazhdë talljesh që bën me ish-të burgosurit politikë. Ne ishim parapërgatitur, ne të dy me Agimin, pa të tjerë shkuam dhe qëlluam me miell, në mënyrë simbolike është brenda normave demokratike”.

Më tej Tufa u bëri thirrje qytetarëve të bashkohen me zërin e tyre.
“Kjo e sotmja ka qenë vetëm fillimi i ndërgjegjes së popullit shqiptar. Të gjithë të marrin vesh se Sali Berisha, diktatori i Shqipërisë është një karton prej letre, i cili edhe mundet të kapet me dorë. Të largohet nga qeveria sepse vuajtjet tona, dhimbjet tona ashtu si cdo shqiptar janë duke u shtuar përditë. I presim para parlamentit për të ngritur zërin dhe t'i themi kësaj qeveria, largohu!”.

Tufa theksoi se pas gjestit me miell, është dhunuar nga eskorta e kryeministrisë.
“Jam qëlluar barbarisht nga eskorta e kryeministrit. Më kanë marrë zvarrë, më kanë thyer syzet, orën, më bënë me gjak. Protesta jonë ka filluar prej 21 vitesh dhe prapë po vazhdon. Na liruan sot që të mos bënim zhurmë”.

Kollçaku theksoi se kategoria e ish-të burgosurve politikë vijon të vuajë ende.
“I gjuajtëm kryeministrit, nesër do japim dhe jetën po qe se nevojitet vetëm për të drejtat tona. Mielli ishte gjest simbolik, vetëm për ti kujtuar kryeministrit se jemi në pikë të hallit, jemi pa punë, pa dreq pa shejtan. Në parlament janë të gjithë miliarderë, të burgosurit e ndershëm dhe të sinqertë janë pa lekë pa bukë në shtëpi”.

Kush janë 2 autorët



Emrat e tyre nuk janë të panjohur për policinë dhe mediat.

Në 6 gusht të këtij viti, Agim Kollcaku dhe Skender Tufa janë shoqëruar së bashku me 5 ish-të përndjekur të tjerë politikë për shkak të protestës të dhunshme që po zhvillonin para parlamentit. Ata kërkonin dhënien e dëmshpërblimeve si dhe të një trajtimi më të mirë social ndaj ish të përndjekurve politikë.

Incidenti i sotëm me autorë ish-të përndjekurit politikë pason atë të muajit Mars të këtij viti, kur 2 ish-të burgosur politikë qëlluan me grusht kryetarin e Komisionit të Ligjeve dhe njëkohësisht deputetin PD, z. Ilir Rusmajli.

Tufa, kreu i shoqatës së ish-të burgosurve politikë të Shqipërisë inkurajoi gjestin e kryer ndaj Rusmajlit, duke theksuar se ishte gjest i drejtë ndaj fodullëkut të politikaneve në qeveri që nuk interesohen për hallet e të persekutuarve politikë në kohën e monizmit.

(d.b/BalkanWeb)

[loneeagle]

lol edhe thone skane te hane . Nejse nuk kane vepruar mire edhe pse ai meriton me shume se miell.

[illyrian rex]

lol edhe thone skane te hane . Nejse nuk kane vepruar mire edhe pse ai meriton me shume se miell.

Ai meriton ta gjuajn me kokaine te paster

[medaur]

Gjynof dhe kta or burre kane bere 1 hale burg e nuk i ndihmon njeri fare ..as te majte e as te djathte ...nuk e nderon Shqiprine kjo..

[EuroStar1]

Shpresoj qe te tilla akte qe terheqin vemendjen e shtetit te behen edhe nga njerez te tjere qe si degjon askush per hallet qe kane. Qofshin ata te pa pune, te pa shtepi etj

Shteti per kete eshte , qe te zgjidhe hallet dhe jo vetem te pasurohen vete politikanet pafundesisht

[loneeagle]

Ai meriton ta gjuajn me kokaine te paster

ti po thua ti cojne melcin ujkut ne fyt :P

[Station]

Turp të kenë të përndjekurit, ja paskan nxirë faqen miellit.

[DYDRINAS]

Edhe...?

Berisha nuk eshte as i pari e as i fundit! Nuk eshte ndonje gje e papare dhe e padegjuar!

[violativo]

Po ta kishin gjujt me miell te bardhe , do ta kishte ndale makinen Sala e do ia kishte fillu me llape makines ! Ndersa keta te perndjekurit do t'i kishte bo ministra !

Por gabuan , e gjuajten me miell buke ! Ku e vlereson buken Sala ?

[illyrian rex]

ti po thua ti cojne melcin ujkut ne fyt :P

Po. Jam i sigurt qe Sala karikohet mire. lol

Nga ku tere ajo energji? : p