Interkonjuksioni me Kosoven: Oferta e kompanise kroate, 30% me e shtrenjte

[PLAKU]

“Sulmi Edi Ramës për interkonjeksionin, i sponsorizuar nga interesa korruptive”
18-04-2012 / Gazeta 55

Reagon Ministria e Financave

Ministria e Financave deklaroi dje se Kryetari i opozitës Edi Rama, në mënyrë keqdashëse dhe i sponsorizuar nga klientët e tij ka keqinformuar opinionin publik në lidhje me procedurat e tenderit që janë duke u ndjekur për ndërtimin e linjës së interkonjeksionit 400 kv Shqipëri-Kosovë. Ministria e Financave pas negociatave me bankën gjermane KfW në rolin e financuesit ka marrë miratimin e Kuvendit të Republikës së Shqipërisë për një kredi prej 42 milionë eurosh për financimin e ndërtimit të linjës së interkonjeksitonit prej 400 kv Tirane-Prishtinë. OST është caktuar si agjencia zbatuese për këtë projekt. Gjatë procesit të prokurimit të këtij projekti, Ministria e Financave u vu në dijeni zyrtarisht nga OST për rrezikun e shpalljes fitues të një kompanie e cila kishte ofruar një çmim mbi 30 për qind më të lartë se oferta e kompanisë ndjekëse, e cila po ashtu plotësonte më së miri të gjitha kriteret dhe kërkesat teknike të paraqitura nga OST. Në mbrojtje të interesit publik, vijon deklarata e Ministria e Financave, dhe në plotësim të detyrës ligjore për miradministrimin e fondeve publike, Ministria e Financave i ka kërkuar bankës KfW, e cila, në cilësinë e financuesit ka tagrin ligjor për të zhvilluar procedurat e tenderit, si dhe OST-së që në zhvillimin e këtij tenderi të respektojnë detyrimin ligjor për të orientuar procesin drejt kostos më të ulët. Po ashtu, Ministria e Financave ka këmbëngulur që OST të plotësojë detyrimet ligjore kontraktuale dhe të ushtroje influencën e tij për të mundësuar implementimin e ofertës më të ulët. Çdo përpjekje për të manipuluar këtë të vërtetë është e sponsorizuar nga interesa korruptive. Ministria e Financave siguron publikun që qeveria shqiptare do të mundësoje kryerjen e projektit në kohë, me cilësi, dhe kosto më të ulët.

[PLAKU]

http://www.zeri.info/images/zeri_logo.jpg

qe nga data 17-4-2012, nuk hapet faqja e zeri info, u be kurban i rames!
Kush u be shkaketare per kete sihariq te bregoviqve taulant ballo braqo ruco ramve, stafi, gazetaret e zeri info jan ne grindje

[PLAKU]

Presion publik për të shpallur fitues kompaninë me ofertë 8.6 milionë euro më të lartë

E vërteta e lidhjeve me "mafinë serbe"

Shkrimi i botuar në gazetën "Zëri" me titullin "Sali Berisha me 'mafian' serbe, kundër Kosovës", është fund e krye trillim dhe në interes të atyre që kishin parashikuar përfitime të pamerituara në këtë aferë. Administratori i OST, Arben Ibroja ka dhënë detaje sqaruese për "aferën" e pretenduar në procedurat e tenderit për ndërtimin e linjës së interkonjeksionit Shqipëri-Kosovë me kapacitet 400 kw. Në letrën dërguar vetë drejtuesve të gazetës "Zëri", në Prishtinë, administratori i OST Ibroja përgënjeshtron faktin se tenderi ka përfunduar në muajin mars, ndërsa ka sqaruar se tenderi për linjën 400 kw Shqipëri-Kosovë është hapur më datë 8.3.2011. Gjithashtu, ai i vlerëson se shkrimet e botuara janë një presion që po bëhet për interesa përfitimi. Ibroja sqaron se në shqyrtimin e ofertave dy kompani i përgjigjeshin kushteve teknike, "DALEKOVOD" nga Kroacia me vlerë (për pjesën shqiptare) rreth 36 milionë euro dhe tjetra "ENERGOINVEST" nga Bosnja-Hercegovina me vlerë (për pjesën shqiptare) rreth 27 milionë euro. Diferenca midis dy kompanive është afro 8.6 milionë euro dhe siç parashikohet në ligjin dhe rregullat shqiptare dhe ato ndërkombëtare, është e përcaktuar qartë se në asnjë mënyrë autoriteti kontraktues nuk mund të shpallë fitues një kompani, e cila ka ofruar çmimin më të lartë. "Tenderi për linjën 400 kw Shqipëri-Kosovë është hapur më datë 8.3.2011, për të ndjekur më pas, të gjithë procesin ligjor të parashikuar në legjislacionin shqiptar dhe standardet e ofruara nga KfW. Pra, nuk është e vërtetë që tenderi ka përfunduar në muajin mars. Në shqyrtim të ofertave, u pa se ishin paraqitur vetëm dy kompani dhe jo dhjetëra si thoni ju në shkrimin tuaj. Këto dy kompani i plotësonin kushtet teknike. Njëra prej tyre ishte 'DALEKOVOD' nga Kroacia me vlerë (për pjesën shqiptare) rreth 36 milionë euro dhe tjetra 'ENERGOINVEST' nga Bosnja-Hercegovina me vlerë (për pjesën shqiptare) rreth 27 milionë euro. Siç mund ta kuptoni, por edhe siç parashikohet në ligjin dhe rregullat shqiptare dhe ato ndërkombëtare, është e përcaktuar qartë se në asnjë mënyrë autoriteti kontraktues nuk mund të shpallë fitues një kompani, e cila ka ofruar çmimin më të lartë (afro 8.6 milionë euro më shumë)", shkruan Ibroja në letrën dërguar gazetës "Zëri". Përsa i përket pretendimeve se janë shkelur afatet ligjore, administratori i OST garantoi se autoriteti kontraktor që ai drejton është shprehur në respekt të ligjit dhe në favor të interesit të taksapaguesve shqiptarë dhe se është brenda gjithë afateve kohore që përcakton rregulli. "Ju vë në dijeni, se në vazhdimësi autoriteti kontraktor që unë drejtoj është shprehur në respekt të ligjit dhe në favor të interesit të taksapaguesve shqiptarë dhe se është brenda gjithë afateve kohore që përcakton rregulli. Prandaj edhe një herë, ju garantoj të nderuar zotërinj se përgjigjja institucionale nuk do të ndikohet nga asnjë lloj presioni ngado që të vijë, ndërsa druaj se shkrimi i botuar në gazetën tuaj është pjesë e këtij presioni dhe për këtë arsye ju kërkoj të botoni përgënjeshtrimin", theksoi Ibroja. Administratori i OST ka folur edhe për presione të drejtuara atij për të shpallur fitues një kompani që kishte një çmim aq të lartë (prej 8.6 milionë euro) krahasuar me kompaninë tjetër. "Ndaj ky autoritet ka hedhur poshtë çdo presion ngado që ka ardhur dhe ju vë në dije se ato nuk kanë qenë të pakta, për të shpallur fitues një kompani që në këtë rast kishte një çmim aq të lartë krahasuar me kompaninë tjetër. Se kush është i implikuar me mafian, autoriteti ynë kontraktues që kërkon të mbrojë taksapaguesit shqiptarë me një shumë prej 8.6 milionë eurosh borxh publik apo ata që kërkonin të ishin pjesë e këtij përfitimi, kjo është gjë tjetër!", theksoi Ibroja. RD


Ja burimi i lajmeve te zeri info, kjo ashte banda qe prodhon lajme te tilla, e zeri info behet kurbani tyne!
celsat e bregoviqit:

[Antiproanti]

INTERKONJEKSIONI, BERISHA: PËRPJEKJE E DËSHPËRUAR E MAFIES

Kryeministri Berisha iu përgjigj interesit të gazetarëve në lidhje me shkrimin e publikuar një ditë më parë nga gazeta kosovare “Zëri”, sipas së cilës, shefi i qeverisë shqiptare ka bllokuar projektin për ndërtimin e linjës 400 kilovoltëshe të interkonjeksionit, e cila lidh Kosovën me Shqipërinë.
Sipas kryeministrit, ky shkrim ishte një krizë e radhës e mafies së dëshpëruar.
...

BalkanWeb

Ndoshta eshte vetem koincidence qe faqja e gazetes "Zeri" nuk eshte e arritshme pak kohe pas publikimit te artikullit "denigrues" kunder Berishes...?!

[DYDRINAS]

tamam no coment! ( Por nuk është dhe aq befasuese. jemi mësuar tashmë me të që para luftës e këndej )

Te paska ardh dita projekti21_dk! Ke te fala nga Bedri Islami. Jo kengetari i nderuar, por anetari i kupoles se LPK-se.

Ju paskan thirr ne sherbim te detyruar dhe po e kryeni me sukses detyren!

[DYDRINAS]

Te gjitha keto Akuza kunder Sali Berishes jane te verteta mu per faktin se prapa ketyre akuzave qendrojne Bizenesmen Kosovare te cilat dihet se i kane rrenjet Shume thelle ne ter Ballkanin dhe keta kane kontakte shum te fuqishme me te gjithe Bizenesmenet e Ballkanit sidomos me ata te ISH-Jugosllavis dhe kame frike se ky esht fundi i Sali Berishes te cilit nuk ja qet me keta Berisha esht kafshate shum e vockel per ta ,Keta po vendosen e shkatrrojne Berishen per nje jave

Po po aq sa e shkaterruan ata Millosheviqin dhe Serbine! Ka shume prej atyre qe quhen "biznesmene" ne Kosove, qe jane pasuruar nga pushtuesi serb.

Nuk eshte çudi qe edhe licensat profesionale ti kene regjistruar ne Oden Ekonomike te Serbise.

Shume prej tyre jane filiale te ish-SUP serb ne Kosove! Mos u merzit se edhe nentoka kriminale e Kosoves do te zbulohet! Edhe do ta shohesh se a munden ata qe ta "shkaterrojne Berishen per nje jave"!?

[Edvin83]

Jetë, Lajm i fundit, Politikë|22/04/2012 13:14
Shekulli
Të përditshmes “Zëri”, i bëhet ‘bllok’ në Shqipëri
Faqja e parë e gazetës "Zëri", e versionit print

Prej më shumë se tre ditësh, faqja online e të përditshmes kosovare “Zëri” (http://www.zeri.info/) nuk mund të vizitohet nga qytetarë të territorit të Shqipërisë e më gjërë. Kurse në Kosovë, faqja funksionon normalisht. Një “problem” i tillë erdhi një ditë pas botimit të artikullit me titull “Sali Berisha, me mafian serbe kundër Kosovës”.

“Faqja për momentin nuk hapet në vendet jashtë Kosovës, si pasojë e sulmeve nga persona ende të panjohur në drejtim të faqes sonë. Sulmet ndaj nesh kanë nisur pas publikimit të shkrimit me titull “Sali Berisha, me mafian serbe, kundër Kosovës” në gazetën “Zëri”, dhe që nga ajo kohë, faqja ka funksionuar me probleme të vazhdueshme” thuhet në një reagim të “Zëri-t”. “Informata të sakta se nga kush vijnë sulmet, ende nuk kemi, mirëpo jemi duke u marr me këtë çështje shumë seriozisht”.

Në artikullin e shkruar nga Enis Veliu, kryeministri i Shqipërisë akuzohet se “ka më shumë se një vit që ka bllokuar projektin për ndërtimin e linjës 400 kilovoltëshe të interkonjeksionit, e cila lidh Kosovën me Shqipërinë”. Bllokim që “i ka siguruar shtetit të Serbisë monopol në importin e energjisë në Kosovë, pasi për momentin Kosova të vetmen rrugë për import të energjisë ka fqinjin verior”.

Në artikull theksohet se “biznesmeni serb, Vuk Hamoviç, njëri nga njerëzit më të pasur në Ballkan, i cili operon në këtë biznes, në bashkëpunim me Damir Fazliç, janë takuar në Vjenë të Austrisë me djalin e kryeministrit, Shkëlzen Berisha”. “Biznesmenët serbë kanë paguar shuma të mëdha në instanca të larta shtetërore në Shqipëri, për bllokimin e ndërtimit të linjës”, citon një burim konfidencial “Zëri”.

Më tej thuhet se gazeta “për këtë çështje ka provuar të kontaktojë zyrtarë më të lartë të Ministrisë së Financave në Shqipëri, por edhe OST-në, por kontakti me ta ka qenë i pamundur”.

Një ditë pas publikimit të artikullit, djali i kryeministrit shqiptar, Shkëlzen Berisha e përgënjeshtroi lajmin. Gazeta “Zëri” e botoi të plotë reagimin e djalit të Berishës por pak orë që pas kësaj faqja e gazetës nisi të kishte probleme dhe prej atëherë nuk hapet dot nga territori i Shqipërisë. /F.Stafa/

[Djal Dimali]

Pasi lexova kete shkrim u mundova dhe un te hap ate faqen por nuk u hap!

[Edvin83]

Sqarim per lexuesit e portalit Zeri.info:

Faqja e Zerit (www.zeri.info) nuk hapet (sipas informatave me te fundit qe i kemi) ne asnje vend tjeter jashte Kosoves. E kjo si pasoje e sulmeve te vazhdueshme qe na vijne ne drejtim te faqes sone.

Mirembajtesit e faqes sone e kane bllokuar qasjen ne faqe per arsye qe i permendem edhe me larte, pasi sulmet ndaj faqes sone vijne nga IP te huaja. E per t’ju dhene, se paku lexuesve te Kosoves, qasje ne portal, e kemi bllokuar perkohesisht qasjen ne te nga jashte, deri ne normalizimin e gjendjes.

Informata te sakta se nga kush vijne sulmet, ende nuk kemi, mirepo jemi duke u marr me kete ceshje shume seriozisht.

Sulmet ndaj nesh kane nisur pas publikimit te shkrimit me titull “Sali Berisha, me mafian serbe kundër Kosovës” ne gazeten “Zëri”, dhe qe nga ajo kohe, faqja ka funksionuar me probleme te vazhdueshme.

I falenderojme mediet nga Shqiperia, e gjithashtu edhe ato vendore, qe jane marr me problemin me te cilin po perballemi diteve te fundit.

Me respekt,

Stafi i portalit Zeri.info

[Ingenuous]

Paska filluar edhe andej te luhet vallja shqiptare bukur... Po lerini keto gjera.

Po mjafton nje zeri i popullit qe kemi ketu, tani na duhet edhe ai i Kosoves.

Gjithsesi nese eshte e vertete, qe dyshoj, nuk duhet te ndodhin keto gjera, pasi nuk i sherbejne askujt.

ingenuous