TIRANË-Ne takimin me aplikantët e interesuar për t'u bërë pjesë e Akademisë Politike të PS, kreu i socialisteve Rama theksoi se njerëzit kanë humbur sot me të drejtë besimin tek politika. Por të lejosh që politika të të përdorë tha, kreu i PS, ky është gabimi më i madh.
“Jam i mbresuar pozitivisht nga fakti se kaq shumë të reja dhe të rinj i janë përgjigjur ftesës për aplikim në Akademinë tonë politike. Kjo tregon se politika nuk e ka humbur rolin e saj pavarësisht shkurajimit. Megjithë baltën dhe pisllikun që kanë mbuluar rolin e politikës dhe shkelësit e etikës që i paraqiten politikës si politikanë, më vjen mirë që politika nuk ka munduar të japë shembullin e keq, mësimin e gabuar, modelin më të mbrapshtë të krijuar tek ju që pas rënies së dikaturës”.
“Kam dëgjuar shpesh shumë të rinj që nuk merremi me politikë, s’duam t’ja shohim bojën politikës. Gabim, se politika merret përditë me ju. Sa më shumë ju të tërhiqeni në këndin tuaj dhe sa më pak të merreni me politikën do vuani mëkatet dhe gabimet e saj. Duhet të merreni me politikë që ëndrrave tu japësh vendimarrjen duke dhënë kontributin tënd si qytetar që politika të jetë e aftë të kontribuojë dhe të japë kontributet tek ti si individ”.
Sipas kreut të PS, politika shqiptare nuk është shembulli i mirë që duhet ndjekur, por ekzistojnë mundësitë që ajo të ndryshojë imazh. Por, tha Rama nuk duhet të tërhiqemi, pasi gjenerata e re mund të kthejë besimin për një politike fisnike.
“Sot pa ndryshuar politikën asgjë tjetër nuk ndryshon dot, për ju dhe të gjithë ju. Për realitetin e vështirë dhe të padurueshëm, në shtet, punë, lagje, e Shqipërinë ku jetojmë. Pa ndryshuar politikën, gjeneratat tuaja dhe më të mira nuk do gjejnë sot vendin që meritojnë në bashkësinë e lirië të popujve europian. Ju shpreh bindjen time se politika nuk është kjo që shihni përditë dhe pa shije dhe neveritë pa pushim me batakcillëkun e saj. Ju them se politika në vetvete është fisnike dhe ka mundësitë për të bërë transformime ashtu sic ka bërë tek njerëzimi”.
Rama ftoi të rinjtë të merren me politikë, që zëri i tyre të dëgjohet dhe politika të mund të bëhet ndryshe. Ai u shpreh se këta të rinj do dalin nga kjo akademi politike me një eksperiencë të re.
“Që politika të dëgjojë nuk mjafton vetëm zëri yt, por duhet një kor i madh. Të merresh me politikë do të thotë të vlerësohesh, të luftosh bashkë me të tjerë kundër padrejtësive që prekin popullin, duke bashkuar zërin tënd të dobët me të tjerëve që ashtu si ti nuk mund të bëjnë asgjë të vetë. Do të thotë të zgjidhësh problemin e plehrave poshtë shtëpisë tënde, të marrësh atë që të takon kur të takon, të militosh për një shkollim më të mirë, për punësim më të mirë”, tha Rama.
Politika është garë dhe konkurrencë e fortë, tha Rama më tej, duke shtuar se sot Shqipërisë i duhet një politikë e re, për të nxjerrë në pah talentet dhe vlerat e qytetarëve. “Nuk është më e mundur, një Shqipëri me 1 milion të papunë, e trembur për të nesërmen”, tha ai.
Rama deklaroi se në Akademi do mund të kualifikohet një nga 20 aplikantë.
“Ata që se fitojnë të mos trishtohen, politika është garë dhe konkurrencë e fortë, kush thyhet nuk can dot përpara. Ju që s’do fitoni mund të jeni pjesë e PS-së, aty nuk ka nevojë për konkurs”, vijoi kreu i PS-së.
Akademia politike e PS vijon ne vitin e dyte te perzgjedhjes se aplikanteve.
(d.b/ma.ar/BalkanWeb)
Përgjigju Duke Cituar
Postuar më parë nga BlueBaron
Krijoni Kontakt